°•ويكتب اللهُ خيرًا أنت تجهلهُ
        ‏وظاهرُ الأمرِ حرمانٌ من النعمِ

‏ولو علمت مراد الله من عِوضٍ
       ‏لقلتَ حمدًا إلـٰهي واسع الكرمِ

‏فسلّم الأمرَ للرحمـٰن وارضَ بهِ
       ‏هو البصيرُ بحالِ العبد من ألمِ•°

تمسك بالأمل مهما كان حلمك مستحيل و اهمس لقلبك : "ان الله على كل شيء قدير" ،و في اللحظة التي تشعر فيها أن كل شيء بعكس رغباتك تذكر قوله تعالى : {لا تدري لعلَّ الله يُحدِثُ بعد ذلك أمرًا}. ♥️

  و تأكدّ أنَّ الله قادر على قلب الموازين بأي شكل وفي لحظة قد لا تتوقَّعها، فاصبر، لأن الكريم  يكرمك ويعطيك ما لا تتوقَّعه وما لا يتصوَّره عقلك، وتذكَّر دائمًا أنَّ الله إذا أعطى أدهش.♥️✨.

#Med_Help_Be_Optimistic 💜✨️
@MedHelpForPreYears

صباح الخيرات 🌿💚

💭نكمل جولتنا مع مادة الكيمياء بيومها الثاني،بعد انتهائنا البارحة من فصول سهلة وقصيرة.

💭نتابع اليوم مع الفصول:
《الأول والرابع والخامس 》.

💭مصدر دراستنا :
تسجيلات دكاترة جامعة دمشق، تجدونها بهذه المثبتة،وعلى البوت الآلي:
@MedHelpRobot_bot

👈🏻سنقوم تباعًا بنشر كل الشروحات التي تتعلّق بالفصول، بالإضافة للاتمتات والملاحظات التي تم نشرها سابقًا.

⚠️ ملاحظات هامّـة حول دراسة الفصول:

🌟الفصل الأول : التركيز على القوانين وتطبيقاتها واستعمال الالة حاسبة قدر الامكان حتى لو كانت العملية الحسابية بسيطة وحل جميع اسئلة الدورات.

🌟الفصل الرابع :حفظ اشكال المركبات وزوايا بصم - وحفظ المركبات فقيرة و الغنية بالكترونيات (ثمانية موسعة)،وحل جميع اسئلة دورات النظامية.

🌟الفصل الخامس :التركيز على فكرة السبائك -- التركيز على فكرة مقارنات بين غرافيت الماس اكسيد السليكون.

💭بوت مادة الكيمياء مستعد لتلقي استفساراتكم حول المادة:
@Medhelp_chemistry_alt_bot

💭شات المناقشة العلمية لـ Pre_9:
https://t.me/+P-DoVb8DW9VmZDY0

بالتـوفيق يا رب ولا تنسونا من صالح دعائكم 🌸🍃.

#Chemistry 🧪
#MC_Chapter_1_4_5
#Med_Help_Chemistry
@MedHelpForPreYears

#الكيمياء_الفصل_الأول 🧪

- بوست للشروحات المساعدة والداعمة لفهم الفصل الأول من مادة الكيمياء مقدم من Med Help 🪐

☀️ ملحق لحل أسئلة اختبر معلوماتك للفصل الأول:
•https://t.me/MedHelpForPreYears/4564

☀️ بوست يوّضح قيم m/e للأيونات المحشونة إيجابًا شحنة فردية:
•https://t.me/MedHelpForPreYears/975

☀️ بوست يشرح قانون الكتلة الذرية النسبية:
•https://t.me/MedHelpForPreYears/1237

☀️ بوست يشرح فقرة الأرقام المعنوية:
•https://t.me/MedHelpForPreYears/1295

نسأل الله أن تكون عونًا لكم في دراستكم، لا تنسونا من دعواتكم الجميلة 💚.

#Chemistry 🧪
#MC_Chapter_1🧪
#Med_Help_Chemistry 🧪
@MedHelpForPreYears

#الفصل_الأول
#سؤال_دورة_هام

الكلور عاطينك الو نظيرين
وهو موجود ع شكل Cl2 يعني جزيء من ذرتين
فكم ايون حيطلع من هالنظيرين ؟
انت عندك نظيرين ولازم تطالع منهن اكتر عدد ممكن من الايونات
فـ يا النظير ٣٥ مع نفسو
او النظير ٣٧ مع نفسو
او النظيرين ٣٧ ٣٥
ليش تنين تنين ؟
لانو عاطينك الصيغة Cl2

#Chemistry 🧪
#MC_Chapter_1 🧪
#Med_Help_Chemistry
@MedHelpForPreYears

#الفصل_الأول
#سؤال_دورة_هام

كتلة اوكسيد الحديد = 7.71
كتلة الحديد = 5.58
كتلة الاوكسجين = كتلة اوكسيد الحديد _ كتلة الحديد
كتلة الاوكسجين = 7.71-5.58 = 2.31
• نوجد عدد مولات الحديد :
n= m/Mr = 5.58/55.8 = 0.1 mol
• نوجد عدد مولات الاوكسجين :
n= m/Mr = 2.13/16 = 0.133
• ننسب المولات لبعضها فنجد النسبة :
1 : 1.33
• نضرب بـ 3 (للتخلص من الاعداد العشرية) فتصبح النسبة :
3 للحديد
4 للاوكسجين
والمركب Fe3O4

#Chemistry🧪
#MC_Chapter_1 🧪
#Med_Help_Chemistry
@MedHelpForPreYears

#الفصل_الأول
#سؤال_دورة_هام

■سؤال دورة تكرر السؤال عنه:

لعنصر نظيرين  60 و 64 وكتلته الذرية 61 فان وفرة النظير 60:
A.60%
B.33%
C.25%
D.75%
الجواب :D

■التعليل :

نفرض وفرة النظير 60  n فتكون كتلة النظير 54 n_1
نعوض بقانون الكتلة الذرية
Ar=(n×60)+((100_n)×64)/100=61

--->n=75

#Chemistry🧪
#MC_Chapter_1🧪
#Med_Help_Chemistry
@MedHelpForPreYears

#كيمياء
#الفصل_الأول
#سؤال_دورة_هام

بالسؤال طالبين #ناتج تفاعل المعادلة الايونية

• نجد ناتج المعادلة كاملةً :
NaOH + FeSO4 —-> Na2SO4 + Fe(OH)2

وبما انو التفاعل ترسيب {لانو تشكل راسب Fe(OH)2 }

فـ أيوناته هي المعادلة الايونية و #الناتج هو الراسب Fe(OH)2

■رابط بوت مادة الكيمياء لأي استفسار:
@Medhelp_chemistry_alt_bot

بالتوفيق يا رب 🌸.

#Chemistry🧪
#MC_Chapter_1🧪
#Med_Help_Chemistry
@MedHelpForPreYears

بوصِلَتُكُم لحل اسئلة اختبر معلوماتك في مادة الكيمياء أصبحت جاهزة 🎁

يقدّم لكم فريق #Med_Help نوطة حل اختبر معلوماتك للفصول المقررة من كتاب #الكيمياء .

🪄 تم الأخذ بعين الاعتبار الفصول المحذوفة القديمة والجديدة .
🪄 تم إنجاز هذه النوطة بالاعتماد على مرجع كامبريدج .

⭐ تصويبات النوطة :
• https://t.me/MedHelpForPreYears/8776


نرجو من الله تعالى أن يكون هذا العمل خير دليل ومعين لكم ، دمتم بخير واذكرونا بدعوة طيّبة 💚🌺 .

#Chemistry 🧪
#Med_Help_Chemistry
@MedHelpForPreYears

🌟الشروحات المساعدة للفصل الرابع من مادة الكيمياء:

👈🏻شرح مبسط عن فكرة التهجين:
• https://t.me/MedHelpForPreYears/8789

👈🏻شرح مبسط عن كيفية معرفة وحساب قطبية المركبات:
• https://t.me/MedHelpForPreYears/5438

👈🏻ملحق حل اختبر معلوماتك:
• https://t.me/MedHelpForPreYears/4631

بالتوفيق 🌸.

#Chemistry🧪
#MC_Chapter_4🧪
#Med_Help_Chemistry🧪
@MedHelpForPreYears

السّلامُ عليكم 🤍✨️

سنبدأ بنشر بعض الأسئلة على شكل استفتاءات، بالإضافة لملاحظات هامّة للفصل الرابع من مادة الكيمياء ،وننوه أن الاتمتات مصدرها نوطة الدورات الوزارية الشاملة.

ويُفضّل الابتعاد عن حل الاتمتات الطلابية والاكتفاء بأسئلة الدورات فهي كافية.

بالتوفيق يا رب 🌸.

#Chemistry 🧪
#MC_Chapter_4
#Med_Help_Chemistry
@MedHelpForPreYears

💡توضيح السؤال السابق:

هلأ كل ما زادت القطبية يعني كل ما زادت فرق الكهرسلبية بين ذرات المركب

زادت قوة الرابطة وبالتالي زادت درجة الغليان

وهي كمان الفقرة بتهمك
الرابطة بين الصوديوم والهاليدات قطبية وبالتالي القوى هيي ثنائي قطب دائم
تزداد قوة الرابطة هون كل ما زاد فرق الكهرسلبية بين الذرتين
يعني كل ما زادت كهرسلبية الهاليد المرتبط مع الصوديوم
كل ما زادت قوة الرابطة
طبعا ترتيب  الهاليدات من حيث الكهرسلبية
F>cl>br>I
معناها
NaBr >NaI

هلأ منجي الفكرة التانية

الروابط بين جزيئات الهاليدات لحالها (يعني نقاط غليان الهاليدات ) هيي قوى فاندرفالس طبعا

ليش مافي هون قوى ثنائي قطب دائم؟؟

لانو مثلا عنا جزيء ال I2 الذرتين متساويين بالكهرسلبية وبالتالي كل وحدة رح تشد الالكترونات بنفس قوة الشد للذرة التانية لهيك الرابطة بتكون غير قطبية والالكترونات بالنص رح يكونو
لهيك بجزيئات الهاليد مافي قوى غير فاندرسالس
المهم
تزداد قوى فاندرفالس بزيادة عدد الالكترونات
معناها ترتيب نقاط غليان الهاليدات رح يكون كالتالي
I>br>cl>F
وبهالحالة صار عندي
I2>Br2

واخر شي كلنا بنعرف المركبات القطبية درجة غليانها اكبر من المركبات ذات الروابط المشتركة فصار عندي
NaBr>NaI>I2>Br2

#Chemistry🧪
#MC_Chapter_4🧪
#Med_Help_Chemistry
@MedHelpForPreYears

#الكيمياء
#الفصل_الرابع
#سؤال_مكرر_بالامتحان

كيف برتب المركبات حسب درجة الغليان؟

بسم الله نبدأ ..

🔹شو هي درجة الغليان؟

هي درجة الحرارة التي يكون عندها ضغط بخار السائل مساوي لقيمة الضغط الجوي.

👈🏻 هلأ نجي للحكي اللي بيهمنا :
أنا لما بقول درجة غليان مركب ما فبقصد درجة الحرارة اللي بتلزمني لحتى افكك الروابط بين الجزيئية اللي فيه.

⬅️ معناها الرابطة هون بتهمني ادرس قوتها لأن :

• إذا كان رابطة قوية ف رح يصير بدي حرارة أكتر لتفكيكها بالتالي ازدياد درجة الغليان.

• أما إذا كانت رابطة أضعف ف بدي حرارة أقل بالتالي قلت درجة الغليان.

⬅️ معناها :
🔺كلما ازدادت قوة الرابطة ازدادت درجة الغليان.
🔺كلما قلت قوة الرابطة قلت درجة الغليان.

دمتم بخير ولا تنسونا من صالح الدّعاء 💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

⚠️نكمل مع بعض #الملاحظات_الهامة لدراسة #الفصل_الرابع  في  #الكيمياء ⚠️

خلال دراستنا للفصل الرابع رح نتعرف عالقطبية ورح نصير نميز المركبات القطبية عن الغير قطبية ؛ طيب ..

🔹هل بتأثر القطبية على درجة الغليان ؟
طبعاً ، ليش ؟
👈🏻 لأن القطبية يعني وجود فرق كهرسلبية بين ذرات المركب بالتالي رح يصير جذب أكتر وبتزداد قوة الرابطة وطبعاً تزداد درجة الغليان.

👈🏻 ف إذا إجاني سؤال فيه :
3 مركبات لا قطبية ومركب قطبي ،
مين درجة غليانه اكبر ؟ القطبي طبعاً ، معناها :
🔺درجة غليان المركبات القطبية أكبر من درجة غليان المركبات اللا قطبية .

🔹طيب اذا اجاني كل المركبات لا قطبية شو بعمل؟🤔

👈🏻 في عنا قوى موجودة بجميع المركبات القطبية واللاقطبية واللي هي قوى فاندرفالس .

إذا ازدادت قوى فاندرفالس يعني ازدادت درجة الغليان (ماعاد في داعي نقول إنه كلما زادت القوة صار بدي حرارة اكتر بالتالي درجة الغليان بتزداد صح!🙃) .

🔹السؤال هو ايمت بتزداد قوى فاندرفالس؟
في عاملين اللي هنن:
• ازدياد العدد الذري (عدد الالكترونات=البروتونات).
• ازدياد نقاط التماس بين الجزيئات.

👈🏻 معناها عندي 4 مركبات لاقطبية كيف برتب درجات الغليان تبعهن؟
اول شي بتطلع عالعدد الذري وبرتب حسب ازدياده كلما ازداد ازدادت درجة الغليان.

👈🏻 طيب اذا طلع عندي مركبين نفس العدد الذري شو بعمل؟
بتطلع ع نقاط التماس كلما زادت زاد درجة الغليان (شوفوا الصورة بالكتاب ص64 لتفهموا القصد من نقاط التماس).
معناها :

🔺كلما ازداد العدد الذري أو ازدادت نقاط التماس ازدادت نقطة الغليان.

🔹طبعاً قبل ما تسألوا ليش بالمركبات اللاقطبية بنقارن حسب قوى فاندرفالس اما القطبية لا مع إنه موجودة فيها ؟🤔

👈🏻 الجواب هو إنه المركبات القطبية فيها قوى أقوى من فاندرفالس واللي هي ثنائي القطب الدائم لهيك فاندرفالس ضعيفة قدامها ف مابحسن قارن ع أساسها.

🔹ضل اخر شي واللي هو المركبات القطبية
في عندي هون حالتين :

1⃣ يكون عندي روابط هيدروجينية.
وجود الرابطة الهيدروجينية بزيد نقطة الغليان .
معناها :
🔺كلما ازداد عدد الروابط الهيدروجينة بالمركب ازدادت نقطة الغليان.

2⃣ إذا عندي مركبات قطبية بس مابتشكل روابط هيدروجينية.
قال بتطلع ع فرق الكهرسلبية
المركب القطبي اللي فرق الكهرسلبية بين ذراته أكبر معناها قوة رابطته أقوى بالتالي نقطة غليانه أكبر.
معناتها :
🔺كلما ازداد فرق الكهرسلبية ازدادت نقطة الغليان.

دمتم بخير ولا تنسونا من صالح دعائكم 💚🙏🏻

#Chemistry 🧪
#MC_Chapter_4
#Med_Help_Chemistry
@MedHelpForPreYears

عُدنا من جديد 👀

هي تجميعة لأشكال وزوايا بعض المركبات الواردة بالكتاب .
👈🏻اتطلعوا عليهم بعد ما تدرسوا الفصل الرابع .

⚠️ تعديل صغير للصورة :
منحذف ال co2 يلي بالمربع الاول  الفوق عاليمين
ومنضيف  ملاحظة  كمان بنفس المربع عند  اول خيار :
《تطبق هذه الحالة على المركبات التي تحوي رابطة مشتركة (احادية) أو رابطة أحادية》.

بالتوفيق إن شاء الله 💚🌸

#Chemistry 🧪
#MC_Chapter_4
#Med_Help_Chemistry
@MedHelpForPreYears