السلام عليكم و رحمة الله و بركاته 👋🏻

🩺 كاين بزاف أمراض جلدية نشوفوها في حياتنا اليومية، بعضها يبان مقلق ، بصح في الحقيقة يكون بسيط ويختفي وحدو.
📖 اليوم راح نهدرو على واحد من هاذ الأمراض، وهو النخالية الوردية لجيلبرت أو Pityriasis rosé de Gibert .

#ER_Ephemera

Pityriasis rosé de Gibert
النخالية الوردية لجيلبرت

- هي مرض جلدي حميد وشائع، يتميز بظهور طفح جلدي مؤقت يروح وحدو في أغلب الحالات، وما يخليش لا آثار ولا ندبات.
- غالبًا تصيب الأطفال الكبار شوية والشباب، خاصة بين 10 و 35 سنة.

- عادةً المرض يبدا بظهور بقعة كبيرة بيضاوية تُسمى Plaque initiale، تكون وردية اللون وفيها قشور خفيفة، وتظهر غالبًا في الصدر ولا الظهر. من بعد عدة أيام حتى أسبوعين، تبدا تظهر بقع صغار بزاف، تنتشر في الجذع والأطراف القريبة، وتتوزع على خطوط الجلد بطريقة تشبه شجرة الكريسمس 🌲 aspect en arbre de Noël، وهذا منظر مميز للمرض.

- السبب الحقيقي (L'étiologie) تاع المرض مازال ما هوش معروف، بصح كاين اعتقاد بلي عندو علاقة بعدوى فيروسية، خاصة فيروسات الهربس البشرية HHV-6 وHHV-7. والمرض ما هوش معدي، يعني ما يتنقلش بالاحتكاك ولا بالعلاقة الجنسية.

- التشخيص (Diagnostic) يعتمد أساسًا على الفحص السريري (examen clinique)، ومع ذلك لازم نستبعدو بعض الأمراض لي يقدرو يعطيو نفس المظهر، كيما السعفة (Tinea corporis)، والصدفية (Psoriasis)، والزهري الثانوي (Syphilis secondaire) إذا كانت الحالة تستدعي.

- في أغلب الحالات، المريض ما يحتاجش علاج خاص، لأن الطفح يروح وحدو خلال 6 إلى 8 أسابيع، وأحيانًا يقدر يطول حتى 10 أو 12 أسبوع. العلاج يكون غير باش يخفف الأعراض، خاصة الحكة، باستعمال المرطبات، ولا مضادات الهيستامين (Des antihistaminiques)، ولا كريمات فيها كورتيكوستيرويدات موضعية إذا احتاج الأمر. وفي الحالات الشديدة ولا لي تطول، يقدرو يلجؤوا للعلاج الضوئي (Photothérapie).

- المرض عندو إنذار ممتاز (Bon pronostic)، لأنو في الغالب يختفي بلا ما يخلي مضاعفات (Complications) ولا ندبات (Cicatrices) ، وعودة المرض مرة أخرى تعتبر حاجة نادرة.

#ER_Ephemera

L'aspect en arbre de Noël 🎄

#ER_Ephemera

السلام عليكم ورحمة الله وبركاته
عساكم بخير
من فضلكم نحتاجو متبرعين زمرة B+
الاسم: كماسي مسعود
بارطاجوها من فضلكم بش نوفرولو لي بوش باسرع مايمكن
واجركم على الله
ملاحظة مركز التبرع لايستقبل يومي الجمعة والسبت ولا يعمل بعد الرابعة مساءا

مستشفى محمّد بوضياف - ورڨلة

Vous en aurez besoin, hayel ✨

- Par dr Houri -

السلام عليكم و رحمة الله و بركاته 🌟

🩸 عمركم تخيلتو بلي الدم يقدر يكون لونو أخضر؟! 🟢

رغم أن الأمر يبان غريب، لكن كاينة حالة سريرية نادرة جدًا يقدر فيها الدم يولي أخضر غامق ، وتكون مرتبطة باضطراب في الهيموغلوبين يسمى Sulfhémoglobinémie.

خلونا نشوفو كيفاش صرات هاد الحالة 👇

#Mystery_of_the_body

🩺 في مناوبة الاستعجالات، دخلت امرأة عمرها 35 سنة وهي تشتكي من تعب غير عادي، وضيق خفيف في التنفس ، ولاحظت بلي شفايفها وأصابعها ولاو مزرقين (Cyanose).

- كي سقساوها ( à l'interrogatoire )، قالت بلي من عدة أيام بدات تاخذ دواء للصداع النصفي (la migraine) فيه مشتقات الكبريت (dérivés soufrés) 💊.

- خلال الفحص، كانت واعية وحالتها مستقرة، الضغط 120/75 mmHg، النبض (la fréquence) 88/الدقيقة، لكن تشبع الأكسجين (SpO₂) كان 85% وما طلعش حتى بعد إعطائها الأكسجين بتركيز عالي 🫁. فحص القلب والرئتين كان عادي وما كان حتى سبب يفسر هاد الزرقة.

- وقت دارولها سحب الدم (prélèvement sanguin 🧪)، لاحظ البيولوجي حاجة غريبة: لون الدم كان أخضر غامق 🟢 !! بدل الأحمر المعتاد 🩸.

- دارولها co-oxymétrie 🔬، والنتيجة بينت بلي عندها Sulfhémoglobinémie، وهي حالة نادرة صرات بسبب الدواء اللي كان فيه الكبريت.

💡 الـ Co-oxymétrie هي تقنية متطورة لتحليل الدم، وتستعمل الضوء بأطوال موجية مختلفة باش تفرق بين أنواع الهيموغلوبين المختلفة، مثل Oxyhémoglobine، Désoxyhémoglobine، Carboxyhémoglobine و Méthémoglobine، وفي بعض الأجهزة تقدر كذلك تكشف Sulfhémoglobine.

ولهذا تعتبر مهمة بزاف في حالات Cyanose غير المفسرة، خاصة كي تكون الـ SpO₂ منخفضة وما تتحسنش بشكل واضح مع الأكسجين، لأنها تساعدنا نعرفو واش المشكل في الأكسجة ولا في شكل غير طبيعي من الهيموغلوبين 🩸🔬.

🔬 كيفاش تصرا هاد الحالة (La Physiopathologie)؟

• في الحالة العادية، الهيموغلوبين الموجود داخل الكريات الحمراء 🔴 هو المسؤول على نقل الأكسجين من الرئتين إلى جميع أعضاء الجسم .

• بصح كي الشخص يتناول بعض الأدوية أو المواد اللي فيها الكبريت (Soufre)، وفي حالات نادرة جدًا، يقدر الكبريت يرتبط بجزيء الهيموغلوبين . كي يصرى هاد الارتباط، يتحول الهيموغلوبين إلى شكل غير طبيعي يسمى Sulfhémoglobine.

• المشكل هو أن هاد الـ Sulfhémoglobine ما يقدرش يحمل الأكسجين وينقلو للأنسجة كيما لازم، لذلك يبدأ الجسم يعاني من نقص في الأكسجة (Hypoxie) ، ويبان على المريض الزرقة (Cyanose) 🔵 والتعب 😓.

• وحتى إذا نعطيوها الأكسجين، ما يكونش التحسن كبير، لأن المشكل ماشي في كمية الأكسجين اللي تدخل للرئتين، وإنما في الهيموغلوبين نفسه اللي فقد قدرته على نقل الأكسجين بشكل طبيعي .

• وزيد على هذا، وجود Sulfhémoglobine يعطي الدم لونًا غير عادي، فيميل إلى الأخضر الغامق 🟢 بدل اللون الأحمر المعروف.

• ولأن هاد التغيير دائم بالنسبة للكرية الحمراء، فإنها تبقى غير قادرة على أداء وظيفتها حتى تنتهي مدة حياتها، اللي تقدر توصل لحوالي 120 يومًا ⏳، أو يتم تعويضها بكريات حمراء جديدة .

⚠️ لهذا السبب، في الحالات الشديدة 🚨، خاصة إذا كانت الأعراض قوية ولا نسبة الـ Sulfhémoglobine مرتفعة، يمكن اللجوء إلى نقل الدم (Transfusion sanguine) 🩸 لتعويض الكريات الحمراء المتأثرة وتحسين وصول الأكسجين إلى أعضاء الجسم.

👨🏻‍⚕️ التدخل الطبي كان عبارة عن :
 حبسولها الدواء مباشرة، وخلاوها تحت المراقبة مع إعطائها الأكسجين كعلاج داعم. ومع الوقت، بدات حالتها تتحسن وما احتاجتش إلى نقل الدم.

#Mystery_of_the_body

Cyanose labiale et digitale 🔵

#Mystery_of_the_body

Sang vert 🟢 "Sulfhémoglobinémie"

#Mystery_of_the_body

ال pathophysiology of rheumatic fever في ست ثواني، 🙃😂

السلام عليكم و رحمة الله

قال تعالى :

الَّذِينَ يُنفِقُونَ أَمْوَالَهُمْ فِي سَبِيلِ اللَّـهِ ثُمَّ لَا يُتْبِعُونَ مَا أَنفَقُوا مَنًّا وَلَا أَذًى لَّهُمْ أَجْرُهُمْ عِندَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُون

قال رسول الله ﷺ

من نفس عن مؤمن كربة من كرب الدنيا ، نفس الله عنه كربة من كرب يوم القيامة ، والله في عون العبد ما كان العبد في عون أخيه

و قال :

ما من يوم يصبح العباد فيه إلا ملكان ينزلان فيقول أحدهما: اللهم أعط منفقا خلفاً

خاوتي كاين عائلة ماذابيا لوكان نعاونوهم ، العائلة من أم و 4 اطفال

Hamza kyn whd la famille hnaya bzf bzf mhtajin yskno foqna mendhmch babahm mat w kayn mra w endha 4 drari kml sghar w mendhmch chahriya La lbsa La makla kyn kifch zaema dir FL canal taek yqdro yeawnouhm

rip : 00799999004138400834

و لي حاب يتبرع مباشرة سواء أكل، ملابس ... الخ يبعثلي هنا @tbiibe_01 و انا نوصلو عندهم

كل واحد يساهم ب لي يقدر عليها، يا لوكان بالقليل ... المهم نعاونوهم و ربي لا يضيع أجر المحسنين 🤍

🌑 اليوم عندنا ظاهرة فلكية مميزة… ولكن انتبهوا لعينيكم!👀

اليوم قبل الغروب، رح نشهدو في الجزائر ظاهرة فلكية مميزة اسمها الكسوف الشمسي، ورح توصل نسبة تغطية قرص الشمس بأكثر من 98% في بعض المناطق.
ببساطة، الكسوف الشمسي يحدث كي يجي القمر بين الأرض والشمس، فيحجب جزءًا من ضوء الشمس عن مناطق معينة من الأرض.

القمر يبعد علينا في المتوسط حوالي 384 ألف كيلومتر، بينما الشمس تبعد عنا حوالي 150 مليون كيلومتر. ورغم الفرق الهائل في الحجم والمسافة، يظهر القمر في السماء بحجم قريب جدًا من حجم الشمس وتقريبا على استقاميةواحدة، وهنا بالضبط نقدروا نشوفوا ظاهرة الكسوف !

الكسوف اللي نشوفوه اليوم في الجزائر جزئي، وحتى لو وصل الحجب لأكثر من 98%، تبقى نسبة صغيرة جدًا من قرص الشمس ظاهرة.

وهنا لازم نحكيو على الخطر الحقيقي 👀

بزاف منا كي كنا صغار كنا نتحمسو للكسوف، لأنو ظاهرة ما نشوفوهاش كل يوم.
تلقى واحد يجيب نظارات، واحد يجيب cliché، واحد يجيب فيلم تاع كاميرا، وواحد يحوس على أي حاجة تنقص من سطوع الشمس باش يقدر يشوفها…
وهنا بالضبط الخطر!
كي ينقص الضوء المحيط بنا، البؤبؤ يقدر يتوسع استجابةً لانخفاض الإضاءة، لكن هذا ما يعنيش أن الشمس ولات آمنة للعين.
المشكلة أن حتى الجزء الصغير المتبقي من قرص الشمس يبقى شديد السطوع، ويمكن للضوء الشديد، خاصة الضوء المرئي والأشعة تحت الحمراء، أنو يسبب أذية ضوئية وحرارية كبيرة للشبكية!!

والأخطر؟
الشبكية ما فيهاش مستقبلات للألم!!
يعني ممكن تصرا الإصابة وأنت ما تحس حتى بوجع، والأعراض البصرية قد تظهر بعد ساعات من التعرض. وقد تكون الإصابة مؤقتة أو دائمة حسب شدة التعرض.

لهذا:
🚫 ما تشوفوش الكسوف بالعين المجردة.
🚫 النظارات الشمسية العادية ما تحميش العين.
🚫 ما تستعملوش clichés، أفلام الصور، الزجاج الملون أو أي حلول منزلية للنظر مباشرة إلى الشمس.
🚫 وما تشوفوش الشمس من خلال الهاتف، الكاميرا، المنظار أو التلسكوب إذا ما كانش مزود بفلتر شمسي مخصص ومثبت أمام العدسة.

لأن العدسات البصرية تركز أشعة الشمس، وقد تسبب أذية شديدة للشبكية بسرعة.


إذا حبيتو تشوفو الكسوف مباشرة، استعملوا فقط Solar Eclipse Glasses / نظارات مخصصة لمشاهدة الكسوف تكون مطابقة لمعيار: ISO 12312-2
وهذا هو المعيار الدولي الخاص بمرشحات المشاهدة المباشرة للشمس. النظارات المناسبة تكون أغمق بآلاف المرات من النظارات الشمسية العادية.
وقبل الاستعمال، تأكدوا أنها غير مخدوشة، غير ممزقة وما فيها حتى ثقب.

والا شوفو ف التليفزيون الصحافة والاعلام مش رح يقصرو 😃

ومتخليش الحماس تاع الكسوف يخليك تخسر أهم حاجة عندك : عينيك 👀

🌙 وأخيرًا…

قال رسول الله ﷺ:
«إنَّ الشمسَ والقمرَ آيتانِ من آياتِ الله، لا ينكسفانِ لموتِ أحدٍ ولا لحياتِه، فإذا رأيتُموهما فصلُّوا»
- رواه البخاري، حديث 1057.

وفي حديث آخر عن عائشة رضي الله عنها، أن النبي ﷺ صلى بالناس عند الكسوف، وكانت الصلاة ركعتين، في كل ركعة قيامان وركوعان وسجدتان.

وتُشرع عند حدوث الكسوف صلاة الكسوف، والدعاء، والذكر، والاستغفار والصدقة حتى ينجلي الكسوف.

لكن هذا العام وزارة الشؤون الدينية والأوقاف صرحت بعدم أداء صلاة الكسوف بسبب وقت حدوث الكسوف .. الواقع بين صلاة العصر والمغرب.

الكسوف ظاهرة علمية مبهرة… وآية تدعونا للتأمل والتذكر.
تأملوها، لكن احموا عينيكم.
ودمتم سالمين 🌚

Golden advice 💯