🔴 #هام لا تخلي الاعلان هالمرة يفوتك
بعد النجاح والانتشار يلي حققه عرض قناة Notes & Chocolate بالتعاون مع مكتبة أوكسجين الوكيل الحصري للفريق بدمشق

وبعد ما استفاد منه اكتر من 300 طالب خلال 3 أيام
وأكتر من 80 طالب ربح نوط مجانية من الفريق

ولأنو بعض الطلاب ما قدرت تجيب النوط هالاسبوع
او ما انتبهت على الاعلان القديم كونه مانزل على قناة الفريق

لهيك وبناء على رغبة مكتبة أوكسجين وبحسم مقدم منها رح يتم استئناف العرض لمدة أسبوعين حتى نهاية السنة 01/01/2024

🔴 والعرض رح يشمل حسم بقيمة 20% على جميع نوط الفريق الحالية 🔥
🔴 اضافة لحسم بقيمة 10% على جميع النوط الجديدة يلي لتنزل قريبا 🔥

🔴 اضافة لحسم على سعر التسليك بسعر 2000 ليرة فقط (بسعر التكلفة الاوفر في سوريا) في حال طلب 3 نوط أو أكثر مسلكة من المكتبة 🤩❤️

مو بس هيك 🖐🏻
المكتبة رح توفر خدمة الشحن والتوصيل لجميع المناطق من خلال شحن القدموس أو الأهلية وغيرها في حال الطلبيات الكبيرة (5 نوط او اكثر)

بحيث حتى لو ماقدرت تمر عالمكتبة .. ف النوط رح تجي بنفسها لعندك 😌❤️

أسعار النوط قبل الحسم وما بعد الحسم موضحة ضمن الصورة

فيكن توصوا المكتبة هون
@Adnan1999999

#هام بالنسبة للمسابقة بكرا بخصوص توزيع الهدايا

نظرا لتأخر وصول نوطة العينية لبعض المكاتب
وبعض الطلاب بيتها بعيد وماقدرت لسا تجيب النوط
وحابين يشاركوا بالمسابقة ويربحوا الجراحة العامة أو نوطة هدية

ولحتى الكل يكون مرتاح ومبسوط ومانزعل حدا
وبسبب الاقبال المميز على النوط الاسبوع الماضي ❤️‍🔥
لهيك رح نفتح فرصة الربح لأكبر عدد ممكن من الطلاب 🔥❤️

🔴 رح يتم تأجيل منشور المسابقة من يوم التنين ليوم الأربعا
👈🏻 الساعة 08:00 مساءً بالضبط رح ينزل على قناة الفريق عالتلغرام

🔴 رح يتم رفع عدد الرابحين من 150 طالب حتى 200 طالب
👈🏻 بقيمة هدايا ممكن تتجاوز قيمتها 6-7 مليون

🔴 رح يتم تخفيض سقف المشاركة من 10 نوط إلى 8 نوط
👈🏻 بشرط يكونوا نسخة 2024 ويسمح بنوطة أو 2 نسخة 2023
👈🏻 يعني يلي عندو 4 نوط فيك تكملن ل8 ورح تربح نوطة هدية

🔴 يلي مو عرفان عن شو عم نحكي وشو هي المسابقة يشوف المنشور السابق هون
https://t.me/MedBOSS_Team/2108

🔴 جميع المشاركين بالمسابقة ضمن أول 200 تعليق رح يربحوا بشكل فوري

عم ننتظر منكن مشاركة قوية وهي ابسط شي فينا نقدمه الكن وانشالله بتعجبكن الهدايا 😍😍❤️

#هام لا تنسو تغبشو صورة الاكواد او تحطو شي عليها

مشان ماحدا يصور الاكواد او ياخدها

تبقى 10 دقايق على المنشور .. ❤️🔥🔥⏳

وهي اسماء جميع الطلاب يلي ربحت معنا 😍👆🏻
ورح نضل سهرانين نتاكد ونرجع ندقق الاسماء
بحيث مايكون نقصنا اسم بالغلط او سهوا
(لانو في تعليقات كانت بشكل صور بدون كتابة عم نضيفا حاليا)

وقبل ما ننسى
جميع الطلاب يلي كانت معلقة سابقا على منشور الفيسبوك كمان ربحتوا نوطة العينية أو الجراحة العظمية هدية من الفريق
https://www.facebook.com/groups/1049210676081471/permalink/1130609377941600/?mibextid=Nif5oz

فيكن تكتبو بالتعليقات البيانات التالية
الاسم - الجامعة - النوطة - المكتبة

💢 #هام استلام الهدايا ابتداء من يوم الأحد حتى منتصف شهر 2
👈🏻 وبالنسبة للجراحة العامة اول ما تتوفر فيكن تستلموها من المكتبة

بالختام منتمنى انو المسابقة كانت مفيدة للجميع ❤️
وكل حدا استفاد من عمل الفريق ينصح فينا بين رفقاتو
عملنا انشالله مستمر والسنة ببدايتها والقادم اعظم بإذن الله

وفرحتنا فيكن بنجاحكن وتخرجكن بنهاية السنة بعلامات حلوة
ومشاركة تجاربكن المميزة معنا والتوصية بفريقنا رح يكون كافي النا ❤️🙏🏻

ويلي مارح ربح هدية من الفريق لحد الان لاتزعل كل فترة رح يكون في هدايا جديدة واكيد يلي جايب عدد اكبر من نوط الفريق رح يكون اله الافضلية دوما لربح هدايا وجوائز اكتر ❤️❤️

كل الحب وبالتوفيق للجميع دفعة 2024 المميزة 😍😍❤️❤️

#هام جداً طلاب دورة ايار يلي عم تسألنا عن دورات الجامعات الكل لهون لأنو هاد المنشور بهمكن كتير

طلاب دورة 2024 فيكن تطلعوا عالبوست اطلاع حالياً وفيكن تأجلو موضوع دورات الجامعات للدور التاني (وعم نشتغل عليهن لنوفرن عالتطبيق لاحقا مع الكود بشكل مرتب مع تدقيق الاجوبة وتوضيحها)

بخصوص دورات الجامعات والضياع الحاصل حولها
📍 هل ضروري احل دورات الجامعات ؟!
📍 هل فعلاً عم يتكرر منها اسئلة بشكل حرفي ؟!
📍 قادر جيب علامة فوق 90 بدون ما حل شي اضافي ؟!

🔴 لنجاوب على كل هالاسئلة لازم نعرف شغلتين

▪️الأولى اسئلة الوطني بتم وضعها من نفس دكاترة الجامعة يلي عم يدرسوا فيها بالسنوات الرابعة والخامسة ، لهيك طبيعي جداً نلاحظ وجود اسئلة مكررة جاي من دورات الجامعات

الجامعة ذات الثقل الأكبر بوضع اسئلة الوطني هي دمشق بحوالي 70% من اسئلة الوطني يليها بقية الجامعات بنسبة متفاوتة من دورة لدورة تانية

▪️التانية انو حتى لو مانك حالل دورات الجامعات هاد مو معناه مارح تجيب علامة عالية .. خاصة اذا كنت دارس من مصدر موثوق ومرمم المرجع بشكل جيد بهيك حالة مانك بحاجة لتحل شي خارجي

وطبعا يلي دارس من نوط فريقنا هي انشالله المصدر الأشمل على الاطلاق للدراسة والتحضير للامتحان

🔴 منجي هلأ للحكي المهم ل أي درجة الدورات هامة وشو الدورات يلي لازم نحلها بالضبط ؟!

📌 #الداخليات
معظمها من دمشق ، في تقيد كبير بالمرجع وتقريبا بغطي 90% من الاسئلة بمعنى اذا وقتك ضيق مافي حاجة لحل شي خارجي أو إضافي ودورات الوطني كافية

وحتى لو اجا خيارات خارجية أو فكرة خارجية غير مألوفة عليك .. ف ممكن الالتفاف حول السؤال واستنتاج الاجابة كونها بغالبية الاحيان فهمية

طيب من وين فيني لاقي دورات دمشق للداخلية؟

🛑 الجواب عندك عدة قنوات ومصادر
✅ الموقع الرسمي لفريق RBCs بتلاقي كل الملفات
✅ قناة Dawrat Med 2025
✅ قناة Notes & Chocolate 2024
✅ قنوات الRBCs السابقة (2024 - 2025)

ومتل ما ذكرنا دورات الجامعات الاقل اهمية هي للداخليات والسبب انو اسئلة الوطني عم تجي منطقية فيها وغالبا سطحية وسهلة ومعتمدة عالفهم

واساسا مرجع دافيدسون تبع الوطني هو مرجع Review بمعنى مرجع مخصص للمراجعة واهم الافكار وبكفي تبني معرفة قوية بالاساسيات

وبجوز ما تلامس فائدة ملحوظة من حيث العلامة اذا حليت دورات الجامعات فيها ومع ذلك اذا عندك نقطة ضعف بمادة معينة فيك تطلع عليهن مو غلط هالشي

📌 #الأطفال
عم تجي أصعب من الداخليات سواء بالبنك الجديد أو البنك القديم يعني حتى بالدورات الاقدم رح تلاحظ دورات الاطفال فعلا صعبة وقسم كبير من الاسئلة الخارجية بالسنوات الأخيرة كانت مكررة حرفيا من دورات الجامعات مع عدم تقيد كامل بالمرجع

بس اكيد كمية دورات الجامعات كبيرة والمادة من الاساس ضخمة وبظل ضيق الوقت ممكن حل اخر دورة او دورتين فقط من دورات الجامعات المهمة

الأهمية هو لدورات طرطوس بالدرجة الاولى يليها البعث واذا زاد وقت ممكن الاطلاع على دمشق

✅ الاسئلة الخارجية والصعبة بدورة تشرين كانت من جامعة طرطوس (هون) (حوالي 13 سؤال مكرر حرفياً بعضها ممكن حله بالاستبعاد والفهم) وما تبقى كان سهل وقابل للحل من دراسة المرجع واكيد نوط الفريق أشمل من المرجع واضمن منه بكتير

ويلي بطمح لعلامة فوق ال90 أو ترتيب عالدفعة ف الافضل يطلع عليهن لأنو بعض الاسئلة عم تكون بصمية وغالباً صعب الاجابة عليها بدون اطلاع مسبق عنها على سبيل المثال باخر دورة وردت هدول الاسئلة

▪️نواة التعظم يلي بتدل على بدء البلوغ 👈🏻 سمساني بالابهام
▪️تاخر بزوغ الاسنان بعد عمر 👈🏻 13 شهر
▪️اعلا زيادة لمحيط الجمجمة 👈🏻 الربع الاول من السنة

لاحظ انو متل هيك اسئلة بتعتمد على الحفظ والبصم اكتر من كونها معلومة طبية حقيقية الها فائدة ملموسة وجميع ما سبق كان مكرر حرفيا من دورات الجامعات واحيانا الصيغة تبعها مو متل المرجع وانما حسب الدكتور يلي حط السؤال

اضافة لبعض الاسئلة الخلافية يلي سببت ارتباك وخلاف بين الطلاب وتم حسم جوابها لما رجعنا لسلم دكتور جامعة طرطوس

ومتل ما حكينا دورات جامعة البعث ودمشق بتجي بالمرتبة التانية بعد طرطوس
✅ دورات البعث الهامة (الدورات الحديثة)
✅ دورات دمشق بشكل عام (جميع الدورات)

طبعا الاطفال عليها 36 سؤال لهيك الاسئلة عم تجي Mix من عدة جامعات ومافي جامعة وحدة بتحط ال36 سؤال بشكل كامل لهيك بكفي الاطلاع على اخر كم دورة من باب الاحتياط فقط

📌 #الجلدية
المرجع تبعها للكب وهو اساسا مرجع داخلية واذا دارسها من المرجع لازم فوراً تحول لمصدر تاني مرمم وفيو كل الفقرات الخارجية وخيارات الدورات ويلي دارس من نوط الفريق اكيد اكتر من كافية انشالله

بخصوص مصدر الاسئلة سابقا كانت تجي من جامعة حلب على مدار 10 سنوات باستثناء اخر دورة اجت من جامعة دمشق ونصفها تقريبا مكررة حرفياً كانت

#هام المنشور المنتظر واعلان سلسلة الميني 2024 🔥👆🏻

#تصويبات #هام
لأنو اي عمل انساني يحتمل الخطأ
ورغم سعينا لتحقيق أعلا دقة بالمعلومة
وبرغم تدقيق العمل عدة مرات قبل نشره
على مدار سنتين من قبل فريق كبير من الاطباء

إلا انه جل من لا يسهو واحتمال الغلط وارد
بالنهاية كلنا طلاب علم والطب علم واسع وكبير

لهيك منتمنى من ايا حدا انتبه على ايا تصويب بالنوط مهما كان بسيط يحطه بتعليق بهاد البوست (بقسم الcomments)

رح نراجع جميع التعليقات
ورح يتم جمع كل التصويبات بملف Pdf ونشره الاسبوع القادم على قناة الفريق

واعذرونا سلفا عن اي تصويب سقط سهوا بلا قصد ❤️🙏🏻

#هام_للغاية 🔔
لطلاب دورة أيار 2024 وطلاب دفعة 2024

بسبب الضياع والارتباك حول مصدر اسئلة الكتلة التانية
وبعد ما لاحظنا كيف مصدر الاسئلة نفسو وما تغير
وهالشي تأكدنا منه لما شفنا تكرار بعض الاسئلة

يعني المصدر بدورة أيار اول كتلة مطابق لاذار وتشرين ونفس الدكاترة حاطين بنك الجديد بهدول الدورات

(مع اختلافات بسيطة مثلا الاطفال كانت جاي من دمشق اكتر من طرطوس هالمرة اضافة للبعث)

وبالتالي لازم نستعد منيح للكتلة التانية
ولأنو الميدبوس بهمو راحتكم ويطمن بالكن

🔴 جمعنالكم جميع هدول الدورات مع مصادرها
بتلاقوها على قناة الفريق
✔️ دورات الجامعات الهامة للجراحات (هون)
✔️ دورات الجامعات الهامة للعيادات والنسائية والتوليد (هون)
✔️ تحليل دورة آذار الكتلة التانية (هون)
✔️ تحليل دورة تشرين الكتلة التانية (هون)

الوقت بين الكتلتين للاسف ضيق
وانتو حاليا بموقف لا يحسد عليه
حاولوا تستغلوا كل لحظة بين ايديكن
وفوتوا عالامتحان متوقعين امتحان صعب
مو تشائم بس بحيث تكونوا جاهزين نفسيا
ومع ذلك الاسئلة قابلة للحل بالتحليل والاستبعاد

عكل حال كل هالامور صارت مكشوفة ومعروفة
والمصادر صارت متاحة بين ايديك بالمنشور
بالتوفيق دكاترة❤️❤️

🔴 #هام لطلاب دورة أيار 2024

نظرا لأهمية دورات الجامعات للجراحات
ولتخفيف العبء عليكم وترتيب الملفات
رح نحاول ننشر بعض الملفات PDF حول دورات الجامعات الهامة للجراحات من باب الفائدة ومنبلش مع أول ملف فوق

طبعا امشو حاليا حسب ترتيب البوست القديم
هدول الملفات رح ينزلوا تدريجيا خلال ال10 ايام القادمة

#هام دورة الجراحة العامة لدمشق أحدث دورة 2024 ❤️👆🏻

مارح تلاقوها بولا مكان تاني بهي الدقة والتناسق مع منهاج الوطني واعتمدنا بتوضيح الاسئلة على نوطة الفريق ومنهاج دمشق وعدة مصادر اجنبية للوصول لادق اجوبة

رح تقولوا الاسئلة عساس من حلب 🙄
وهالشي صحيح بس لاحظنا كم سؤال صعبين اجو من دمشق
ورغم هيك بتضل جامعة دمشق صاحبة النصيب الاكبر بوضع البنوك

وقبل تغيير البنوك كانت معظم اسئلة الجراحة العامة من دمشق
لهيك يلي وقتو بيسمحله يحل الدورات الاخيرة لحلب + دمشق
وعم ننشر الملفات الهامة على قناة الفريق حاليا كرمال طلاب دورة ايار
بالتوفييق ❤️❤️

#هام بعد الاحباط والخوف يلي انتشر من بعد دورة ايار
ولحتى تتوضح الصورة الكاملة امام الجميع
وبعد عشرات الساعات من التحليل

التحليل النهائي والدقيق لدورة أيار الكتلة التانية صار جاهز
مع احصائية شمولية سلسلة ميدبوس للاسئلة (بالاعلى)

بالبداية منتراجع عن كلامنا القديم انو الاسئلة متوسطة
لأنو بعد التدقيق فيها لاحظنا عدد من الاسئلة الخلافية
يلي ممكن تبدو للوهلة الاولى من فقرة مألوفة وسهلة
ولكنها خلافية او بتحتمل اكثر من اجابة او تفاصيلها دقيقة

ولكن بالمجمل بتبقى اقل صعوبة من دورة تشرين الماضية

اما بالنسبة لمصدر الاسئلة وشمولية النوط كانت كما يلي

🔴 النسائية والتوليد جميع الاسئلة عدا سؤالين فقط (شمولية 96%)

🔘 النسائية 24/26 سؤال
👈🏻 مصدرها دمشق هالمرة يليها تشرين ثم طرطوس والبعث

☑️ التوليد 22/22 سؤال
👈🏻 مصدرها منوع مع تقيد اكبر بالمرجع مقارنة باخر دورتين

🔴 العيادات جميع الاسئلة عدا سؤالين (شمولية 96%)

🔸 الاذنية 12/12 سؤال
👈🏻 مصدرها جامعة دمشق (8 اسئلة) وتشرين (4 اسئلة)

🔹 العينية 11/12 سؤال
👈🏻 مصدرها جامعة دمشق (اغلبا) وعالخفيف طرطوس

🔴 الجراحات جميع الاسئلة عدا 4 فقط (شمولية 92%)

🔺الجراحة العامة 17/17
👈🏻 مصدرها جامعة حلب + جامعة دمشق

🔺الجراحة العظمية 5/5
👈🏻 مصدرها غير محدد للدورة التانية على التوالي
👈🏻 ولكن هالمرة اجت الاسئلة سطحية وافكار دورات

🔺الجراحة البولية 3/3
👈🏻 المصدر دمشق للدورة التالتة على التوالي

🔺الجراحة الصدرية 5/5
👈🏻 المصدر طرطوس للدورة التالتة على التوالي

🔺الجراحة القلبية 4/4
👈🏻 المصدر دمشق للدورة التالتة على التوالي

🔺الجراحة الوعائية 3/4
👈🏻 المصدر حلب هالمرة (2 مكررين حرفيا بدورات حلب)

🔺الجراحة العصبية 3/3
👈🏻 المصدر دمشق للدورة التالتة على التوالي

🔺الجراحة الاطفال 3/3
👈🏻 المصدر جامعة دمشق متل دورة اذار الماضية

🔺جراحة الأورام 1/1
👈🏻 المصدر جامعة دمشق للدورة التالتة على التوالي

🔺الجراحة التجميلية 0/3 (الفقرات بالنوطة ولكن الاجوبة خلافية)
👈🏻 المصدر جامعة دمشق للدورة التالتة على التوالي

أي في المحصلة 113 سؤال من اصل 120 سؤال (94-95%)
وتعتبر افضل بالمقارنة من احصائية دورة تشرين الماضية
يلي كانت النوط شاملة ل 107 اسئلة فقط (89-90%)

وهاد الشي بسبب دعم وتحديث وتطوير نسخة 2024
ولولا اسئلة التجميلية لكانت الشمولية حوالي 96-97%

اما بالنسبة للاسئلة يلي وردت من خارج النوط كما يلي
1. سؤال بالنسائية عن عنق الرحم بشكل الفريز (مشعرات) خارجي مصدره دمشق
2. سؤال بالنسائية عن ارتفاع المشعر الورمي CA_125 خارجي مصدره دمشق
3. سؤال عينية عن زرق ال100 يوم خارجي مصدر جامعة طرطوس
4. سؤال بالجراحة الوعائية عن DIC (يجب حذفه لعدم دقته) مصدر جامعة حلب
5+6+7 اسئلة من الجراحة التجميلية الاجوبة تبعها خلافية وغير متوقعة

طبعا هاد ما بينكر وجود عدد من الاسئلة الخلافية أو الصعبة بالدورة يلي هنن
8. سؤال جراحة عصبية طالب الصحيحة ولازم تختار الخاطئة
9. سؤال جراحة عصبية طالب الخاطئة ولازم تختار الصحيحة
10. سؤال اذنية طالب الخاطئة ولازم تختار الصحيحة
11. سؤال توليد طالب الصحيحة ولازم تختار الخاطئة
12. سؤال عن علاجات الPCO (جميع الخيارات مقبولة تقريبا)
13. سؤال عن لطاخة عنق الرحم (استنتاجي وغير متوقع)
14. سؤال عن سبب الالم الحاد بالورم الليفي (3 اجابات صحيحة)
15. سؤال عن شروط تطبيق ملقط الجنين (دقيق للغاية وفكرة خارجية)
16. سؤال عن مؤهبات انبثاق الاغشية الباكر (حسب دمشق كلها صحيحة)
17. سؤال عن الأجسام الاجنبية بالأنف (خيارين صح ويجب اختيار الاصح)
18. سؤال عن الورم المختلط السليم (الجواب صعب وغير متوقع)
20. سؤال عن أشيع اختلاط ل الأميودارون عالعين (الاختلاط الاشيع غير مذكور)
21. سؤال عن تشخيص التهاب مثانة مزمن معند عالعلاج (خلافي بين الطلاب)
22. سؤال عن الجراحة التنظيرية (رغم انه مكرر بس فيو فخ وقع الكل فيه)
23. سؤال عن تشخيص وتدبير الانسداد (صعب وبحاجة تحليل واستبعاد)
24. سؤال عن اسباب الوفاة المبكرة في تسلخ الابهر (غير مألوف وبدو حظ)
25. سؤال عن البالون داخل الأبهر (جوابه دقيق والفقرة جاي لأول مرة)
26. سؤال عن داء هيرشبيرنغ (فايتين بتفاصيله والخيارات دقيقة)
27. سؤال عظمية عن الخلع الأشيع بحالة الاختلاج (فقرة جديدة)

هدول بشكل عام الاسئلة الاساسية يلي حصل نقاش وجدال حولها
وبالتالي الاسئلة فعلا تقيلة خاصة للي بدو علامة فوق 85-90 تعتبر صعبة
ورح تشوفوا توضيحات لهدول الاسئلة من نوط الفريق بملف الحل يلي رح ينزل

ومن الامور المثيرة للاهتمام يلي لاحظناها

هو وجود تكرار 27 سؤال من اخر دورتين

🔴 7 اسئلة مكررة من دورة اذار 2023
🔴 20 سؤال مكرر من دورة تشرين 2023
(اغلبها تكرار حرفي وبعضها مغيرين خيار الاجابة)

هل يا ترى رح نرجع نشوف تكرار الدورات بدورة 2024 القادمة؟
متل ما حدث بالبنك القديم .. ام ان الموضوع كان مجرد صدفة

#هام
صدور مواعيد امتحانات الامتحان الطبي الموحد

⭕️ الكتلة الأولى الخميس 10/10/2024
⭕️ الكتلة الثانية الخميس 24/10/2024

يعني تبقى للامتحان 99 يوم بالضبط

هدول ال99 يوم قادر تقلب فين الموازين اذا حطيت خطة واشتغلت عليها وشديت منيح

لا تقول راحت علي وتاجل شفتو شو صار بدورة ايار وكيف انظلمو بالاسئلة وهلا انظلمو مافي مفاضلة

ولسا الله يعين جماعة الصيدلة معن شهر بس بعد امتحانات الخامسة لهيك اموركن رواق انشالله

بتاريخ 9/9/2024 لازم تكونوا خلصتو وجه واحد على الاقل لجميع المواد ومن هاد التاريخ وبعد بتبلشو شهر الانقطاع والتحضير لامتحان الكتلة الاولى

اللعبة هي بأول كتلة وهي مفتاح الوطني والعلامة اما تاني كتلة معتمدة عالحظ بدرجة اكبر

الاسبوعين بين الكتلتين يادووب تكفي مراجعة سريعة وتحلو كم سؤال دورات ودورات جامعات

لهيك لاتتركو شي تقولوا بدرسو بعدين لانو بالبعدين هاد دوبك تراجع بس .. وحتى الجراحات بلشو بدوراتها من هلأ ولا حدا يستخف او يستهين فيا

حلو اسئلة قد ما بتقدرو وبشكل يومي حتى تتمرنو على نمط الامتحان وتكونوا جاهزين

عندكن حوالي 6000 سؤال دورة وشي 5000 سؤال هام لنوفرلكن ياهن لدورات الجامعات مع اكواد النوط يعني حوالي 11000 سؤال امتحاني عالي الاهمية

هدول اذا بتحلن وبتدرسن لحالن بتغطي فوق 80% من الاسئلة انشالله والاهم انك تفهم السؤال وخياراته

صح في توجه لما يكررو دورات بعد تغيير البنوك بس بالاخر الفقرات الهامة نفسها نفسها ورح يتكرر من نفس المواضيع الشائعة والمعروفة للجميع

بالختام منتمنالكن دراسة موفقة
نحن واثقين فيكن وبدراستكن
دفعتكن قوية جدا مقارنة بالدفعة الماضية

ولاحظنا منها اهتمام دقيق وبادق التفاصيل وعنا ثقة فيكن وانشالله عقبال فرحتنا بتخرجكم جميعا ❤️❤️
#MedBoss