سيتم الآن نشر قوائم المستجدين لجميع السنوات يرجى ممن يجد أن هناك خطأ في رقمه الجامعي أو خطأ في الاسم أو اسمه غير موجود في القائمة أو كان موقفاً تسجيله العام الماضي ولايوجد له اسم في هذه القوائم مراجعة عميد الكلية مصطحبين معهم البطاقة الجامعية والهوية الشخصية حتى تاريخ 8/5/2025 لتصحيح جميع الأخطاء في القوائم وبرامج الأتمتة

نصائح مواد الفصل الثاني السنة الاولى : ملهم فتنة

. الكيمياء الصناعية
المادة جدا واضحة والدكتور عبد القادر بيجيب بالضبط اللي ذكره بالمقرر
المقرر موجود على قناة الدكتور تلجرام
ما بيجي اسالة تنكيش ولا اسالة خارج اللي عطاه الدكتور
نصيحة حاول تحضر مع الدكتور
ما افهمت حاول تدرس مقرره لوحدك
ما افهمت كورس قبل ٣ ايام من المادة بيمشي حالك
مادة خفيفة نضيفة ومادة معدل باذن الله

انا عن نفسي جبتها مية من سنتين

المخبر هنن اربع تجارب نفس الشي تماما
الاسئلة من اللي بيعطوه الانسات

الانسات حبابات اذا كنت عم تطبق وتتفاعل معن
ما تستفزهم لما تشوف الوجه التاني
المخبر دفتر تجارب وبتكتب كل تجربة عليه وبتطبق معهم باخر كل جلسة
في مذاكرة وامتحان
الاسئلة بتجي كتير واضحة وبالضبك من اللي انعطى في المخابر

. مبادئ الهندسة الكهربائية
مادة مارح قول سهلة
بس هية مادة جدا اساسية
سهولتها بتعتمد على مدى اساسك السابق بامور الكهربا
مادة جدا مهمة لبعدين نصيحة اتعاب عليها
ما تطلع عالعلامة قد ما تشوفها مادة حجر اساس لكل موادك الجاي (هندسة كهربا !!)

الدكتور انا ما بعرفه
حاول تحضر معه واذا عنده مقرر جرب تدرس منه
ما مشي الحال ادرس من نوطي
وانشاء الله رح ينزل نسخة محدثة عن النوطة قريبا هي كانت عالسريع
بس شاملة كل الافكار
https://t.me/mulhamfetna_files/10

. الثقافة بح 😂

. رسم هندسي
الدكتور زاهر سيو شرحه كتير حلو وكتير بجاوب الطلاب
بس مشكلة بكون عنده زحمة وهوة معبوط شوي

خود مقعد اول وركز معه ورح تحب المادة


المرسم تحت
وما ادراك ما المرسم 😂🤣
كل جلسة رح تاخد رسمة تطبق فيها المبدئ اللي اتعلمته بمحاضرة النظري ترسمه ويصححولك ياه
بعيدو هيك لمحة عالسريع بس ماكتير يعني تعتمد عليهن
مرجعك الاساسي شرح الدكتور

في شخص اسمه ابو النور (مابعرفه شخصيا)
عامل قناة تلجرام
حاططلك كل رسمة فيديو شرح رسمها والشكل مرسوم والشكل 3d
لا تحط عليها دورة ولا مصرات الا اذا كان رسمك طاول عدم

هي القناة
https://t.me/engineeringdrawingFEEE

الدكتور بقلك رقم الرسمة المطلوب منك تحضرها
بتروح عقناة التلجرام بتدور على رقم التمرين وبتشوف الفيديو وبتدرب عليه

. رياضيات ٢
مادة بتحكي عن التكامل والاحتمالات
الدكتورة مابعرفها ولكن بشكل عام المقرر موحد بين كافة الاقسام
فيك تاخد مقرر اي دكتور من مكتبة الكلية

رح ابعتلكن قريبا نوطة للمادة باذن الله اذا لحقت قبل ما يخلص الفصل
اذا شفت وضعك طاول بهدلة مع الدكتور سجلها دورة مشان تلحق ما تنضغط للامتحان

بس نصيحتي دوما
جرب الدكتور قبل ما تسجل دورة

. الفيزياء الحديثة
الدكتور عبد الوهاب قعقع
وبعرف رح اكل مسبات عكلامي 😂
دكتور بيحب يشوف حدا فهمان المادة
عبعطيك ياها من الاخير
وانا جايب مواده 98
دكتور قعقع ما بمشي معه تدرس دورات
بدك تفهم المادة
بتدرس لوحدك من الكتاب كان بها
بتسجلها دورة سجلها عند استاذ ما يكون بيحذف وبيرجح عكيفه من عنده

الدكتور بجيب من كل المقرر
ماعنده اسالة تنكيش صدقني
بس بده حدا فاهم مش باصم

وقلتلك علامتي عند مواد قعقع، اسمع مني وكب بالبحر

. لغة ٢
قواعد نفس قواعد البكالوريا
راجعهم من نوطتك البكالوريا كافي وزيادة
مفردات لازم تحفظ مافي مفر
دورات بساعدوك اي بس مان مضمونات
في كتير ملخصات صغيرة جامعة اهم المفردات خدها احفظها

انت نيرد وراسك مربع متلي 😂🤣
هاد الكتاب ادرس منه
https://t.me/Mechatronics24/735
وادرس معه الدورات

هي المواد بشكل عام
اذا لزمك شي نصيحة او استفسار
فيك توصلي عالجروب او عالخاص
.
.
.
ملهم فتنة 😊
.
.
.

#Mulham_Fetna@Mechatronics23
#Mulham_Fetna@Mechatronics24
#Mulham_Fetna@Mechatronics25

كتير طلاب سالوني شو هية ال Paper Airplanes وكيف منستفيد منها ومن كورساتها ✈️

منظمة الطائرات الورقية منظمة غير ربحية بتقدم كورسات مجانية للطلاب بشكل اونلاين

⚪️🔵 عنا برنامجين اساسيات :

🔵 برنامج اللغة الانكليزية (للذكور والاناث، مافي قيود على العمر)
فيه مسارين :

1️⃣ مسار كورس الانكليزي one-on-one :
⬅️ بيربطوك بمدرس لغته الاصلية الانكليزي native speaker
⬅️ اول شي بتعمل اختبار تحديد مستوى من A1 الى B2 وعلى اساسه بيتم ربطك مع مدرس رح يدرسك منهج تم وضعه من فريق مختص في برنامج الطائرات الورقية
⬅️ بعدها بتحضر مع هاد الاستاذ جلسات فردية معه بمعدل ساعتين الى اربع ساعات اسبوعيا بتصير بالاتفاق بينك وبين المدرس اللي ربطوه معك

😍 في خيار ان المدرس يكون نفس جنس الطالب اثناء التقديم عالاستمارة (يعني طالبة بس ما بتحب تحضر جلسة خاصة مع استاذ فابكانها تختار ان حصرا تكون انسة، والشباب نفس الشي، والموضوع اختياري)

2️⃣ مسار جلسات الحوار الجماعية speaking classes :
⬅️ عبارة عن جلسة بيكون فيها مجموعة من الطلاب، منسق او منسقة الجلسة ⬅️ في كل جلسة بتطرح موضوع معين وبتدير النقاش بين الطلاب
⬅️ كمان معدل ساعتين الى اربع ساعات اسبوعيا
🗣 جدا مفيدة للمارسة التحدث بالانكليزي وتحسين الالقاء بالانكليزي

🔵 البرنامج التاني Women in Tech (متل ما الاسم بيوضح البرنامج موجه للاناث فقط)
يوجد الكورسات الاتية
⚪️ Python Level 1
⚪️ Python Level 2
⚪️ Generative AI
⚪️ Business Analysis
⚪️ UX Design
⚪️ Web Development
⬅️ الكورس عبارة عن حوالي 18 جلسة بمعدل ساعتين اسبوعيا
⬅️ الجلسات جماعية وبتكون من 15 الى 25 طالب

⬅️ بيكون في المدرب الرئيسي Main Instructor اللي هوة بيعطي محتوى هي الجلسات كل مدرب بيحدد محاور الكورس اللي رح يعطيه
⬅️ بمعدل جلسة اسبوعيا لمدة ساعتين (وسطيا)، هي جلسات جماعية مع المدرس المدرب الرئيسي

⬅️ بالاضافة الى هي الجلسات الاسبوعية
بيتم ربط كل 3 طلاب مع مدرب مساعد Mentor، بيتابع معهم المهام والوظايف task & assignments اللي عم يعطيها المدرب الرئيسي
⬅️ بالاضافة الى الاجابة على اسالتهم والمتابعة معهم بشكل مباشر وشخصي

💪 في نهاية الكورس بيتم تسليم مشروع تخرج من كل طالب بيحدد مهارته وتطبيقه العملي للكورس
🔥 اذا قدم منيح فرح ياخد شهادة حضور من الطائرات الورقية ورسالة توصية من المدرب نفسه (انا شخصيا بكتب رسائل توصية للمتدربين عندي لما يثبتوا جدارتهم بنهاية الكورس)

🔵⚪️ البرنامجين بيفتحو مرتين بالسنة
✈️ مرة ببداية السنة ومرة في منتصف السنة
⬅️ بينزل استمارة تسجيل على صفحة الطائرات الورقية (حطيتلهم تاغ تابعوهم وفعلوا الجرس لتعرفوا وقت يفتح الكورس)
🤑 الكورسات مجانية بشكل تام
🌐 الكورسات كلها اونلاين عن طريق جوجل ميت
⏰️ وفي مرونة بالمواعيد بيتم الاتفاق عليها بين المدرب وطلابه بشكل مباشر

🥰 كورسات جدا رائعة وجدا ينصح بها
😍 الفريق الاداري والتنظيمي للمنظمة جدا متعاون واذا حدث خطا او تقصير في شخص مخصص تخبره بهاد الشي عن طريق ايميل وبيرد عليك في ظرف يومين يحللك مشكلتك

😊 انا تجربتي معهم كمدرب كانت تجربة كتير رائعة
الفصل الحالي انا مدرب في كورس البايثون وكورس الذكاء الصنعي في برنامج WIT
ومن خلال تجربتي هالفصل اكيد رح كون معهم بالفصول الجاي ان شاء الله

✈️ هي كانت الطائرات الورقية اللي سالتوني عليها كتير وحضرتي عم اتكاسل اكتب هالبوست بقا 😁
اذا عندكم اي سؤال او استفسار كتبولي ياه في التعليقات لجاوبكم او اربطكم مع ادارة المنظمة حتى

💡بالنسبة للتطوع معهم كمان الاستمارة بتفتح مرة في راس السنة ومرة في نص السنة (ما بقيلها شي) بتقدم خبراتك والسيرة تبعك ومنه بيعملو معك مقابلة ومنه اذا انقبلت ببتم تحديد كونك مدرب رئيسي او مدرب مساعد وبينظمولك كلشي معك بساعدوك خطوة بخطوة
جدا لطيفين بالتعامل وكتير كتير حبيت الشغل معهم تطوع بس عنجد فيه متعة 🫶
#PaperAirplanes #pa #wit #English #womenintech #speaking

📳 شروحات تانية كتير مفيدة ومتنوعة بتلاقوها على قناتنا التلجرام الرئيسية :
https://t.me/Neurobotics_tech
📳 قناة مصادر المنح الدراسية
https://t.me/NeuroBotics_Scholarship_Resource
📳 قناة مصادر الرياضيات
https://t.me/NeuroBotics_Mathematics


#NeuroBotics@Neurobotics_tech

هل سمعت عن الذكاء الصنعي، ولم تجربه بعد، ولا تعلم من أين ستبدأ ؟!
حابب تواكب التطوُّر وتشوف كيف ممكن تستفيد من أدواته في حياتك الدراسيِّة والعمليِّة ؟!

إنضمَّ إلينا في الورشة التمهيديِّة التي أقيمت برعاية مكتب الشباب لكلية الهندسة الكهربائية والإلكترونية بالتعاون مع فريق PyPlusPlus.

ورشة "مدخل إلى عالم الذكاء الصنعي"
بجلسة خفيفة وممتعة رح ناخدك بجولة تعريفيِّة على أهمّ أدوات وتقنيَّات الذكاء الصنعي.
الورشة لا تتطلب أيّ خلفيّة تقنيّة ، والجلسة تفاعليِّة وممتعة،
إضافةً لانَّها مناسبة لأي طالب أو مهتمّ حابب يدخل المجال.

الدعوة عامة، بانتظاركم.

#مكتب_الشباب
#كلية_الهندسة_الكهربائية_والالكترونية
#PyPlusPlus

مسا الخير ❤️❤️
التسجيل على معسكر المسابقة البرمجية للجامعات بلش 😍

بدنا الكل يجي حتى لو مابتعرف شي ابدا

لانو عملنا مستوى خصوصي للناس يلي مابتعرف ولا شي 🔥🔥

ببلش من اساسيات لغة ++C ونحن طالعين🌚❤️

لهيك ماضل حجة لأي حدا مايسجل
بلش ولا تتردد 🔥🔥

التسجيل عهالفورم 🔥

https://docs.google.com/forms/d/1zPvfGFr3IN5iF2NZ5lXVgx0z6X8Ghny6MBmsIZQon_c

يسعدنا الانطلاق من باب التكنولوجيا ضمن مشروع YOUTH DOORS

و إعلان تعاون سند الشباب مع الشؤون السياسية / قسم التدريب و التطوير بجامعة حلب

لنفتح فرص للتقنيين في 6 مسارات تقنية مختلفة تكون مفاتيح أساسية لخبرات ومهارات مطلوبة بسوق العمل ولتعرفوا تفاصيلها انقر على الاستمارة التالية 👇🏻
https://tinyurl.com/YouthDoors-Technolab-T2

و هلق دورك تخبر رفقاتك التقنيين ليكونوا جزء من المستقبل وانطرنا لنخبرك عن تفاصيل مساراتنا القادمة 🔥

#عطلة:
طلابنا الأعزاء غدا عطلة رسمية

اليوم صار دورك تقدم واحدة من مفاتيح باب التكنولوجيا وتصنع الأثر👏🏻

رح ننطلق بتحدي Mini Hackathon التكنولوجيا من أجل التغيير لمدة 4 ايام مع كل طموح عنده افكار تعتمد على التقنيات لينشئ مبادرات، بشرط أن تكون مبتكرة, واضحة و قابلة للتطوير🦾

فاذا كنت مستعد للتغيير سواء كنت لحالك أو مع فريق سجل على الاستمارة التالية
tinyurl.com/YouthDoors-TechnoLab-C1

وكون على استعداد للتحدي القادم🔥

#سند_الشباب #نحو_المستقبل #اليونيسف

غدا الثلاثاء عطلة بسبب عيد الشهداء

كتير من الاصدقاء سالوني عن ادوات الذكاء الصنعي اللي بستخدمها بشكل يومي

هي الورشة الكم 👇

💡لم تعد ادوات الذكاء الصنعي تقتصر على  بوتات تتحدث اليها وتجيب اجوبة سطحية وعامة
General purpose AI chatbots

⚡️اصبح بامكانك الحصول على نتائج تخصصية عالية الدقة والاحترافية

🤩 تعرف معنا على مجوعة من ادوات الذكاء الصنعي المخصصة لك كمهندس/مهندسة

🤝 خلال التعاون القائم بين مكتب الشباب قسم التدريب و التطوير لكلية الهندسة الكهربائية و الالكترونية
🤝 والفريق الهندسي لشركة  NeuroBotics

🔥 تعرف معنا على ادوات الذكاء الصنعي المتخصصة ب :
🔵 ادوات الذكاء الصنعي المتخصصة في البحث العلمي والبحث العميق
⚪️ ادوات الذكاء المتخصصة في البرمجة وكتابة الكود
🔵 تصميم اللوحات الالكترونية المطبوعة PCB & تصميم 3D/CAD معززا بالذكاء الصنعي

🛰 ستقام الورشة في كلية الهندسة الكهربائية والالكترونية
جامعة حلب
قاعة المؤتمرات (مدرج الشهيد الدكتور عبد القادر ابو حجر) "ك١٤"

📆 يومي الاثنين والثلاثاء
26-27/5/2025
⏰️ الساعة الثالثة عصرا
🤩 الدعوة عامة

💡يتبع الورشة مجموعة من الملفات المرفقة ودليل لمن يهتم بالتوسع

🏃‍♂️ سارع بالتسجيل
https://docs.google.com/forms/d/e/1FAIpQLSf62jwCYsC6eq_ebIKSwpoa9PjNL2gK47623ElX_ZzJNzoWvg/viewform?usp=header