MDY Revolution

❤7👍4

695 views15:58

Daily Highlight 1
May 26 (10:30 PM)

- နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၈၁နှစ်မြောက် မွေးနေ့အထိမ်းအမှတ်အဖြစ် ဗြိတိန်နိုင်ငံ၊ လန်ဒန်မြို့ရှိ စစ်ကောင်စီသံရုံးရှေ့တွင် ၂၄ နာရီကြာ အစာငတ်ခံဆန္ဒပြပွဲ (24-Hour Hunger Strike) ပြုလုပ်သွားရန် စီစဉ်နေပြီး အခြားနိုင်ငံများမှ တက်ကြွလှုပ်ရှားသူများလည်း ပူးပေါင်းပါဝင်ကြရန်ရှိကြောင်း၊ ဒေါ်အောင်ဆန်းစုကြည်အပါအဝင် ဖမ်းဆီးခံ နိုင်ငံရေး အကျဉ်းသားအားလုံးကို ချက်ချင်းလွှတ်ပေးရန် မြန်မာစစ်တပ်ကို ပြင်ပြင်းထန်ထန် ဖိအားပေးနိုင်ရေးအတွက် နိုင်ငံတကာအစိုးရများထံ တောင်းဆိုသွားရန်လည်း စီစဉ်ထားကြောင်း သိရ။

- မေလ ၂၃ရက်နေ့ မနက်အစောပိုင်းက ပေါင်းတည်နယ်၊ ရှမ်းစပ်ရွာမှ စစ်တပ်ဒေါက်တိုင် ရာအိမ်မှူးမြင့်အေးဆိုသူကို တော်လှန်ရေးအဖွဲ့များက နေအိမ်အတွင်း ဝင်ရောက်ပစ်ခတ်ခဲ့ရာ နေရာတွင်ပင် သေဆုံး၊ မြင့်အေးမှာ စစ်တပ်နှင့်ပူးပေါင်းပြီး ရပ်ရွာအတွင်း ပေါ်တာဆွဲခြင်း၊ စစ်မှုထမ်းကြေးဟုဆိုကာ ငွေကြေးအမြောက်အများ ကောက်ခံခြင်းတို့အပြင် ရပ်ရွာအပေါ် စစ်တပ်အားကိုးဖြင့် အနိုင်ကျင့်ဗိုလ်ကျနေသဖြင့် ရှင်းလင်းခဲ့ခြင်းဖြစ်ကြောင်း သိရ။

- ယမန်နေ့ ညနက်ပိုင်းက ချောင်းဦးမြို့ပေါ်မှ စစ်ခွေးများက အနီးဝန်းကျင်ကျေးရွာများကို လက်နက်ကြီးများဖြင့် အကြောင်းမဲ့ ရမ်းသန်းပစ်ခတ်၊ ကျီကုန်းရွာအတွင်း ကျရောက်ပေါက်ကွဲပြီး နေအိမ်တစ်လုံးမှ လူကြီး ၂ဦးနှင့် ကလေး ၂ဦး၊ စုစုပေါင်း အမျိုးသမီး ၄ဦး ဒဏ်ရာရရှိခဲ့ပြီး လူကြီး ၁ဦးမှာ ဒဏ်ရာပြင်းထန်ကြောင်း၊ ထို့ပြင် ယမန်နေ့ ညနေပိုင်းကလည်း ချောင်းဦးနယ် ခင်မွန်ရွာအခြေစိုက် ဘက်စုံစိုက်မွေးတပ်မှ စစ်ခွေးများက ခင်မွန်ရွာအတွင်းသို့ ဝင်ရောက်စီးနင်းပြီး အမျိုးသား ၁ဦး အမျိုးသမီး ၆ဦးတို့ကို အကြောင်းမဲ့ ဖမ်းဆီးပြီး ဘက်စုံတပ်အတွင်း အကြောင်းမဲ့ ချုပ်နှောင်ထားကြောင်း သိရ။

- မေလ ၁၂ရက်နေ့မှစတင်ပြီး ပခုက္ကူနယ်၊ အောင်သာပျူရွာမှ ထွက်ခွာလာသော စစ်ခွေး ပျူခွေး ပူးပေါင်းစစ်ကြောင်းက ပခုက္ကူနယ် မြစ်ခြေဒေသအတွင်း စစ်ကြောင်းထိုးမွှေနှောက်နေပြီး မေလ ၂၃ရက်နေ့က အိုင်ရှည်ရွာကို ဝင်ရောက်မွှေနှောက်၊ ပြည်သူပိုင်ပစ္စည်းများကို လုယက်ခိုးယူပြီး နေအိမ်များကိုလည်း မီးရှို့ဖျက်စီး၊ ယနေ့တွင်လည်း မြစ်ခြေမြို့ပေါ်မှ နေအိမ်များ ဆိုင်ခန်းများကို ထပ်မံမီးရှို့ဖျက်စီး၊ စစ်ခွေးပျူခွေးများက ကျေးရွာ ၁၀ရွာခန့်ကို မီးရှို့ဖျက်စီးခဲ့ပြီး နေအိမ် ရာချီပြီး မီးလောင်ပျက်စီး၊ ထို့ပြင် ၎င်းတို့ ဖြတ်သန်းသွားရာလမ်းတလျောက်မှ ပြည်သူ ၁၀ဦးထက်မနည်းကိုလည်း လူသားဒိုင်းအဖြစ်ဖမ်းဆီးခဲ့သည့်အပြင် မေလ ၁၄ ရက်နေ့က အင်းဝိုင်းရွာကို ဝင်ရောက်စီးနင်းစဉ်ကလည်း အသက် ၃၀ကျော်အရွယ် စစ်ဘေးရှောင်ပြည်သူ ၁ဦးကို အကြောင်းမဲ့ ပစ်ခတ်သတ်ဖြတ်ခဲ့ကြောင်း၊ ထို့ပြင် အခြား စစ်ရှောင်ပြည်သူ ၃ဦးကိုလည်း သတ်ဖြတ်ခဲ့သေးကြောင်း၊ အဆိုပါစစ်ကြောင်းကြောင့် မြစ်ခြေဒေသရှိ ရွာပေါင်း ၂၀ခန့်မှ ပြည်သူ သောင်းနှင့်ချီပြီး ထွက်ပြေးနေကြရကြောင်း သိရ။

- မေလ ၁၂ရက်နေ့မှစတင်ပြီး ကျောက်ထုဒေသအတွင်းသို့ အင်အား ထောင်နှင့်ချီ ဝင်ရောက်လာသော စစ်ခွေးစစ်ကြောင်းက ယမန်နေ့ နေ့လယ်ပိုင်းက တပြင်းရွာမှ ကျောင်းထိုင်ဆရာတော်၊ ကျောင်းဆရာ ၁ဦးအပါအဝင် ပြည်သူ ၄ဦးကို အကြောင်းမဲ့ ဖမ်းဆီးနှိပ်စက်ကာ သတ်ဖြတ်၊ ယနေ့ မနက်ပိုင်းတွင်လည်း အဆိုပါစစ်ခွေးများက ကျောက်ထုတိုက်နယ်၊ ရွာသာရွာသို့ ဆက်လက်ဝင်ရောက်ပြီး ရွာသားတစ်ဦးကို အကြောင်းမဲ့ ဖမ်းဆီးသတ်ဖြတ်ခဲ့သည့်အပြင် နေအိမ်များကိုလည်း အကြောင်းမဲ့ မီးရှို့ဖျက်ဆီးခဲ့ကြောင်း သိရ။

- မေလ ၂၃ရက်နေ့က မင်းတုန်းမြို့အနောက်ဘက် ရခိုင်ရိုးမအခြေရှိ ပြောင်းရွာဘက်သို့ အင်အား ၄၀၀ခန့်ပါသော စစ်တပ်စစ်ကြောင်းဝင်ရောက်လာကာ တပ်ဖြန့်ခွဲပြီး တပ်စွဲထားကြောင်း၊ မေလ ၂၄ရက်နေ့တွင် မင်းတုန်းမြို့ပေါ်တွင် ရောက်ရှိနေသော စစ်ခွေးများက လက်နက်ကြီးများ တပ်ဆင်နေပြီးနောက် လက်နက်ခဲယမ်းများ၊ ရိက္ခာများ စုဆောင်းနေကြောင်း၊ ထို့ပြင် မြို့ပေါ်ရှိ လယ်ထွန်စက်နှင့် မြေတူးစက်ပိုင်ရှင်များကို ၎င်းတို့၏စက်များအား မင်းတုန်းမြို့ အမှတ် ၂ရဲစခန်းတွင် လာရောက်အပ်နှံရန် လိုက်လံပြောဆိုပြီးနောက် ယမန်နေ့က စက်များကို လိုက်လံသိမ်းယူနေကြောင်း၊ အဆိုပါ စစ်ကြောင်းကို ဗျူဟာမှူး ၁ကောင်က ကွပ်ကဲနေကြောင်း၊ ယနေ့တွင်လည်း ပြောင်းရွာတွင် အထိုင်ချထားသော စစ်တပ်မှ စစ်ခွေး ၂ကောင်က ၎င်းတို့ပျော်ပါးရန်ခေါ်ထားသော ပြည့်တန်ဆာအမျိုးသမီး ၂ဦးနှင့်အတူ ထွက်ပြေးသွားသဖြင့် စစ်တပ်က လိုက်လံရှာဖွေနေကြောင်း၊ အဆိုပါ ထွက်ပြေးသူ ၄ဦးလုံးကို တော်လှန်ရေးအဖွဲ့များက ဖမ်းဆီးရမိထားကြောင်း သိရ။

#Thadinsubue
Crd to original uploader with respect

👍7❤4

717 views15:58