مەستوورە › دیوانی مەستوورە ›
بە زاتی شای لامەکانە
بە زاتی شای لامەکانە
بەو حەبیبی ڕەسوولانە
لە ناکامیی خەسرەو خانە
یا جەرگم بوو بە بوریانە
فەوجی مەلایک لە سەما
بۆ خەسرەوم هان لە عەزا
ویردمان بووگە واوەیلا
تەسبیحمان ئاه و ئەفغانە
دایم هان لە ناڵە و شینی
کول نەباتی سەرزەمینی
خوویان زاریی و گرینی
هەرچی بەرگی درەختانە
سەروان پایان ها لە گڵی
قومری دەستی لە ڕووی دڵی
نەوحەخوان جەمعی بوڵبوڵی
بۆ ناکامیی ئەو جەوانە
هەی هاوار هەی من بەدبەختم
چارە شووم و زامان سەختم
وەکی بەختم سیان ڕەختم
مەرگی تۆم دی بەم چاوانە
خەسرەوم، خاتر ناشادم
بەرزە لە عالەم فەریادم
هەر وەخت دەکەفی بە یادم
لەو مەجلیسی کیتابخانە
دەڵێی سەد نێشە لە جەرگم
دەوینم بەو چاوانە مەرگم
لە ئەسرین خوێنینە بەرگم
فیدات بم شایی زەمانە
ئامانە خاکم بوو بەسەر
بۆ سەرداری خەسرەوی فەڕ
بە جەوری چەرخی حیلەگەر
دەروون کەبابم ئامانە
یاڕەب باجەتی پێغەمبەر
لە ڕۆژی مەعرەکەی مەحشەر
بەخشی گونای ئەو جوانە
بە حەققی ئەو ئیمامانە
چونکە لەی دنیایی فانی
نەیکرد تا سەر کامەرانی
یاڕەب تۆ حەققی سوبحانی
سەربەرزی کەی لەو دیوانە
***
خەسرەو بەند بوو بەو زەنجیری
کۆتاکەر زاری و ئەفغانە
✍#مەستوورە_ئەردەڵان
@Mastoureh_Ardalan
بە زاتی شای لامەکانە
بە زاتی شای لامەکانە
بەو حەبیبی ڕەسوولانە
لە ناکامیی خەسرەو خانە
یا جەرگم بوو بە بوریانە
فەوجی مەلایک لە سەما
بۆ خەسرەوم هان لە عەزا
ویردمان بووگە واوەیلا
تەسبیحمان ئاه و ئەفغانە
دایم هان لە ناڵە و شینی
کول نەباتی سەرزەمینی
خوویان زاریی و گرینی
هەرچی بەرگی درەختانە
سەروان پایان ها لە گڵی
قومری دەستی لە ڕووی دڵی
نەوحەخوان جەمعی بوڵبوڵی
بۆ ناکامیی ئەو جەوانە
هەی هاوار هەی من بەدبەختم
چارە شووم و زامان سەختم
وەکی بەختم سیان ڕەختم
مەرگی تۆم دی بەم چاوانە
خەسرەوم، خاتر ناشادم
بەرزە لە عالەم فەریادم
هەر وەخت دەکەفی بە یادم
لەو مەجلیسی کیتابخانە
دەڵێی سەد نێشە لە جەرگم
دەوینم بەو چاوانە مەرگم
لە ئەسرین خوێنینە بەرگم
فیدات بم شایی زەمانە
ئامانە خاکم بوو بەسەر
بۆ سەرداری خەسرەوی فەڕ
بە جەوری چەرخی حیلەگەر
دەروون کەبابم ئامانە
یاڕەب باجەتی پێغەمبەر
لە ڕۆژی مەعرەکەی مەحشەر
بەخشی گونای ئەو جوانە
بە حەققی ئەو ئیمامانە
چونکە لەی دنیایی فانی
نەیکرد تا سەر کامەرانی
یاڕەب تۆ حەققی سوبحانی
سەربەرزی کەی لەو دیوانە
***
خەسرەو بەند بوو بەو زەنجیری
کۆتاکەر زاری و ئەفغانە
✍#مەستوورە_ئەردەڵان
@Mastoureh_Ardalan
مەستوورە › دیوانی مەستوورە ›
گرفتارم بە نازی چاوەکانی مەستی فەتتانت
گرفتارم بە نازی چاوەکانی مەستی فەتتانت
بریندارم بە تیری سینەسووزی نێشی موژگانت
بە تاڵی پەرچەمی ئەگریجەکانت غارەتت کردم
دڵێکم بوو ئەویچیت خستە ناو چاهی زەنەخدانت
بە قوربان، عاشقان ئەمڕۆ هەموو هاتوونە پابۆست
منیش هاتم، بفەرموو بمکوژن، بمکەن بە قوربانت
تەشەککور واجیبە بۆ من ئەگەر بمرم بە زەخمی تۆ
بە شەرتێ کفنەکەم بدرووی بە تای زوڵفی پەرێشانت
لە کوشتن گەردنت ئازا دەکەم خۆت بێیتە سەر قەبرم
کە ڕۆژی جومعە بمنێژی لە لای نەعشی شەهیدانت
کەسێ تۆ کوشتبێتت ڕۆژی مەحشەر زەحمەتی نادەن
ئەگەر وەک من لە ئەم دونیایە سووتابێ لە هیجرانت
هەمیشە سوژدەگاهم خاکی بەر دەرگانەکەی تۆیە
ڕەقیب ڕووڕەش بێ چون ناڵێ بگا دەستم بە دامانت
دڵم مەشکێنە چونکوو مەخزەنی دەرد و خەمی تۆیە
فدای شەرت و وەفات بم چی بەسەر هات مەیلی جارانت
ئەتۆ ئەمڕۆ لە موڵکی دڵبەریدا نادرەی دەهری
بە ڕەسمی بەندەگی مەستوورە وا هاتۆتە دیوانت
✍#مەستوورە_ئەردەڵان
@Mastoureh_Ardalan
گرفتارم بە نازی چاوەکانی مەستی فەتتانت
گرفتارم بە نازی چاوەکانی مەستی فەتتانت
بریندارم بە تیری سینەسووزی نێشی موژگانت
بە تاڵی پەرچەمی ئەگریجەکانت غارەتت کردم
دڵێکم بوو ئەویچیت خستە ناو چاهی زەنەخدانت
بە قوربان، عاشقان ئەمڕۆ هەموو هاتوونە پابۆست
منیش هاتم، بفەرموو بمکوژن، بمکەن بە قوربانت
تەشەککور واجیبە بۆ من ئەگەر بمرم بە زەخمی تۆ
بە شەرتێ کفنەکەم بدرووی بە تای زوڵفی پەرێشانت
لە کوشتن گەردنت ئازا دەکەم خۆت بێیتە سەر قەبرم
کە ڕۆژی جومعە بمنێژی لە لای نەعشی شەهیدانت
کەسێ تۆ کوشتبێتت ڕۆژی مەحشەر زەحمەتی نادەن
ئەگەر وەک من لە ئەم دونیایە سووتابێ لە هیجرانت
هەمیشە سوژدەگاهم خاکی بەر دەرگانەکەی تۆیە
ڕەقیب ڕووڕەش بێ چون ناڵێ بگا دەستم بە دامانت
دڵم مەشکێنە چونکوو مەخزەنی دەرد و خەمی تۆیە
فدای شەرت و وەفات بم چی بەسەر هات مەیلی جارانت
ئەتۆ ئەمڕۆ لە موڵکی دڵبەریدا نادرەی دەهری
بە ڕەسمی بەندەگی مەستوورە وا هاتۆتە دیوانت
✍#مەستوورە_ئەردەڵان
@Mastoureh_Ardalan