ژ توور و توورکێن دا پیر و کالان
ژ چیرۆکێن شەڤێن قەوسێ ل مالان

ژ ئۆجاخێن ب چیک و تژی ئاگر
دخوازم تە ب بیر خینم گوهداگر

گوهداگر کو ببیێی ژە من تو ناکا
بزانی سا چ خەریفی تو هاکا

ل وان سالێن نە پر دوور و نە نێزیک
سبێ زوو دا دکر چری ل ڤر دیک

گر و قچک ب دەنگەک گشتی پا بوون
ژ هوندور سەر خوش بوون و گشتی شا
بوون

ل دەرگای خالقێ زانا ل راز بوون
ل زکرێ وی کەریمێ بەندە خواز بوون

ل هەر کارێ ب هەڤ را خزم و خیش
بوون
گر و قچک لبا هەڤ خوشرەویش بوون

زمان شیرین و جیران خواز و رند بوون
لبا خوا و خوەدێ ژی سەربلند بوون

شڤان تمێشە سا خوا را شڤان بوو
رۆیێن رەش دا وەکی گشتان ب ژان بوو

خەما خەلکێ خەما وی ژی ببوونا
ب بیرا وان د دو پێزدا بچوونا

گرێ ڤر کو ل گشتان کدخودا بوو
ل گاڤا شاهیان مینا مە شا بوو

بهارێ مە بهارێ گشتیان بوو
دلی مە بێقەرارێ گشتیان بوو

ل گاڤا داوەتان گشتی دلیستن
سەوا کو گشتی دەنگێ هەڤ دبیهستن

نەخوشی ناددی کەس سا چ؟ زانی؟
بسای کو ئەم ل بیرا هەڤ دمانی

دبوونێ مەلهەما هەڤ ئەم ژ هەڤ را
چرێ مستێ هەڤ بوون ئەم ژ شەڤ را

دپرسینێ ل حالێ هەڤ نە هاکا
چما چو رندی ژ وارێ مە ناکا؟

هەلبەست; #مامۆستە_ئەلی_هەیدەری

#باڤ

باڤۆ نێ وەک تە ئەڤ کەس ئەز ژ کوور دا لێ بدوورم چاڤ
باڤۆ کەس نینە ئەڤقاس گر کو بێژم ئەز ب وی را باڤ
تویی کو ئەز ل بەژنا تە ب شانازی دبینم خوە
باڤۆ د زختیا ژینێ دا هەر سا من تو بوویی تاڤ

باڤۆ دلگەرمیێن ژینا من ب مێرانتیێ تە بوون
هەزاران جار دەرێن گرتی ب دەستێن تە ل من ڤە بوون
د ناڤ ژینا من دا جارجار تە خوە ئێخست ژ پێ باڤۆ
تە خوە ئێشاند کو ژانێن کوور ژ ناڤ ژینا من دا هەر چوون

ئەگەر گشتی مەرڤ بێژن ب هێزتر ژ تە نە نینن
ئەگەر سا من هەزار میناک وەکی تە ئەو ل هەڤ بینن
دبێژم کو تو بێ میناکی ل با من د دنیێ دا
تو پەیکەر ساز تو وێنە کەش نکون سا من تە بکشینن

خوداوەندێ منی باڤۆ دخوم سۆند ئەز ب یا ژۆرین
تو گول ژینا من دا باڤۆ نەبوو کو وەک تە بە خوش بین
ل وان گاڤێن کو هەمبێزا تە دا بووم ژین گەلەک خوەش بوو
ب هێزا تە شەڤێن تاری دبوون ژ من را هیڤەروین

دەنگ و دیمەن; #سەلما_بەخش‌پوور_تەکمەران

هەلبەستڤان; #مامۆستە_ئەلی_هەیدەری

ڕۆژا باڤان ل گشتی باڤێن ڤی واری پیرۆز بە💐

کانال تلگرامی #مالا_گولان

@Mala_gulan

هەلبەست; #پار
هەلبەستڤان; #مامۆستە_ئەلی_هەیدەری
دەنگ و دیمەن; #سەلما_بەخش‌پوور_تەکمەران

کانالا تلگەرامیا #مالا_گولان 👇👇👇

@Mala_gulan

🌸🍃 ب ناڤێ خوەدێ 🍃🌸

هەلبەست; #پار

ژ گشتــی رنـــدیان پار سا تـــە تینم
خەلاتان ل بـــەرئێڤار سا تـــــە تینم
ژ ســەر سینگـێ چیێن تمێشە هێشن
دەلالێ پـــوونگ و پنجار سا تە تینم
ل ســەر چاڤان دکم مێڤان تـە هینگا
تــــری و هـرمـــێ و نار سا تــە تینم
د ناڤ سینگێ خوەدا ئەرمان دکم چیل
کراسێن سیس و گولدار سا تــە تینم
تـم و تـم دەست پیێن تـــە رادمیسم
گولێن خوه‌ش‌رەوش و بیندار سا تە تینم
خەلاتا زیڤ و زێر تەڤ سێڤ و ناران
ژ بــۆی دلکـێ ئــەڤیندار سا تـە تینم
سرێ پر شـوور و شەڕ ژ من بخوازی
بـزان ب ئوستیــێ خـار سا تــە تینم
تو کو فەرمان بدی فەرمان بەرم ئەز
سەر و دەستێ خوە تیمار سا تە تینم
دلــێ وەستاندی ب چاڤێن ب هێستر
ب سینگێ تـــــژی ژ ئار سا تــــە تینم
ب هــــەر سازێ کـــــو لێخینی دلیزم
دە لێخ دلکــێ بـرینـدار سا تـــه تینم
هەموو هێستر ژ چاڤێن مـن تەما کی
ژ ناڤ چاڤێن خــوە رۆبار سا تە تینم
هەزاران جار کــو جانێ مــن بخوازی
هەزاران جان هەزار جار سا تــە تینم
شەڤ و رۆژ کو بقەوتینی مـن ژ خوە
ســــەرێ بــێ‌کینە و قار سا تـــە تینم
نەبێژی کــو ئــەزێ بی شوون و وارم
دلـــی هیسیر دکــم وار سا تــــە تینم
ئــەڤینـدارێ تـــە و ناڤــێ تــە بوومە
ژ ناڤ سینگێ خوە گولزار سا تە تینم
ئەگەر نەستینە ژیـــن ژ مــن مەجالان
ژیـانــەک باش و پــربـار سا تـــە تینم

دەنگ و دیمەن; #سەلما_بەخش‌پوور_تەکمەران

✍ #مامۆستە_ئەلی_هەیدەری

کانالا تلگەرامیا #مالا_گولان 👇👇

@Mala_gulan