े ल्युसी स्टायरोकोव्हाच्या बरोबरीने खेळण्याचा निर्णय घेतला. या जोडीने २ जेतेपदांवर नाव कोरले. लिएण्डर पेसने फ्रेंच खुल्या स्पध्रेच्या जेतेपदासह कारकीर्दीत ‘करिअर स्लॅम’ पूर्ण केले. मात्र अखिल भारतीय टेनिस संघटना (आयटा), पेस, सानिया आणि रोहन बोपण्णा यांच्यात समन्वय नसल्याने ऑलिम्पिक स्पध्रेत भारताची पदकाची संधी हुकली. लंडनप्रमाणे रिओ ऑलिम्पिकसाठी भारतीय संघनिवडीवेळी वैयक्तिक अहंकार, बंडाळ्या यांनी खेळाडू आणि ‘आयटा’ यांची प्रतिमा मलीन झाली.

हॉकी
-------
* हॉकीसाठी २०१६ हे वर्ष खऱ्या अर्थाने भावी सुवर्णयुगाची मुहूर्तमेढ करणारे ठरले. जागतिक चॅम्पियन्स स्पर्धेतील रौप्यपदकापाठोपाठ आशियाई चॅम्पियन्स स्पर्धेत भारतीय पुरुष संघाने सोनेरी कामगिरी केली.
* रिओ ऑलिम्पिक स्पर्धेत भारताला उपांत्यपूर्व फेरीत पराभवाला सामोरे जावे लागले तरीही घरच्या मैदानावर झालेल्या कनिष्ठ गटाच्या विश्वचषक स्पर्धेत भारताने विजेतेपद मिळवत ऑलिम्पिकमधील अपयश काही अंशी पुसून टाकण्याचा प्रयत्न केला आहे. भारताने १५ वर्षांनंतर हा विश्वचषक जिंकला. महिलांमध्ये भारतीय संघाने ३६ वर्षांनंतर ऑलिम्पिकमध्ये प्रवेश मिळवत अनोखी कामगिरी केली. अर्थात बलाढय़ संघांचा समावेश असल्यामुळे महिलांकडून चांगली कामगिरी अपेक्षितच नव्हती.

कबड्डी:-
------------
अहमदाबाद येथे झालेल्या तिसऱ्या विश्वचषक कबड्डी स्पध्रेत भारताने इराणचा ३८-२९ असा पराभव करून जगज्जेतेपदावरील आली हुकूमत अबाधित राखली. अजय ठाकूर विजयाचा शिल्पकार ठरला. यंदाच्या वर्षांत प्रो कबड्डी लीगचे दोन हंगाम (तिसरा आणि चौथा) झाले. यावर पाटणा पायरेट्सने प्रभुत्व गाजवले. चौथ्या हंगामात महिलांच्या तिरंगी प्रायोगिक स्पध्रेचा घाट घालण्यात आला. मात्र पुरुषांच्या मैदानावर हा प्रयोग अयशस्वी ठरला.

कॅरम:-
--------
विश्व अजिंक्यपद कॅरम स्पर्धेत भारताचेच वर्चस्व पाहायला मिळाले. पुरुष एकेरीमध्ये प्रशांत मोरे आणि महिला एकेरीमध्ये एस. अपूर्वाने विश्वविजेतेपदाला गवसणी घातली. पुरुष दुहेरीमध्ये संदीप देवरुखकर आणि रियाझ अकबर अली यांनी जेतेपद पटकावले, तर महिला दुहेरीमध्ये एस. अपूर्वा आणि काजल कुमारी यांनी अजिंक्यपद मिळवले. सांघिक गटात पुरुषांच्या अंतिम फेरीत भारताला श्रीलंकेने हरवले. महिलांच्या सांघिक गटामध्ये अंतिम फेरीत भारताने श्रीलंकेवर विजय मिळवला.

खो-खो:-
----------
भारताने खो-खो मधील आपली हुकूमत कायम राखताना दक्षिण आशियाई (सॅफ) आणि आशियाई अजिंक्यपद स्पध्रेत पुरुष व महिला गटाचे जेतेपद नावावर केले. विशेष म्हणजे भारताच्या या विजयात महाराष्ट्राच्या खेळाडूंचा सिंहाचा वाटा ठरला. आशियाई स्पध्रेत पुरुष गटात अनिकेत पोटे व सारिका काळे या महाराष्ट्राच्या खेळाडूंनी सर्वोत्तम खेळाडूचा पुरस्कार पटकावला. राष्ट्रीय स्पध्रेत महाराष्ट्राचा दबदबा कायम राहिला.

फुटबॉल:-
-----------
जागतिक फुटबॉल महासंघाच्या क्रमवारीत भारताने (१३५) सहा वर्षांतील सर्वोत्तम स्थानावर झेप घेतली. दक्षिण आशियाई (सॅफ) स्पध्रेत भारताला रौप्यपदकावर समाधान मानावे लागले. आय-लीग विजेत्या बंगळुरू एफसी क्लबने ऐतिहासिक कामगिरी करत एएफसी चषक स्पध्रेच्या अंतिम फेरीत प्रवेश केला.इंडियन सुपर लीगमध्ये अ‍ॅटलेटिको डी कोलकाताने केरळा ब्लास्टर्सना त्यांच्याच घरी नमवत दुसऱ्यांदा जेतेपदाचा चषक उंचावला.

आर्थिक घडामोडी२०१६ :-
-------------------------------------

* सरते वर्ष उद्योग आणि अर्थव्यवस्थेसाठी आशादायी ठरले. विकासाला चालना देण्यासाठी पुढाकार घेणाऱ्या केंद्र सरकारने वर्षभर सुधारणांचा धडाका कायम ठेवला. गुंतवणूक आकर्षित करण्यासाठी मेक इन इंडियासारख्या उपक्रमांना परदेशी गुंतवणूकदारांनी भरघोस प्रतिसाद दिला. बँकांना बुडीत कर्जांनी सतावले असले, तरी सावरणाऱ्या अर्थव्यवस्थेने आशेचा किरण दाखवला आहे. मेक इन इंडिया, रिझर्व्ह बँकेतील नेतृत्वबदल, एसबीआयच्या जम्बो विलीनीकरणाला मंजुरी, जीएसटी मार्गी लावणे, अनेक क्षेत्रांत परदेशी गुंतवणुकीची कवाडे उघडणे, कॉर्पोरेटमधील टाटा-मिस्त्री वाद, काळा पैसा रोखण्यासाठी नोटाबंदी आणि कॅशलेसला प्रोत्साहन आदी महत्त्वाच्या घडामोडींसाठी 2016 अर्थजगतासाठी उल्लेखनीय ठरले.

कोट्यवधीची 'मेक इन इंडिया':-
------------------------------------
* देशांतर्गत उत्पादनाला चालना देण्याच्या उद्देशाने फेब्रुवारीत मुंबईत पहिल्यावहिल्या 'मेक इन इंडिया' सप्ताहाचे आयोजन केले होते.
* स्मार्टसिटी, पायाभूत सेवा-सुविधा, कृषी, वाहन, संरक्षण या क्षेत्रांत तब्बल 15.2 लाख कोटींची गुंतवणूक झाली.
* या औद्योगिक महामेळाव्यात महाराष्ट्राने निम्मी म्हणजेच 7.94 लाख कोटींची गुंतवणूक आकर्षित करण्यात यश मिळवले.
* यातून तीस लाख रोजगार निर्माण होणार आहेत. या सप्ताहात करण्यात आलेल्या 2097 करारांमुळे मध्यम, लघु आणि लहान उद्योगांना चालना मिळणार आहे. एकूण गुंतवणुकीच्या 30 टक्के गुंतवणूक परदेशी कंपन्यांकडून करण्यात आली. कौशल्य विकासावर भर देत यासंबंधी 20 करार झाले. महाराष्ट्राबरोबर गुजरात, मध्य प्रदेश, झारखंड या राज्यांना गुंतवणूकदारांना आकर्षित करण्यात यश आले.

बंदर विकास आणि जलवाहतूक:-
-----------------------------------
* आतापर्यंत दुर्लक्षित राहिलेल्या बंदर आणि जलवाहतूक क्षेत्रात जास्तीत जास्त गुंतवणूक आकर्षित करण्याच्या दृष्टीने नौवहन मंत्रालयाचे 'मेरिटाइम इंडिया समीट' एप्रिल महिन्यात मुंबईत झाले.
* या समीटमध्ये आंतरराष्ट्रीय स्तरावरील 200 कंपन्या सहभागी झाल्या होत्या. यात जवळपास 82 हजार कोटींचे करार झाले. गुंतवणुकीचा ओघ वाढल्याने येत्या पाच वर्षांत या क्षेत्रात एक कोटी रोजगारांची निर्मिती होणार आहे. मेरिटाइम इंडिया समीटमुळे जलवाहतुकीला चालना देण्यासाठी सरकारकडून प्रयत्न केले जाणार आहेत.

'SBI'चे विलीनीकरण:-
----------------------------
* भारतीय स्टेट बँकेत पाच सहयोगी बँकांच्या विलीनीकरणाच्या प्रस्तावाला केंद्रीय मंत्रिमंडळाने जून महिन्यात मंजुरी दिली.
* स्टेट बँक ऑफ हैदराबाद, स्टेट बँक ऑफ मैसूर, स्टेट बँक ऑफ बिकानेर अँड जयपूर, स्टेट बँक ऑफ त्रावणकोर आणि स्टेट बँक ऑफ पतियाळा यांच्याबरोबरच भारतीय महिला बँकेचे स्टेट बँकेत विलीनीकरण होणार आहे.
* भारतीय बँकिंग क्षेत्रातील आतापर्यंतच्या सर्वांत मोठ्या जम्बो विलीनीकरणामुळे 50 कोटी ग्राहक असलेली भारतीय स्टेट बँक सर्वांत मोठी बँक म्हणून उदयास येणार आहे.
या विलीनीकरणानंतर एसबीआयच्या 22,500 शाखा आणि 58 हजार एटीएम असतील. पाचही सहयोगी बँका आणि महिला बँकेतील एकूण 70 हजार कर्मचारी एसबीआयमध्ये सामावून घेतले जाणार आहेत.

स्मार्टफोन बँकिंग:-
----------------------
* मोबाइल ऍप्लिकेशनद्वारे बँकिंग व्यवहार सुलभ करणारी युनिफाईड पेमेंट्‌स इंटरफेस (यूपीआय) प्रणाली ऑगस्टमध्ये प्रत्यक्षात कार्यान्वित झाली.
* नॅशनल पेमेंट्‌स कॉर्पोरेशन ऑफ इंडियाने (एनपीसीआय) 21 बँकांसोबत यूपीआय कार्यान्वित केली. यामुळे ग्राहकांना पैसे पाठवणे आणि स्वीकारणे यांसारखे व्यवहार क्षणार्धात पूर्ण करता येणार आहेत.
* गुगल प्ले स्टोअरवर यूपीआय-एनेबल्ड मोबाईल ऍप पुरवणाऱ्या बँकांच्या ग्राहकांना यूपीआयचा वापर करता येईल. रिझर्व्ह बँकेचे तत्कालीन गव्हर्नर डॉ. रघुराम राजन यांनी एप्रिलमध्ये यूपीआय प्रणालीची घोषणा केली होती.

'जीएसटी':-
--------------
* अडथळ्यांची शर्यत पार करत अखेर सरत्या वर्षात वस्तू आणि सेवा कर विधेयकाला (जीएसटी) राष्ट्रपतीची समती मिळाले घो
* 'जीएसटी'मुळे करप्रणाली सुटसुटीत आणि पारदर्शक होणार आहे. त्याचबरोबर देशांतर्गत व्यापार गतिमान होऊन उत्पादनवाढ, पुरवठ्यातील अडथळे दूर होतील. यातून अर्थव्यवस्थेला चालना मिळणार आहे. '
* जीएसटी'मुळे देशात एकच बाजारपेठ तयार होण्यास मदत होईल. पुरवठा साखळी कार्यक्षम झाल्याने अन्नधान्यांची नासाडी रोखता येईल.
* यामुळे 'ईझ ऑफ डुईंग बिझनेस'साठी सकारात्मक वातावरणनिर्मिती करण्यास हातभार लागणार आहे. जीएसटीचा अंतिम दर आणि
* राज्य सरकारांना परतावा यासंदर्भात जीएसटीसाठी विशेष समितीची नेमणूक करण्यात आली आहे. एप्रिलपासून जीएसटीची अंमलबजावणी करण्याचा सरकारचा प्रयत्न आहे.

रिझर्व्ह बँके:-ऊर्जित पटेल नवे गव्हर्नर
* बँकांची बँक असलेल्या रिझर्व्ह बँकेला सरत्या वर्षात ऊर्जित पटेल यांच्या रूपाने नवे

चालू घडामोडी:-
------------------

१) देशभरात एकूण ----------- राज्ये शंभर टक्के आधार नोंदणी असलेले राज्य आहेत :-सहा

२) जगातील सर्वाधिक शक्तीशाली 'टॉप 10' व्यक्तींच्या यादीत भारताचे पंतप्रधान नरेंद्र मोदी यांना ----------- क्रमांकाचे स्थान मिळाले :- नववे

३) भारत आणि व्हेनेझुएलापाठोपाठ ---------- या देशाने काळ्या पैशावर नियंत्रण आणण्याच्या हेतूने नोटबंदीचा निर्णय घेतला आहे. ५००० रुपयांचे चलन रद्द करण्याचा ठराव त्या देशाच्या सिनेटने मंजूर केला.:- पाकिस्तान

४) ------------------- या देशाचे पर्यावरणमंत्री अमिना मोहम्मद यांना युनोचे उपमहासचिव म्हणून निवड केली:-नायजेरीया

५) देशात प्रथमच तृतीयपंथीय मुलांसाठी निवासी शाळेची स्थापना --------- येथे होणार आहे.सहज आंतरराष्ट्रीय विद्यालय असे या शाळेचा नाव असून तृतीयपंथीय मुलांना येथे राहण्याची आणि शिक्षणाची व्यवस्था करण्यात येणार आहे:-केरळ ( कोची)

६) मुंबईत भीक मागणाऱ्या मुलांसाठी "सिग्नल शाळा' राज्य सरकार सुरू करणार आहे -------------- या महानगरपालिकेने सर्वप्रथम हा उपक्रम राबविला होता :-ठाणे

७) Dipa Karmakar: The Small Wonder”हे पुस्तक ------------- यांनी लिहिले आहे :-बिशस्वेर नंदी

८) नर्मदा सेवा यात्रा कोणत्या राज्यात सुरू करण्यात आले आहे? :-मध्य प्रदेश

चालू घडामोडी:-
--------------------------------------------------------------

१) ----------- हा जिल्हा भारतातील प्रथम कार्बन तटस्थ जिल्हा ठरला :-माजुली

२) इंडियन इन्स्टिट्यूट ऑफ स्कील्स प्रथमच कोणत्या राज्यात स्थापन होणार आहे :-उत्तर प्रदेश

३) सौमित्र चौधरी,यांचे अलीकडे निधन, झाले ते कोणत्या क्षेत्रात निगडीत होते :-अर्थशास्त्र

४) आसाम राज्याच्या पर्यटन ब्रँड अॅम्बेसेडरपदी ---------------- यांची निवड करण्यात आली :-प्रियांका चोप्रा

५) ज्येष्ठ नागरिकासाठी सांघी संघ हे राष्ट्रीय वृत्तपत्र ----------------- या मंत्रालयतर्फे प्रसिद्ध करण्यात येत आहे :-सामाजिक न्याय आणि सक्षमीकरण

६) भारताचा पहिला कॅशलेस बाजार कोणत्या राज्यात सुरु करण्यात येत आहे?:- रायपुर (छत्तीसगड)

७) कर्मचारी भविष्य निधी संघटनेच्या (ईपीएफओ) सदस्यांना २०१५-२०१६ या आर्थिक वर्षासाठी ------- टक्के दराने व्याज मिळणार आहे.:-८.६५

८) वंचित घटकासाठी कोणत्या राज्याने अन्नपूर्णा रसोई ही योजना सुरू केली आहे?:-राजस्थान

९) खालील पैकी कोणत्या राज्य हे भारतातील 100% आधार नोंदनी असलेले राज्य आहे :-हिमाचल प्रदेश

चर्चित गाव:-
माधोपट्टी :-आयएएस, आयपीएस, अधिका-यांचे गाव
--------------------------------------------------------
* लखनऊपासून २४० किलोमीटर अंतरावर माधोपट्टी(जिल्हा जौनपुर) हे गाव अधिका-यांचे गाव म्हणून ओळखले जाते.
* हे गाव आयपीएस, आयएएस आणि पीसीएस अधिका-यांचे गाव म्हणून ओळखले जाते.
* या गावातून आतापर्यंत ४७ आयएएस, आयपीएस आणि पीसीएस अधिकार बाहेर पडले आहेत.
* या गावात फक्त २०५ कुटुंब राहतात
* भारताच्या वेगवेगळ्या राज्यात हे अधिकारी कार्यरत आहे. या गावाची साक्षरताही इतर गावांच्या तुलनेत अधिक आहेत. या गावातील ६२% अधिक लोक हे साक्षर आहेत. इतकेच नाही तर या गावातील इतर मुले हे बँक आणि अन्य बड्या पदावर कार्यरत आहेत. या गावातून १९१४ मध्ये मुस्तफा हुसैन हे पहिल्यांदा पीसीएस परिक्षा उत्तीर्ण झाले. त्यांचा आदर्श घेत या गावातील विद्यार्थी आयएएस, आयपीएस या स्पर्धा परिक्षांना आवर्जुन बसतात. १९५२ मध्ये इंदु प्रकाश सिंह हे आयएएस झाले. त्यांनी आपल्या यशाने येथल्या अनेक तरुणांना प्रेरणा दिली.

क्रीडा घडामोडी:- २०१६
क्रिकेट:-
-------------------------------------
अशिया चषक:-
• ६ मार्च २०१६ रोजी मीरपूर येथे भारत आणि बांगलादेश यांच्यादरम्यान टी-२०चा अंतिम सामना झाला. यात बांगलादेशचा टीम इंडियाने ८ विकेटने पराभव करून अशिया चषक जिंकला
• ही स्पर्धा प्रथमच टी:२०च्या फोर्मेट मध्ये खेळली गेली
• मॅन ऑफ द मॅच :- शिखर धवन
• मॅन ऑफ द सिरीज :- शबीर रहेमान

१९ वर्षांखालील अशिया चषक:
• भारताच्या १९ वर्षांखालील संघाने २०१६ या वर्षाचा शेवटी सलग तिसऱ्यांदा अशिया चषका जिंकला
• .श्रीलंकेची राजधानी कोलंबो येथे खेळण्यात आलेल्या अंतिम सामन्यात भारतीय संघाने श्रीलंकेवर ३४ धावांनी मात केली. भारताने सलग तिसऱ्यांदा हा किताब पटकावला.
• यापूर्वी वर्ष २०१२, २०१४ यावर्षी विजय मिळवला होता.

महिला अशिया चषक:
• ४ डिसेंबर रोजी बँकाक येथे खेळवण्यात आलेल्या अंतिम सामन्यात भारती महिला संघाने पारंपारिक प्रतिस्पर्धी पाकिस्तानला १७ धावांनी पराभव करत अशिया कप जिंकला
• भारताने सलग सहाव्यांदा या चषकावर आपले नाव कोरले होते.
• प्रथम फलंदाजी करताना टीम इंडियाची कर्णधार मिताली राजने ७३ धावांची खेळी करत पाकसमोर १२२ धावांचे लक्ष्य ठेवले होते. पाकिस्तानची संपूर्ण टीम १०४ धावांत संपुष्टात आली होती.

१९ वर्षांखालील विश्वचषक:
• बांगलादेशमध्ये झालेल्या १९ वर्षांखालील विश्वचषकात भारताने अंतिम फेरीपर्यंत मजल मारली हाेती.
• अंतिम फेरीत वेस्ट इंडिजने भारताचा ५ विकेटने पराभव केला होता.
• संघ प्रशिक्षक राहुल द्रविडच्या मार्गदर्शनाखाली भारताच्या युवा संघाने चांगली कामगिरी केली होती.
• सर्फरज खान याने सहा सामन्यात पाच अर्थशतक ठोकली आणि तो अंडर १९ विश्वकप क्रिकेट स्पर्धेच्या इतिहासात सर्वाधिक अर्थशतक (सात) करणारा पहिला खेळाडू ठरला

आयसीसी टी-२० विश्वचषक:
• २०१६ मध्ये ८ मार्च ते ३ एप्रिल या कालावधीत टी-२० विश्वचषक स्पर्धा पार पडली.
• या स्पर्धेत भारताने उपांत्य फेरीपर्यंत धडक मारली. उपांत्य फेरीत वेस्ट इंडिजने भारताचा पराभव केला.
• त्यानंतर झालेल्या अंतिम सामन्यात वेस्ट इंडिजने इंग्लंडचा चार विकेटने पराभव करत चषक आपल्या नावे केला. या मालिकेत विराट कोहली याला मालिकावीराचा पुरस्कार देण्यात आला.

करूण नायरचे त्रिशतक:
• भारत आणि इंग्लंड यांच्यादरम्यान चेन्नई येथे खेळण्यात आलेल्या पाचव्या आणि अखेरच्या कसोटीच्या पहिल्या डावात करूण नायरने नाबाद ३०३ धावांची खेळी केली. करूणने आपल्या कारकीर्दीतील तिसऱ्या कसोटीतच त्रिशतक केले आहे. वीरेंद्र सेहवाग नंतर त्रिशतक करणारा करूण नायर भारताचा दुसरा खेळाडू ठरला.

इंग्लंड, न्यूझीलंडला पराभवाची धूळ:
• २०१६ या वर्षा मध्ये टीम इंडियाने कसोटी सामन्यांत चमकदार कामगिरी करत प्रथम न्यूझीलंडला ३-० त्यानंतर इंग्लंडला ४-० अशा फरकाने पराभूत केले. विराट कोहलीच्या नेतृत्वाखाली टीम इंडियाने सलग १८ कसोटीत विजयी होण्याचा विक्रम बनवला आहे.

आर. अश्विन:
• टीम इंडियाला आयसीसी कसोटी क्रमवारीत अव्वलस्थानी पोहोचवण्यात रविचंद्रन अश्विन याचे मोठे योगदान आहे.
• अश्विनने वर्ष २०१६ मध्ये १२ सामन्यात ७२ गडी बाद केले. यादरम्यान ८ वेळा डावात ५ बळी आणि ३ वेळा १० हून अधिक बळी घेतली
• अश्विन यंदा सर्वाधिक बळी घेणारा गोलंदाज ठरला आहे.
• त्याचबरोबर त्याने आंतरराष्ट्रीय क्रिकेटमध्ये सर्वाधिक वेगाने २०० बळी घेण्याचा विक्रमही आपल्या नावे केला आहे.
• अश्विनला त्याच्या अष्टपैलू कामगिरीमुळे आयसीसीने वर्षांतील सर्वश्रेष्ठ क्रिकेटपटू आणि कसोटी क्रिकेटर ऑफ द इअर हा किताब जाहीर केला.

विराट कोहली:
• विराट कोहलीने वर्ष २०१६ मध्ये क्रिकेटच्या तिन्ही प्रकारात भारतासाठी धावांचा केल्या
• विराटने यावर्षी कसोटीमध्ये सुमारे ८० च्या सरासरीने १२१५ धावा बनवल्या. याचदरम्यान त्याने ३ द्विशतके ही ठोकले.
• एका वर्षांत ३ द्विशतके ठोकणारा विराट कोहली भारताचा पहिलाच क्रिकेटपटू ठरला आहे. विशेष म्हणजे यापूर्वी विराट कोहलीने प्रथमश्रेणी सामन्यात एकही द्विशतक केलेले नाही.

२०१६ या वर्षातील वादग्रस्त घटना:-
---------------------------------------------

नोटाबंदी
• येणाऱ्या काळासाठी हे वर्ष नोटाबंदीचे वर्ष म्हणून ओळखले जाईल. सामान्य माणसाच्या आयुष्यावर प्रभाव टाकणारा या वर्षातील हा सर्वात मोठा निर्णय ठरला. आठ नोव्हेंबरला एका घोषणेद्वारे पंतप्रधान नरेंद्र मोदी यांनी ५०० आणि १००० च्या नोटा बंद करण्यात येतील हे सांगितले आणि १४ लाख कोटी रुपयांच्या नोटा चलनातून बाद झाल्या. भ्रष्टाचार मिटविण्यासाठी हे आवश्यक होते असे म्हटले तरी या निर्णयाला विरोध करणाऱ्यांची संख्या लक्षणीय आहे त्यामुळे हा या वर्षीचा सर्वात वादग्रस्त निर्णय ठरला आहे.

सर्जिकल स्ट्राइक
• उरी हल्ल्याच्या ११ दिवसानंतरच भारतीय सेनेने पाकव्याप्त काश्मीरमध्ये घुसून अनेक दहशतवाद्यांना कंठस्नान घातले. या हल्ल्यात किमान ४० जणांना ठार केल्याचे भारतीय सेनेने म्हटले परंतु अशी कुठलीही कारवाई झाले नसल्याचे पाकिस्तानच्या लष्कराने म्हटले आहे. पाकिस्तानच्या या वक्तव्यानंतर भारतीय नेत्यांनी भारत सरकारला पुरावे सादर करावे अशी मागणी केली. त्यामुळे हा वाद चांगलाच चिघळला.

सायरस मिस्त्री आणि रतन टाटा यांच्यातील वाद
• भारतातील सर्वात मोठ्या उद्योग समुहापैकी एक असलेल्या टाटा सन्सने या समुहाच्या अध्यक्षपदावरुन सायरस मिस्त्रींची हकालपट्टी केली. सायरस मिस्त्रींनी टाटा सन्स आणि रतन टाटा यांच्याविरोधात तक्रार दाखल केली. सायरस यांचे निकटवर्तीय नसली वाडिया यांची देखील टाटा मोटर्सच्या संचालकपदावरुन हकालपट्टी करण्यात आली. त्यांनी रतन टाटाविरोधात अब्रुनुकसानीचा खटला दाखल केला.

रघुराम राजन यांना मुदतवाढ न मिळणे
• भारतीय रिझर्व्ह बॅंकेचे गव्हर्नर रघुराम राजन यांच्यावर भाजप नेते सुब्रमण्यम स्वामी यांनी टीका करण्यास सुरुवात केली. त्यांच्या या टीकेकडे अर्थ मंत्री अरुण जेटलींनी दुर्लक्ष्य केले. रघुराम राजन यांची मुदत संपत आली होती तरी देखील सरकारने त्यांची मुदतवाढ करण्यासाठी हालचाली केल्या नाहीत. त्यानंतर रघुराम राजन यांनी आपण परत अध्यापन क्षेत्रात जाणार असल्याचे जाहीर केले.

नरसिंह यादव सुशील कुमारमधील वाद
• ७४ किलो वजन गटामध्ये भारताचा कोणता कुस्तीपटू रिओ ऑलिम्पिकमध्ये प्रतिनिधित्व करणार यावरुन हा वाद पेटला. या स्पर्धेसाठी कोटा पद्धतीतून नरसिंह यादवने आपले स्थान कायम केले तर सुशील कुमारने या निर्णयाला आव्हान देत हायकोर्टात धाव घेतली. आमच्या दोघांची थेट लढत लावावी असे आव्हान देखील सुशील कुमारने केली होती परंतु नरसिंहचेच स्थान कायम राहिले. नरसिंह यादववर झालेल्या डोपिंगच्या आरोपामुळे तो रिओमध्ये खेळू शकला नाही.

कर्नाटक-तामिळनाडू कावेरी पाणी प्रश्न
* कावेरी नदीचे पाणी कर्नाटकने तामिळनाडूला द्यावे असा निर्णय सर्वोच्च न्यायालयाने देऊनही कर्नाटकने मात्र त्यास नकार दिला. इतकेच नव्हे तर बंगळुरूमध्ये आंदोलकांनी शेकडो बसेस जाळल्या. या निर्णयामुळे राज्यातील जनजीवन विस्कळीत झाले होते.

बिहारमध्ये दारुबंदी
• बिहारचे मुख्यमंत्री नितीश कुमार यांच्या पुढाकाराने बिहारमध्ये दारूबंदीचा निर्णय घेण्यात आला. या निर्णयाचे महिलांनी स्वागत केले तर अनेक स्तरातून या निर्णयाला विरोध झाला. दारूबंदीनंतर राज्यात बनावटी दारुची विक्री जास्त प्रमाणात होईल असा युक्तीवादही करण्यात आला परंतु हा निर्णय कायम राहिला.

चालू घडामोडी:-
-----------------------------

१) अधिकृत पणे कैशलेस सिस्टम अवलंबनारे ----------------- राज्यातील राजभवन हे देशातीलपहिले राज्य ठरले राजभवन राज्य ठरले :-हिमाचल प्रदेश

२) १४ ते २१ डिसेंबर २०१६ या दरम्यान इंद्र नेव्ही संयुक्त नौदल सराव विशाखापट्टणम येथे भारत आणि -------------- या देशादरम्यान होणार आहे :- रशिया

३) -------------- उच्य न्यायालयाने तोंडी तलाक घटनाबाह्य असल्याचा ऐतिहासिक निर्णय दिला :-अलाहाबाद

४) सर्वात आधी--------------- या देशाने बोगस नोटांचा उद्योग रोखण्यासाठी प्लास्टिक नोटा चलनात आणल्या होत्या. :-ऑस्ट्रेलिया

५) सर्वप्रथम कोची, म्हैसूर, जयपूर, शिमला आणि भुवनेश्वर या पाच शहरांमध्ये ----------- रुपयांच्या प्लास्टिक नोटा चलनात आणण्यात येणार आहे :-१०

६) महाराष्ट्राला ------------ पर्यंत पाणी टंचाई मक्तु राज्य’ करण्याकिरता जलयक्तु शिवार अभियान सरुु करण्यात आले असून याद्वारे दरवर्षी 5,000 गावे पाणी टंचाई मक्तु करण्याचा निर्धार करण्यात आला :- २०१९

७) भारताच्या पाऊलावर पाऊल टाकत माफिया आणि तस्करांकडून सुरू असलेला काळ्या पैशांचा बाजार रोखण्यासाठी-----------च्या सरकारने देशातील सर्वाधिक मुल्याची १०० बोलिव्हरची नोट चलनातून रद्द केली आहे :-व्हेनेझुएला

Himachal Pradesh has achieved 100 per cent Aadhar saturation on the basis of population of year 2015, making it the sixth state after Delhi, Telangana, Haryana, Punjab and Chandigarh to have achieved this milestone.

MPSC Guidance
Plz Like & Share

जॉईन करा www.mpscguidance.blogspot.in या ब्लॉग चे अधिकृत टेलिग्राम चॅनेल.

जॉईन करण्यासाठी @empscguidance यथे क्लिक करा , चॅनेल ओपन होईल , त्यानंतर चॅनेल च्या तळाशी असणाऱ्या JOIN या ऑप्शन वर क्लिक करा.

किंवा

Telegram.me/empscguidance येथे क्लिक करा , चॅनेल ओपन होईल , त्यानंतर चॅनेल च्या तळाशी असणाऱ्या JOIN ऑप्शन वर क्लिक करा.
________________________________________
आपल्या मित्रांनाही जॉईन करा.