"#ትውስታዬ"

በ1957 ዓ.ም የአፍሪቃ ሜኖናይቶች መሪዎች ስብሰባ ላይ ተገኝቼ ነበር...በስብሰባው የተገኘነው ሚሲዮናውያንና አፍሪካውያን ነበርን...ከኢትዮጵያ የሄድነው ኪሮስ ቢሆን፣ በየነ ሙላቱ፣ ሸምሰዲን አብዶ፣ ሚስርተር ጊንግሪክ፣ ናታን ሄግና እኔ ነበርን።

ስብሰባውን በሊቀ መንበርነት የሚመራው አፍሪቃዊ እንዲሆን ታሰበና እኔ እንድመራ ተደረገ። ያኔ ነበር አፍሪቃ ሜኖናይት ኤንድ ብራዘረን ኢን ክራይስት ፌሎሺፕ (Africa Mennonite and Brothern in Christ Fellowship) በሚል የአፍሪካን ድርጅት የመሰረትነው።

በዚያ ስብሰባ ላይ በአለም ሜኖናይት ኮንፍረንስ ላይ አፍሪቃ እንድትወከል ጥያቄ ቀርቦ ስለነበር እኔ ተወክዬ በአምስተርዳሙ በሚደረገው ቀጣይ ስብሰባ እንድሄድ ተወሰነ...እዚያ ደግሞ የስራ አመራር ኮሚቴ ማቋቋም ስላስፈለገ ከአፍሪቃ የሜኖናይት ወርልድ ኮንፍረንስ ም/ፕሬዚዳንት የሚል ሹመት ሰጥተውኝ ማገልገል ጀመርኩ። አፍሪቃን መወከል ለእኔ ትልቅ ክብር ነበር።

በ1967 ዓ.ም (እ.ኤ.አ) ስብሰባው በአምስተርዳም ተካሄደ...ያን ስብሰባ በጸሎት የከፈትኩት እኔ ነበርኩ፤ ስብሰባው በስርዓት እንዲሄድ ከሚያደርጉት መሪዎች መቆጠሬን ሳስበው ያስገርመኛል።

በ1973 በሲውዘርላንድ ልዩ ስብሰባ ተደረገ። ያ ጉባኤ የሰጠኝ ኃላፊነት ታላቅና ያላሰብኩት ነበር። በስብሰባው ላይ ከመላው አለም የተሰበሰብን ሃያ ያህል የቤተክርስቲያን መሪዎች ነበርን። የስብሰባው ሁለት ዋና ዋና አጀንዳዎች ፕሬዚዳንትና ዋና ጸሐፊ መምረጥ ነበር።

የሜኖናይት አለም አቀፍ ስብሰባ ከተጀመረ ጀምሮ የነበሩት ፕሬዚዳንቶች ከአሜሪካ ወይም ከአውሮፓ ስለነበሩ ዛሬ የሚመረጠው ፕሬዚዳንት ከሶስተኛ አለም መሆን ይገባዋል ተባለ። ጎኔ ተቀምጦ የነበረ የማዳ የሚባል ጃፓናዊ ተጠቆመ። የማዳ አሻፈረኝ አልሆንም አለ። እንዲቀበል እኔም የበኩሌን ጉትጉት አደረኩት። ለሻይ ስንወጣ እንደገና የማዳን ወተወትኩት። "እነኚህ አውሮፓውያን ይህ ድርጅት እንደሌሎች የአውሮፓውያን አለመሆኑን በተግባር እንድንገልጽ ይፈለጋሉ፤ ስለዚህ መቀበል አለብህ" አልኩት፤ አሻፈረኝ አለ...ከዚያ በኋላ አንዱ መግለጫ ብጤ ሰጠና ሚሊዮን ፕሬዚዳንት እንዲሆን ሃሳብ አቀርባለሁ አለ። እኔም በበኩሌ "እኔ ዶክተር ዎልትነርን መተካት አልችልም፤ የማይመስል ነገር ነው፤ ለዚህ ብቁ አይደለሁም" አልኩ።

አንዱ ሲመልስ "የማዳንን ምን ነበር ስትለው የነበረው? እንዴት አልችልም ትላለህ? አለኝ። ሌሎችም ተመሳሳይ አስተያየት አስተያየቶች ሰጡ "ለየማዳን ያልከውን ምክር ፈጽም በማለት ገፋፉኝ" ሳልወድ በግድ እሺ አልኹ። እንግዲህ የሚኛው ባላገር የሜኖናይት ዎርልድ ኮንፈረንስ ፕሬዚዳንት ሆነ ማለትም አይደል! የጌታ ስራ ይገርመኛል!

ትውስታዬ - በጋሽ ሚሊዮን በለጠ
(ከገጽ 162-165)

https://t.me/MKC_Official

#ከሦስት_አመት_በኋላ_የተገናኘው_ቤተሰብ

"ግጭት ጎረቤትን ከጠፈር ይልቅ ሩቅ ያደርጋል!
እንደ ጦርነት ምን ክፉ ነገር አለ? ሮጠው ያልጠገቡትን ወጣቶች ይቀጥፋል፤ ሴቶችንና ህጻናትን ለሞት አልያም ከሞቀ ቤታቸው አስወጥቶ ለጎዳና ይዳርጋል፤ ቤተሰብን ይበትናል፤ ማህበረሰብን የስሜት ቁስለኛ ያደርጋል" ይለናል በአከባቢው በሰላም ግንባታ አገልግሎት የተጠመደው የመሠረተ ክርስቶስ ቤተክርስቲያን የሰላም ግንባታ መምሪያ ኃላፊ ሪፓርት።

በደቡብ ኢትዮጵያ ክልል የሚገኙት ኮንሶና ኧሌዎች ወንድማማችና ተጋብተው የተዋለዱ ህዝቦች ናቸው። ነገር ግን ይህ ሁሉ ታሪክ ከሆነ አመታት ተቆጥረዋል። የመሠረተ ክርስቶስ ቤተክርስቲያን የሰላም ግንባታ አገልግሎት በኮንሶና ኧሌ ዞኖች መካከል ለተከሰተ ግጭት መፍትሔ ለመሆንና የተበላሸውን የማህበረሰቡን ግንኙነት ወደ ነበረበት ለመመለስ ለረዥም ጊዜ የእርቅ-ሰላም ትምህርት ስትሰጥ ቆይታለች። ዛሬ እግዚአብሔር ይመስገን ከሦስት ዓመታት በኋላ በአካባቢው የሰላም አየር መንፈስ ጀምሯል።

ከእነዚህ ጊዜያት በኋላ በግጭት ምክንያት ተለያይተው የነበሩ ቤተሰቦች እየተገናኙ ነው። ከላይ የሚታየው ቪዲዮ እነዚህ ቤተሰቦች ሲገናኙ ለሚያሳዩት ለቅሶ የተቀላቀለበት የደስታ ስሜት ማሳያ ነው።

በጣም የሚደንቀው በእነዚህ ቤተሰቦች በመካከል የነበረው አንድ የአስፓልት መንገድ ብቻ ነበር። ሆኖም ከሰላም እጦት የተነሳ በጣም ቅርቧ ሰፈር ከጠፈር ይልቅ ርቃ ለሦስት አመታት ልትለያያቸው ችላለች።

"#የሚያስተራርቁ_ብፁዓን_ናቸው_የእግዚአብሔር_ልጆች_ይባላሉና።"
ማቴዎስ 5÷9

ለበለጠ መረጃ👇
በዩቱብ: https://youtube.com/@mkcmedia2023
ይከታተሉን!