كي آنسر AN132☝️
موفقين.

السلام عليكم..

سؤال الفسيو 34 تمت مراجعته وتبين أنه صحيح..
شرح السؤال كالتالي :

صباح الخير..
أول شي كلمة passes down المقصد منها السائل المرشح اللي طلع من PCT ونازل في Descending limb (يعني بعد ماصار اعادة امتصاص في PCT)..
بالنسبة للخيار الأول..
خلينا نقولوا أن نسبة الماء واليوريا قبل الامتصاص يساووا بعض يعني 100%..
تم امتصاص ماء بنسبة 65%..والباقي 35%..
تم امتصاص اليوريا بنسبة 50%..والباقي 50%
يعني بعد ماتمت عملية الإمتصاص في PCT الماء بيمتص أكثر من اليوريا..
بيفضل عندي نسبة 35% للماء مقابل 50% يوريا..هكي زاد تركيز اليوريا..لأن نسبة الماء أقل من اليوريا..
انجوا ل Descending limb..يعتبر نفاذ للماء فقطططط..وفي حالة تم امتصاص الماء بيزيد تركيز اليوريا ولا لا ؟
أكيد بيزيد لأن نسبة الماء قلت عن 35% وبالتالي زاد تركيز اليوريا أكثر وأكثر كل مانزلنا للأسفل..
والخيار الثاني طبعا لأن يصيرله امتصاص بالكامل ومتفقين انه خطأ..
خلاص يعني هالكلام نستنتجوا أن الخيار a & b إجابة صحيحة للسؤال لأنهم غلط وهو يبي غلط..
الخيار d قالك أن a & b غلط..وهذا غلط لأنهم يعتبروا الإجابة الصحيحة للسؤال وبالتالي الإجابة حتكون d

السلام عليكم..

بخصوص موضوع الفسيو مش عارف بالزبط شن بيديروا..يوم الإربعاء د.المحجوب قالي مزال مش عارفين شن بنديروا للطلبة اللي جايبين 58 و 59 ..وضروري ناخذوا اذن من لجنة كورونا..
ومدام مقالولكمش فيه امتحان شفوي..معناها يبوا يشوفوا وجوهكم ويهدرزوا عليكم ويصفوهالكم..
ضروري تمشوا بعدها حيتسكر الموضوع..

وفق الله الجميع.

السلام عليكم..

بخصوص مقرر AN132 :

سؤال 40 ستعطى درجته للكل..

وفق الله الجميع.

السلام عليكم..

درجات الإمتحان النصفي لمقرر BC142 على المنظومة..

موفقين.

https://sms.uot.edu.ly/medic/login_ing.php

رابط المنظومة

السلام عليكم..

درجات الإمتحان النصفي لمقرر EL123 على المنظومة..

موفقين.

مساء الخير..

الطلبة اللي مانزلوش درجاتهم النصفية مش مهم..

الأهم أن الدرجة النهائية(من 100) تنزل بالنصفي..لو نزلت درجة الإمتحان النهائي فقط حنصلح المشكلة ساهل..

وفق الله الجميع.

النتيجة النهائية لمقرر AN132 على المنظومة..

واللي مانزلتلاش الدرجة يصبر..المنظومة بلهون..وحينزلوا درجات الكل بعون الله..

موفقين.

السلام عليكم..

الدرجات النهائية ل AN132 & BC142 & HS142 & EL123 على المنظومة..

موفقين.

السلام عليكم...
مساء الخير جميعاً..

بالنسبة للطلبة اللي قالوا درجتنا ناقصه في البايو ومتأكدين منها..نقدر نراجعلكم..اتجيبولي طلب كتابي ولكن بشرط :

مثلا اللي قال ناقصيني درجتين..في حالة تمت مراجعة الورقة وتبين أن الدرجة صحيحة سيتم خصم درجتين..
واللي قال ناقصيني 6 درجات لو تراجعت ورقته وطلعت درجته مش ناقصه وصحيحة سيتم خصم 6 درجات..وهكذا..

ولو الدرجة ناقصه تاخذوا حقكم..

ولو بتجوا باللوائح الطعون للراسبين فقط..

الطلبة اللي مادخلوش للنصفي ومنزلين لهم درجة في النصفي تواصلوا معي ضروري..

3 طلبة تواصلوا معاي على أساس درجتهم ناقصه وبعدين طلعوا متلخبطين في الحسبة ودرجتهم صحيحة..

أنا نتوقع مافيش أخطاء..وحنزللكم كل مادة وكم تقسيمة الدرجات واحسبوا من جديد..

بالنسبة للبايو لو مثلا في الطعون طلع فيه أخطاء وفيه طلبة لقوا درجات ناقصه حندير رأي للطلبة اللي ناجحين ودرجاتهم ناقصه بعدين..

الأناتومي اللي درجتهم مانزلتش على المنظومة..ابعتوا أرقام قيدكم وجملة "درجة الأناتومي مانزلتليش" فقط للمندوبة مريم..
@Mariam_20s
الإنجليزي والهستو حتى هما للطعون..لو اتضح أنه فيه أخطاء في الطعون حنراجعوا حتى للناجحين..

سؤالين الهستو موضوعهم ماشي واليوم رديت على المذكرة المقدمة من رئيس القسم ومزال تبي وقت شوية..

لو فيه حد عنده مشكلة غير اللي ذكرتهم فوق وقضوني فيهم..

وفق الله الجميع.

السلام عليكم...

جماعة البايو اللي درجتهم ناقصه..

ترا جربوا اضربوا عدد أسئلة الفاينل في 1.7 فقطط واجمعوا معاها العملي والنصفي وقولولي يطلعلكم نفس ما منزلين في المنظومة ولالا ؟؟؟

يعني الفاينل احسبوا كل سؤال عليه 1.7 فقطط..

ضروري كلكم تأكدوا وقولولي !

السلام عليكم..

الطلبة اللي مانزلتلهمش درجة الأناتومي..باذن الله جاهزة وحتنزل على المنظومة..

اللي مستعجل يبيها يكلمني تو نعطيهاله..

وفق الله الجميع.

السلام عليكم جميعاً..

كيفنكم إن شاء الله طيبين !

آخر التطورات :

- درجات الأناتومي للطلبة اللي مانزلوللهمش حينزلوا على المنظومة قريبا..

- أما الطلبة اللي درجة العملي متاعهم ناقصه خذيت منكم مجموعة طلبة ودزيتهم للدكتورة..لو لقينا فعلا فيه خطأ حنكملوا التصحيح لباقي الطلبة..

- أما الإنجليزي راجعت لزوز طلبة ودرجتهم صحيحة زي مانزلت..

- أما بخصوص البايو..

حناخذ مجموعة طلبة اللي ناقصينهم درجتين ومجموعة ناقصينهم 3 درجات ومجموعة ناقصينهم 6 درجات..
وحنراجعلكم ورقة التضليل..ولو تبين فيه أخطاء حنكمل نراجع لباقي الطلبة..

- والطلبة اللي سحبولهم نتيجة BC120 نزلوها من جديد على المنظومة..

- لو فيه حد عنده مشكلة غير المشاكل هذه يذكرني..

وفق الله الجميع.

النتيجة النهائية لِمقرر PS142 على المنظومة ..
بالتوفيق

http://med.uot.edu.ly

السلام عليكم ورحمة الله وبركاته..

● آخر #تنبيه بخصوص مشاكل الفصل السابق..

- سؤالين الهستو قاعدين في مراسلات ومتابع الموضوع ولو صار جديد بالخصوص حنبلغكم..

- أخطاء مادتي AN132 & BC142 قيد العمل...بعتلهم أرقام قيدكم..ووقت يردوا عليا حنبلغكم..

- الطلبة اللي مانزلتلهمش النتائج تواصلوا معاي باش نشوف شن القصه ونحلها..

- أي مشكلة أي تلخبيط أي عرقلة صايره.. تواصلوا معاي بالكثيييير يوم الخميس..
ولو فيه من كلمني على مشكلة وما انحلتش يذكرني..

بعدها صعب نستقبل أي مشكلة.. "لإنشغالي"

وفقكم الله لما يحب ويرضى.