السّلام عليكم
صحّة فطوركم🤍

بما أنكم كنتم مشغولين بإنتظار نتيجة الباطنة و الوقت مش مواتيكم لتنزيل المُقرّر

ف أي طالب مانزّلش مُقرّر الجراحة مازال و يبّي ينزلها يسجّل في الفورم هذا

الطّلبة اللّي نزلتلكم المادّة مش ضروري تسجلو فيه

https://forms.gle/WU14GZkFhFwgMLDd8

أوائل مادّة الباطنة
ألف مبروك ليكم و النّتيجة كانت اكتساح على صعيد غير مسبوق 🥇
لأوّل مرّة في قسم الباطنة يتحصّل 26 طالب على درجة الممتاز🏆

ألف مبروك للجميع و حظ أوفر لجميع زملائنا، هادي مش نهاية المشوار و انتم أقوى منها بإذن الله

المعرفة بروحها ما تكفيش…
السرعة هي اللي تحسم.

‏MedMasters
المسابقة المنهجية الطبية

يعلن اتحاد طلبة كلية الطب البشري عن مسابقة MedMasters
تحدّي علمي يجمع طلبة الكلينك في مواجهة بين العقول، سرعة البديهة، وروح المنافسة.

المسابقة تمر عبر 3 مراحل مختلفة:
• أسئلة سريعة ومكثفة
• تحليل حالات سريرية
• سؤال التحدي — 30 ثانية

الأسئلة من مواد البري كلينك لضمان منافسة عادلة بين الجميع.

هنا… كل سؤال ممكن يقلب النتيجة، وكل ثانية تفرق، والجرس يحدد من يبدأ.
موعد ومكان المسابقة: 24-25 مارس، داخل مدرج الزواوي

وفي النهاية… جوائز تنتظر الأبطال.

للتسجيل:
https://forms.gle/oNFbBjCQNqcUHQSLA

#اتحاد_طلبة_كلية_الطب_البشري

السّلام عليكم
كل عام و انتم بألف خير تقبل الله منّا و منكم صالح الأعمال

بناءً على تعليمات رئيس أقسام الجراحة الدّكتور وليد الهمّالي أتاح لكم القسم حُريّة اختيار المُستشفيات الآتية للحضور
( الطبّي / شارع الزّاوية / أبوسليم / الخضراء )
كل طالب يختار المُستشفى اللّي يبّي يحضر فيه هوا فقط لأنّ معش فيه تقسيمة قروبات و مجموعات زي قبل

الحضور إجباري وحتكون فيه قائمة جاهزة بالأسماء لتوقيع الحضور

اليوم فقط سيتم إستقبال الأسماء و يوم الإثنين حتنزل القوائم

الطّلبة اللي مانزلتلهمش المادّة في المنظومة مايبعثوش أسماءهم حاليّاً لين تنتهي عطلة عيد الفطر المُبارك وينزلولكم المادّة و يبعث قسم الدّراسة و الإمتحانات أسماءكم و نضيفكم وين ماتبو زي باقي الطّلبة

أبعثولي الأسماء مُرفقة بأرقام القيد اليوم و اللّي عندهم المادّة في المنظومة فقط يبعثو أسماءهم حاليّاً
@BIANCOVERDE99

يا دكاترة أبعثولي الإسم + رقم القيد + المستشفى اللي تبي تحضر فيه

لو فيه مجموعة طلبة تبّي تكون مع بعض أبعثولي أسماءكم و أرقام قيدكم في رسالة وحدة، المهم يكون العدد شويّا بس يعني بالكثير 5 طلبة فقط

للتّوضيح : المستشفى اللي بتختاروه توا هذا حتنحطو فيه في أول روتا بس لكن بعدين لما بتقلبو للروتا اللي بعدها مرات تجيكم ف مستشفى ثاني لكن حتقعدو نفس القروب مع بعض

ف لهذا اختصاراً للوقت أي طالب بعثلي رسالة و يبي يكون مع مجموعة طلبة يمسح رسالته هوا وباقي الطلبة اللي ف مجموعته و يبعثلي المجموعة متاعه مرفقة بأرقام القيد + اسم المستشفى اللي يبوه في الروتا الأولى

السّلام عليكم
اليوم آخر موعد للتّسليم لو فيه حد ماشافش المنشور مثلاً يعني

توضيح بسيط : إستيعاب المستشفيات مش كبير هلبا في كل روتا و الطبي لاحظته صاير عليه ضغط كبير، لهذا حتكون الأولويّة للطّلبة اللّي بعثو همّا الأولين بناءً على توقيت الرّسائل، أمّا باقي الطّلبة لو ماقدرتش نحطكم في الطبّي في أوّل روتا حنحاول نحطكم في مستشفى ثاني لكن حيجيكم الطبّي في الروتا اللّي بعدها، لكن المجموعة متاعكم اللّي بعثتوها مش حتتغير و حتقعدو مع بعض

• كل مجموعة يكلّمني منها شخص واحد فقط و يبعث قائمتهم ، مش حنستقبل مجموعات من شخص ثاني غير طلبة المجموعة نفسها

• أقصى عدد للمجموعة 5 طلبة و وضّحتلكم النّقطة هادي من آمس لأنّ صاير ضغط في العدد الحالي على مستشفيات مُعيّنة و حتكون الفرصة بالتّساوي للجميع

• باقي الطّلبة اللّي مابعثوش أسماءهم و مايبّوش يكونو ف مجموعة عادي المُهم تكون المادّة نازلة عندكم في المنظومة و حتنحطّو في مستشفى و تنزلو في القوائم زيكم زي باقي الطّلبة

• أي طالب ماعنداش المادّة في المنظومة مايبعثليش اسمه حاليّاً و أوّل مايرجع الدّوام الرّسمي في الكليّة حتنزللكم المادّة و وقتها حينزل بوست ليكم و نحطكم وين ماتبو

آخر تنبيه ⚠️: اليوم آخر يوم لتسليم المجموعات و غدوا حيتسلمو القوائم و مش حيتعدّل أي شيء

و للتّوضيح أكثر، أي شخص يبعثلي مجموعة بيدسايد للجراحة و اسمه مش موجود في المجموعة اللي بعثها مش حتنحسب المجموعة و حيتوزعو أفراد على المستشفيات، نسقو مجموعاتكم و اختارو شخص من مجموعتكم نفسها متع الجراحة ويبعثلي أسماءكم و أرقام قيدكم على المعرف اللي حنحطه في البوست، غير هكي مش حتحسب المجموعة و مش حتتعدل غدوا
@BIANCOVERDE99