توزيع امتحان مادة الكيمياء الحيوية مقرر BC142 يوم الإثنين الموافق 14/9/2020 الساعة 9 صباحاً
ستفتح أبواب الكلية لدخول الطلبة الساعة 8:00 صباحاً
يطلب الالتزام بلبس الكمامة
على الطلبة التوجه الى أماكن الجلوس عند الوصول و عدم التجمع أمام الكلية في موعد أقصاه 8:45 صباحاً
لن يسمح بدخول طلبة لفضاءات الامتحانات بعد بدء الامتحان 9:00
لا يسمح لأي طالب بإجراء الامتحان في حال عدم تسجيل المقرر في منظومة التسجيل الالكترونية
لسلامتكم يطلب ضرورة عدم التجمع قبل و بعد الامتحان
نأمل التوفيق و السلامة للجميع

درجات الإمتحان النصفي لمقرر AN132 على المنظومة..

https://sms.uot.edu.ly/medic/

موفقين

السلام عليكم..
الحمد لله مشي على خير الإمتحان..
وأكيد كالعادة مافيش امتحان يخلوا من أخطاء لاسيما البايو..وبإذن الله يتعدل كل شيء تهنوا..
الكي آنسر حينزله الدكتور في قروب البايو..التوقيت الله أعلم...أول ماينزل حنزله في القناة..

وبخصوص أسئلة اليوم حينزل تصويت في قروب الدفعة (على الفيس)..رجاءا اللي عنده بايو 2 فقط يدخل للقروب..واللي ماعنداش بايو 2 مايصوتش..
لأن بناءا على التصويت حنتخذ الإجراء..

وفق الله الجميع.

السلام عليكم 🌸 ..
للطلبة اللي ما لقوش درجة النصفي لمقرر AN132 نازلة في المنظومة يبعتولي أرقام قيدهم فقط ..
@mariam_20s
ربي يوفقكم جميعًا ..

السلام عليكم..

أول شي..دفعتي منورين نفر نفر بجديات..تستاهلوا الشكر..

ثانيا..

كيف توصفوا شخص بالأنانية وهو يبي مصلحتكم ؟
السؤال اللي دار العار هذا كله في البداية كلمت د.فهيمة وقلتلها مش لينا وقالتلي تمام حنلغيه(بما أن هي امدايراته)
د.أحمد زايد لاقاني وأنا مروح وقلتله عليه وقالي حنلغيه قلتله اصبر خلي نشوف الدفعة لو متفقين على الاجابتين a & e خلي يقعد أفضل يستفيدوا منه..ولو فيه مش حالينه نلغوه..قالي تمام شوفهم وقولي..
واتجي تقولي ليش امداير تصويت بما أن هو ملغي أساسا...
في هذه عندك حق والله..وأنا اللي فاضي ومكسد جاي منزل تصويت..

والتصويت مش معناه أن بناخذ بالأغلبية..!
في سؤال زي هذا مش لينا وبما أن الأغلب عرفه وفيه اللي ماعرفاش(اللي من حقه السؤال)..حيلتغى السؤال حتى ولو غلطوا فيه 5 طلبة من ضمن 500 طالب..

فاهمين قصدي ولا..فاهمين ليش درت التصويت ولا..

كل الشكر والتقدير لدفعتي وموفقين.

السلام عليكم
بخصوص أسئلة البايو..من سؤال 35 إلى سؤال 40 تم إلغائهم وتوزيع درجتهم على باقي الأسئلة.. وبالنسبة للسؤال 32 و33 تم إعطاء درجتهم.. وسؤال 15 الإجابة الصحيحة a & c..
بخصوص سؤال 8 في العملي تم إلغائه وتم توزيع الدرجة على باقي أسئلة العملي..

موفقين جميعا.

السلام عليكم..

بالنسبة للكي فيه مجموعة أخطاء..

وبالنسبة لتوزيع الدرجات كالتالي :

سؤال النظري عليه 1.764 واللي ماخشش للنصفي كل سؤال عليه 2.35..
سؤال العملي عليه 2.22..

موفقين.

السلام عليكم..

بالنسبة لأخطاء الكي آنسر لحد الآن كالتالي :

3 C
8 D
9 D
13 E
19 B
20 B
23 D
49 A

الرسائل اللي عندي كمية هائلة وسعوا بالكم وحنرد على الكل بعون الله..

وفق الله الجميع.

الكي انسر بعد التعديل BC142
موفقين.

السلام عليكم..

بعد ماتعدل الكي والتغوا الأسئلة اللي مش لينا..أكيد اللي داروا الشوشرة عرفوا أن اللي داروه زايد..ومافيش داعي ليه ولا حل مشكلة..!!
لذلك أول وأخر مرة تصير الغلطة هذه بعون الله..

وملاحظة بسيطة ..
فيه بعض الطلبة خارج دفعتي وفيه اللي من دفعتي قالولي ربي يصبرك على دفعتك وكيف امداير معاهم..
ف قلت انوه أن اللي داروا الشوشرة سوا هنا سوا على قروب الفيس مافيش ولا واحد منهم من دفعتي..كلهم من الدفعات السابقة..
لذلك كيف شكرت دفعتي شكرتها بجديات..

وفق الله الجميع.

السلام عليكم..

بالنسبة لمقرر BC142 :

سؤال 34 الإجابة الصحيحة b & d (اللي جاوب b صح ، واللي جواب d صح)...

وأي طالب تقعدله على سؤال المادة...اعتبروها صافية..

وفق الله الجميع.

مساء الخير 💫..
بخصوص درجات النصفي لِـمقرر AN132 ، في خلل للمنظومة في رصد الدرجات وإن شاء الله حـيتم تعديلهم .
موفقين

توزيع امتحان مادة اللغة الانجليزية مقرر EL123 يوم الإثنين الموافق 21/9/2020 الساعة 9 صباحاً
ستفتح أبواب الكلية لدخول الطلبة الساعة 8:00 صباحاً
يطلب الالتزام بلبس الكمامة
على الطلبة التوجه الى أماكن الجلوس عند الوصول و عدم التجمع أمام الكلية في موعد أقصاه 8:45 صباحاً
لن يسمح بدخول طلبة لفضاءات الامتحانات بعد بدء الامتحان 9:00
لا يسمح لأي طالب بإجراء الامتحان في حال عدم تسجيل المقرر في منظومة التسجيل الالكترونية
لسلامتكم يطلب ضرورة عدم التجمع قبل و بعد الامتحان
نأمل التوفيق و السلامة للجميع

الاجابة النموذجية لامتحان اللغة الانجليزية EL123
بالتوفيق للجميع ..