السلام عليكم

زي ماتعرفوا السيمستر اللي فات كانت فيه مشاكل هلبا وأغلبها تجسّد بعد ما طلعت النتيجة، واللي زاد من حِدّة الموضوع إضراب الموظفين وأعضاء هيئة التدريس واللي مش معروف أمتى حيتم؛ وإحنا دورنا كإتحاد طلبة مُمثّل بمكتب الشؤون الطلابية إنّا نحاولوا نلموا الموضوع ونحلوا المشاكل على قدر استطاعتنا بالرّغم من كل العراقيل اللي تواجه فينا في الكلية ومع الإضراب اللي صاير، نحاولوا نحتووا المشاكل ونديرولها حل في أقرب وقت، وعلى خاطر الشيء هذا درنا الرابط هذا لطلبة نظام الفصل الدراسي وكل طالب يكتب مشكلته (يتأكد من تعبئة الإسم ورقم القيد الجامعي بطريقة صحيحة ويختار المادة اللي عنده فيها مشكلة) ولو في حد عنده مشكلة في أكثر من مادة يعبي النموذج على كذا مرة (كل مادة في مرة) ولو مشكلته مش في الخيارات الموجودة يكتبها في الخانة (غير ذلك) ونحاولوا نحلوهم في أقرب وقت ممكن بعون الله.

ياريت تنشروا الرابط في كل قروباتكم بش الكل يكون عنده علم
الرابط:
https://docs.google.com/forms/d/e/1FAIpQLSfdelTPv-WqzBQETMeBpNtWIwI78KBgGECkcSyIU2icYS_3zg/viewform

وأعتذر جِدًّا على عدم الرد على رسائلكم حتى يوم الإثنين القادم، دعواتكم لي ولزملائي بالتوفيق في الإمتحان السريري لطب التوليد وأمراض النساء.

#مكتب_الشّؤون_الطُّلّابيّة_بالإتحاد

السلام عليكم..

الطلبة اللي ماقدروش يقدموا طعن على المنظومة أو اللي درجتهم أقل من 40 يمشوا بكرة لقسم الدراسة ويقدموا طعن يدوي..
أما اللي قدموا طعن على المنظومة..أموركم طيبة..مش شوركم هذا..

وفق الله الجميع.

السلام عليكم..

بالنسبة لمادتي EL122 و EL123 فيه طلبة مصفيين المادة ولكن منقصينلهم درجات..وفيه اللي منقصينله فوق 20 درجة..

باذن الله حيراجعولكم...بس توا بيسقدوا الطلبة اللي قدموا طعن واللي قاعدتلهم المادة..بعدهم باذن الله حيراجعولكم..وحنقوللكم الوقت وشن ايصير..كونوا هانيين..حقكم تاخذوه

ونفس الشي الطلبة اللي ماخشوش نصفي وحسبولهم النصفي والكويز 0 كله حيتعدل..

وياريت اللي درجته ناقصة يقولي حوالي كم..
@NWFL_98

أما اللي قاعدتله AN131 ..ولو لغي النصفي تصفاله..
من المفترض قدمتوا طعن..وباذن الله حيلغوهولكم يوم الطعن...وباذن الله حنكون متواجد في حالة صار أي إشكالية مع القسم...
ونفس الشيء AN132..

وفق الله الجميع.

#تم_التعديل

الملخص

اعلان
يعلن قسم علم وظائف الاعضاء ان المراجعة الموضوعية (الطعون) ستكون يوم الاربعاء 6/11/2019 من الساعة 10 الى الساعة 13:00
وعليه يرجى من الطلبة الحضور في الموعد المحدد

اعلان
يعلن قسم علم التشريح ان المراجعة الموضوعية (الطعون) ستكون يوم الاربعاء 6/11/2019 من الساعة 10 الى الساعة 13:00
وعليه يرجى من الطلبة الحضور في الموعد المحدد

اعلان
يعلن قسم الكيمياء الحيوية ان المراجعة الموضوعية (الطعون) ستكون يوم الثلاثاء 5/11/2019 لمقرر BC141 و يوم الاربعاء 6/11/2019 لمقرري BC142 و BC243 من الساعة 9:00 الى الساعة 12:00
وعليه يرجى من الطلبة الحضور في الموعد المحدد

السلام عليكم..

بالنسبة لمادتي AN131 و AN132 .. فيه طلبة مش حاسبينلهم درجة العملي وهم :

- عبد الرحمن الأرنؤوطي
- سرور إدريس

لو فيه طلبة غيرهم ابعتولي أسمائكم اليوم ضروري..
@NWFL_98

علان
يعلن قسم الانسجة ان المراجعة الموضوعية (الطعون) مقرر HS141 ستكون يوم الخميس 7/11/2019 من الساعة 10 الى الساعة 12:00
وعليه يرجى من الطلبة الحضور في الموعد المحدد

السلام عليكم..

#ملاحظة_ليوم_الغد

بالنسبة لمادة PS141 ...آخر 6 أسئلة من ال respiration وآخر 6 أسئلة من ال blood هاذم أسئلة العملي...وكل سؤال عليه 1.25..سوا اللي خشوا للنصفي أو اللي خشوا على 100 ..

أما باقي أسئلة النظري عليها 1.25 .. ولو حد خش على 100 ..كل سؤال عليه 1.77..

بالنسبة لسحب درجة النصفي قاعدين في تفاوضات..لو صار منه حنبلغكم..

- أما مادة AN131 و AN132..اللي درجة العملي مش حاسبينهالهم.. واللي امدايرينله النصفي 0 ..بكري طلعنا أوراقكم وحيتعدلوا الدرجات باذن الله..

والطلبة اللي لو سحبوا النصفي تصفالهم..كلمت الدكتورة وحتلغيهولكم بشرط :

1 - المادة تكون قاعدة
2 - تكون مقدم طعن في المادة

وأخيرا وليس آخرا...ركزوا على أوراق العملي وراجعوهم كويس..

وفق الله الجميع.

السلام عليكم..

بالنسبة للطلبة اللي قدموا طعن على المنظومة في مادة علم التشريح (إلكتروني) .. وأسمائهم لم تصل إلى القسم..

عليكم سحب نموذج الطعن وتسليمه للد.طارق جبريل في قسم الدراسة والإمتحانات.. يوم الأحد القادم 11/10..

وفق الله الجميع.

الأقسام اللي وراء مقهى فراس..الدور الثاني.

بيان إتحاد طلبة كلية الطب - جامعة طرابلس
بخصوص إضراب الموظفين وأعضاء هيئة التدريس بجامعة طرابلس

* بسم الله الرحمن الرحيم *
لطالما كان إتحاد الطلبة مع مطالبة الموظفين وأعضاء هيئة التدريس بحقوقهم لعيش الحياة الكريمة وفرض العدالة الإجتماعية أسوةً بغيرهم من موظفي الدولة الليبية، ولكن وبعد عديد الإجتماعات مع الجهات المسؤولة بالدولة والوعود الملموسة التي تعهّدت بها الدولة لا نرى لاستمرار هذا الإضراب أي فائدة، بل إنه في طريق مفاقمة الوضع داخل الجامعة، ممّا قد يؤدّي إلى عرقلة بدأ الفصل الدراسي وفرضه ليكون فصلًا إستثنائيًا فيه من المشاكل مافيه لأعضاء هيئة التدريس والموظفين فضلًا عن الطُّلّاب وهو ما واجهناه قبل فصلين دراسيين، وأيضًا إحتمالية إلغاء الفصل الدراسي من أساسه وهو مالا يرتضيه أحد.
وكون مصلحة الطالب هي أولى أولوياتنا وبناءًا على الإجراءات القانونية التي يعتزم إتخاذها إتحاد طلبة جامعة طرابلس بهذا الخصوص، فإننا ندعوا كافة طلبة كلية الطب البشري المتضرّرين من الإضراب للقدوم لمقر الإتحاد مصحوبين بإثبات هوية وتسجيل أسمائهم في العريضة وذلك ابتداءًا من يوم غدٍ الأحد.

ومن هذا المنبر فإنّا ندعوا كافة الموظفين وأعضاء هيئة التدريس لتحكيم العقل والمصلحة العامة والرجوع لأعمالهم، وليعلموا أن كل هذا من أجل مصلحة الطلبة، فنحن أبنائكم وإخوانكم وما تفعلونه لن يرجع علينا إلا بالضّر.

حفظ الله ليبيا وشعبها
إتحاد طلبة كلية الطب - جامعة طرابلس

الطلبة اللي قدموا طعون يدوية

يعلن قسم الدراسة و الامتحانات بكلية الطب بالتالي
- [ ] استئناف الدراسة للفصل الأول بتاريخ 16/11/2019
- [ ] الامتحانات النصفية للفصل الأول ستجرى من تاريخ 23/11/2019 و سيتم الإعلان عن تعديل تاريخ الامتحانات لاحقاً
- [ ] التسجيل في المقررات سيكون من تاريخ 12/11-14/11 وسيتم الإعلان عن توقيت بدء التسجيل
- [ ] التسجيل عبر المنظومة فقط ولن يتم استقبال أي تسجيل ورقي
- [ ] سيتم الإعلان عن الجدول الدراسي و جدول الامتحانات غداً قبل فتح التسجيل

السلام عليكم..

الطلبة اللي كانت عندهم مشكلة في درجة العملي في مادة HS141 .. أعتقد تعدلت الدرجة على المنظومة..
اللي ماتعدلتلاش يكلمني بكري.

وفق الله الجميع.

كذلك مادة AN131☝️