اللي عنده صاحبه ولا حد يعرفه منقصينله يكلمه اليوم يبعت..
بكرة حنرفعهم.

السلام عليكم..

تم تعديل درجات البايو..وفي انتظار إرسالهم للد.طارق (رئيس قسم الدراسة والإمتحانات المكلف) ليتم تعديلهم على المنظومة..

وفق الله الجميع.

السلام عليكم..

- أي طالب درجة الأناتومي متاعه ناقصه *هلبا* أو مش حاسبينله العملي أو حاطينله صفر..يبعت رقم قيده وكم الدرجة اللي نزلوهاله..
@NWFL_98
اللي خذيت منهم أرقامهم أمس بخصوص الأناتومي ماتبعتوش..الدكتورة راجعتهم ونفس الدرجات..

- البايو خلاص موضوعها تسكر..تعدلت للكل..

السلام عليكم..

#للعلم.. مادتي BC141 & EL122 فقط اللي نزلوا درجات أعمال السنة (النصفي) بروحهم والنهائي والعملي بروحهم..
أما باقي المواد (AN131 & HS141)..حاطين الدرجة كاملة من 100 (نصفي+نهائي+عملي)..

- ثاني شيء.. اللي يقول لاعبينلي في عملي الأناتومي..كيف بيلعبوا فيهم ! وهو تصليحه زي تطبيق صف رابع🙂..قدامهم الإجابة الصح..لو حالها صح بيديرلك صح ولو غلط غلط..مش معقد موضوعه..
واللي قاعدتله المادة أضمن شي ليه الطعن..تشوف أوراقك بروحك وتتأكد..أما اللي خذيت منهم أرقام قيدهم مصفيين وشاكين أنها ناقصه (مع أن العملي ماعندكم خلفية عليه وكم جايبين) لكن مع كل هذا احتمال ضئيييييل يكون فيه حد غالطينله..
إلا البايو صار خطأ في تنزيل الدرجات في المنظومة وتعدلوا..

وبالله وين ايصير تلخبيط وانزل نطلب منكم شيء..ابعتوا الطلبات مع بعضها 🙂

- جي دور الهستو...اللي شكوا من درجاتهم وقالوا ناقصة ..ابعتولي أرقام قيدكم وكم الدرجة اللي راصدينهالكم..وبالله تكونوا متأكدين🙂..واللي كلموني عليها يبعتوا من جديد..

وفق الله الجميع.

نتيجة PS141 الآن على المنظومة..
وفق الله الجميع.

السلام عليكم..

أعتقد أن درجات الأناتومي تعدلت للكل..واللي كانت طالعتله 0 تعدلت والحمد لله...والطلبة اللي مش حاسبينلهم العملي صبروا بالكم شوية للسبت..

الهستو بكري شوي ردت عليا الدكتورة وراجعتلكم النظري والعملي والدرجات صحيحة مافيش أخطاء..واللي قعدتله أضمن شيء ليه الطعن..

وموعد الطعون مزال ماتحددتش..والمفروض ينزلوا إعلان على صفحة قسم الدراسة والإمتحانات..

وفق الله الجميع.

السلام عليكم..

الطعون لم تفتح بعد..انتظروا الإعلان من صفحة قسم الدراسة والإمتحانات..

وفق الله الجميع.

مساء الخير..

الطلبة اللي درجاتهم 0 واللي مش حاسبينلهم العملي يقدموا طعون وباذن الله يتعدلوا درجاتكم.

وفق الله الجميع.

السلام عليكم

زي ماتعرفوا السيمستر اللي فات كانت فيه مشاكل هلبا وأغلبها تجسّد بعد ما طلعت النتيجة، واللي زاد من حِدّة الموضوع إضراب الموظفين وأعضاء هيئة التدريس واللي مش معروف أمتى حيتم؛ وإحنا دورنا كإتحاد طلبة مُمثّل بمكتب الشؤون الطلابية إنّا نحاولوا نلموا الموضوع ونحلوا المشاكل على قدر استطاعتنا بالرّغم من كل العراقيل اللي تواجه فينا في الكلية ومع الإضراب اللي صاير، نحاولوا نحتووا المشاكل ونديرولها حل في أقرب وقت، وعلى خاطر الشيء هذا درنا الرابط هذا لطلبة نظام الفصل الدراسي وكل طالب يكتب مشكلته (يتأكد من تعبئة الإسم ورقم القيد الجامعي بطريقة صحيحة ويختار المادة اللي عنده فيها مشكلة) ولو في حد عنده مشكلة في أكثر من مادة يعبي النموذج على كذا مرة (كل مادة في مرة) ولو مشكلته مش في الخيارات الموجودة يكتبها في الخانة (غير ذلك) ونحاولوا نحلوهم في أقرب وقت ممكن بعون الله.

ياريت تنشروا الرابط في كل قروباتكم بش الكل يكون عنده علم
الرابط:
https://docs.google.com/forms/d/e/1FAIpQLSfdelTPv-WqzBQETMeBpNtWIwI78KBgGECkcSyIU2icYS_3zg/viewform

وأعتذر جِدًّا على عدم الرد على رسائلكم حتى يوم الإثنين القادم، دعواتكم لي ولزملائي بالتوفيق في الإمتحان السريري لطب التوليد وأمراض النساء.

#مكتب_الشّؤون_الطُّلّابيّة_بالإتحاد

السلام عليكم..

الطلبة اللي ماقدروش يقدموا طعن على المنظومة أو اللي درجتهم أقل من 40 يمشوا بكرة لقسم الدراسة ويقدموا طعن يدوي..
أما اللي قدموا طعن على المنظومة..أموركم طيبة..مش شوركم هذا..

وفق الله الجميع.

السلام عليكم..

بالنسبة لمادتي EL122 و EL123 فيه طلبة مصفيين المادة ولكن منقصينلهم درجات..وفيه اللي منقصينله فوق 20 درجة..

باذن الله حيراجعولكم...بس توا بيسقدوا الطلبة اللي قدموا طعن واللي قاعدتلهم المادة..بعدهم باذن الله حيراجعولكم..وحنقوللكم الوقت وشن ايصير..كونوا هانيين..حقكم تاخذوه

ونفس الشي الطلبة اللي ماخشوش نصفي وحسبولهم النصفي والكويز 0 كله حيتعدل..

وياريت اللي درجته ناقصة يقولي حوالي كم..
@NWFL_98

أما اللي قاعدتله AN131 ..ولو لغي النصفي تصفاله..
من المفترض قدمتوا طعن..وباذن الله حيلغوهولكم يوم الطعن...وباذن الله حنكون متواجد في حالة صار أي إشكالية مع القسم...
ونفس الشيء AN132..

وفق الله الجميع.

#تم_التعديل

الملخص

اعلان
يعلن قسم علم وظائف الاعضاء ان المراجعة الموضوعية (الطعون) ستكون يوم الاربعاء 6/11/2019 من الساعة 10 الى الساعة 13:00
وعليه يرجى من الطلبة الحضور في الموعد المحدد

اعلان
يعلن قسم علم التشريح ان المراجعة الموضوعية (الطعون) ستكون يوم الاربعاء 6/11/2019 من الساعة 10 الى الساعة 13:00
وعليه يرجى من الطلبة الحضور في الموعد المحدد

اعلان
يعلن قسم الكيمياء الحيوية ان المراجعة الموضوعية (الطعون) ستكون يوم الثلاثاء 5/11/2019 لمقرر BC141 و يوم الاربعاء 6/11/2019 لمقرري BC142 و BC243 من الساعة 9:00 الى الساعة 12:00
وعليه يرجى من الطلبة الحضور في الموعد المحدد

السلام عليكم..

بالنسبة لمادتي AN131 و AN132 .. فيه طلبة مش حاسبينلهم درجة العملي وهم :

- عبد الرحمن الأرنؤوطي
- سرور إدريس

لو فيه طلبة غيرهم ابعتولي أسمائكم اليوم ضروري..
@NWFL_98

علان
يعلن قسم الانسجة ان المراجعة الموضوعية (الطعون) مقرر HS141 ستكون يوم الخميس 7/11/2019 من الساعة 10 الى الساعة 12:00
وعليه يرجى من الطلبة الحضور في الموعد المحدد