‏من أعظم مطالب الدنيا: "كفاية الهم"

ومن أعظم مطالب اﻵخرة: "غفران الذنب"

وهما مضمونتان بالصلاة على النبيﷺ
"تُكفى همك .. ويغفر ذنبك"

صلُّوا عليه

⚠️ ماشي كل Paralysie faciale هي Paralysie de Bell!
كاين 3 علامات إذا شفتهم، لازم يطلعلك الضوء الأحمر 🚨:
🔸 إذا الشلل ما جاش فجأة وراح يزيد يوم بعد يوم (progressif). 🔸 إذا ما راهوش يتحسن مع الوقت. 🔸 إذا كان مصحوب بتشنجات في عضلات الوجه (spasmes).
❌ في هاذ الحالات، ما تقولش مباشرة: "Bell's palsy".
✅ لازم تشك في سبب ورمي يضغط على العصب الوجهي، كيما:
Schwannome du nerf facial (VII).
Tumeur de la parotide.
أو أي آفة ضاغطة على مسار العصب.
📌 الخطوة المهمة؟ ➡️ دير IRM cérébrale avec injection باش تستبعد وجود ورم أو آفة ضاغطة.
🎓 Mnemonic ساهلة: Progressif + Persiste + Spasmes = Pense à une Tumeur. 🚨
#Internat #orl
#COTCHE

⚠️ Réflexe
ما تنساهش في الـ ORL!
👂 جاك مريض ديابيتيك وعندو Otite externe؟
🧠 أول حاجة ديرها في بالك: Pseudomonas aeruginosa، خاصة إذا كانت الحالة شديدة ولا الألم خارج عن المألوف، لأن مريض السكري عندو خطر أكبر يطوّر
Otite externe maligne
🚫 هنا تغلط إذا وصفت Augmentin وحدو، لأنه ما يغطيش الـPseudomonas
✅ إذا احتاج المريض علاجًا فمويًا، فالاختيار يكون غالبًا Ciprofloxacine لأنها تغطي Pseudomonas aeruginosa. أما في الحالات البسيطة، فعادةً يكفي العلاج الموضعي بقطرات مناسبة مع متابعة المريض.
💡 احفظها هكذا: Diabétique + Otite externe = فكّر في Pseudomonas قبل ما تكتب الوصفة!
#Internat #orl
#COTCHE

⚠️ هادي من الأخطاء لي ما لازمش تغلط فيها فالـ ORL!
👂 إذا شفت perforation marginale (الثقب راه يلمس الإطار العظمي تاع الطبلة)، ما تعتبرهاش perforation عادية.
❗ حتى يثبت العكس، خمّم مباشرة في Cholestéatome، لأنه غالبًا يبدأ من هاد النوع من الثقوب وقد يسبب تآكل العظم إذا تُرك بدون علاج.
🔎 وزيد، إذا لقيت polype خارج من الأذن الوسطى، ما تكتفيش تعالجو كالتهاب فقط، لأنو يقدر يكون مخبي Cholestéatome تحتو، وبالتالي لازم تقييم دقيق عند اختصاصي ORL، وفي الحالات المشبوهة يكون الاستكشاف الجراحي هو الحل باش يتأكد التشخيص ويتعالج السبب.
💡 أشفى عليها هكّا:
Perforation marginale = Cholestéatome... حتى يثبت العكس!
#Internat #orl
#COTCHE

Fracture en motte de beurre = fracture par compression de la corticale, avec bombement cortical discret, stable, typique chez l'enfant.
تصرا بزاف وغالبا للأطفال 👨🏻‍🦱👩🏻‍🦱لانو عظامهم مرنة
العظم كلي يتلبز برك ميتكسرش منلقاوش
كسر واضح كيما فالصورة
#externat #ortho
#wB

اللهم في هذه الأيام الشديدة الحر، نسألك أن تقيَنا حرَّ جهنم، وأن تجعل ما نجده من حرِّ الدنيا تذكرةً تدفعنا إلى طاعتك والبعد عن معصيتك.
اللهم أجرنا من النار، ونجِّنا من عذابها، وحرِّم أجسادنا وأجساد والدينا وأهلنا ومن نحب على النار. اللهم اجعل لنا نورًا يوم القيامة، وأظلَّنا تحت ظلِّ عرشك يوم لا ظل إلا ظلك، واسقِنا من حوض نبيك ﷺ شربةً هنيئةً لا نظمأ بعدها أبدًا.
اللهم إنا نسألك الجنة وما قرَّب إليها من قولٍ وعمل، ونعوذ بك من النار وما قرَّب إليها من قولٍ وعمل. ربنا آتنا في الدنيا حسنة، وفي الآخرة حسنة، وقِنا عذاب النار. آمين.
#wB

🔥 مع هاد السخانة لي راهي تضرب البلاد، ديرو بالكم شوية:
💧 اشربو الماء بزاف، ما تستناوش حتى تعطشو.
☀️ ما تخرجوش بين 11 تاع الصباح حتى لـ5 تاع العشية إلا إذا كان ضروري.
👕 البسو حوايج خفاف، واسعة، وبألوان فاتحة.
🧢 إذا خرجتو، ديرو كاسكيطة ولا شمسية.ومتنساوش واقي الشمس
🏠 سدّو الشبابيك والستائر نهارًا، وافتحوهم بالليل باه تبرد الدنيا.
🚿 دوشو بماء فاتر ولا حطو فوطة باردة على الرقبة والراس.
🍉 كلو فواكه فيها الماء كيما الدلاع،
🚗 ما تخليوش الأطفال، كبار السن، ولا الحيوانات داخل الطوموبيل حتى لدقائق.
👴 راقبو كبار السن ومرضى القلب، السكري، والربو، لأنهم أكثر ناس يتأثرو بالحر.
🚨 إذا واحد حس بدوخة قوية، صداع شديد، تقيؤ، فقدان الوعي، ولا سخانة طالعة بزاف، لازم يروح للاستعجالات بسرعة، لأنها ممكن تكون ضربة شمس.
واخيرا متنساوش الحيوانات مساكن حطولهم الماء يشربو 🕊
ربي يهوّن علينا هاد السخانة، ويحفظ الجميع من كل سوء. 🤲
شاركوا هذا النصائح مع عايلاتكم ومعارفكم لتعم الفائدة
#wB

🦴 واش راهم يطوّروا في جراحة العظام؟
تخيّل تقدر تثبّت كسر في 3 دقايق فقط باستعمال "غراء عظمي" بدل الصفائح والبراغي! 😮
باحثين صينيين طوّروا مادة جديدة اسمها Bone-02، واستلهموا فكرتها من المحار اللي يقدر يلتصق بقوة حتى في وسط مبلل وتحت الماء.
💉 الفكرة تاعها بسيطة: تتحقن مباشرة في مكان الكسر، وتلصق شظايا العظم بسرعة، وحتى وجود الدم ما ينقصش من فعاليتها.
🧪 النتائج الأولية كانت واعدة، بحيث تم تثبيت بعض الكسور في حوالي 3 دقائق مع شق جراحي صغير، والمادة تتحلل وحدها مع الوقت بعد ما يبرا العظم، وبالتالي في بعض الحالات ما تكونش حاجة لعملية ثانية باش ينحو المثبت.
⚠️ لكن انتبه: هذي التقنية مازالت جديدة ومازالت تحت الدراسة، لذلك ما نقدرش نقولو راهي راح تعوض الصفائح والبراغي في جميع الكسور. حالياً هي تعتبر ابتكار واعد وقد يغيّر مستقبل علاج بعض الكسور إذا أثبتت الدراسات الكبيرة فعاليتها وسلامتها.

صلوا على رسول الله
اللهم صل وسلم وبارك على سيدنا محمد وعلى آله وصحبه وسلم تسليما كثيرا

📚 🚨 Réflexe ما تنساهش!
إذا شفت مولود جديد عندو:
❤️ تشوه خلقي في القلب من النوع Conotroncal
(كيما Tétralogie de Fallot)
➕
🦴 Hypocalcémie من الأيام الأولى (بسبب نقص نشاط الباراتيرويد)
➕
🦠 التهابات تتعاودلو بزاف (بسبب نقص أو غياب الـ Thymus)
🎯 ما تضيّعش الوقت... أول تشخيص يخطر في بالك هو: Syndrome de DiGeorge.
🤔 علاش هذو كامل يجو مع بعضهم؟
المشكل يبدأ من الجنين، وين يصرا خلل في تطور الجيوب البلعومية الثالثة والرابعة (3rd & 4th pharyngeal pouches).
🔹 Parathyroïdes
ما يتكونوش مليح
➜ Calcium يهبط.
🔹 Thymus ما يتطورش مليح
➜ ينقصو T lymphocytes ➜
مناعة ضعيفة ➜ Infections à répétition.
🔹 ونفس الخلل يقدر يسبب تشوهات قلبية Conotroncales.
🧠 احفظها بهادي:
❤️ Cœur
🦴 Calcium
🦠 Cellules T
3 C = DiGeorge.
💡 أي مولود فيه تشوه قلبي Conotroncal + Hypocalcémie + Infections متكررة =
، Digeorge (22q11.2 deletion). jusqu'à preuve du contraire
#Internat #pédiatrie
#COTCHE

📌 Chorioamniotite 🤰🦠
🚨 Infection intra-amniotique sévère pouvant mettre en danger la mère et le fœtus.
❌ La tocolyse est contre-indiquée, car elle retarde l'accouchement et peut favoriser la progression de l'infection. ⛔🦠
💉 Conduite à tenir (CAT) : ✅ Débuter rapidement une antibiothérapie intraveineuse. 👶 Accouchement sans délai (voie d'accouchement selon les indications obstétricales, et non uniquement à cause de la chorioamniotite). 🚑
#Internat #GYGY
#amane

من الاعجاز اللغوي في القران الكريم
سورة الفاتحة وهي أعظم سورة في القران التي لايكاد أحد يجهلها والمسلمون صغارا كبارا يحفظون الفاتحة وهذه السورة لامر من الله خلت من سبعة أحرف :الثاء ، الجيم ، الخاء ، الزاي ، الشين ،الظاء والفاء ،
والعياذ بالله من يعملون في السحر يجعلون جل الطلاسم التي يكتبونها بهذه الاحرف التي خلت منها سورة الفاتحة ومعلوم ان السحر كفر بنص القران وهذه الاحرف جمعت في اية في سورة الانعام (أَوَمَن كَانَ مَيْتًا فَأَحْيَيْنَاهُ وَجَعَلْنَا لَهُ نُورًا يَمْشِي بِهِ فِي النَّاسِ كَمَن مَّثَلُهُ فِي الظُّلُمَاتِ لَيْسَ بِخَارِجٍ مِّنْهَا ۚ كَذَٰلِكَ زُيِّنَ لِلْكَافِرِينَ مَا كَانُوا يَعْمَلُونَ﴾
وجاءت كل احرف اللغة العربية مجموعة في اخر سورة الفتح
#wB

اللهم إن الأرض أرضك، والسماء سماؤك، والنار نارك، لا يطفئها إلا أنت، ولا يقدر عليها غيرك.
اللهم أطفئها بقدرتك، واكفنا شرّها بلطفك، يا من لا يعجزه شيء في الأرض ولا في السماء.
اللهم اجعلها بردًا وسلامًا، كما جعلت النار بردًا وسلامًا على إبراهيم،
فلا ملجأ ولا منجى منك إلا إليك.
اللهم احفظ البلاد والعباد، وارحم ضعفنا، وتولّ أمرنا، إنك على كل شيء قدير.

دعواتكم للأخت تاعي ، في حالة حرجة

الحمدلله تجاوزنا مرحلة الخطر و الحالة مستقرة
من منطلق "من لم يشكر الناس لم يشكر الله"
تحية من القلب لأي إنسان دعالها بظهر الغيب و باينة لي زادمين لي هوما فالحق خاوتي و زادوا أكدولي فالمرحلة هذي كي وقفوا معايا فالسبيطار و بالطبع كاين ناس خرين ماكنتش نعرفهم وإنما سخرهم ربي في طريقي
كي يتڨاس إنسان قريب ليك يخليك تراجع حساباتك فطريقة معاملتك للمرضى و تحس بالناس لي تجي للمستشفى وماعندها غير ربي و طامعين يلقاو طبيب يخدم بضمير ، مالا قبل ما تليكيدي مالاد خمم مليح مناه الدنيا تدور و تخليك تذوق من عمايلك
دير الخير وانساه ، يجي نهار يسخرلك ربي ناس ماهمش من دمك يرجعولك الخير تاعك
ما نطولش و نرجع للمنشورات إن شاء الله
#COTCHE

واش استفدت من الحالة تاع الاخت تاعي
🚨 Réflexe
👩‍🍼 أي مرأة راهي في آخر الحمل ولا ما فاتش عليها 5 شهور من بعد الولادة، وجات تشكي من ضيق تنفس، OAP ولا علامات insuffisance cardiaque...
🧠 أول حاجة لازم تجي في بالك هي: Cardiomyopathie du péri-partum حتى يثبت العكس! ❤️⚠️
📌 وزيد حاجة مهمة: إذا الـ FEVG ما رجعتش للطبيعي، الحمل الجاي يقدر يكون خطير بزاف، ويرفع خطر رجوع المرض، تدهور حالة القلب، وحتى الوفاة في بعض الحالات.
#COTCHE #Internat #GYGY
من بعد نهدروا شوي عالحالة هذي لانوا نادرة شوي

❤️ Cardiomyopathie du péripartum... كي يتحول الفرح إلى استعجال! 🚨🤰
تخيّل معايا... 🤔
مرا ولدت مليح، وكلش كان يبان عادي... وبعد أيام ولا حتى أسابيع، تبدأ تقول: 😮‍💨 "راني نختنق..." 😴 "ما نقدرش نطلع درج..." 💓 "قلبي راه يدق بسرعة..." 🦵 "رجليا منفوخين..."
في الأول الناس يحسبوها تعب بعد الولادة... بصح الحقيقة تقدر تكون أخطر بكثير! ⚠️
📌 هذي هي Cardiomyopathie du péripartum: مرض نادر بصح خطير، يصيب عضلة القلب في آخر شهر من الحمل أو خلال الأشهر الخمسة الأولى بعد الولادة، ويخلي البطين الأيسر يضعف وما يقدرش يضخ الدم بفعالية.
🎯 شكون أكثر عرضة؟
🔸 عمر أكثر من 30 سنة. 🔸 حمل توأم أو أكثر. 🔸 ارتفاع الضغط الحملي أو Pré-éclampsie. 🔸 تعدد الولادات. 🔸 الأصل الإفريقي يعتبر عامل خطر معروف.
🚨 كيفاش تظهر؟
ضيق في التنفس (Dyspnée).
تعب شديد.
Orthopnée (ما تقدرش ترقد مسطحة).
خفقان.
وذمة في الرجلين.
وفي الحالات الشديدة: Œdème aigu du poumon أو حتى Choc cardiogénique. (وهذي هي الحالة لي صرات لأختي )
⚠️ المشكل أن هاذي الأعراض يشبهو بزاف لأعراض الحمل العادية، وهنا يجي دور الطبيب باش ما يفوتهاش.
🩺 التشخيص
✅ أهم فحص هو Échocardiographie:
انخفاض Fraction d'éjection (FEVG) أقل من 45%.(حنا لقيناه 42)
توسع وضعف انقباض البطين الأيسر.
بالمختصر هذي هي
#COTCHE #Internat #GYGY

أنا فالمنشور قلت تصرا بعد أيام ولى أسابيع من الولادة بصح الاخت تاعي صراتلها مباشرة بعد الولادة و التفسير لي خرج بيه لبروف هو أنوا الطفلة كانت عندها thrombopénie gravidique و ضيعت الدم بزاف تسما داروا transfusion و عطاوها synto باه ياسيريو l'hémostase, أيا هذاك الsynto دار vasoconstriction coronaire هي لي زادت ديڨرادات الحالة تاع القلب بسرعة
وين دخلت ف État de choc cardiogénique و زادولها الوremplissage بال plasma gel
يعني زادت la pré charge وهذا الشيء لي عطانا OAP
#COTCHE