هيك بتكون خلصت رحلتنا معكن بالفصل الاول 🥰❤️

قدرنا ب فترة صغيرة نحقق كتير قصص ونساعد كتير طلاب ونكون متل رفقة واخوه الكن ❤️❤️
طبعا نزلنا شرح لمنهاج البيو ب شكل كامل عاليوتيوب ❤️❤️
والحمدلله الشرح كان كتير ظريف ومفهوم ب شهادة كتير طلاب تابعو معنا
وهاد الشي منفتخر فيه اكيد ومنحس انو تعبنا ما راح عالفاضي❤️❤️

منتمنى انو تكونو استفدوا من فريقنا سواء ب حضور فيديوهات شرح البيو او جاوبناك ع اسئلتك او حليت من الاتمتات يلي كنا نزلن او شفت ملف من الملفات او او او كتير شغلات ….
يعني سواء كنت متابع معنا او مالك متابع بتمنى تكون استفدت ❤️❤️

بكرا بتبلش اول مادة جامعيه الك
بدي ياك تكون قوي وقد حالك وواثق بقدراتك
شو ماكان وضعك لو رايح في فصول مالك دارسا خلي عندك امل انو تشلف اسئلتو صح 😂😂❤️
متخيل لوين لازم تكون متفائل واديش مهم التفاؤل والثقه بهالفترة ❤️‍🔥❤️‍🔥❤️

شو ماكان وضعك استمر واوعك توقف اطلاقا وخلي عندك يقين كامل انو الله ما حيضيعلك تعب وحيقدملك كلشي خير ❤️

وطبعا بانتظار تخبرونا الاخبار الحلوة والعلامات الاحلى ❤️❤️

فريق MCT بيتمنالكن كل الحب والتوفيق الكن ❤️❤️

#M_C_T
#Here_To_Help❤️‍🔥👩‍⚕️👨‍⚕️

معي وقت ب اسبوع الإنكليزي مرق شي مادة معا
وعندي تراكم فيزيا شي ٣ فصول ومو دارس شي من التاريخ او دارس فصل واحد بس

شو مرق فيزيا ولا تاريخ؟ 😔

طبعا تاريخ 🥰🥰❤
اقل اقل شي لازم تكون مخلص ١ ٢ ٤ مشان تفوت ع اسبوعا وتجيبا معدل

ف هي الفكرة خليا ببالك كتير ضروري
التاريخ من أهم مواد الفصل الأول عندك
وهي الوحيدة يلي ضامن مية بالميه انك ترفعا معدل هاد الفصل ازا كنت دارسا
فلا تضيعا من ايدك ابدا

موفقين كتير🥰❤❤

مساء الخير ع الاشاوس السهرانة وعم تدرس وتتعب عالفيزيا 🥰🥰

نصيحة سريعة عالفيزيا
مبدئيا هاد اكتر اسبوع مضغوط الك ب اسابيع مواد الفصل الأول واكيد اكتشفت هالشي
فأتمنى تكون عم تستغل وقتك صح وماعم تضيع وقت ابدا ❤🙈

طيب شو بدي احكيلك

كتير شفت طلاب عم تدقق ع تفاصيل تفاصيل وشو هاد الاستنتاج وشو هاد الرمز وليش هيك هون ومدري شو ومع الاسف اغلب الشغلات يلي عم تنسال مالا طعمة ومو مهمة امتحانيا ( طبعا كل شي بالكتاب مهم بس في أولويات ...)

بدي احكيلك انت حاليا مو بوقت تدقق بالتفاصيل وتنسى الأساس
صدقني ازا ضليت هيك حتوصل ل قبل يومين عليك نص المادة
هاد الحكي تبع تدقق ومن وين اجا الاستنتاج وليش هيك هون عملنا وتعلق عالاساله الجدليه

كان لازم تصير بقلب السنه...

حاليا المطلوب منك تخلص اساسات المنهاج تركز عالشغلات المهمة تحل دورات بعد كل فصل وهاد ضروري جدا ❤🥰

زاد معك وقت( وماحيزيد) وقتا رجاع عالتفاصيل وتمزمز فيا

لا تستغرب بكرا طالب دارس اساسات المادة ملخصات افكار اساسيه ايا يكن باسبوعا انو يجيب اكتر منك
الفرق بينك وبينو انو هو درس بذكاء وانت لا 😂❤
ف اتمنى تصلك هي الفكرة المهمة مشان ترتاح ب هي المادة وبباقي المواد خلال حياتك الجامعيه ككل
ومتل ما دائما بقلكن

Study smart not hard❤🔥🔥
موفقين جدا ❤

التاريخ اهم مادة بالسنة كلا واكتر مادة ضامن انو ترفعلك معدلك
شو ماكان وضعك بالبيو والفيزيا قد ما هبدت وخبصت قدران انك تعوض ولو شوي بالتاريخ

اكبر غلط بتعملو انك تضيع هيك مادة من ايدك 🥰❤️

درسا وتعاب عليها
من اول السنة طلع شعر ع لساني وانا قلكن هالحكي

موفقين كتير ❤️❤️❤️🔥

موفقيين بري 9 بآخر إمتحان ♥️🔥
لا حدا يروح بلا نوم وأوثقوا بحالكن انتوا وعم تحلوا ولا تتلبكوا..
وانشالله الكل بقدم منيح وبتطلعوا مبسوطين ورضيانين♥️♥️

الصباح يلي مافيه دراسة هو صباح الخير🤩❤

يسعد صباحكن جميعا وانشالله الف مبروك انكن خلصتو من هالفصل الغليظ هاد 🥰
شو ما كنت مقدم
ازا كنت عامل منيح بالامتحانات ف الله يعطيك العافية ماقصرت وبدي تستمر الفصل التاني وتضل ب نفس الأداء ❤❤
وازا كنت فارش كمان الله يعطيك العافية بدي ياك تشد بالفصل التاني وما تفقد الامل ابدا لان متاكد انو لسا في فرصة وقدران تعمل كلشي🥰
طبعا هاد الحكي يعتبر حكي بس طالما لسا النتائج مالا طالعة لان فعليا ماحدا مننا بيعرف بشكل كامل عن هالموضوع

المهم حاليا بدي ياكن هيك تاخدو بريك اقل اقل شي 14 يوم تنسى فين كلشي مرق معك خلال هالفصل
يعني بدي ياك تعملي تصفية ذهن🥰
وانشالله بعد اسبوعين منرجع ومنحكي سوا عن مواد الفصل التاني وكيف بدنا نمشي فيا🔥

ف زبطولي اموركن بهالعطلة اعملوا كلشي بتحبوه فيا واستغلوها صح ونسولي شي اسمو دراسة هالفترة بس

مشان نفوت عالفصل التاني شو ماكان وضعنا ب قوة ونحرقو حرق🔥🔥🔥🥰

بالتوفيق كتير كتير❤❤

شعب بري 9🤗♥️
بما أنو بكرا العلامات ف تعالوا قلكن كم شغلة..
شو ما كانت علامتك منيحة او سيئة لا تخلي هالشي يأثر ع تحضيريك للفصل التاني.
انت تعبت وجبت نتيجة لا ترخي فصل تاني.
انت تعبت وما جبت نتيجة لا تتشائم وتقول ما عم يطلع معي.. الله شايف تعبك وشايف كيف عم تشتغل لتوصل لحلمك لهيك تأكد انو ما حيضيع شي♥️
انت ما كتير تعبت وبدك هلق تعوض تقصيرك قادر انا بأكدلك ياما ناس جابت ٧٠ات فصل اول وبري ٨ كمان يلي كان الفصل التاني صعب وقدرت تعوض ..
لهيك شو ما كانت نتيجتك بكرا
_وانشالله الكل بتطلع علاماتو اكتر مانو متوقع_
لا تستسلم بالعكس خلي هالشي دافع الك كرمال تدرس وتجيب اكتر..🙏🏻

طبعا ما فيه داعي نقول انو بكرا رح يعلق الموقع ومو الكل رح يجيب علامتو فورا😂
هاد الشي طبيعي جدا وكل سنة بيصير لهيك لا تتلبك خليك ريلاكس ليرجع يشتغل..

طمنونا بكرا وانشالله الكل بيكون مبسوط ورضيان وبتطووا صفحة الفصل الأول على خير ..♥️🔥

الف مبروك جميعا ❤️❤️
شو ماكان معدلك سواء متل ما بدك او لا خليك فخور بحالك وبتعبك يلي قدمتو❤️‍🔥
اذا جبت متل مابدك بدي ياك تضل مستمر واوعك توقف اطلاقا 🔥❤️‍🔥
واذا ما حالفك الحظ هالفصل عادي جدا كمان استمر واشتغل صح فصل تاني انت قدران انك تعوض🔥🔥❤️

الطلاب يلي كانت متابعة معنا لا تنسوا تخبرونا علاماتكن وعلامة البيو تحديدا هون ❤️❤️🔥👇
@Jawdat_ebesh @kewaaaaan

بعد زمان كتير😂❤️
طمنونا عنكن وعن دراستكن
ب شو عم تواجهوا صعوبات اكتر شي ؟
واذا عندك شي اسئلة زتا هون مشان نجاوبك عليها ❤️‍🔥🔥

تطبيق رائع جدا ل يلي موبايلو ما بشغل تطبيقات التشريح التقيلة
هاد التطبيق بتستفيد منو فقط بالفصل التاني بالكتاب وخصوصي ب عظام الجمجمة

وبجيبلك كلشي تفاصيل بدك ياها واحسن من اي تطبيق تاني 🔥🔥❤

يعني بتستخدمو ل هالكم فقرة بالفصل التاني متل العظم الوتدي والغربالي وهالشلة هي و يلي هن فعليا أصعب شي وبعدين ما عد تستفيد منو ( طبعا خليه عندك في حال دخلت اسنان كتير كتير حيفيدك بتشريح الراس والعنق)

لان صراحة ما تبقى من فصول الكتاب ما بتحتاج لاطلس بشكل كبير وبتقدر تدبر حالك ب صور

موفقين كتير 🔥🔥🔥❤

يسعد مساكن جميعا ❤️‍🔥
طمنونا عن اوضاع الدراسة 😂😂🔥

وبطريقكن فولو وشير لهالصفحة 😂😂❤️

وازا بتعرفو حدا بكلوريا
حتكون كتير مفيدة الو بالايام القادمة ❤️

https://www.instagram.com/reel/C6l4CB_tQx5/?igsh=ajN1aXBqanA0bjdt

مسا الخير جميعا

بعد زمان 😂😂❤️

كيف الاوضاع ب شكل عام والتشريح ب شكل خاص❤️‍🔥❤️‍🔥

شو عم تواجهوا مشاكل

ازا عندكن شي كتبولنا ياه هون مشان نزبطلكن الامور😂🥰

وموفقين جدا جدا

مسا الخير عليكم جميعا

بكرا اول يوم فحص عندكم بهاد الفصل
صفيان 5 مواد و بتخلصوا من هل حمل الثقيل يلي كان هو التحضيري
بتوقع كلكم صرتوا تعرفوا طريقة التحبير و الإجابة الخ
فبس جاية قلكم
التشريح هي مادة معدل ان شاء الله
لا تخافوا ولا تتوتروا الأسئلة كثير واضحة حتكون مثل كل سنة
يلي عليه فصول مو ملحقها يحاول يشوف فيديوهات دكتور بيان على اليوتيوب مع تسريع و يركز شو عم يحكي الدكتور
و يلي خلص يعمل قراءة سريعة للفصول الصعبة (الثاني و العضلات و الهضم و الدوران أصعب شي) و يركز الأفكار يلي كان يخطأ فيها
او يحل دورات كاملة لكل الفصول مشان يتمرن
موفقين بأول مادة الكن ان شاء الله كل المواد حتكون سهلة و ميسرة و بتمنى تطلعوا بالنتيجة يلي بترضيكم و بتسعدكم ❤️🙏

شو الشي يلي خلاني ادخل طب اسنان🤯
مع انو معدلي بالسنة التحضيرية 90.5 وطلعلي بشري عام ب كل محافظات سوريا🥰❤️

يعطيكون العافية شباب ❤️🔥
طمنونا شو انفرزتو❤️🔥؟

يعطيكون العافية 🔥🔥
هي القناة بتقدم خدمة تنسيق مشاريع تخرج وحلقات بحث لل جميع الافرع (هندسات و طب )بشكل مجاني تماما🔥🔥
اضافة ل رسم مجتبيات ل جامعة دمشق ب اسعار منافسة لجميع السنوات🔥🔥🔥
رابط القناة
https://t.me/javatech123

الف مبروك النصر 💚
انتهى الظلم و انتهى الظالمون 💚