Jma3a svp li 3ndo des infos kifah n3awno , nas wch ts7a9 ... yb3thlna prv npartajiwhom wla 7atohom f les commentaires

🔥 نداء للتكافل مع المتضررين من الحرائق 🤲

إخوتنا وأخواتنا، في هذه الظروف العصيبة التي يمر بها إخواننا المتضررون من الحرائق، نطلق حملة لجمع التبرعات من أجل توفير الاحتياجات الضرورية لهم.

وقد تطوعت إحدى زميلاتنا في الدفعة P21 (أ. د -جزاها الله خيرا) للإشراف على هذه المبادرة وستوصلها إلى مقر جمعية العلماء المسلمين، حيث ستنطلق الدفعة الأولى غدا من سطيف:

- جمع التبرعات.
- شراء الاحتياجات الضرورية.
- توثيق جميع مراحل العملية بالصور والفواتير، ومشاركتها معكم أولًا بأول حتى يطمئن الجميع إلى أن تبرعاتهم قد وصلت إلى مستحقيها بكل شفافية وأمانة.

RIP:

00799999004473285962

CCP | Clé

0044732859 62

قال رسول الله ﷺ: "من كان في حاجة أخيه كان الله في حاجته."

لا تستصغر أي مساهمة، فرب مبلغ يسير يكون سببًا في تفريج كربة أسرة كاملة.

جزاكم الله خيرًا، وبارك في أموالكم وأعمالكم، وجعل ما تقدمونه في ميزان حسناتكم.

السلام عليكم جماعة الخير 😍🤍
درتلكم folder يجمع أهم قنوات الطب ولي تلقاو فيهم حوايج مفيدة و ينشرو دائما 🫶🤍
ومعروفين خاصة فسطيف
يجمعو السنوات كاملين ✅️🪄
https://t.me/addlist/y5VcP3KvhgA5MTk0
اضغط هنا

بخصوص وش نحتاجو فولاية جيجل
Les intranules (srt jaune et blue)📍
Les seringues (5cc+ 10cc)
Les vêtements +sous vêtements (srt pour📍
les femmes )
Les vêtements pour hommes(débardeurs📍 + shorts)
Les couches pour les bébés (nmr 3 4 )📍
Matlat w mkhad 📍
مواد التنظيف تان يحتاجو خصوصا للمستشفيات 📍
Les médicaments 📍
Mopral injectable
Omeprazole gélule
Flagyl injectable et cp
Lexin 1g
Artelac
Vibac
Maxilodre
Chibroxine
Fucidine cp

📍هذو المهمين بزاف ولي لقينا نقص فيهم مقارنة بالاشياء الأخرى 
وبارك الله فيكم في ميزان حسناتكم إن شاء الله

بما أنه قربت القراية وباذن الله راح نرجعوا نخدموا أكثر من الأول 👀🔥
قولولنا أفكاركم لي حابين نطبقوها العام هذا 🔮 والجدد معنا تقدروا تطرحوا كامل أسئلتكم وباذن الله نردوا عليهم كامل ✅
https://ngl.link/lumed33_/zilla

وعليكم السلام ورحمة الله
طلبة طب يلقوا رواحهم مسجلين تلقائيا فيها، اما طلبة التخصص المزدوج يتوجهوا للادارة باه يسجلوا اذا ارادوا دراستها 🤍
حكينا بالتفصيل هنا لا حبيت تشوف (اضغط هنا)

NGL : https://ngl.link/lumed33_/zilla

لالا راهم يقراو غير برومو 2025
الباقي شوفو عند الادارة ممكن تزيد تسجلكم لكن حاليا وش عندنا معلومات انو برومو 2025 هوما لي يقدرو يسجلو فيها 🫶

ممكن مكيش ديري ف هديك تاع مكيش روبوت
يكون مشكل هنا
Snn كي تبعثي دراهم نورمالمو يتنحاو
واذا مكيش تعرفي جربي عند cyber احسن

سقسي فالادارة بسك هوما لي حاكمين التسجيلات
حتى طلبة التخصصات المزدوجة لي يدخلو جدد ميتسجلوش تلقائيا تسجلهم الادارة كي يروحو يقولولها
تسما احسن سقسي فالادارة 🫶 وحسب معلوماتي كيما قلت فاتحين غير لبرومو 2025

لي عندو هذا الدوا ويقدر يوفرو ولا يعرف وين يوفروه يتواصل على الرقم
0555551262
ملاحظة : خاص بمرضى السرطان

وجدو صاك خبيو فيه كواغط وحوايج ضرورية كيما اللابتوب والصوارد والذهب واللبسة


وشارجيو تيليفوناتكم متخليوهومش يهبطو بزاف فلاشارج ولي عندو power ben يشارجيها ويخليها احتياط وفليكسيو هدرة وأنترنت باه لا قدر الله تقدرو ديرو مكالمات عاجلة

وثاني الما كي يڤرب الحريق ليكم خرجوه برة توال الباب باه ميروحش هكذاك والناس تقدر تستفاد منو

الحالة راهي متعجبش ربي يستر 😭💔

1. أول حاجة: قواعد البقاء في الحريق 3-30-3::

•3 دقايق:  بدون هواء نظيف = اختناق 
•30 ثانية: باش تدخلي تحت الدخان 
•3 خطوات برك: اخرج - ازحف - غطي

2. إذا كنت محصور في مؤسسة/منزل والنار قربت:؛

أ. كيفاش تتنفس وتحد من الدخان؟
الدخان هو لي يقتل قبل النار.

1. قصي قارورة مياه من الوسط، عمريها ماء، وغطي بيها الأنف والفم. القماش المبلل أحسن.
2. ازحف: الهواء النظيف يكون على ارتفاع 30سم من الأرض. "ازحف تحت الدخان"
3.  بلل أي قماش:  وغطي الأنف والفم. لو كاين خل ولا ليمون نقطة صغيرة تساعد على التنفس.
4.  سد الفتحات دير مناشف مبللة تحت الباب والنوافذ باه ما يدخلش الدخان وين كاين تجمع الناس
5.  روح للغرفة لي فيها نافذة وافتحها شوية:  لوح من النافذة قماش أبيض ولا ضو تاع الهاتف باه يعرفو بلاصتك.

ب. كيفاش تحد من انتشار النار؟
1.  سكر الغاز والكهرباء من القاطع الرئيسي
2.  بعد أي حاجة تشعل: قارورات غاز، ورق، بلاستيك من الباب والنوافذ
3.  بلل الأبواب والجدران: بالمياه إذا قدرت
4.  ما تفتحش الباب :  إذا كان سخون. النار وراه.

3. إسعاف الناس بالترتيب "مبدأ الفرز السريع"

الأولوية 1: لي يتنفس وما يمشيش :
1.  الاختناق بالدخان: خرجه للهواء النقي فورا(إذا وجد )   أو حطه على جنبه. فك الأزرار وتأكد من أنه يتنفس.
2. الحروق : بردها بمياه جارية 15 دقيقة. ما تنحيش اللباس اللاصق. غطيها بقماش نظيف مبلل.
3.  الإغماء: حطه على ظهره ورفد رجليه لفوق 30سم باه الدم يطلع للرأس والقلب.

الأولوية 2: لي يمشي ويعيط :
هذو لباس. عطيهم خدمة: "نتي لمي المناشف المبللة" "نتي عسي على الصغار"
الشغل ينحي الهلع.ويخفف البكاء

الأولوية 3: لي ما يتنفسش:
1.  تأكد الطريق الهوائي مفتوح: ميل الرأس للخلف ورفد الذقن
2.  تنفس اصطناعي إذا تعرف. إذا لا، دير ضغطات على الصدر فقط 100 ضغطة/دقيقة

4. أفكار بديلة للهلع ونقص الأكسجين

1.  "دائرة التنفس": لموا الناس في دائرة، واحد يقود: شهيق 4ث - حبس 4ث - زفير 4ث. هذا ينظم النفس وينحي الهلع الجماعي.
2.  الصوت:  بصوت منخفض اذكرو الله. الصوت الموحد يهدي وينحي الهلع
3.  قسمو المهام: كل واحد عنده دور ما يبقاش يخمم في الخوف. واحد يعس الباب، واحد يبلل القماش...
4.  الهاتف: طفيوه ولا ديره في وضع الطيران باه البطارية تكفي للاستغاثة.

5. أهم 3 أرقام لازم تتصل بيهم ضرك:
1.  الحماية المدنية: 14
2.  الدرك: 1055
3.  الشرطة: 17

عطيهم: "المكان بالضبط + عدد المحصورين + كاين مصابين ولا لا"

ملاحظات ذهبية
•ما ترجعش: داخل المبنى على جال حاجة
•الأطفال وكبار السن أولا: في الخروج
•ما تشربش بزاف ماء دفعة وحدة لو كنت مختنق

"انزل للأرض، بلل وجهك، واستنى الحماية"

ربي يسلمهم ويحفظهم

#منقول