يوم عرفة ستكتب قدرك الجديد بدعائك من اعظم ايام حياتك يوم تحقيق الامنيات لا يدور على امنيتك الحول الا وقد حققها الله لك ان شاء الله (اني عن تجربه دعيت دعوة بيوم عرفة و تحققت امام عيني كفلق الصبح والله الى الان لم اصدق انها حصلت الحمد لله) وكل ايام عشرة ذو الحجة ايام مباركة بس يوم عرفة شي خاص اكتبوا دعواتكم بورقه ورددوها بيوم عرفة، يوم عظيم و عتق من النار، هذا اليوم من نعم رب العالمين تعتق فيه الرقاب (سفيان الثوري يقول فيما معناه ان الشقي من ضن ان الله لم يعتقه من النار في هذا اليوم) من احد ايام الاشهر الحرم الثواب مضاعف الاجر مضاعف كل اعمالك تتضاعف بهالشهر وهو من الايام المعلومات التي اثني الله عليها في كتابه الكريم حيث اقسم الله بها (و ليالٍ عشر)قال الرسول محمد صلى الله عليه وسلم [ما من أيام أعظم عند الله ولا أحب إلى الله العمل فيهن من أيام العشر فأكثروا فيهن من التسبيح والتحميد والتهليل والتكبير] .

عيدكم مبارك، تقبل الله منا ومنكم 🤍💫

🔮 ربي يوفق جميع واحد مقبل على الامتحانات هذ الأسبوعين ويسهّل علينا ويكتب لنا الخير أينما كان 🤍
🔮 وما تنساونا من صالح دعائكم وطلبة 3ème / 1èr لي عندهم امتحان اليوم 🤍

✨ باقي سمانة فقط نهاية العام الدراسي، وبالنسبة لجماعة الباك ثاني (يبداو 7 Juin).

اللهم إني أستودعك ما حفظت وما قرأت، فردّه إليّ عند حاجتي إليه، وما كان من نقص فأتممه بفضلك وكرمك، إنك على كل شيء قدير. 🤍

﴿رَبِّ اشْرَحْ لِي صَدْرِي ۝ وَيَسِّرْ لِي أَمْرِي ۝ وَاحْلُلْ عُقْدَةً مِنْ لِسَانِي ۝ يَفْقَهُوا قَوْلِي﴾

للتواصل معنا :
Dm فكانال لكبيرة تاع lumed ( أحسن )
لينك القناة : https://t.me/LumedD
ولا عبر الحساب : @Lumed_Official

دعواتكم نطلعو الميكروبيو 😔💔

سلام عليكم ورحمة الله، بما أنه الأغلبية خلصنا (لي مزال رب يوفقك ويسرلك أمرك 🤍) حاب نقول :
🔮 مبروك للي طلع عامه، والعاقبة للأعوام الجاية يا رب 🤍
🔮لي دخل Rattrapage عادي ما خلصت الدنيا، في الاخير هذا قضاء الله ولازم تصبر عليه، وما تكره نفسك وتحط نفسك في ضغط كبير ! أعتبرها فرصة ثانية باه تطلع عامك ان شاء الله ولازم تبذل كامل وش عندك باه تحقق المطلوب 🫡

هذا Poste راح نحكي فيه على Rattrapage و واش يلزم تديروا

1️⃣ أتكل على ربي، أسعى وخفف على نفسك (أهم حاجة)
تفكر أن النتيجة عند الله والله يقول في الحديث القدسي : "أنا عند ظن عبدي بي، فليظن بي ما شاء" ، فأحسن الظن به وأسعى وباذن الله لن تخيب

2️⃣ خير Les unités / modules لي تركز عليهم (عادة الناس تخير 2) ، ولما تخير ما تبقى متردد وكل مرة تبدل حتى تلقى روحك ماك حاكم في والو
❗️ صحة كيفه نخير L'unité / Module لي ندخل بيهم؟
- خيرهم على أساس السهولة (ولي مضمونين) / طول ولا لا (الترتيب يتبدل من بنادم لأخر ، مش بالضرورة يكون نفسه)
2ème : Urinaire > Digestive / Endo > Cardio / Neuro
3ème : Gastro > Endo > Neuro > Cardio
- على حساب نتا وش راك قاري (هذي تساعد العباد لي قراو وما داو، صدقوني تعبكم ما راح باذن الله 🤍)

3️⃣ حاول تسيطر على نفسك من ناحية عامل نفسي وتفكر أول حاجة حكينا عليها، ما تبقى مهموم ومقلق لأنه وقتها حتى لوكان تقرا، مراح تهز مليح عكس لي يقرا مرتاح، راح يستقبل المعلومة بسهولة ويطلع

❗️روحوا تعقبوا كامل Modules / unités لي داخلين فيهم حتى لوكان مش قاريهم، يمكن تدي نقطة فوق لي ديتها من قبل ، مام اذا دارو راشا

كيفه نقرا Les unités ؟

بعد ما تخير ، ركز على Les modules الساهلين + لي فيهم بزاف نقط، وأكيد بالنسبة للـ
2ème : Histo + Physio
3ème : Sémio + Physiopath
- حاول تنظم بروقرام لنفسك تاع الدروس، لي راك قاريهم من قبل أكيد ما راح تطول فيهم عكس لي راح تقراهم جدد، ومام ركز على الدروس لي عليهم بزاف QCMs خاصة السنة / العوام الاخيرة اذا كانوا نفس Les profs

هل نقدر نطلع حتى لوكان خاصني بزاف نقط؟

ايه باذن الله ماهي مستحيلة، وكيما لي دخلوا من قبل وكان خاصهم نقاط بزاف (10 - 15 ..) وطلعوا، فماهي مستحيلة عليك !
ولكن خصك تسعى صح والا ما راح تطلع حتى لوكان يخصك نقاط قلال

🔮وفي الختام أسأل الله أن يوفقكم أجمعين ويحقق مبتغاكم 🤍 وباذن الله من جهتنا Lumed راح نحاولوا نظموا وش خدمنا من قبل ونحطوهم كامل تستفادوا منهم، ولما لا نكملوا واش ما خدمنا 🫡

كاينة حالة حرجة راهي محتاجة الدم ضرك في البرج
الزمرة AB+
سبيطار بلحسين الرشيد
0665473106

خلاصة القصة

هذه زميلتنا، طبيبة مقيمة في السنة الأولى، و مشخصة بورم دموي داخل الدماغ يضغط على عصب العين (و التي انخفضت و لا تزال تنخفض الرؤية فيها بشكل متسارع 💔 و انتم تعرفون قيمة حاسة البصر للطبيب 💔)

Un anévrisme carotido-ophtalmique géant de 19,5 x 19 x 17,4 mm de diamètre, orienté en haut, en dedans et en avant, comprimant le nerf optique droit et le chiasma optique.

L'indication d'un traitement endovasculaire par un stent Flow Diverter adapté et posé.

يعني الآن لازملها عملية مستعجلة في احد مستشفيات فرنسا و اللي قدرت ب660 مليون،رانا نجمعولها،قلصنا الفارق،و بقي فقط حوالي 210 مليون،ولازم هاد الاسبوع ان شاء الله تطلع،وكل واحد يساهم راه يقربها خطوة


و بإذن الله راح نقدروا نوفروه 🧡

حساب التبرع :

M.Khellafi nour el ouiam
Birtouta
0023501786 74
00799999002350178674

جماعة الخير

الحمد لله،اذا ما غلطناش في الحساب،رانا كملنا جمع المبلغ المستحق للعملية(660 مليون) و تجاوزناها ب7 ملايين،اكيد ح تكون ضمن تكاليف السفر وواش ممكن تحتاج و هي خارج البلد تعالج،و أختنا الطبيبة راهي يتمية عاشت فقط مع جداها،مع ذلك الله يبارك نجحت في الباك ثم امتحان التخصص،امر ملفت ،لذلك قلت لها حتى وكملنا دراهم العملية علبالي تحتاجي تكاليف اخرى،شوفي و تواصلي أنا من طرفي نشوف مع اللي نعرفهم يزيدو يساعدوني و ربي يقدرنا.فهدفنا تتعالج في احسن ظروف ماديا و معنويا بلا غبينة و تعب جانبي.

الحمد لله يارب على نعمة نجاح الحملة،يا رب ازرقنا فرحة نجاح العملية و خبر شفاءها.

عشنا اجواء تبعث في النفس السعادة و رؤية مواقف الطيببن و الطيبات

الحمد لله،ربي يرزقنا الاخلاص و يشفي الطبيبة اللي نفسيا معاكم نسات هم المرض و عاشت الأمل و فرحة وقوفكم معها،تخيلها في روحك تحس.

جزاكم الله خيرا

(مَّثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّائَةُ حَبَّةٍ ۗ وَاللَّهُ يُضَاعِفُ لِمَن يَشَاءُ ۗ وَاللَّهُ وَاسِعٌ عَلِيمٌ)

#سفير_السلام

احا البرغوث هذا ما يحبس ول 💀

أياياياي البرغوث بعثنا نرقدوا 😂😂
لمهم ما تنساو تصلوا الفجر قبل ما ترقدوا 🤍

الجزائر خسرت.. لكن وش خسرنا؟

صراحة خسارة المباراة كانت متوقعة لأنه في الأخير لعبنا ضد أفضل منتخب وحامل اللقب، ناهيك على ميسي لي كان عايش ضغوطات نفسية لي خلاته يخرج مستوى ما شفناه من سنين..
لكن مش بهذا الشكل، لكن ماهوش موضوعنا لأنه كامل الشعب خرج بن شيخ وستوديو لهداف لي بداخلوا 😅

🔻الخسارة تاع الصح ماشي هنا..
الـ Match البارح ما بين مستوانا كرويا برك، وانما بين مستوانا حنا الشعب ثاني، هدف Guiri والفرحة لي جات بعده خلانا نعرفوا أنه 80% كانوا حاضرين المباراة سواء سهرولها ولا الأسوء لي داروا منبه باه يحضرولها.. ومبعد تشوف الجوامع فارغين وان كانت الصلاة بعد الماتش ، وان كان الشعب نايض

❗️للأسف حنا شعب ما نعرفوا نظموا أولوياتنا، ولينا نعلقوا مشاعرنا بتفاهات عوض ما نعلقوها بما هو أهم، الدين والعقيدة، لواحد يحزن أنه بعد على دينه وأنه بعيد من ربي، لا صلاة في وقتها ولا صدقات.. يحزن على لواقع لي عايشه وظروفه الاجتماعية، ماشي يحزن على لاعبين راهم خالصين عليها ، يربح ولا يخسر راح يبقى عايش خيرمن 99% من الشعب.. 💔

🔮 لمهم حبيت نبهكم ونذكركم ونفسي معكم، عسى رب يكتبلنا هداية واستقامة قبل الموت، هدانا الله واياكم 🤍

كي خرجت في الجو هذا تفكرت خاوتنا لي دخلوا Rattrapage ، الله يعينكم ويقدركم ، دعواتنا معكم 🤍
أقل من خمس أيام ويخلاص العام، ما تفشلوا وأسعاو حتى تطلعوا وكثروا الدعاء، وباذن الله ما تخيبوا 🫡
❗️ كامل وش خدمنا رانا حاطين (Pinned message)، كل الكتب ، كل الدروس وباذن الله يفيدوكم كيما فادوا الكثير (اضغط هنا)

تخيل تقرا وتتعب عام كامل، في الأخير يجي واحد ما دار ولا ذرة مجهود من اللي درت ويدي بلاصتك بالحرام، وش راح تحس؟ ترضاها؟ لا أكيد ما كاين ولا عاقل يرضى ينسلب منه حقه وتعبه
🔻 اذا ما ترضاها على روحك، علاه تديروا لغيرك؟

الغش

أغلب الناس يعرفوا بلي الغش حرام، لكن ما زالو يشوفوه كضرر على نفسهم فقط.. للأسف لا.. راه ظلم للاخرين قبل ما يكون لنفسك

صحا الغش في Medecine؟
❗️لي ما قرا طول العام، ما راح يولي يقرا فجأة بعد الامتحان ويعوض وش فاته خاصة مع La charge لي عندنا، وهكا تلقى روحك تبقى تعاود الغلطة وتغش حتى تلقاه صاحبك في كامل مسيرتك الدراسية.. والضرر لي خلقته راح يظلم :
🔻زملاءك في الدفعة : لانه كل نقطة جبتها بالغش ممكن تنزع بها بلاصة من طالب تعب عليها، وكل رتبة طلعتها بالكوبياج راح تهبط واحد يتسحقها كثرمنك
🔻المرضى : الحكاية مش حكاية نقط برك كيما في الثانوي والمتوسط، الجامعة راح تعطيك شهادة لي تسمحلك تمارس مهنة نتا مكش أهل لها ، وراح تعرض حياة الناس لخطر ويمكن تتسبب في موتهم حتى..

هل راح ترضى والديك ولعزاز على قلبك يداويهم واحد بلا مستوى؟ مستحيل الا اذا قلبك حجرة..

اذا ما ترضاها لنفسك وحبابك، ما ترضاها لغيرك

🔮 اذا غلطت مرة عادي كلنا نغلطوا، لكن خصك تفيق على عمرك قبل ما تلحق لمرحلة ما تقدر تحبس فيها هذي العادة.. وراح تظلم نفسك وأمة معك..
ومهما صرا ما تدير أسباب لنفسك باه تمارس هذي الحاجة :كاين لي يغش، كاين بعض Les profs لي سامحين بالظاهرة هذي وماهم مدايرين واجبهم...

❗️ لأنه في الاخير كامل راح نتحاسبوا، كامل عندنا ذنوبنا لكن كي تلحق لنقطة وين تسلب حقوق الناس هنا حبس، لأنه لوكان ما يسامحك راح تخلصها غالية.. فاذا هم غافلين وقلوبهم عمية ما لازم تكون منهم

هدانا الله واياكم..

🔮 الحمد لله في مدة عام ، ورغم كل الظروف سواء من ناحية ضغط القراية ولا نقص الأعضاء، الا أنه Lumed بتوفيق الله قدرت تقدم وتعاون بلي تقدر عليه 🤍

📍في مدة عام قدرنا نقدموا للـ 1er - 2e - 3e année
🔹 +17 كتاب ، دروس وملخصات بالجملة (+300 درس تحط)، notes وشروحات ، Quizes...
ولولا فضل الله وتوفيقه، ما قدرنا نوصلوا لهذ المستوى أبدًا، الحمد لله دائمًا وأبدًا 🤍
📈 لله الحمد:
من 3 أعضاء فقط إلى 2880 عضو في Lumed (3.4k اذا شفنا لكامل Canals دون Lumed Quiz)
ماهمش مجرد أرقام، بل زملاء آمنوا بالفريق، دخلوا باش يتعلموا معنا وينتفعوا منا وننتفع بكم ودعواتكم، وندعوا الله نكونوا فدناكم ولو بالقليل 🤍

🙏 شكر خاص لكل الفريق واحد واحد رغم قلتهم، ولكل من آمن بالفريق وقدم يد المساعدة ودعمنا، كلمة "شكرا" قليلة فحقكم ❤️
✨ بإذن الله تشوفونا دائما في نفس المستوى، بل أفضل، ونتطور أكثر بنصائحكم وتفاعلكم ❤️
❗️طلب أخير بما أنه خلاص العام وبسيط ما ياخذ منكم وقت وباذن الله يعنيلي الكثير 🤍
قولولنا رايكم الصريح بخصوص Lumed وخدمتها، هل استفدتوا منها أم لا؟ هل تعجبكم خدمتنا... سواء في Comments ، سواء في @Lumed_Official ولا https://ngl.link/lumed33_

قناة " أدب الحكيم " ..حرب لإحياء نبل الطب 🥼

فتحت هذه القناة لتوقظَ الرحمةَ التي خَدّرتها السطحيات ..
هي السندَ والدليلَ الصادق لكلِّ مَن رفض أن يكونَ مجرّدَ آلة، بل يطمح أن يكونَ طبيباً بل "حكيما" أرحَم، وأكفأ، وأعظم.

" الطب بلا أدب ..جسد بلا روح "🕯️

انضموا إلى ثورةِ "أدب الحكيم"، و أوشحوا معنا سيفَ الحكمة ..🥼


https://t.me/Adab_alhakeem1