ဒီဥပမာမှာ which က the fact that he got the job (သူအလုပ်ရခဲ့တယ်ဆိုတဲ့အချက်) လို့ ဆိုလိုတယ်။ ဒီလို ဝါကျတွေမှာ what မသုံးဘဲ which သုံးရတယ်။ what က သိတဲ့အတိုင်း the thing(s) that လို့ ဆိုလိုတယ်လေ။ ဥပမာ- Did you hear what they said? သူပြောခဲ့တာ မင်းကြားခဲ့သလား။

Which သုံးစွဲပုံ ဥပမာတွေ ထပ်ကြည့်ရအောင်။

 Sarah couldn’t meet us, which was a pity. (what was a pity လို့ မသုံးရ)
ဆာရာက တို့နဲ့ မတွေ့နိုင်ဘူး။ စိတ်မကောင်းစရာပဲ။ (မတွေ့နိုင်ဘူးဆိုတဲ့ အချက်က စိတ်မကောင်းစရာပဲ)

 The weather was good, which we hadn’t expected. (what we hadn’t expected လို့ မသုံးရ)
ရာသီဥတုက ကောင်းတယ်။ တို့မမျှော်လင့်ထားခဲ့မိဘူး။ (ရာသီဥတု ကောင်းတယ်ဆိုတဲ့ အချက်ကို မမျှော်လင့်ထားခဲ့မိဘူး။)

ခုပြောခဲ့တာတွေကို အကျဉ်းချုပ် ပြန်ကြည့်ကြမယ်။

1. Preposition + whom (for people) / which (for things) သုံးနိုင်တယ်။ ဒါကြောင့် to whom / with whom / about which / without which စသည်ဖြင့် သုံးနိုင်တယ်။
2. Informal English မှာတော့ relative clause မှာ preposition ကို verb နောက်မှာပဲ ထားတယ်။ ဒီလိုဝါကျမှာ whom မသုံးဘဲ who သုံးတယ်။
3. All of / most of etc. + whom/ which ပုံစံ သုံးနိုင်တယ်။
4. Which ဆိုတာ the fact that … ဆိုတဲ့ အဓိပ္ပာယ်ရတယ်။ ဒီလိုဝါကျမှာ what မသုံးနိုင်ဘူး။

ဆရာစည်သူထက်
Ref: English Grammar in Use (Raymond Murphy)

Grade 5 English (သင်ရိုးသစ်)
Unit 1 Everyday English
Lesson 1 At home

Grade 5 ရဲ့ ပထမဆုံး သင်ခန်းစာကို သင်ပြထားပါတယ်။

သင်တဲ့အခါ medium of instruction အနေနဲ့ English လို ပြောထားပါတယ်။

လေ့လာကြည့်ပါဦး။

Youtube တွင်လေ့လာရန်
https://youtu.be/8c6at24LMoA

Grade 9 English (သင်ရိုးသစ်)
Unit 3, Lesson 4 မှာပါတဲ့ ဝင်္ဂဘော်ဆင်စခန်းအကြောင်း ဖြည့်စွက်လေ့လာဖို့ပါ။

ဝင်္ဂဘော်ဆင်စခန်း

ဝင်္ဂဘော်ဆင်စခန်းအား ပဲခူး(တောင်) သစ်ထုတ်ရေးဒေသမှ တာဝန်ယူဆောင်ရွက်လျက်ရှိပြီး ပဲခူးတိုင်းဒေသကြီး( အရှေ့ ) ဘုရားကြီးမြို့ဝင်္ဂဘော်ကျေး ရွာအုပ်စု၊ ဘောနတ်ကြီးလမ်းပေါ်တွင်တည်ရှိသည်။ မြေဧက(၈၆.၀၁)ဧကကျယ်ဝန်းပြီး ၂၀၁၃ ခုနှစ်မှစတင်၍ ဆင်ထိန်းသိမ်းပြသရေးစခန်းအဖြစ် ထူထောင်ရန် ဆောင်ရွက်ခဲ့သည်။ ၂၀၁၅ ခုနှစ်မှစ၍ ဆင်ထိန်းသိမ်းပြသရေးစခန်းတွင် သရုပ်ပြဆင်(၃)ကောင်ဖြင့်စတင် လေ့ကျင့်လျက်ရှိပြီး ခရီးသွား ဧည့်သည်များအား ဆင်များ၏သဘာဝဓလေ့ စရိုက်များအား လေ့လာကြည့်ရှုနိုင်ရန် ဆောင်ရွက် လျက်ရှိသည်။ ဆင်စခန်းအတွင်း ဆင်များ၏ တောသဘာဝနှင့် လိုက်လျော ညီထွေမှုရှိစေရန်၊ သစ်ပင်ကြီးများစိုက်ပျိုးခြင်း၊ သဘာဝ ဆင်စာပင်နှင့် ပြည်ပ နိုင်ငံမှတင်သွင်းသည့် နေဗီယာမြက်များစိုက်ပျိုး လျက်ရှိသည်။ အနာဂတ်တွင် ဆင်ကောင်ရေထပ်မံတိုးချဲ့၍ ဆင်ထိန်းသိမ်းပြသရေးစခန်းကြီးအဖြစ် ထပ်မံ တိုးချဲ့ဆောင်ရွက်သွားမည် ဖြစ်သည်။

ပိုသိရအောင် ဒီ Link တွေမှာလည်း ဖတ်ပါဦး
https://www.bbc.com/burmese/burma-46698543

https://mingalago.com/my/interest/detail/wingabaw-elephant-camp

video ကြည့်ပါ
https://youtu.be/4B0g7wBASNU

Grade 5 English (သင်ရိုးသစ်) ရဲ့ Unit 1, Lesson 2 At school ကို သင်ပြထားပါတယ်။ နောက်ကျနေပြီမို့ Youtube မှာ အရင်လေ့လာနှင့်လို့ ရပါတယ်။

ဒီ Link ကို နှိပ်ပြီး ကြည့်ပါ။ https://youtu.be/kjdU_4AK5s0

နောက်နေ့မှ Telegram နဲ့ Facebook မှာ တင်ပေးပါမယ်။

Grade 12 English (သင်ရိုးသစ်) ရဲ့ Unit 5 Colours အကြောင်းမှာ အမေရိကန်နိုင်ငံမှာ အဝါရောင်က ကြိုဆိုတဲ့ အရောင်ဖြစ်ကြောင်း၊ စစ်ပွဲလိုမျိုး အန္တရာယ်တစ်ခုခုကနေ အိမ်ပြန်ရောက်လာတဲ့သူတွေကို ကြိုဆိုတဲ့ အခါ သစ်ပင်မှာ ဖဲကြိုးဝါလေးတွေချည်ပြီး ကြိုဆိုကြကြောင်း ပါပါတယ်။

ဒါနဲ့ ဆက်စပ်လို့ နာမည်ကျော် သီချင်း တစ်ပုဒ်ရှိပါတယ်။ "Tie a Yellow Ribbon Round the Ole Oak Tree" တဲ့။ ဒီ Link လေး နှိပ်ပြီး နားဆင်နိင်ပါတယ်။
https://youtu.be/7-RlLFxgCkk

မြန်မာမှာတော့ "ယုဇနပင်နဲ့ ဖဲကြိုးဝါ" ဆိုပြီး ပြန်ဆိုတေးအနေနဲ့ ဆိုကြပါတယ်။

ဇော်ဝင်းထွဋ်သီဆိုပုံ
https://youtu.be/Y5NbyF1sQOw

နေတိုး သီဆိုပုံ
https://youtu.be/BKyH5lZiJgw

Grade 9 English (သင်ရိုးသစ်) မှာ မြန်မာ့တူရိယာတွေဖြစ်တဲ့ စောင်းကောက်နဲ့ ဆိုင်းဝိုင်းအကြောင်း ပါပါတယ်။ အခု စောင်းကောက်နဲ့ ပတ်သက်ပြီး ဖြည့်စွက်ဖတ်ရှုဖို့ မျှဝေပေးလိုက်ပါတယ်။

🔸🔸🔸🔸🔸🔸🔸

ယနေ့ကမ္ဘာပေါ်ရှိ လူမျိုးအသီးသီးတို့ အသုံးပြုနေကြတဲ့စောင်းများမှာ လေးကိုင်းပုံသဏ္ဌာန်စောင်းနဲ့ တြိဂံပုံသဏ္ဌာန်စောင်းဆိုပြီး နှစ်မျိုးရှိပါတယ်။ လေးကိုင်းပုံသဏ္ဌာန်စောင်းဟာ တြိဂံပုံသဏ္ဌာန်စောင်းထက် ပိုမိုရှေးကျကြောင်း လေ့လာတွေ့ရှိရပါတယ်။

သမိုင်းအထောက်အထားများအရ မြန်မာ့စောင်းဟာ ခရစ် ၈၀၂ခုနှစ် ပျူခေတ်ကတည်းက ပေါ်ပေါက်ခဲ့တယ်လို့ သိရပါတယ်။ ရှေးဦးတူရိယာများဖြစ်ကြတဲ့ ကြေး၊ ကြိုး၊ သားရေ၊ လေ၊ လက်ခုပ်စတဲ့ တူရိယာငါးပါးမှာ စောင်းဟာ တစ်ခုအပါအဝင်ဖြစ်ပြီး မြန်မာ့စောင်းကို ကြိုးတပ်တူရိယာများအနက် တူရိယာဘုရင်လို့ တင်စားခေါ်ဝေါ်ခဲ့ကြပါတယ်။ ထီးနန်းအဆက်ဆက်သုံးစွဲခဲ့တဲ့ စောင်းကို ဂန္ဓဗ္ဗစောင်း သို့မဟုတ် ဇာတိစောင်းလို့ ခေါ်ပါတယ်။ ဒီစောင်းမှာ ကြိုးခုနှစ်ချောင်းပါဝင်ပါတယ်။

ဆိုင်းဝိုင်းမှာ ဗုံများကို ပတ်စာထည့်တဲ့အခါ ကြေးနောင်ကို စံထားရပါတယ်။ ကြေးနောင်ကို အသံညှိတဲ့အခါ နှဲသံကို စံထားရပါတယ်။ နှဲသံအတွက် လက်ပေါက်ဖောက်တဲ့အခါ စောင်းသံကိုနာခံပြီးဖောက်ကြရတဲ့အတွက် စောင်းဟာ ဂီတအားလုံးရဲ့အဓိကအသံလို့ဆိုကြပါတယ်။ မြန်မာတို့မှာ စောင်းကောက်နဲ့ဗျပ်စောင်းဟာ ထင်ရှားပါတယ်။ ဗျပ်စောင်းဟာ ဗျပ်လို အဝိုင်းပြား၊ အိုးမှာ လက်ရုံးတပ်ထားတဲ့ ကြိုးတပ်တူရိယာဖြစ်ပြီး ရှေးခေတ်ရှမ်းလူမျိုးတွေတီးတဲ့ ဗျပ်စောင်း သို့မဟုတ် ပျူခေတ် ဗူးဗျပ်စောင်းပုံစံမျိုးဖြစ်မယ်လို့ သုတေသနပြုချက်တွေအရ သိရပါတယ်။ ခရစ်နှစ် ၈၀၂ခုနှစ်မှာ ပျူမင်းသားသုနန္ဒ၊ အမတ်ကြီး နာကျကုဥ္စနဲ့ မဟာသေနတို့ဦးဆောင်တဲ့ တရုတ်နိုင်ငံရောက် ပျူသံအဖွဲ့မှာ ပျူဂီတအကအဖွဲ့ပါပါတယ်။ တန်မင်းဆက်သမိုင်းမှာဖော်ပြထားတာက သူတို့မှာ တူရိယာ ၂၂မျိုးပါလာပြိး အဲ့ဒီအထဲမှာ စောင်းအမျိုးအစားအမျိုးမျိုးပါ ပါဝင်ကြောင်းဖော်ပြထားပါတယ်။ စောင်းကို ရှေးဘုရင်များလက်ထက် အတော်နှစ်ခြိုက်ခဲ့ကြပြီး ထီးသုံးနန်းသုံးအဖြစ် အသုံးပြုခဲ့ကြရုံသာမက တောင်သူလယ်သမား ဆင်းရဲသားများကလည်း နှစ်သက်စွာ တီးခတ်ကြပါတယ်။

မြန်မာ့စောင်းကောက်ဟာ လှေပုံသဏ္ဌာန်ရှိပြီး ရွက်တိုင်ကွေးမှာ လေးအားဖြစ်ဖို့ လေးကြိုးကိုဆွဲတဲ့ အခါမှာ လေးကိုင်းဟာ ကွေးညွတ်သွားတဲ့ လေးကိုင်းသဏ္ဌာန်ရှိပါတယ်။ မြန်မာ့စောင်းဟာ တစ်ခြားနိုင်ငံများမှ စောင်းတွေနဲ့မတူပဲ တစ်မူအသွင်ထူးခြားတဲ့ ပုံစံရှိပါတယ်။ မြန်မာ့စောင်းမှာ အပိုင်းနှစ်ပိုင်းရှိပြီး လက်ရုံးပိုင်းနဲ့ ကိုယ်ထည်ပိုင်းဖြစ်ပါတယ်။ လက်ရုံးပိုင်းမှာ ကွေးကောက်ပုံသဏ္ဌာန်သုံးမျိုးရှိပါတယ်။ သဇင်ခွေလက်ရုံး (သဇင်ပန်းရဲ့နွဲ့နှောင်းကွေးညွှတ်နေဟန်ကို အတုယူထား)၊ မျောက်ထိုင်လက်ရုံး(မျောက်တစ်ကောင်ထိုင်နေစဉ် ဘေးတိုက်မြင်ရပုံကို ပုံစံတူပြုထား) နဲ့ ငါးမျှားချိန်လက်ရုံး(ငါးမျှားချတ်၏ကွေးကောက်ပုံကို အတုယူထား) တို့ပဲဖြစ်ပါတယ်။ မျောက်ထိုင်လက်ရုံးနဲ့စောင်းဟာ အသုံးအများဆုံးဖြစ်ပြီး လက်ရုံးမှာချည်တဲ့ ဘွဲ့ကြိုးမြဲခြင်းကြောင့် စောင်းကြိုးအလျှော့အတင်း နည်းတဲ့အတွက်ဖြစ်ပါတယ်။

စောင်းကိုယ်ထည်ပိုင်းဟာ လောင်းလှေသဏ္ဌာန်ရှိပြီး စောင်းအိုးကို ရှေးအဆိုအရ တောင်ကုန်းမြေမြင့်ဒေသမှာပေါက်တဲ့ ပိတောက်သားနဲ့ပြုလုပ်တာပိုကောင်းတယ်လို့ဆိုပြီး ပိတောက်သားနဲ့ပြုလုပ်ကြပါတယ်။ ဒီနောက်ပိုင်းတော့ ပိတောက်သားအပြင် ယမနေသား၊ ကျွန်းသားအဖြူ၊ ယင်းမာသားတို့နဲ့လည်း ပြုလုပ်လာကြပါတယ်။ စောင်းအိုးထွင်းရာမှာ “ရှေ့စကားနောက်ဖလား”ဆိုပြီး ဆိုရိုးရှိတဲ့အတိုင်း စောင်းအိုးရဲ့ဦးပိုင်းကို စကားရွက်ပုံသဏ္ဌာန်နဲ့ ပဲ့ပိုင်းကို ဖလား၏အောက်ဝန်းသဏ္ဌာန်ရှိစေပါတယ်။ မြန်မာစောင်းကောက်အပြင် ၁၉၂၂မှာ မြန်မာ့စောင်းပြားလည်း ပေါ်ပေါက်ခဲ့ပါတယ်။ မြန်မာ့စောင်းကောက်ဟာ လှပနုနယ်ပြီး တန်ဖိုးကြီးခြင်းကြောင့် စောင်းပညာသင်လိုသော်လည်း ငွေကြေးမတတ်နိုင်တာကတစ်ကြောင်း၊ ခရီးသွားရင်သယ်ယူရလွယ်တာကြောင့်တစ်ကြောင်း၊ ကြိုးညှိရလွယ်တာကတစ်ကြောင်း၊ ယနေ့စောင်းပညာလိုက်စားသူများနဲ့ အချို့စောင်းပညာရှင်များဟာ စောင်းပြားကိုပိုမိုသုံးစွဲလာကြပါတယ်။

အစက စောင်းကြိုး ခုနှစ်ကြိုးရှိပြီး နောက်ပိုင်း ဆယ့်သုံးကြိုးမှသည် ဆယ့်ခြောက်ကြိုးအထိ တီထွင်လာကြပါတယ်။ စောင်းကြိုးလေးတွေကို ပိုးကောင်ဥမှရရှိတဲ့ ပိုးချည်မျှင်အစိမ်းများမှ ကြိုးအဖြစ်ပြုပြင်ယူရပါတယ်။ ဒီပိုးကြိုးဟာ အဝါရောင်ရှိတဲ့အတွက် ခင်ဝါကြိုးလို့ စာဖွဲ့ခဲ့ကြပါတယ်။ စောင်းသံဖျားခေါ် အောက်ဆုံးကြိုးမှ အထက်ဆုံးဒုံးကြိုးအထိ ကြီးစဉ်ငယ်လိုက် အလိုရှိသောအသံပေါ်မူတည်ပြီး ပိုးကြိုးကို အပင်လိမ်အဖြစ် သေးအကြီးကျစ်ကြရပါတယ်။ စောင်းကြိုးချည်ရာတွင် ချည်သောဘွဲ့ (ပန်ပွား)ကြိုးနဲ့ ယင်းစောင်းကြိုးကို ဆက်သွယ်ပြီး လက်ရုံးဘွဲ့ (ပန်းဖွား)ကြိုးလျော့မကျစေရန် အထစ်များပြုလုပ်ပြီး နှောင်ကြိုးတည်းရကြောင်း မှတ်သားရပါတယ်။

ကိုးကား။ မြန်မာ့စောင်းသိကောင်းစရာနှင့်တတ်ကောင်းစရာ(သုတေသီရာမညကိုကိုနိုင်)

"Grade 11 English (သင်ရိုးသစ်) Video သင်ခန်းစာများ စုစည်းမှု"

❣️ Unit 1 THE AYEYARWADY DOLPHINS
💟 Reading passage
https://youtu.be/hSgZhYqH_FM

💟 1B Vocabulary
https://youtu.be/-wqG-cBTY2o

💟 1C Grammar
https://youtu.be/8QDUFgEoX5M

💟 1E Writing
https://youtu.be/mvl5914HX3U

❣️ Unit 2 ONLINE SHOPPING: PROS AND CONS
💟 Reading passage
https://youtu.be/IaSNzqRZlY8

💟 2B Vocabulary
https://youtu.be/ZOyfX2SU-Pg

💟 2C Grammar
https://youtu.be/kzSHqWlPDb0

💟 2E Writing
https://youtu.be/Yx2pyWfIUaI

❣️ Unit 3 MEMORY
https://youtu.be/lkynqX7f5pE

💟 3B Vocabulary
https://youtu.be/dZmj0YBQqMg

💟 3C Grammar
https://youtu.be/0yQVaG9qVqk

💟 3E Writing
https://youtu.be/JA7Jael5GGw

❣️ Poem 1 BRIDGES
https://youtu.be/MuvB7zUcjP0

❣️ Unit 4 GLOBALIZATION OF FOOD
https://youtu.be/h66GVy65Vmg

💟 4B Vocabulary
https://youtu.be/Tuw1alsFn3U

💟 4C Grammar
https://youtu.be/HecYbMkrVIc

💟 4E Writing
https://youtu.be/igKnV_txt60

❣️ Unit 5 Comprehension
https://youtu.be/RRCZ0zkq87k

💟 5B Vocabulary
https://youtu.be/K_rPTd5UkUE

💟 5C Grammar
https://youtu.be/e3M6oip_OWA

💟 5E Writing
https://youtu.be/QUR-Fb61unA

❣️ Unit 6 TRAVEL IN SOUTHEAST ASIA II
https://youtu.be/pH7TD3vkSQo

❣️ Poem 2 Cloud Zoo
https://youtu.be/_uZ6rFL-7nw

❣️ Poem 3 LEISURE
https://youtu.be/tOeTMaqjr3E

🔸တင်ထားသမျှ စုစည်းပေးထားပါတယ်။ ခုပေးထားတာတွေက Youtube မှာ တင်ထားတာတွေပါ။ Link တစ်ခုချင်း နှိပ်ပြီး ကြည့်လို့ ရပါတယ်။ Facebook နဲ့ Telegram မှာလည်း တင်ထားပါတယ်။ ဒါတွေတော့ ပြန်စုပေးဖို့ မလွယ်လို့ Youtube link တွေပဲ စုပေးလိုက်ပါတယ်။🔸

စာအုပ်တွေအကြောင်း သိချင်ရင်တော့ ဒီ Link ကို နှိပ်ပါ။
https://m.facebook.com/story.php?story_fbid=244803591404241&id=100076238067592&mibextid=Nif5oz

Grade 12 English သင်ရိုးသစ်ရဲ့ Unit 6 Artificial Intelligence စာမှာ powerful AI tools တွေက ဆိုးတဲ့ လူတွေရဲ့ လက်ထဲ ရောက်သွားမယ်ဆိုရင် လူသားမျိုးနွယ်တစ်ခုလုံး ဘာဖြစ်မလဲတောင် မတွေးရဲဘူးလို့ သဘောရတဲ့ စာလေး တစ်ခု ပါပါတယ်။

ကျွန်တော်တို့ကတော့ သိပ်မသိတော့ သာမန်ပဲ သဘောထားတာပေါ့။ ဒါပေမဲ့ တော်တော်ပူပန်သူတွေလည်း ရှိတယ်။ Ashlee Vance ရေးထားတဲ့ Elon Musk ဆိုတဲ့ စာအုပ်မှာ ဒီစာလေး ပါတယ်။ (ဒီစာအုပ်ကို စာရေးဆရာနှစ်ဦးဖြစ်တဲ့ "ကျော်မျိုး" နဲ့ "ဗန်းမော်သိန်းဖေ" တို့ ဘာသာပြန်ထားတာ ရှိပါတယ်။ Elon Musk အကြောင်း စိတ်ဝင်စားရင်တော့ ဖတ်ကြည့်ပါ)

"He opened up about the major fear keeping him up at night: namely that Google’s cofounder and CEO Larry Page might well have been building a fleet of artificial-intelligence-enhanced robots capable of destroying mankind. “I’m really worried about this,” Musk said. It didn’t make Musk feel any better that he and Page were very close friends and that he felt Page was fundamentally a well-intentioned person and not Dr. Evil."

လိုရင်းလေးကို အကြမ်းဖျင်းပြောရရင် Elon Musk က ဂူးဂယ်ကုမ္ပဏီကို ပူးတွဲတည်ထောင်သူနဲ့ CEO ဖြစ်သူ လယ်ရီပေ့ဂျ် က လူသားမျိုးနွယ်ကို ဖျက်ဆီးနိုင်တဲ့ AI သုံး စက်ရုပ်တပ်ကြီး ဆောက်နေမှာကို တွေးပြီး အိပ်မရအောင် စိုးရိမ်သတဲ့။ လယ်ရီပေ့ဂျ်နဲ့လည်း အလွန်ရင်းနှီးပြီး လူဆိုးမဟုတ်၊လူကောင်းမှန်းသိတာတောင် စိုးရိမ်တာတဲ့။

Elon Musk က သူများကိုသာ လျှောက်ပြောနေတာ။ သူ့ကျတော့ X.AI ဆိုတဲ့ AI ကုမ္ပဏီထောင်ဖို့ လုပ်နေတယ်။ AI သုတေသန ပညာရှင်တွေတောင် ငှားပြီးပြီဆိုပဲ။ အခု ခေတ်စားလာတဲ့ Open AI ကုမ္ပဏီရဲ့ Chat GPT နဲ့ ပြိုင်ဖို့ လုပ်တာပေါ့လေ။ NY Times သတင်းစာမှာတော့ အဲဒီလိုရေးထားတယ်။ (တကယ်တော့ Open AI ရဲ့ Founders တွေထဲမှာ သူပါတယ်။ Elon Musk, Ilya Sutskever, Sam Altman သူတို့ သုံးယောက်ကိုး။ Ref: Wiki)

Chat GPT ရဲ့ လွှမ်းမိုးမှုကလည်း အတော်ကြီးသား။ သူပေါက်သွားတာနဲ့ ကုမ္ပဏီကြီးတွေလည်း မျက်လုံးပြူးမျက်ဆန်ပြူးနဲ့ ကြိုးစားရတော့တယ်။ Google ဆိုရင် Bard ဆိုတဲ့ AI Chatbot ထွင်ရတယ်။ တခြားနည်းပညာကုမ္ပဏီကြီးတွေလည်း နောက်ကျမကျန်ရအောင် လုပ်ရတော့တယ်။

ကျောင်းသင်ခန်းစာတင်မက ဆက်စပ် ဗဟုသုတတွေ ပြောပြရင်း ကမ္ဘာကြီးမှာ ဘာတွေလုပ်နေကြသလဲဆိုတာ သိနိုင်ဖို့ပါ။