فريق العلم والعمل (علم نافع وعمل رافع)
14.6K subscribers
418 photos
110 videos
31 files
757 links
#فريق_العلم_والعمل😍
فريق لخدمة طلاب الجامعة،
ودعم التعليم الجامعي
هدفنا✊👌
إننا ندعمك في كل مجالات حياتك الجامعية، والثقافية، والاجتماعية، وتنمية مهاراتك الفكرية، والمنهاجية، والسلوكية في المجالات المختلفة.
Download Telegram
بكرا إن شاء الله انطلاق أول أيام دورة منهاج الطالب المسلم، وهي دورة من دورات منتصف العام لجميع الطلبة والطالبات.

يسعدنا تواجد حضراتكم معنا غدًا إن شاء الله، بمقر مركز العلم والعمل ببني سويف،

المكان:- بني سويف، الشبان أبراج العروبة البرج الثاني الدور الثاني.

أرقام التواصل:-
01211391167
01104103174


#دورات_منتصف_العام
#فريق_العلم_والعمل_لطلاب_وطالبات_الجامعة
#د_شريف_طه_يونس
❤8🤩3👍1
انطلاق دورة منهاج الطالب المسلم
❤26👍3
السلام عليكم ورحمة الله وبركاته.

حقيقةً لا أظن أنّ بوسعي حصر المخرجات الوجدانية التي خرجت بها من هذا اليوم فقط في عدة أسطر إن أردت أن أنصف البرنامج وأوفيه حقّه، بل سأحتاج إلى تقسيم الفوائد إلى عناصر وجدانية وإيمانية وعملية وتزكوية، وتحت كل عنصر مجموعة من النقاط، وأسفل كل نقطة شرح وتفصيل، وهذا الشرح سيفتح مواضيع وأبواب أخرى ستجعلنا ندلف إلى أبوابٍ أخرى، وهلمّ جرًا.

لكن أريد ههنا أن أذكر أمرين فقط، وهما أكثر ما شعرت به بعد خروجي من المعهد، ألا وهما:

١- أنّي ندمت أني لم ألتحق بهذا المعهد منذ زمن، ونادمة أني في كل مرة كنت أأجل الحضور وأقول: «في مرّة أخرى»، حتى مضى عام أو نصف عام تقريبا على تأجيلي للأمر -إن لم يكن أكثر من ذلك-.

٢- الأمر الثاني الذي ندمن عليه، ألا وهو أني لم أحضر أهلي وصديقاتي معي اليوم، وددت لو أنهم سمعوا ما سمعت، واستفادوا كما استفدت، وتأثروا كما تأثرت، وتصححت بعض مفاهيهم كما صُححت بعض مفاهيمي كذلك.

فنصيحتي لكل من يقرأ هذا الكلام:

ما تغلطوش غلطتي. :)

وأوصيكم بوصية الباشمهندس أيمن عبد الرحيم:«استغلوا المتاح النهاردة عشان مش هيفضل متاح».

والسلام.

-الطالبة سلمى

#مخرجات_وجدانية
#دورات_منتصف_العام
#د_شريف_طه_يونس
#فريق_العلم_والعمل_لطلاب_وطالبات_الجامعة
❤16🤩3👍1
السلام عليكم ورحمة الله وبركاته
بداية أنا حابة أشكر الدكتور وكل القائمين في المشروع على جهدهم ووقتهم وعلمهم اللى بيقدموه وحرصهم على إصلاحنا في الحقيقة مش هوفي حقكم من الشكر
كل مرة بيزداد تعلقي بالمكان والسبب المنهج اولا والطريقة

شعرت بالأمل وإن في فرصة لأن الإنسان كان في حالة إحباط لا مثيل لها من بعد الثانوية إلى الآن

فعرفت إن لو الإنسان جدد نيته
وجعل الآخرة......... مركزيته
الأمر هيكون هين جدا جدا

وحاولت اقتنع إن ليس المهم أنا فين؟؟ بل المهم أنا مين؟؟ في المكان اللى فيه

شعرت بالفرح إن الله عز وجل اصطفاني للمكان وإني أحضر حلقة مثل هذه فشعرت أنها رسائل إلي فى وقت أنا محتاجة الكلام فيه فمن فضل الله علي وكرمه لا غير فربنا يديمها نعمة في حياتِنا

شعرت بالضيق والحزن على قصر تفكيري على حاجات معينة وإن دنيتي كلها متوقفة على الحاجات دي وكان في عواقب سيئة على التفكير ده ومنها حرماني من خيرات كثييرة لا التصورات اتعدلت بفضل الله ♥

اما المخرج المعرفي فمعلومات لا حصر لها ومنها فهمت الإشكاليات الخمس اللى عندنا إيه؟؟ او اللى ممكن نقابلها؟؟

وأخيرا جزى الله الدكتور عنا خيرا ونفع بكم الإسلام والمسلمين

-الطالبة شهد شعبان

#مخرجات_وجدانية
#دورات_منتصف_العام
#د_شريف_طه_يونس
#فريق_العلم_والعمل_لطلاب_وطالبات_الجامعة
❤21👍2
السلام عليكم ورحمة الله وبركاته

بداية حابة أؤكد إن مهما حاولت أحصر المعلومات ال خرجت بيها اليوم مش هقدر أحصرها في سطور أبدا ولكن هحاول
ف قبل أي شيء أنا طلعت انهاردة بقاعدة من أهم القواعد ال ممكن أكمل بيها حياتي وهي " ال عاوز وصادق هيقدر وهيوصل "
ما احنا فعلا بنبذل للدنيا وللعلم العمراني أضعاف مضاعفة مما يحتاجه العلم الإيماني ولكن أوقات كتير بتكون الضائقة أو العقبة في صدق النية والتوكل على الله ومن تجارب كتيرة أوي عدت ف فعلا ال بيصدق ربنا بيعينه وبيكمل مهما تبين له إن الأمر صعب أو إن هيفوته شيء وحتى إن كان هيفوته شيء ف ما يفوت من أمر الدنيا يُعوَض أما ما يفوت من أمر الآخرة ف لا ضمان للعمر لتعويضه

تاني حاجة اتضحت لي إن كان فيه حاجات كتيرة بتتعمل قدامنا واحنا منعرفش أنها حرام ولا حتى خطر لينا قبل كدة نبحث ف هل هي حرام ولا لا زي أمر زيارة المعابد أو بعض السكاشن العملي ف كليتنا زي ما الدكتور تكلم ووضح في خصوصية المسلم عن غيره

تالت شيء طبعا وهو صور الملتزمين ال الإنسان انتبه إنه ف بعض الأحيان بيكون صورة منهم وهو مش واخد باله إنه كدة في ورطه!

رابع حاجة بعض العبادات ال بنعملها من غير ما نتعلم الفقه بتاعها زي الحجاب أو غيره مع إن لو اتعلمنا الفقه بتاعها هيكون قدامنا تعديد نوايا كتير جدا ف تزيدنا تقوى وحسنات كمان

خامس حاجة ال حابة أختم بيها زي ما الدكتور اختتم بيها إن أولا وآخرا القرآن ومنهاجية التعامل معه هم الصحابة والدعوة وكل حاجة بدأت بالقرآن والصلاة والصحبة الصالحة ال تعين على دا ف الفكرة كلها تعاملنا مع القرآن والصلاة على أنهم مجرد كلام بيتردد وحركات تمرين ولا فعلا بنتعامل معهم بمنهج النبي صلى الله عليه وسلم

وأؤكد على جملة الدكتور أن من ذاق عرف ومن عرف اغترف ف فايته كتير ال لسه مسمعش عن معهد العلم والعمل ودكتور شريف جزاه الله عنا كل خير وكل القائمين على المعهد


-من أحداهن

#مخرجات_وجدانية
#دورات_منتصف_العام
#د_شريف_طه_يونس
#فريق_العلم_والعمل_لطلاب_وطالبات_الجامعة
❤21👍2
وعليكم السلام ورحمة الله وبركاته
جزاكم الله عنا خير الجزاء بجد الواحد مش بيبقا عارف يكتب اى او ازاى يشكركم جزاكم الله عنا الفردوس الأعلى كالعادة وكأي دورة من دورات المعهد اللسان يعجز عن الكلام بجد ، كمية البهجة والراحة اللى بنستشعرها ف المكان النهاردة والدكتور جزاه الله خيرا بيتكلم ف الاول ع النية سألت نفسي هو انا بجد جاية ليه ؟ ف قعدت استشعر معاني كتير منها طلب العلم (من سلك طريقا يلتمس فيه علما سهل الله له به طريقا إلى الجنة) ، من أراد الله به خيرا يفقهه فى الدين ،إن يوم القيامة لن تزول قدم عبد حتى يسأل عن اربع منهم عن عمره فيما أفناه ، وكمان الرسول صل الله عليه وسلم قال :نعمتان مغبون فيهما كثير من الناس الصحة والفراغ وإن نفسك إن لم تشغلها بالحق شغلتك بالباطل ، قال الله عز وجل (فإذا فرغت فانصب وإلى ربك فارغب)
ف ربنا يرزقنا الثبات ونكمل الدورة بإذن الله
الحمد لله النهاردة استفدت أشياء كثيرة منها الهوية (الإنتماء والخصوصية) أنا مين ؟بنتمي ل اى ؟ ليه ؟ اتعلمت انى الهدف من العلم هو العمل وإن لا فائدة للعلم إن لم يتبعه عمل واتعلمت كمان إني في طلب العلم سواء الإيمانى او العمراني لابد أن يكون إخلاصًا لا تخلصًا ، أكذوبة لما والتسويف لما أخلص جامعة ابقا اطلب علم شرعي او بعد كذا ابقا اعمل كذا الدكتور جزاه الله خيرا قال نقطة مهمة جدا وهو إيه يضمن لى إني اعيش ل بعد الجامعة فعلا الإنسان مش ضامن عمره ف علشان كدا لازم نعمل ل آخرتنا ،من أهم الحاجات اللى اتعلمتها برضو الإشكاليات اللى بتواجه الطالب المسلم
▪الإهتمام بالجانب العمراني أكثر من الإيمانى أو عمران بلا إيمان
▪أن يذهب للإيمان تخلصا لا إخلاصا إن بسبب فشلي ف الجانب العمرانى اتجه للجانب الإيمانى
▪إن أقصى طموحي ف الجانب الإيمانى تكون إنى أحفظ القرآن واسمع بعض المحاضرات
▪الإرجاء (بعد كذا هبقا اعمل كذا)
▪مفيش سمة تميزني ك مسلم (خصوصية المسلم)
▪الفوضاوية والعشوائية
▪منهاج تعلم العلوم الشرعية
ومن أكثر النقاط اللى أثرت فيا أيضا نقطة مركزية الوحى (ربنا قبل اى شئ)، مركزية الآخرة (إنه فيه يوم قيامة وحساب وعقاب فاعمل لليوم دا)
ومن النقاط الأهم على الأطلاق هى للأسف المنهجية الخاطئة اللى بنتعامل بها مع كلام الله وإن الوعد بالعصمة ف القرآن من الهم والحزن والضلال والشقاء مرهونة بالاتباع (فمن تبع هداى فلا خوف عليهم ولا هم يحزنون )،(فمن اتبع هداى فلا يضل ولا يشقى)

ف الحمد لله على نعمة التحاقنا ب المعهد وبجد مش ببالغ أبدا لما أقول إن التحاقي بالمعهد دا أجمل الأشياء اللى حصلتلى ف حياتي ف اللهم الثبات ربنا يثبتنا فيه يارب الواحد كل مرة بروح المقر حقيقي بستشعر آية (أَوَمَن كانَ مَيتًا فَأَحيَيناهُ وَجَعَلنا لَهُ نورًا يَمشي بِهِ فِي النّاسِ كَمَن مَثَلُهُ فِي الظُّلُماتِ لَيسَ بِخارِجٍ مِنها كَذلِكَ زُيِّنَ لِلكافِرينَ ما كانوا يَعمَلونَ) ف الحمد لله حمدا كثيرا طيبا مباركا فيه على نعمة إن الواحد عرف معهد العلم والعمل وجزا الله كل العاملين به خير الجزاء


-الطالبة أميرة أحمد

#مخرجات_وجدانية
#دورات_منتصف_العام
#د_شريف_طه_يونس
#فريق_العلم_والعمل_لطلاب_وطالبات_الجامعة
❤17👍2
وعليكم السلام ورحمه الله وبركاته
اول مشاركه ليا مع حضراتكم وحقيقي حابه اشكركم علي مجهودكم
النهارده حقيقي طلعت بكم كبير من المعلومات وعرفت حاجات كتير كنت غافله عنها بجد كنت حريصه اركز مع كل الكلام اللي الدكتور بيقولوا علشان يثبت في دماغي وزعلت جدا علي اخر نص ساعه اللي وقعت مني علشان اضطريت امشي

اهم اللي طلعت بيه هيا الاشكاليات وازايي اتعامل معاها وصور الناس والنماذج اللي حوالينا اللي منهم الفاسد والمخدوع

وكمان عرفت ان لازم نكون دايما حريصين علي تعاملنا مع ربنا وانوا لازم يكون اخلاصا كامل لله قبل مايكون تخلص من الضغوط اللي بنمر بيها
كمان اهميه موضوع الالتزام والمعرفه الدينيه لينا احنا النساء وضروره المبادره والاسراع للتعلم عن الدين علشان حقيقي مافيش وقت ومحدش فينا ضامن عمره هينتهي ايمته

كمان عرفت اهميه الخصوصيه الاسلاميه في التعامل مع المهن وان الموضوع مش بالامر الهين زيي ما كثير من الناس معتقدين

واهم الاشياء هيا ضروره فهم قران والحرص علي اني اقرأ كتير في كتب التفسير وافهم اكتر مواضع الايات وليه نزلت وايه اللي المفروض يتغير جوانا بعد مانفهم ونعي القرأن جيدا وليست مجرد قراه عابره لارضاء النفس بل يجب القرائه بفهم وتدبر لاصلاح النفس وتهذيبها وارضاء الله تعالي

اسفه علي الاطاله بس حقيقي مش عارفه اكتب كل اللي طلعت بيه بس انا استفدت كتير جدا ومتحمسه اكتر لباقي الايام الجايه وشكرا جدا لدكتور شريف ولكل الفريق


-الطالبة بسنت رمضان

#مخرجات_وجدانية
#دورات_منتصف_العام
#د_شريف_طه_يونس
#فريق_العلم_والعمل_لطلاب_وطالبات_الجامعة
❤14👍1🤩1