Oncolytic viruses (OVs)

ذني فايروسات إلهن القدرة (إما بشكل طبيعي أو بالهندسة الجينية) على تدمير الخلايا السرطانية. صارت بمنتصف القرن الـ 20 عدة أبحاث على أكثر من فايروس (adenovirus, West-Nile, Dengue, Newcastle disease وغيرهن) بس النتائج ما جانت كلش واعدة لحد سنة 1991 لمّا طوّروا HSV معدّل جينيًا قادر على إصابة الخلايا السرطانية فقط بدون الخلايا الطبيعية وبدينا نطوّر من هذا العلاج لحدما صار عدنا أول علاج للسرطان بالفايروسات، إسمه كلش طايح حظه وما ينقري Talimogene Laherparepvec لدرجة حطوله إختصار (T-Vec). وافقت عليه الـ FDA لعلاج الحالات الشديدة من سرطان الجلد (الميلانوما).

هذا النوع من العلاج يسموه علاج مناعي فايروسي (Immunovirotherapy) لأن الفايروس وحده ما يكدر يقتل السرطان، بس هو يفعّل جهاز المناعة ويسوي شوية تغييرات بجينات ومُستقبِلات السرطان بحيث يصير أسهل على الجهاز المناعي أنْ يستهدفه.

على ذكر العلاجات الغريبة للسرطان:

.

Diphyllobothriasis
(Broad fish tapeworm)

This is the longest parasite that can infect humans, it reaches up to 20 meters

هاي تنتشر بالمجتمعات اللي تاكل السمج نيء. اللحم يحتوي على بيوض الطفيلي، والإنسان لما ياكله، البيوض تفقس بامعاءه (بالـ jejunum) وتنمو أحيانًا لعقود من الزمن بدون أعراض أو تسوي أشياء مثل ألم البطن والإسهال (وتستهلك فيتامين B12 اللي تاكله وتسويلك فقر دم).

Ancylostoma duodenale
(Hookworm disease)

هاي الـ transmission مالتها تحسها قصة مال جيمس بوند:
البيوض مالتها تبقى بالتربة لحدما يدوس عليها واحد حظه كامز، فتخترق الجلد وتسبب طفح جلدي (ground itch) وتعبر لمجرى الدم. منا رح تروح للرئة، وتصعد وية المخاط عن طريق الـ ciliary clearance، أو تسبب كحة. بالحالتين رح توصل للحنجرة ويبتلعها الشخص وتوصل للأمعاء... هناك رح تبقى وتوصل للبلوغ وتعض الجدار مال الامعاء وتچلب بيه وتمص دمك حتى تتغذى عليه. الإصابة بهذا الطفيلي تسببلك فقر دم ونقص بروتينات، مو لأنها تمص هواي من دمك (الدم يحتوي بروتينات همين)... أصلًا كل دودة تمص أقل من 1 مللتر باليوم، بس النزيف المُصاحب إلها يضيّع كمية أكبر بهواي... وهذا النزيف هو اللي يسبب كل هاي المشاكل.

عمومًا هالطفيلي من الأسباب المهمة لفقر الدم ونقص البروتين (ومشاكل النمو عند الأطفال) بالمجتمعات الفقيرة والدول النامية، ولازم تحطه ببالك