Skin الجلد:
الجلد عبارة عن طبقتين، الepidermis والdermis اللي اكو تركيب تحته يربطه بالعضلات او بالعظام واللي هي الFascia. الجلد اكبر عضو في الجسم ووظيفته الحماية والتنظيم والحس (اكو بعد بس مو موضوعنا)

اولا/ Epidermis البشرة : عبارة عن نسيج ظهاري حرشفي مطبق، يكون سميك في باطن اليد والقدم، ونحيف في مناطق اخرى، يصنف الى ٥ طبقات، وظيفته انه يحتفظ بالماء ويمنع الpathogens (مسببات الامراض) من الدخول للجسم.
النوع الاكبر من الخلايا اللي تتواجد بي هي Keratinocytes واللي توفر الحماية من عوامل البيئة المختلفة اللي ممكن تسبب اي خطر للجسم، اضافة الى انواع اخرى من الخلايا. الepidermis يخلو من اي اوعية دموية!


ثانيا/ Dermis الأدمة: قبل لا نحجي عن الادمة، لازم نذكر اكو basement membrane يفصل بين طبقتي الجلد، واللي هو عبارة عن صفيحة رقيقة من الألياف ومثل ما كلنا، وظيفته ينظم انتقال الخلايا وغيرها بين الطبقتين.
الأدمة هو الجزء الاعمق من الجلد، واللي يتكون من انسجة ضامة تبطن محتويات الجسم، وظيفته انه يدعم ويقوي الجلد من خلال الانواع المختلفة من الالياف اللي يحتويها ومنها الكولاجين. الأدمة تحتوي على عديد من الاعصاب اللي تختص بوظيفة الحس ومنها mechanorecpetors (تخص اي تغير بالحركة) وthermorecpetors (تخص اي تغير بالحرارة) وnociceptors (تخص اي خطر او تلف ممكن يحصل).
طبقة الأدمة تحتوي على اوعية دموية توفر التغذية المناسبة للخلايا والتخلص من الفضلات الها وللepidermis!
وتنقسم الى منطقتين الpapillary والreticular.

اكو لواحق بالجلد Skin Appendages اللي هي بصيلات الشعر والاظافر والغدد الدهنية والغدد العرقية اللي تتواجد كلها بطبقة الأدمة dermis. هذني الشرح عنهن يرادله فد كم بوست لاخ😂

من هسة:
Right atrium (RA) أذين أيمن
Left atrium (LA) أذين أيسر
Right ventricle (RV) بطين أيمن
Left ventricle (LV) بطين أيسر

الCVS هو الجهاز الوعائي CardioVascular System

يؤدي 3 وظائف هي:
1- يوصل الطاقة (المواد الغذائية) لأنسجة الجسم
2- يوصل الأوكسجين لأنسجة الجسم
3- يتخلص من الbyproducts الناتجة من احتراق الوقود (الغذاء) مثل CO2 والماء والحرارة


نبدي بالقلب اللي هو الواتر بمب مال الجسم... شغله انه يضخ الدم ببساطة عبر 4 غرف (تجاويف) ويقع بالصدر بين الرئتين ويحيط بيه غلاف إسمه pericardium

الدم يجي من الرئتين عبر الpulmonary veins (الاوردة الوحيدة بالجسم اللي تحتوي دم مؤكسج) ويصبون اربعتهم بلLA... يفتح الMitral valve (valve يعني صمام -حنفية- شغله يخلي الدم يتحرك بإتجاه واحد) وينتقل الدم للLV... مناك رح ينفتح صمام اسمه aortic semilunar valve وينتقل الدم للAorta (أكبر شريان بالجسم) ووراها يتفرع حتى ينقل الدم لكل أنحاء الجسم...

وراها رح يرجع الدم غير المؤكسج deoxy. Blood من انحاء الجسم عبر وريدين همة superior and inferior vena cava ويصبون بلRA... مناك رح ينفتح صمام الtricuspid valve وينتقل الدم للRV...
من الRV رح ينتقل الدم عبر الpulmonary semilunar valve
للpulmonary artery (الشريان الوحيد بالجسم اللي يحوي دم غير مؤكسج) ويروح للرئتين حتى ياخذ O2 وينطي CO2... وبعدين يرجع الدم المؤكسج عبر الpulmonary veins (اللي حجيت عنهن فوك) وتكتمل الدورة الدموية.

الدورة الدموية للجنين fetus تكون مختلفة عن الدورة الدموية للشخص البالغ من حيث:
الأذين الأيمن والأيسر يكونن مفتوحات على بعض بفتحة إسمها foramen ovale.
وأكو شريان إضافي إسمه Ductus arteriosus هذا شغله أنه يربط الpulmonary trunk بلAorta (يعني الدم بدل ميروح للرئتين، رح يروح أغلبه للشريان الأبهر aorta وبالتالي للجسم... لأن الرئتين بالجنين يكونن مملوءات بالسائل وميشتغلن)... وبناءاً على هذا، فأغلب الدم (%90) ينتقل من الأذين الأيمن RA للأيسر LA... في حين فقط 10% منه يوصل للرئتين.

طبعاً لما ينولد الطفل، الforamen ovale تنغلق ورة دقايق والأذينين ينفصلون... وبنفس الوقت الDuctus arteriosus ينغلق والدم يرجع لمساره "الطبيعي" ويوصل للرئتين.
وفي حال صارت مشكلة وما انسد الforamen ovale... معناها الدم غير المؤكسج deoxy. blood (بدل مينتقل من الأذين الأيمن RA للبطين الأيمن RV وبعدين للرئة) رح يعبر من خلال الforamen ovale للأذين الأيسر LA وبالتالي للدورة الدموية الكبرى يعني للجسم كله وبالتالي رح يسبب متلازمة الطفل الأزرق blue baby syndrome ومرض القلب الزراقي cyanotic heart disease

- شلون تنتقل الإشارات العصبية بالخلايا العصبية؟

بالبداية: الخلايا العصبية تتألف من ٣ اجزاء... جسم الخلية (نواة، سايتوبلازم وكذا)... التشجرات dendrites وهاي وظيفتها تستلم الإشارات العصبية.... والمحور axon وهذا وظيفته ينقل الإشارة العصبية من جسم الخلية لخلية عصبية ثانية

وأكو ٣ انواع من الخلايا العصبية، sensory تكون حساسة للمس، الضوء، الحرارة وغيرها... Motor وهاي وظيفتها تنقل الاشارة العصبية من الدماغ او الحبل الشوكي للعضلات (تنطي ايعاز للعضلات بالحركة).... والاخيرة هي interneurons وهاي تربط الخلايا العصبية بالنسيج نفسه، مثلاً بالدماغ او بالاعصاب

الاشارة العصبية تتولد لما يصير اكو action potential اللي هو نوع من فرق الجهد يكون على طول المحور العصبي axon. طبعاً هذا يكون بسبب حركة ايونات الصوديوم Na+ من خلال قنوات خاصة داخل المحور العصبي اسمها voltage-gated ion channel ميشتغلن الا عند فرق جهد voltage معين.

بالتالي هاي الايونات رح تتحرك على طول المحور العصبي الى ان توصل لل axon terminal او نهاية المحور...

لما الايونات توصل لنهاية المحور axon terminal رح تحفز حويصلات خاصة تحتوي على neurotransmitters او نواقل عصبية.... هاي الحويصلات رح تتحرك بإتجاه غشاء الخلية (بالطرف مال المحور) وتتحد وياه وتطرح محتوياتها من النواقل العصبية للخارج، بالتحديد لمنطقة اسمها synaptic cleft او الشق المدري شسمها هاي الكلمة بالعربي... المهم هي هاي المنطقة تصير عبارة عن فراغ صغييير كلش بين المحور مال الخلية الاولى والتشجر dendrite مال الخلية الثانية، وبالتالي النواقل العصبية تنتقل من الخلية الاولى للثانية

لما النواقل العصبية توصل للتشجر مال الخلية الثانية، ترتبط بمستقبلات receptors خاصة... وهنا يبدي الشي يصير معقد كلش، بس ستل المستقبلات بعد ما ترتبط بالناقل العصبي (اللي هو مركب كيميائي) ممكن تتحكم بفتح او اغلاق وحدة من ال ion channels بالخلية وبالتالي تؤدي لنقل الايعاز العصبي لخلية ثالثة وهكذا

وبالنسبة للmotor neurons والربط بين العضلات والاعصاب...
الaction potential حسب ماتذكره هو انه الاشارة العصبية تنتقل عبر المحور العصبي (العصب) الى ان توصل لنهايته، هناك يرتبط المحور العصبي بالعضلة بمكان اسمه synapse (motor unit) ويتقسم لأقسام اسمها motor-end plate... كل وحدة من هاي الmotor-end plate ترتبط ب25-2000 ليف عضلي... وينفرز من الحويصلات مال الsynapse ناقل عصبي اسمه acetylcholine
(تذكروه لأن هذا كلش مهم بالجهاز العصبي)... الأستيل-كولين يؤدي لتغييرات بلmembrane potential مال الخلية العضلية، لأن الخلية العضلية بالعادة تحتوي على K+ وبروتينات سالبة الشحنة داخلها، وايونات Na+ خارجها (حالها حال الخلايا العصبية وهذا يخلي داخل الخلية تكون شحنته سالبة، وخارج الخلية شحنته موجبة وهذا هو اللي يسموه فرق-الجهد مال الغشاء membrane potential)... الاستيل كولين يؤدي لأن الmembrane potential يزيد لحد ما يصير 55mV- وهذا هو الthreshold او الحد اللي اذا عبرته الخلية، رح تنفتح pores بالغشاء الخلوي هي الvoltage-gated proteins (ذني ميزتهن انه مينفتحن الا اذا الmembrane-potential عبر الthreshold) بالغشاء الخلوي وبالتالي يصير تبادل للايونات ويزيد الmembrane potential بسرعة لل40mV+... فرق الجهد العالي هذا اسمه action potential (لأن يؤدي لحصول action) يخلي ايون ثالث يبدي ينتشر بأنحاء العضلة هو Ca+2... الكالسيوم يخلي بروتينات محددة بألياف العضلة ترتبط وية بعض وتصير اقوى وطولها يقل.... بالنتيجة، تتقلص العضلة.

It's actually pretty much oversimplified :")