أثناء الحمل، أكو نوع من التوازن الهش بين متطلبات الجنين والأُم من المواد الغذائية والطاقة والسكر. أحيانًا يضطرب هذا التوازن لصالح الجنين مثلما يصير بسكّري الحوامل.

داء السكّري لدى الحوامل (Gestational DM) يصير لما المرأة الحامل تتطور عدها مقاومة للإنسولين (الإنسولين يساعد الجسم على استخدام السكر) بالتالي تزيد نسبة السكر بالدم، وبالتالي تُصاب بالسكّري.

هالشي يصير لأن الجنين يحاول يستغل الأُم حتى يحصل أكبر قدر ممكن من السكر من الدم؛ ببساطة الجنين يرث مجموعة جينات تجعله يفرز بروتين إسمه *hPL من المشيمة. هذا البروتين وظيفته هي أن يزيد مقاومة الإنسولين لدى الأُم (لهذا يسبب السكري لدى الحوامل) وبالنتيجة يقل إستخدام الأُم للسكر وتزيد نسبته بالدم حتى توصل كمية أكبر منه للجنين، وبنفس الوقت يحفز هدم الأنسجة الدهنية لدى الأُم حتى تزيد نسبة السكر بعد أكثر حتى يستفاد منها الجنين.
بالعادة المرأة الحامل تكدر تقاوم هاي الأشياء كلها بدرجة معينة، لكن بعض النساء—ولأسباب عدة—يفشلن بمقاومة الطفيلي اللي نسميه الجنين وبالنتيجة يصير عدهن داء السكري.

*human Placental Lactogen (hPL)

This is partially due to imprinted genes, which is a whole other interesting story

Girls who happen to be boys

البشر يتحدد جنسهم بناءً على كروموسومات اثنين؛ الذكور يمتلكون XY والإناث XX. أما الهرمونات، فالذكور والإناث يمتلكون نفس الهرمونات بس بنسب مختلفة؛ الذكور يفرزون هرمونات الذكورة أكثر (وية شوية هرمونات أُنثوية)، والإناث يفرزن هرمونات الأُنوثة أكثر (وية شوية هرمونات ذكورية).

الأجنّة الذكور (XY) يطوّرون الجهاز الذكري التناسلي من خلال إفراز هرمونات الذكورة (الأندروجينات، مثل التستوسترون) اللي رح ترتبط بمستقبِلات الهرمون (Androgen receptors) واللي رح تكون مسؤولة عن القيام بكل تأثيرات ووظائف الهرمون (مثل تطوير الجهاز التناسلي الذكوري).

المشكلة هي أنّ بحالات نادرة، الجنين الذكر (XY) يربح يانصيب الأمراض الغريبة ويمتلك طفرة وراثية تعطّل مستقبِل الهرمون وبالنتيجة يفقد هرمون الذكورة تأثيره تمامًا؛ كأنما لم يتم إفرازه أصلًا. هاي الحالة يسموها Complete Androgen Insensitivity Syndrome (CAIS).

الجنين رح يكون جينيًا (genotypically) ذكر لأنه يمتلك كروموسومات XY، ورح يولد بشكل طبيعي. لكنّه جسديًا (Phenotypically) رح يكون أُنثى لأن بغياب مستقبِلات هرمون الذكورة، اللي رح يبقى هو تأثير هرمون الأنوثة فقط. وبهالحالة حيكون تأثيره أقوى حتى من اللي عند الإناث الطبيعيات لأنهن يمتلكن هرمون الذكورة وإن كان بنسبة قليلة، بينما المصابـ/ـة بهذا المرض عمليًا ما رح يمتلك مستقبِلات حتى تتسبب بتأثيرات هرمون الذكورة أصلًا.

بالنتيجة، المصاب بهذي الطفرة رح يمتلك جهاز تناسلي خارجي أُنثوي طبيعي تقريبًا. لكن بدون رحم. وبمكان المبايض، رح يمتلك خصى جنينية غير ناضجة. من سخرية القدر أنّ هالشي يعرضه لخطر أكبر للإصابة بسرطان الخصية.
لما ينولد الطفل، غالبًا الأهل ما رح يعرفون أنّه ذكر، ورح يُعامل على أنّه أُنثى طبيعية، لأن كل الدلائل الجسدية تشير إلى ذلك. ويعيش حياة طبيعية تمامًا لحد سن البلوغ. بذاك الوقت رح تظهر عنده الصفات الجنسية الثانوية الأُنثوية مثل زيادة نسبة الدهون بالحوض والثدي (لأنها صفات يتحكم بيها هرمون الأُنوثة)، لكن صفات أُخرى مثل شعر الجسم رح تكون غير موجودة أو قليلة جدًا (لأنها صفات يتحكم بيها هرمون الذكورة).

المرض ما يكتشفوه عادةً إلا لما المصابـ/ـة توصل لعمر الـ 15 مثلًا بدون أنْ تبدأ الدورة الشهرية عدها (لأنها ما تمتلك رحم أصلًا). بالنتيجة رح تزور طبيبة نسائية اللي رح تفحصها غالبًا بالسونار وتكتشف أنها ما تمتلك رحم أو مبايض أصلًا، وبدلًا منها تمتلك زوج من الخصى.
غالبًا يتم إزالة الخصى بعملية جراحية والمُصابة تعيش حياتها كأُنثى طبيعية تقريبًا عدا أنها رح تكون عقيمة وربما تحتاج مكمّلات هرمونية بعد إزالة الخصى (gonadectomy). عدا ذلك، حياتها تكون طبيعية غالبًا ويتم الإعتماد على المظهر الجسدي (الأُنثوي) كهوية جنسية بدل الأساس الجيني (الذكوري).

Robert Sapolsky described CAIS in one of his lectures:

Blind people who can see with their fingers

Blind people who can see with their ears

Blind people who see with their lower backs, and deaf people who hear with their wrists

An app to see with your ears

The most common causes of pediatric bacterial meningitis are:

N. meningitidis
H. Influenza
S. Pneumoniae

.

الزنك مثلًا

زيادته مشهورة بأنها تسبب تسمم لحاسة الشم والتذوق

لهذا—اذا ما خانتني ذاكرتي—اجت فترة جانت اكو بخاخات زنك للانف حتى تعالج اعراض النشلة

الناس اللي استخدموها بكثرة، فقدوا حاسة الشم تمامًا