#Neuroplasticity

هو قابلية الدماغ على التكيف وية الظروف، التجارب والمراحل العمرية المختلفة.

الدماغ بالأساس عبارة عن 86 مليار خلية عصبية (تشتغل بشكل شوية مشابه للترانزسترز) وعدد أكبر بهواي من الوصلات العصبية synapses بين هاي الخلايا العصبية.

ومن هاي الشبكة المعقدة تجي قدرة الدماغ على إستقبال، معالجة، وتحليل المعلومات. لأن كل كم خلية عصبية تشكل شي مثل الدائرة الكهربائية اللي هو الشبكات العصبية neural circuitry وهاي الدوائر ترتبط مع بعض علمود تشكل دوائر أكبر وأقوى وشوية شوية يكبر الـ scale مال الشبكة العصبية بحيث يشمل الدماغ كله.

طبعاً كب خلية عصبية ترتبط بالخلايا المجاورة عن طريق محور وتشجرات. والشبكات العصبية الها ميزة كلش مهمة، واللي هي الـ plasticity او المرونة. يعني انه هاي الروابط العصبية بين الخلايا هي مو فد شي ثابت، بل ممكن تتغير، وتتغير بشكل كلش جبير. مثلاً الأطفال ينولدون بروابط عصبية تكون اكبر بهواي كلش من البالغين، لكن هاي الروابط تقل مع الزمن بسبب شي اسمه الـ neural pruning او التشذيب العصبي (بالضبط مثل تشذيب الاشجار) يتم بيه إزالة المحاور (الروابط) العصبية اللي ما كاعد يتم إستخدامها، او يتم استخدامها بشكل قليل كلش. طبعاً الـ neural pruning يبدي من الطفولة (دماغ الطفل يخسر هواي روابط ميستخدمها) ولحد ميوصل لعمر الـ 20 تقريباً ويكون دماغه مشابه لأدمغة البالغين... بس ستل حتى أدمغة البالغين يصيرلها pruning وبشكل هواي، خاصة لما نتعلم شي جديد (مثل لغة، او العزف على الة موسيقية) وبعدين نعوفه لفترة طويلة، الدماغ يشوف انه ماكو فائدة من الروابط العصبية الموجودة، فيقوم بإلغائها.
لكن بالمقابل يتم تشكيل محاور عصبية جديدة وية خلايا جديدة. مثلاً لما نتعلم شي جديد (التفاضل والتكامل، أو رياضة من الرياضات 🌚) تنبني روابط عصبية جديدة، وتقوى وتزيد كلما نتمرن على هاي السكلز أكثر

Saturated and unsaturated fat

الدهون المشبعة هي دهون جزيئاتها متحتوي على أواصر مزدوجة او ثلاثية... بالتالي تكون "مشبعة بالهايدروجين"

الدهون غير المشبعة هي الدهون اللي تحتوي على أواصر مزدوجة وبالتالي ينقصها كم ذرة هايدروجين ولهذا هي "غير مشبعة بالهايدروجين"

الtrans fats هاي جزء من الunsaturated fats جزيئاتها تكون trans (مو cis)

Saturated vs. unsaturated fats

"The Army goes over the bridge, the Navy goes under the bridge"


هي جملة (اختصار abbreviation) لكيتها بكتاب تشريح (Snell's)، علمود تسهل حفظ مكان الشرايين والأعصاب.
اذا اكو ligament يربط بين عظمتين، فالشريان (Artery ) رح يمر فوك ال ligament يعني (over the bridge)...

أما الأعصاب (Nerves) فراح تمر تحت الligament يعني (under the bridge)

هم طلع بي خير المصدر :")