الCVS هو الجهاز الوعائي CardioVascular System

يؤدي 3 وظائف هي:
1- يوصل الطاقة (المواد الغذائية) لأنسجة الجسم
2- يوصل الأوكسجين لأنسجة الجسم
3- يتخلص من الbyproducts الناتجة من احتراق الوقود (الغذاء) مثل CO2 والماء والحرارة


نبدي بالقلب اللي هو الواتر بمب مال الجسم... شغله انه يضخ الدم ببساطة عبر 4 غرف (تجاويف) ويقع بالصدر بين الرئتين ويحيط بيه غلاف إسمه pericardium

الدم يجي من الرئتين عبر الpulmonary veins (الاوردة الوحيدة بالجسم اللي تحتوي دم مؤكسج) ويصبون اربعتهم بلLA... يفتح الMitral valve (valve يعني صمام -حنفية- شغله يخلي الدم يتحرك بإتجاه واحد) وينتقل الدم للLV... مناك رح ينفتح صمام اسمه aortic semilunar valve وينتقل الدم للAorta (أكبر شريان بالجسم) ووراها يتفرع حتى ينقل الدم لكل أنحاء الجسم...

وراها رح يرجع الدم غير المؤكسج deoxy. Blood من انحاء الجسم عبر وريدين همة superior and inferior vena cava ويصبون بلRA... مناك رح ينفتح صمام الtricuspid valve وينتقل الدم للRV...
من الRV رح ينتقل الدم عبر الpulmonary semilunar valve
للpulmonary artery (الشريان الوحيد بالجسم اللي يحوي دم غير مؤكسج) ويروح للرئتين حتى ياخذ O2 وينطي CO2... وبعدين يرجع الدم المؤكسج عبر الpulmonary veins (اللي حجيت عنهن فوك) وتكتمل الدورة الدموية.

الدورة الدموية للجنين fetus تكون مختلفة عن الدورة الدموية للشخص البالغ من حيث:
الأذين الأيمن والأيسر يكونن مفتوحات على بعض بفتحة إسمها foramen ovale.
وأكو شريان إضافي إسمه Ductus arteriosus هذا شغله أنه يربط الpulmonary trunk بلAorta (يعني الدم بدل ميروح للرئتين، رح يروح أغلبه للشريان الأبهر aorta وبالتالي للجسم... لأن الرئتين بالجنين يكونن مملوءات بالسائل وميشتغلن)... وبناءاً على هذا، فأغلب الدم (%90) ينتقل من الأذين الأيمن RA للأيسر LA... في حين فقط 10% منه يوصل للرئتين.

طبعاً لما ينولد الطفل، الforamen ovale تنغلق ورة دقايق والأذينين ينفصلون... وبنفس الوقت الDuctus arteriosus ينغلق والدم يرجع لمساره "الطبيعي" ويوصل للرئتين.
وفي حال صارت مشكلة وما انسد الforamen ovale... معناها الدم غير المؤكسج deoxy. blood (بدل مينتقل من الأذين الأيمن RA للبطين الأيمن RV وبعدين للرئة) رح يعبر من خلال الforamen ovale للأذين الأيسر LA وبالتالي للدورة الدموية الكبرى يعني للجسم كله وبالتالي رح يسبب متلازمة الطفل الأزرق blue baby syndrome ومرض القلب الزراقي cyanotic heart disease

- شلون تنتقل الإشارات العصبية بالخلايا العصبية؟

بالبداية: الخلايا العصبية تتألف من ٣ اجزاء... جسم الخلية (نواة، سايتوبلازم وكذا)... التشجرات dendrites وهاي وظيفتها تستلم الإشارات العصبية.... والمحور axon وهذا وظيفته ينقل الإشارة العصبية من جسم الخلية لخلية عصبية ثانية

وأكو ٣ انواع من الخلايا العصبية، sensory تكون حساسة للمس، الضوء، الحرارة وغيرها... Motor وهاي وظيفتها تنقل الاشارة العصبية من الدماغ او الحبل الشوكي للعضلات (تنطي ايعاز للعضلات بالحركة).... والاخيرة هي interneurons وهاي تربط الخلايا العصبية بالنسيج نفسه، مثلاً بالدماغ او بالاعصاب

الاشارة العصبية تتولد لما يصير اكو action potential اللي هو نوع من فرق الجهد يكون على طول المحور العصبي axon. طبعاً هذا يكون بسبب حركة ايونات الصوديوم Na+ من خلال قنوات خاصة داخل المحور العصبي اسمها voltage-gated ion channel ميشتغلن الا عند فرق جهد voltage معين.

بالتالي هاي الايونات رح تتحرك على طول المحور العصبي الى ان توصل لل axon terminal او نهاية المحور...

لما الايونات توصل لنهاية المحور axon terminal رح تحفز حويصلات خاصة تحتوي على neurotransmitters او نواقل عصبية.... هاي الحويصلات رح تتحرك بإتجاه غشاء الخلية (بالطرف مال المحور) وتتحد وياه وتطرح محتوياتها من النواقل العصبية للخارج، بالتحديد لمنطقة اسمها synaptic cleft او الشق المدري شسمها هاي الكلمة بالعربي... المهم هي هاي المنطقة تصير عبارة عن فراغ صغييير كلش بين المحور مال الخلية الاولى والتشجر dendrite مال الخلية الثانية، وبالتالي النواقل العصبية تنتقل من الخلية الاولى للثانية

لما النواقل العصبية توصل للتشجر مال الخلية الثانية، ترتبط بمستقبلات receptors خاصة... وهنا يبدي الشي يصير معقد كلش، بس ستل المستقبلات بعد ما ترتبط بالناقل العصبي (اللي هو مركب كيميائي) ممكن تتحكم بفتح او اغلاق وحدة من ال ion channels بالخلية وبالتالي تؤدي لنقل الايعاز العصبي لخلية ثالثة وهكذا

وبالنسبة للmotor neurons والربط بين العضلات والاعصاب...
الaction potential حسب ماتذكره هو انه الاشارة العصبية تنتقل عبر المحور العصبي (العصب) الى ان توصل لنهايته، هناك يرتبط المحور العصبي بالعضلة بمكان اسمه synapse (motor unit) ويتقسم لأقسام اسمها motor-end plate... كل وحدة من هاي الmotor-end plate ترتبط ب25-2000 ليف عضلي... وينفرز من الحويصلات مال الsynapse ناقل عصبي اسمه acetylcholine
(تذكروه لأن هذا كلش مهم بالجهاز العصبي)... الأستيل-كولين يؤدي لتغييرات بلmembrane potential مال الخلية العضلية، لأن الخلية العضلية بالعادة تحتوي على K+ وبروتينات سالبة الشحنة داخلها، وايونات Na+ خارجها (حالها حال الخلايا العصبية وهذا يخلي داخل الخلية تكون شحنته سالبة، وخارج الخلية شحنته موجبة وهذا هو اللي يسموه فرق-الجهد مال الغشاء membrane potential)... الاستيل كولين يؤدي لأن الmembrane potential يزيد لحد ما يصير 55mV- وهذا هو الthreshold او الحد اللي اذا عبرته الخلية، رح تنفتح pores بالغشاء الخلوي هي الvoltage-gated proteins (ذني ميزتهن انه مينفتحن الا اذا الmembrane-potential عبر الthreshold) بالغشاء الخلوي وبالتالي يصير تبادل للايونات ويزيد الmembrane potential بسرعة لل40mV+... فرق الجهد العالي هذا اسمه action potential (لأن يؤدي لحصول action) يخلي ايون ثالث يبدي ينتشر بأنحاء العضلة هو Ca+2... الكالسيوم يخلي بروتينات محددة بألياف العضلة ترتبط وية بعض وتصير اقوى وطولها يقل.... بالنتيجة، تتقلص العضلة.

It's actually pretty much oversimplified :")

#Neuroplasticity

هو قابلية الدماغ على التكيف وية الظروف، التجارب والمراحل العمرية المختلفة.

الدماغ بالأساس عبارة عن 86 مليار خلية عصبية (تشتغل بشكل شوية مشابه للترانزسترز) وعدد أكبر بهواي من الوصلات العصبية synapses بين هاي الخلايا العصبية.

ومن هاي الشبكة المعقدة تجي قدرة الدماغ على إستقبال، معالجة، وتحليل المعلومات. لأن كل كم خلية عصبية تشكل شي مثل الدائرة الكهربائية اللي هو الشبكات العصبية neural circuitry وهاي الدوائر ترتبط مع بعض علمود تشكل دوائر أكبر وأقوى وشوية شوية يكبر الـ scale مال الشبكة العصبية بحيث يشمل الدماغ كله.

طبعاً كب خلية عصبية ترتبط بالخلايا المجاورة عن طريق محور وتشجرات. والشبكات العصبية الها ميزة كلش مهمة، واللي هي الـ plasticity او المرونة. يعني انه هاي الروابط العصبية بين الخلايا هي مو فد شي ثابت، بل ممكن تتغير، وتتغير بشكل كلش جبير. مثلاً الأطفال ينولدون بروابط عصبية تكون اكبر بهواي كلش من البالغين، لكن هاي الروابط تقل مع الزمن بسبب شي اسمه الـ neural pruning او التشذيب العصبي (بالضبط مثل تشذيب الاشجار) يتم بيه إزالة المحاور (الروابط) العصبية اللي ما كاعد يتم إستخدامها، او يتم استخدامها بشكل قليل كلش. طبعاً الـ neural pruning يبدي من الطفولة (دماغ الطفل يخسر هواي روابط ميستخدمها) ولحد ميوصل لعمر الـ 20 تقريباً ويكون دماغه مشابه لأدمغة البالغين... بس ستل حتى أدمغة البالغين يصيرلها pruning وبشكل هواي، خاصة لما نتعلم شي جديد (مثل لغة، او العزف على الة موسيقية) وبعدين نعوفه لفترة طويلة، الدماغ يشوف انه ماكو فائدة من الروابط العصبية الموجودة، فيقوم بإلغائها.
لكن بالمقابل يتم تشكيل محاور عصبية جديدة وية خلايا جديدة. مثلاً لما نتعلم شي جديد (التفاضل والتكامل، أو رياضة من الرياضات 🌚) تنبني روابط عصبية جديدة، وتقوى وتزيد كلما نتمرن على هاي السكلز أكثر