في حفظ الله يا وجهٍ حداني لين حديته
‏على درب الغياب اللي يسجه كل ملتاعي

‏تمادى بالخطا والظلم والبهتان واهديته
‏خروجٍ ما يجي عقبه رجوع ولا تجماعي .

القلب في سوق الهوى لجلك يغيض ويمتلي
ماهو بـ راع مساومه امّا اشتره وإلا .. بعّه

يوم الشعور مداوله وش قلتلك وش قلت لي
راجع حديث العاطفه واقتص دربه واتبعه

ولا بلاش انسى .. وما فات مات واسمع ما يلي
لا تترك الملتاع ! واقف لك على راس اصبعه .

‏إللي مايعرف قدرك .. مايشوف شر
‏منت ملزوم تفتح عيونه وتداوي عماه .

‏" ودّي أمر بقلوب الناس عابر سبيل
وإن ماعبرت بسلامة .. جعلني ما أمرّ "
‏- عبدالملك الخربوش .

يا أعظم من بقى يلمح في وجهي نوري الوقّاد
تعال أسرقني من سُخف الحياة وعالمٍ فاضي

على ماتشتهي خذني ولا تشاورني و تنقاد
قِدم رجليك لو مهما تودّيني ؟ أنا راضي !

توسّدني وطن لو .. ما وسع صدرك فضاء وبلاد
أنا كل الدروب اللي تخلّت عنك في الماضي

معك شفت العُمر يشبه صباح وفرحة الأعياد
وعن ظروف الحياة اللي تمادت صرت متغاضي ..

ساعدني ألقى فيك راحه وسلوان
‏تراني بوادي ٫ وقلبي بوادي

‏رجعني لطبيعتي قدر الإمكان
‏فاقد معك شعوري الاعتيادي . .

اضحكي لي يا ليال العمر .. دام العمر مرّه
و اسقي جفافٍ تفرّع واحتضن زهرة شبابي .

كل كلمه ما تخصك لاتعطيها وقوف
‏خل عاقلها يورد على . . . جهالها

‏كلمةً ما تجمع الشمل و تعز الصفوف
‏من نقلها طبعه اردى من اللي قالها