#بۆکان

#دایکانی_دادخواز وێڕای ئاماژەدان بەوەی کە دەزگا ئەمنییەکان ڕێگرییان لە بەڕێوەچوونی ڕێوڕەسمی ساڵیادی ئازیزانیان لەسەر گۆڕەکانیان کردووە، دایکانی دادخواز لە شاری بۆکان لە ماڵی دایە مینا دایکی #شەهریار_محەمەدی کۆبوونەوە و ڕێوڕەسمی ساڵیادی جگەرگۆشە و ئازیزانی گیانبەختکردوویان بەڕێوەبرد.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

#بۆکان

بەڕێوەچوونی یەکەمین ساڵیادی گیانبەختکردنی “غەفور مەولودی”، یەکێکیتر لە گیانبەختکردووانی بزوتنەوەی شۆڕشگێڕانەی ژن، ژیان، ئازادی.

لە ٢٦ی خەزەڵوەری ١٤٠١، لە کاتی ناڕەزایەتییەکانی شاری بۆکان “غەفور مەولودی” بە تەقەی ڕاستەوخۆی هێزە سەرکوتگەرەکانی ڕێژیم بە دوو گوللەی ساچمەیی کرایە ئامانج و گیانی لەدەست دا.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

#مەهاباد

گوڵبارانکردنی شوێنی گیان لەدەستدانی کەماڵ ئەحمەدپوور.

گوڵبارانکردنی شوێنی گیان لەدەستدانی “کەماڵ ئەحمەدپوور” کە ساڵی ١٤٠١ لە کاتی نارەزایەتییە سەرتاسەرییەکانی شاری مەهاباد بە تەقەی ڕاستەوخۆی هێزەکانی رژیم کوژرا.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

#سنە

گوڵبارانکردنی شوێنی گیان بەختکردنی
“عیسا بیگلەری” لە شاری سنە.

گوڵبارانکردنی شوێنی گیان بەختکردنی
“عیسا بیگلەری” کە لە کاتی نەڕەزایەتییە سەرتاسەرییەکانی شاری سنه لە ٢٤ خەزەڵوەری ١٤٠١ بە دەستی هێزەکانی ڕژیم کوژرا.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

ئامادەبوونی کچانی شۆڕشگێڕ لەسەر گۆڕی “ڕامین فاتحی”، یەکێک لە گیانبەختکردووانی شۆڕشی ژینا لە شاری سنە

▪️ڕامین فاتحی ڕۆژی ١٩ی ڕەزبەر لەلایەن هێزەکانی ئیتلاعاتی شاری سنەوە دەستبەسەر و چەند ڕۆژ دواتر لە ٢٩ی ڕەزبەر لە ژێر ئەشکەنجەی هێزەکانی ڕژیم گیانی بەختکرد.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

دایک و باوکی گیانبەختکردوو "هێمن ئامان" گڵکۆی گیانبەختکردووانی ڕێگای ئازادیان لە بۆکان گوڵباران کرد

▪️گیانبەختکردوو "هێمن ئامان" ڕۆژی پێنجشەممە ٢٦ی خەزەڵوەری ساڵی ڕابردوو لە کاتی ڕاپەڕینی شۆڕشگێڕانەی خەڵکی بۆکان بە تەقەی هێزەکانی ڕێژیم بریندار ببوو.

هێزەکانی ڕێژیم بەرەبەیانی ڕۆژی هەینی ٢٧ی خەزەڵوەر هەڵیانکوتایە سەر ماڵیان و بە لێدان و بەکارهێنانی توندوتیژی دەستبەسەریان کرد و گواستیانەوە بۆ یەکێک لە ناوەندە ئەمنییەکانی ڕێژیم لە شاری بۆکان.

هێزەکانی ڕێژیم بۆ وەرگرتنی دانپێدانانی زۆرەملێ لە “هێمن” دەست و پێ و دەم و سەریان شکاندبوو و هیچ شوێنێکی جەستەی وەک خۆی نەمابوو.

ڕێکخراوە بەکرێگیراوەکانی ڕێژیم ڕۆژی چوارشەممە، ٢ی سەرماوەز، پەیوەندییان بە باوکی هێمنەوە کردبوو، بۆ وەرگرتنەوەی پەیکەری بێ گیانی کوڕەکەی سەردانی گرتووخانەی ورمێ بکات.

#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

#بۆکان

پیرۆزبایی کاک ئەحمەد حەسەنزادە باوکی گیانبەختکردووی شۆڕشی ژینا #محەممەد_حەسەنزادە بەبۆنەی شەوی یەڵدا " شەوی چلە" لە هەموو بنەماڵەی گیانبەختکردووان و خەباتکارانی وڵات.
هەروەها کاکە ئەحمەد پەخشانێکی پێشکەش بە یادی هەموو گیانبەختکردووان بە تایبەتی گیانبەختکردوو محەممەدی کوڕی کرد.

#کوردستان
#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

ئەمڕۆ یادی لەدایک بوونی پەیمانە، ئەو ڕۆژەی کە بڕیار بوو لەگەڵ بنەماڵەکەی جەژنی ٢٤ ساڵەی تەمەنی بگێڕێت، بەڵام ڕێژیمی تاوانکاری کۆماری ئیسلامی گیانی لێ سەند.

🔺پەیمان گلوانی لە ڕۆژی ١٢/١٠/١٣٧٨ لە شارى مەهاباد لە دایکبووە.
پەیمان گلوانی لە ڕۆژی ٤ی پووشپەڕی ١٤٠٢ لەلایەن هێزەکانی ئیتلاعاتەوە لە ماڵەکەی خۆی ڕفێندرا و بۆ ماوەی دوو هەفتە لە گرتووخانەی ئیتلاعاتی ورمێ، ئەشکەنجەی جەستەیی و دەروونی توند کرا و پاش دوو هەفتە بەهۆی سەختی ئەشکەنجەکانەوە بۆ نەخۆشخانه گواسترایەوە، بەهۆی زۆری ئەشکەنجەدرانەوە کەوتە کۆما و دواجار له ڕێکەوتی١٨/٤/١٤٠٢ له نەخۆشخانەی خومەینی له ورمێ گیانی لەدەستدا.
پەیمان تازە ژیانی هاوژینی دەستپێکردبوو.


#شۆڕشی_ژینا
#کۆڵبەر_نیوز
#ناڕەزایەتی_سەرتاسەری

ئێمە کاسبکاران و دووکاندارانی بازاڕی تاناکۆڕای شاری سنە، هاودەنگ و یەکگرتوو لەگەڵ هەموو خەڵکی کوردستان، سبەیبێ سێشەممە ١٠ی ڕێبەندان، بە مانگرتنی گشتی پەیوەست دەبین و هاوکات داوا لە هەموو گەلانی ئێران دەکەین، بە دژی سزای نامرۆڤانەی ئێعدام بوەستنەوە و پشتیوانی لە خەڵکی کوردستان بکەن.

کاسبکاران و دووکاندارانی بازاڕی تاناکۆڕای سنە

#مانگرتنی_گشتی
#ناڕەزایەتی_سەرتاسەری
#مانگرتنی_سەرتاسەری
#کوردستان
#ژینا_ئەمینی

پەیامی مامۆستا #ناسر_ڕەزازی بۆ مانگرتنی گشتی بەیانی سێشەممە ١٠ی ڕێبەندانی ١٤٠٢


#مانگرتنی_گشتی
#ناڕەزایەتی_سەرتاسەری
#مانگرتنی_سەرتاسەری
#کوردستان
#ژینا_ئەمینی

فارسی/
#سنندج

مضحکه همایش پیاده‌روی که از سوی رژیم سازمان داده شده بود توسط مردم انقلابی سنندج به شکست مواجه شد.

طبق گزارش دریافتی امروز جمعه ۴ اسفندماه ١۴٠٢، رژیم برای بازارگرمی انتخابات اقدام به برپای همایش پیاده‌روی کرده است. تصاویر گویای شکست مضحکه همایش پیاده‌روی برای بازارگرمی انتخابات فرمایشی رژیم است.
مردم انقلابی سنندج همانند همیشه سیاست و برنامه‌های رژیم را به شکست می‌کشانند.

#ژینا_امینی
#اعتراضات_سراسری 
#کولبرنیوز
—————————————————————-
کوردی/
#سنە

گاڵتەجاڕیی ڕێپێوانیی تەبلیغی ڕژیم لە سەروبەندی هەڵبژاردندا، بە دەستی خەڵکی شۆڕشگێڕی شاری سنە شکستی هێنا.

بە پێی ئەو ڕاپۆرتەی ئەمڕۆ هەینی ٤ی ڕەشەمەی ١٤٠٢ گەیشتووە، ڕژیم بۆ پڕوپاگەندەی هەڵبژاردن، بڕیاری ئەنجامدانی ڕێپێوانێکی لە شاری سنە دابوو.
ئەو وێنانەی لەم ڕێپێوانە بڵاو بوونەتەوە، بە ڕوونی شکستی گاڵتەجاڕانەی ئەم هەوڵە تەبلیغییەی ڕژیم بۆ هەڵبژاردنی ئەم جارەی نیشان دەدەن.
وەک هەمیشە خەڵکی شۆڕشگێڕی شاری سنە، سیاسەت و پلانەکانی ڕژیم شکست پێدەهێنن.

#ژینا_ئەمینی
#ناڕەزایەتی_سەرتاسەری
#کۆڵبەر_نیوز

#سنە

ڕۆژی پێنجشەممە ١٦ی خاکەلێوە مەراسیمی ساڵڕۆژی لەدایک بوونی #ئارام_حەبیبی لەسەر گڵکۆی ناوبراو بەڕێوەچوو.

دوێنێ ١٦ی خاکەلێوەی ١٤٠٣، ڕێوڕەسمی ساڵڕۆژی لە دایکبوونی #ئارام_حەبیبی، یەکێک لە گیانبەختکردووانی شۆڕشی ژینا، بە ئامادەبوونی بنەماڵەکەی و ژمارەیەک بنەماڵەی دادخوازی شاری سنە، لەسەر گڵکۆی ناوبراو بەڕێوەچوو.

ئارام حەبیبی لە کاتی ناڕەزایەتییە سەرتاسەرییەکانی ساڵی ١٤٠١، لە ٢٦ی خەزەڵوەر، بە تەقەی ڕاستەوخۆی هێزە سەرکوتگەرەکان لە دووری یەک مەترەوە گیانی بەختکرد.


#کوردستان
#شۆڕشی_ژینا
#ناڕەزایەتی_سەرتاسەری

#بۆکان

ویدئۆیەک لە گڵکۆی گیانبەختکردووی شۆڕشی ژینا #محەممەد_حەسەنزادە بڵاوبۆتەوە کە نیشان دەدا بەکرێگیراوانی ڕژیم دەستیان داوەتە تێکدان و شێواندنی گڵکۆی ئەو گیانبەختکردووە لە شاری بۆکان.


#ژینا_ئەمینی
#کۆڵبەر_نیوز
#ناڕەزایەتی_سەرتاسەری