کولبرنیوز | Kolbarnews

‍ ‍ #بۆنی_سووتان

ن:#ئەفشین_نەدیمی

که دەلاقەی ژوورەکەم کرده و سەیرێکی ناو حەوشەی ماڵەکەمان بکەم یەکسەر هەستم به بۆنی سووتان کرد، که بۆنێکی زۆر ناخۆش و ناحەز بوو لام.
بۆنی سووتانی لێنووس
بۆنی هه ڵپڕووزانی پرچ
بۆنی سووتانی قوماش
و چەند بۆنێکی ناخۆشی دیکه.هەر چی له دەلاقەی ماڵەوه سەیری دەوروبەرم کرد نه ئاگرێکم بینی و نه دووکەڵێکیشم له دوور و نزیکەوه بینی. زۆر ترسام و یەکسەر له ماڵ هاتمه دەرەو و به چوار دەوری ماڵدا گەڕام بەڵام هیچم نه دیەوه و لەو کوڵانەی ماڵی ئێمه هیچ ئاگر و دووکەڵێکی لێ نەبوو.
بە خۆمم گوت وله ناومێشکم دا وا بیرم کردەوه که ڕەنگه له کۆڵانی دەوروبەر بێت جا کۆڵانی خوارێ یان سەرەوه ئەوەم نەدەزانی. که هیچم نەدیەوه یەکسەر هاتمه ماڵەوه و به پەله چوومه ناو ژوورەکەمەوه و خۆم گۆڕی،بەڵام ئەو بۆنی سووتانه زۆر ئاڵۆزی کردبووم دوای ئەوەی جل و بەرگم له بەر کرد یەکسەر چووم بۆ ناو بازار .گوتم با هەواڵێ بزانم ، که چی هەر چی له ماڵی خۆمان و له کۆڵانەکەی خۆمان دوور دەکەوتمەوه بۆنی سووتان هەر دوایی نەدەهات . بۆ خۆم هێندێ جار وابیرم دەکردەوه که ڕەنگه ئەوه له ناو گەڕەکدا کەسێک جل و بەرگی کۆنی ساڵانی ڕابردووی منداڵەکانی ئاگر دابێت و ئەم بۆنه ناحەزەش هی ئەوه بێ.
بەڵام که گەڕەکی خۆمانم به جێهێشت و به دوای دا دوو گەڕەکی دیکەشم تێپەڕان بەڵام ئەو بۆنه ناحەزهەر دوایی نەدەهات.
که گەیشتمه ناو بازاڕ بینیم خەڵکی دیکەش هەر هەموویان وەکوو من به دەس ئەم بۆنه ناخۆشەوه به وەڕەز هاتوون و سەرسامیشن لەوەی که کەس نازانێ ئەم بۆنی سووتان و بۆنی پڕووزه له کوێوه دێن.
پاش چەند ساعەتێک که گەڕامه وه بۆ ماڵ و کۆمپیتەره کەم هەڵکرد و سەیری ماڵپەره هەواڵنێریەکانم کردو سەیری تۆره کۆمەڵایەتیەکانم کرد بینیم هەر هەموویان باسی سووتان دەکەن ،بەڵێ باسی سووتان، باسی سووتانی منداڵانی پۆلێکی خویندن له قوتابخانەی سەرەتایی گوندی شیناوێی پیرانشار .بەڵێ باسی سووتانی منداڵانێ که تەمەنی هەموویان له ژێر ۱۳ ساڵ بوو .
له سەر تۆڕه کۆمەڵایەتیەکان هەر کەسێ به جۆرێ باسی دەکرد و هەر کەسێ به جۆرێ باسی ژمارەی ئەوانی مردوون و ئەوانی بریندارن دەکرد. به ڵام ئەوەی دیار بوو ئەوه بوو که منداڵانی پۆلێک له ناو ئاگردا سووتاون، و ئەم بۆنی سووتانەش بۆنی سووتانی کتێبی منداڵانی ئەو قوتابخانەیەو ،ئەو بۆنی پڕووزەش بۆنی هەڵپڕووزانی قژه خاوەکەی سەیرانی یەگانەیه و ئەو بۆنی قوماشه بۆنی هەڵقرچانی کراسه چیتەکەی سەیرانه کە له ناو ئاگر دا دەسوتێت.
ئەو بۆنه ناحەزەش که له هەر هەموویان ناحەزترە بوو، بۆنی مردن بوو، بۆنی مردنی منداڵانی هەژار و بێ تاوان ،بۆنی سووتانی منداڵانی هەژار بوو له ناو بڵێسەی بێ بەزەیی ئاگردا.

بەفرانباری 1391

‎"کۆڵبەر نیوز"

‎اخبار و گزارشات مربوط به کولبران را از طریق زیر به ما ارسال کنید:

@Werme

@saral2

@Aresz2017

لینک کانال تلگرامی کۆڵبەر نیوز دنبال کنید:
https://t.me/joinchat/AAAAAENJFT_8C4fepYHErw

attach 📎

584 views18:29