"أنا ابنة بلد، اسمه إذا ذُكر خُيّل للكون أن الشمس خرجت من بين أنقاضه، أنا ابنة سورية، من أرضٍ تنبت الكرامة كما تنبت الزهرات في الربيع، ومن وجعها وُلد الصبر، وفي عيون نسائها تُروى حكايات البطولة."💚

ما فقدت إيماني بالحياة،
ولا وقفت أصدّق إنو الفرح ممكن يزورني، حتى لو اتأخر…
لسّا فيّي طفلة بتتأمّل الغيم، وبتحب صوت المطر،
ولسا قلبي بينتظر، بحب وإيمان، إنو في شي حلو جاي.

في حبّ نضيف…
يجي عمهل، من غير ضجيج،
يحنّ عالروح، ويطبطب عالقلب بدون ما يطلب مقابل،
حبّ يوقف جنبي مش لأني بحاجة…
بس لأني بستاهل.

أنا عايشة بتفاؤل ناعم،
بيشبه نسمة صبح، ودفا شمس شتوية،
ومتأكدة… إنو ربنا ما بينسى،
وإنو كل تأخير، وراه حكمة، وراه فرح أكبر من التوقّع.

في ناس من كتر ما حبيناهن، رفعنا سقف العشم فيهن للسما… قلنا بيوم التعب رح يكونو السند، ووقت الزعل رح يكونو الحضن، ووقت الفرحة رح يكونو أول الحاضرين.
بس الحقيقة؟ طلع العشم فيهن "فاضي"، متل بيت مهجور… لا فيه دفى، ولا فيه أمان.

العشم مو غلط، الغلط إنك تتعشم بقلب ما بيعرف الوفا، أو بروح ما بتشبهك…
لأن العشم ما بينكسر إلا من ناس كنا مفكرينهن كل شي.

من يعطي بلا وعي ، يستنزف بلا رحمة.

استوعبت متأخر أن الإفراط باللين والطيبة تجعل الجميع يستهينون بك، وبشعورك

يقول نيتشه الذين يُفرطون في الطيبة، يُشبهون البوابة المفتوحة... يدخل منها الجميع، ثم لا يلقون التحية
💙

» سوريا » نزار قباني » القصيدة الدمشقية

هذي دمشق.. وهذي الكأس والراح
إني أحب... وبعـض الحـب ذباح
أنا الدمشقي.. لو شرحتم جسدي
لسـال منه عناقيـدٌ.. وتفـاح
و لو فتحـتم شراييني بمديتكـم
سمعتم في دمي أصوات من راحوا
زراعة القلب.. تشفي بعض من عشقو
وما لقلـبي –إذا أحببـت جـراح
مآذن الشـام تبكـي إذ تعانقـني
و للمـآذن.. كالأشجار.. أرواح
للياسمـين حقـوقٌ في منازلنـا..
وقطة البيت تغفو حيث ترتـاح
طاحونة البن جزءٌ من طفولتن
فكيف أنسى؟ وعطر الهيل فواح
هذا مكان "أبي المعتز".. منتظرٌ
ووجه "فائزةٍ" حلوٌ و لمـاح
هنا جذوري.. هنا قلبي... هنا لغـتي
فكيف أوضح؟ هل في العشق إيضاح؟
كم من دمشقيةٍ باعـت أسـاوره
حتى أغازلها... والشعـر مفتـاح
أتيت يا شجر الصفصاف معتذر
فهل تسامح هيفاءٌ ..ووضـاح؟
خمسون عاماً.. وأجزائي مبعثرةٌ..
فوق المحيط.. وما في الأفق مصباح
تقاذفتني بحـارٌ لا ضفـاف لها..
وطاردتني شيـاطينٌ وأشبـاح
أقاتل القبح في شعري وفي أدبي
حتى يفتـح نوارٌ... وقـداح
ما للعروبـة تبدو مثل أرملةٍ؟
أليس في كتب التاريخ أفراح؟
والشعر.. ماذا سيبقى من أصالته؟
إذا تولاه نصـابٌ ... ومـداح؟
وكيف نكتب والأقفال في فمنا؟
وكل ثانيـةٍ يأتيـك سـفاح؟
حملت شعري على ظهري فأتعبني
ماذا من الشعر يبقى حين يرتاح؟
💙⏳

هنا جذوري.. هنا قلبي.. هنا لغتي
فكيف أوضح؟ هل في العشقِ إيضاحُ؟
💙⏳

سوريا…
البلد يلي كل ما قالوا خلصت، بتقوم من جديد.
يلي مهما تعبها الزمن، بتكفكف دمعتها، وبتكمل الطريق.
هي مو بس بلد… هي درس بالحياة، عن الصبر، عن الكرامة، وعن كيف فينا نرجع نزرع أمل حتى لو الأرض ناشفة.

من تحت الركام طلعت زهرة،
ومن بين الدمار طلع صوت بيغني للوطن،
ومن وجع الناس، نولد حب ما بينكسر.

سوريا بدايتها من جديد مو غريبة عنها،
من أيام الزلازل والاحتلالات والمحن، وهي دايمًا كانت توقف، تتنفض، وتحكي:
"أنا هون… وما حدا بيمحي اسمي، ولا حضارتي، ولا قلبي اللي عمره ما مات."

رجعت وبتضل ترجع…
لأن سوريا خلقت لتعيش، لتنحب، لتغني، لتزرع، ولتعلّمنا كيف نوقف بعد كل وجعة.
💙⏳

سوريا؟
سوريا مو بس بلد…
سوريا حكاية عمر، وجذور مزروعة بالكرامة، وتاريخ ما بينطوي.
من ترابها بيطلع المجد، ومن سمّاها بينكتب الوفا.
نحنا ولاد الشام، ولاد حلب، درعا، حمص، واللاذقية…
نحنا من بلد علّمت العالم الحضارة، وصدّرت للكون أرقى المعاني.

نفتخر بكل شبر فيها، بكل لهجة، بكل أغنية، بكل طلّة شمس عم تمرق فوقها رغم الجراح.
إي والله، الجراح ما بتكسرنا، نحنا شعب إن انكسر… بيقوم أقوى.
وإن تألم… بيضحك رغم القهر.
وإن نزف… بيغني موال للوطن.

سوريا، يا نبضنا العالي، يا حب ما بينباع،
منحملك بعيونا، وبنضل نحكي عنك بكل فخر:
"نحنا من هالبلد اللي ما بيموت، من هالأرض اللي مهما هاجرنا، بتضل الوطن الحقيقي بقلوبنا."
💙⏳

شب بيحكي إنه ضل محارب صاحبو 4 سنين
ولما اجا اليوم الي قرر فيه يصالحه ، ضل يرتب بكل الكلام وكل العتب وبعد أذان الفجر سمع اسم صاحبو بينادوا عليه بالجامع انو توفى !

" شب ضل يحب بنت سنتين دايماً كان يخاف ويتردد إنه يحكيلها وكل تفكيره انها رح ترفض ، ويوم قرر يستجمع شجاعته ويروح مشان يتقدملها عرف انها تجوزت وسافرت مع جوزها ، انجن مشان يوصلها وبعثلها رسالة حكالها فيها قديش كان يحبها و نفسه يعترفلها. وكان ردها رد هو ما توقعه هي كمان بتحبه وكانت مستنيته طول الوقت بس خلص الوقت مضى وهي صارت متجوزة " !

" واحد اتخانق مع امه وتركلها البيت شهر لا بيعرف عنها شي ولا هي بتعرف عنه شي ، ويوم ما قرر يحن عليها ويرجعلها أهل المنطقة حكولو انها ماتت من حسرتها وخوفها عليه " ! - " الفكرة "!

نحنا منضيع سنين ومنضيع حكي لناس الي منحبهم مشان نخاف من ردة الفعل تبعهم او كبريائنا بيمنعنا او مشان اسباب ما الها طعمة !

" اتحركوا واحكوا يلي جواتكم قبل ما الوقت يمضى " !

- " عاتبوا و انسوا وسامحوا ، الزعل بروح بكلمة

حلوة ، وبضحكة صافية ، ممكن بمصافحه وحده " !

مو مهم مين الغلطان مو مهم مين يبلش بلشوا انتو بالصلح ، ما تخافوا من رد الفعل ، لانو ممكن يكون يلي انت
بتستناه هو أصلا بستناك
⏳

الندم شعور بيمرّ بحياتنا كلنا، بس مو كل ندم بيشبه التاني في ندم بيجي بعد ما نخسر شخص غالي أو علاقة كانت بتستحق نتمسك فيها، وهون بيكون الندم صادق ومؤلم، لأنو بيورجينا قديش كنا مغمّضين عيوننا عن قيمة الناس يلي معنا. أوقات منندم لأنو تركنا علاقة كان ممكن تنقذها كلمة، أو لأنو خلّينا العناد يغلب الحب، وبعد الفراق منكتشف إنو وجود بعض الأشخاص ما بيتعوّض وبالمقابل، في ندم ما بيسوى وجع راسنه متل الندم على مواقف صغيرة ما إلها معنى، أو على علاقات ما كان إلها أساس من الأول، مع ناس ما عرفوا قيمتنا ولا قدّرونا. هدول الندم عليهم مو خسارة، بل درس، وهون بيصير الفرق واضح ،في ندم بيساعدنا نكبر ونتعلّم، وفي ندم بيورجينا إنو كنا عم نهدر مشاعرنا بمكان غلط
> "يمكن أصعب شي بالندم إنو بيجي متأخر، بعد ما يكون الفراق صار حقيقة. وقتها منبلّش نراجع كل لحظة وكل كلمة، ومنسأل حالنا: ليش ما تمسّكنا أكتر؟ ليش سمحنا للعناد أو للكبرياء يسرقوا منّا أشخاص كانوا كل دنيتنا؟ الندم بعد الفراق وجع مزدوج… وجع الغياب، ووجع إدراك إنو كان في مجال نختار غير هيك. بس بنفسالوقت، مو كل فراق لازم نندم عليه،⏳

من أجمل العبارات التي قرأتها في حياتي 🥹❤️

قال تعالى: "وَلَا يَغْتَب بَّعْضُكُمْ بَعْضًا ۚ أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ".

Mutluluğunuzun anahtarını bir başkasının cebine koymayın.

لقد صمنا عن الافراح دهراً وافطرنا على طبق الكرامه ، فسجل يا زمان النصر سجل دمشق لنا إلى يوم القيامه

في ناس بتظن إنو الإهمال مقبول، أو إنو مشغولياتهم بتغطي على تجاهلهم… الحقيقة واضحة: اللي بيحبك فعلاً، رح يلاقي وقت، مهما كانت حياته مشغولة، مهما كانت التزاماتو كثيرة.
اللي بيحبك، بيحطك ضمن أولوياته، بيهتم فيك، بيشاركك ولو بأصغر اللحظات… لأنه يعرف قيمة قلبك وما بيقدر يسيب حبك واهتمامك بلا تقدير.

أما اللي بيهملك، اللي ما بيهتم فيك إلا لما يكون عنده وقت فراغ… اللي بيخليك تحس إنك آخر اهتماماته… هاد الشخص ما يستحق ولا ثانية من وقتك.
لأنو إحنا ما بنرضى نضل بمكان ما إلنا قيمة، ما بنرضى نعطي حبنا واهتمامنا لشخص ما بيقدّرنا… واللي ما يعرف قيمة قلبنا، رح يكتشف متأخرًا إنه خسر شيء ما بيتعوّض.

الكرامة أهم من أي شعور… أهم من أي حب بلا تقدير.
لذلك، لما تشوف الإهمال، لما تحس إنك صرت بلا وزن، رح تمشي مو ضعف، مو هروب… بس لحماية قلبك، ولحماية كرامتك، ولتحافظ على احترام نفسك.
اللي يستحقك رح يعطيك وقت، اهتمام، حب، حضور… واللي ما يستحق… رح يظل يختلق الأعذار التافهة ،. لحتى يوصلك لمرحلة انك تشك باحاسيسك وتشك بمشاعر الزعل الي جواتك ويخليك تحس انو زعلك وتفكيرك كانوا على شي تافه ما يستاهل ، لهيك صدقني كثرة الفرص تولد التمادي ⌛

مبارك عليكم الشهر يا أحبة💞 ، جعلنا الله وإياكم من الصوّام القوّام، أعاده الله علينا وعليكم باليمن واليسر 🤍

فلما غارت عائشة من كثرة ذكر النبي لخديجة ، قالت يارسول الله وهل كانت إلا عجوز ابدلك الله خيرًا منها ،فتغير وجه النبي و قال...عرض المزيد...🌸