‍ ⛅️⛅️⛅️
روژی و روژان حالم خرواو بی
پر دلم خُصه و درد و زویخاو بی

فره دلگیر بیم عه دس روزگار
وِ چرخ فلک و وِ بازی کردگار

عه مال دامو در خمی و وا دم
سر وژم گِرتور خُوصه عولا دم

عه مال دویربیما بیحال بیحاوال
مل ریمی گرتیو چو قدیم عودال

چویمه سیفارا دونیام و تنگ بی
دیم یه جوانی بی آلوده بنگ بی

وتم عه جووان رشید و رعنا
یه چوی کتینه و دام بلا ؟؟

دانه چه بیتی، تور ار کو بیتی
ارا چملت اربان کور بیتی ؟؟

جووان هتو زون و دله پر درد
دل پر خم بیتی پر اڗ آه سرد

وت دانشجو بیم دنیام و دل بی
دانشگام ملی و بدخوام خجل بی

دانشگاه بی پویل هر وه خوشیه
مه دی نموینم تنگی و تشییه😂

تا کتم و گیر کهنه استادی
قدیم امنیه سختگیر بنیادی

استاد نمم چوی، هول مچول وضی
هره موت جکسون نماوه بعضی

دو دهه جکسون رنج بردیسی
تا عه کتاوه مکتوب کردیسی

مه هامیڗ دوسال هر بکووینان
تا پی و عمق جریان برینان

وتم عه استاد مالت آباد بو
تو چاته جکسون ایمه هایمر کو

جکسون یه پیای فرنگی بیه
ذهنی درگیر و نان شو نوویه

تو گپ ایمه به سرمان هوشک بیه
عه دس بیکاری آگامان چیه😀

ار بکوویمن پویل هار کو بیمن
مه دی جاورجا انصراف بیمن

وت مه کار نیرم استاد و تَلا
ضامنم نیایه پویل هامه بما

ار هم باینو زون مکومه لجا
ایواکی ترمیژ مه هر همی ها

مه دی هویچم نوت سرم نیاوه ور
عه خُصه استاد کتمو ریه هول

تا ایسکه هر چی و سرم هتیه
تمامن عه دس استادم بیه

استاد نباید عقده ای وض بو
تا که دانشجو و پش مهرورز بو

استاد پیخمبر نسل جووانه
راه روش استاد چراخ ریمانه

هر چی چی و سرِ ایمه هتیه
تمام سر منشا استادمان بیه


✍شعری طنز گونه
به زبان شیرین لکی
از #ریوویار ..‌.
در وصف درس و #دانشگاه
🌺🌺🌺🌺