ЖАҢАӨЗЕН ТҰРҒЫНДАРЫНЫҢ КӨПТЕН КҮТКЕН СУ ТҰЩЫТУ ЗАУЫТЫНЫҢ ҚҰРЫЛЫСЫ БАСТАЛДЫ

Өңір басшысы Нұрлан Ноғаев "ҚазМұнайГаз" ҰК АҚ Басқарма төрағасы Мағзұм Мырзағалиевпен бірлесіп жаңа су тұшыту зауытының құрылысын бастады. Жоба Мемлекет Басшысы Қасым-Жомарт Тоқаевтың тапсырмасына сәйкес жүзеге асырылуда, деп хабарлайды Маңғыстау облысы әкімінің баспасөз қызметі.

Қуаттылығы тәулігіне 50 мың текше метр болатын Тоқмақ (Қарақия ауданы) жерінде теңіз суын тұшыту зауытын салу Жаңаөзен қаласы халқының ауыз суға деген қажеттілігін толық қамтамасыз етуге мүмкіндік береді.

Жаңаөзен қаласы Еділ суын Қиғаш өзені арқылы "Астрахан-Маңғышлақ" құбырынан алып, тұтынады. Бұл Атырау және Маңғыстау облыстарындағы бірқатар елді мекендердің халқы үшін судың жалғыз орталықтандырылған көзі. Су тұтыну көлемі халық санының өсуіне және жаңа кәсіпорындардың пайда болуына байланысты жылдан-жылға артуда.

🔷 Кәсіби мереке – Қазақстан Республикасы Мұнай-газ кешені қызметкерлерінің күні қарсаңында Атырауда «ББББ – ҚМГБ: Табысқа апарар жол» кітабының тұсаукесері өтті.

Бұл кітапта жақында өзінің 50 жылдық мерейтойын атап өткен көне кәсіпорын атақты Балықшы барлау бұрғылау басқармасы (ББББ) мысалында Қазақстандағы бұрғылау саласының қалыптасу және даму тарихы баяндалады. Онда Каспий аймағындағы бұрғылау өнеркәсібінің қалыптасуы мен дамуы туралы көптеген материалдар бар, Орал-Ембі мұнайының игерілу тарихынан алғаш рет сирек деректер жарияланды.

Кітапта Балықшы барлау бұрғылау басқармасының бұрғылаушылары ғана емес, оның мұрагері «ҚазМұнайГаз-Бұрғылаудың» қызметі туралы да айтылады. Олардың барлығы да өз еңбектерімен еліміздің әлемдік мұнай державаларының қатарына қосылуына мүмкіндік берген Қазақстан Республикасы экономикасының негізгі өзегі – мұнай саласының дамуына өлшеусіз үлес қосты.

🔷 Мекеме мұнайшылар күнін атап өтті

Кәсіби мереке – Қазақстан мұнай-газ кешені қызметкерлерінің күні қарсаңында Атырауда «ББББ – ҚМГБ: Табысқа апарар жол» кітабының тұсаукесері өтті.

Кітапта Балықшы барлау бұрғылау басқармасының бұрғылаушылары ғана емес, оның мұрагері «ҚазМұнайГаз-Бұрғылаудың» қызметі туралы да айтылады.

Тұсаукесер рәсімін ашқан «ҚазМұнайГаз-Бұрғылау» бас директоры Дінмұхамед Шәріпбаев еңбек ардагерлері мен кәсіпорын ұжымын келе жатқан кәсіби мерекелерімен шын жүректен құттықтап, олардың кітаптың дүниеге келуіне қосқан үлестерін атап өтті.

«Кітапта ардагерлеріміздің, талантты мамандар мен өндірісті ұйымдастырушылардың құнды естеліктері жазылған, бұл кітаптан жерасты көкжиектерін игеруге қатысқандардың биік рухын сезінуге болады, - деп атап өтті Д.Шәріпбаев - «Бұл басылымда жоғары кәсібилік, таңдалған кәсіпке адалдық туралы, жер қойнауын игерушілердің қандай қиындықтарды жеңіп, қандай қиындықтарға тап болғаны туралы жазылған».

Кітапта 19 ғасырдың соңы – 20 ғасырдың бірінші жартысындағы Орал-Ембі өңірінде еліміздің мұнай өнеркәсібінің пайда болуының негізгі тарихи кезеңдерімен қатар, тікелей мұнай және газ кен орындарының ашылуы туралы айтылады.

Саланың күрделілігіне қарамастан, кітап қарапайым, қолжетімді және түсінікті тілде жазылған. Басылым бірегей фотосуреттермен безендірілген және қалың оқырманға арналған.

Іс-шара аясында сала ардагерлері, мекеменің үздік бригадалары, өз мамандығының үздіктері марапатталып оларға құрмет гаромталары мен компания атынан «Ерен еңбегі үшін» атты медалі табысталды.

Жаңаөзенде сорғы-компрессорлық құбырлар және сорғы штангаларын шығаратын зауыт ашылады

Маңғыстауда "KazPetroDrilling" АҚ компаниясының 17 млрд теңгеден астам инвестиция бөлуімен сорғы-компрессорлық құбырлар мен сорғы штангаларын шығаратын зауыт ашылады. Жаңаөзен қаласында бой көтеретін өндірісті 2024 жылдың соңына дейін іске қосу жоспарланған. Бұл жоба Маңғыстау облысы әкімінің бірінші орынбасары Жұмабай Қарағаев пен "KazPetroDrilling" АҚ вице-президенті Қайырбек Елеусінов қол қойған меморандум аясында жүзеге асырылатын болады, деп хабарлайды Маңғыстау облысы әкімінің баспасөз қызметі.

Зауыттың өндірістік қуаты жылына 51 мың тонна сорғы-компрессорлық құбырлар мен 540 мың сорғы штангаларын шығаруға жететін болады. Жобаның құрылыс кезінде 150-ден астам жұмыс орны және пайдалануға берілгеннен кейін 330 жұмыс орны құрылады.

"KazPetroDrilling" АҚ вице-президенті Қайырбек Елеусінов бұл жобаның маңыздылығын, оны іске асыру импорт алмасу және өңірлік кадрларды дамыту сияқты маңызды мәселелерді шешуге көмектесетінін атап өтті.

АҚМОЛДАЕВ ШАЛҚАР ДУБАЙ ҚАЛАСЫНДА ӨТКЕН ЖАСТАР АРАСЫНДАҒЫ ПАУЭРЛИФТИНГ ӘЛЕМ ЧЕМПИОНАТЫНДА ҚОЛА ЖЕҢІП АЛДЫ

Тамыз айының 18 мен 23 аралығында Дубай (БАӘ) қаласында жастар арасындағы пара пауэрлифтингтен әлем чемпионаты өтті. Жарысқа 81 мемлекеттен 500-ге спортшы қатысты. Әр мемлекеттің намысын абыроймен қорғап, туын көкте желбірету үшін бар мүмкіндіктерін бәйгеге тігіп келген кілең таудың тасындай іріктелген мықтылардың басын қосқан әлем чемпионатына әріптесіміз Ақмолдаев Орынбасардың ұлы Ақмолдаев Шалқар 80 кг салмақта бағын сынап елімізге қола жүлде сыйлады.

Чемпионның әкесі Ақмолдаев Орынбасар Бұрғылау мекемесінде ОИТҚ бастығы қызметін атқарады. Жиырма жылдан астам қызметінде Бұрғылау мекемесінде бұрғышы көмекшісінен бастап орталық-инженерлік техникалық қызметінің бастығына дейін көтерілген үздік қызметші, әрі отбасында ардақты әке. Осындай үлкен қуанышты бөлісуге құттықтаған жылы лебізімізді қабыл алған Ақмолдаев Орынбасар ұжымдастарына ризашылығын білдіріп, Шалқардың жетістіктерімен бөлісті. - Бала үшін өмір сүріп, солардың болашығы мен келешегіне алаңдамайтын ата-ана жоқ шығар. Менде ерекше болып дүниеге келген Шалқар ұлымды қоғам ортасына бейімдеу үшін бар мүмкіндігімді жұмсап келемін. Алғашқы спортқа берген кезінде чемпион болуы үшін емес, денсаулығын шынықтыру мақсатында берген едім. Кейін жақсы нәтижиелерге қол жеткізе бастаған сәттерде үмітіміз асқақтай берді десекте болады. Бірінші Рақмет Өтесінов атындағы спорт кешенінде жаттығуларын бастаған ұлым Шалқар қалалық жарыстардан бастап, үлкен жарыстар арасында жүлделі орындарды иеленді. Оның ішінде Қазақстан ресбупликасы чемпионатының бірнеше дүркін чемпионы атанды. Артынан жетістіктеріне орай Ақтау қаласындағы «Маңғыстау- Арена» спорт кешеніне ауысты. Қазір сол жерде Арсылан Сүйіншалиев жаттықтырушысының дайындауымен жаттығуда. Бұл Шалқардың әлем чемпионатындағы алғашқы жеңісі, алда әлі талай толайғай жеңістердің дәмін татады деген үмітіміз бар, - деді бала жетістігінің қуанышына бөленген Ақмолдаев Орынбасар.

- Аллаға шүкір көптен күткен Дубай қаласындағы жастар арасындағы әлем чемпионатында 80 кг салмақта, 115 кг көтеріп 3 орынға ие болдым. Бұл мен үшін үлкен жарыстарымның бірі болды. Жарыс алдында салмақ жағынан қиындықтар туындады. Бірақ, оған қарамастан жеңіске жету ұмтылысым алға жетеледі. Біріншіден ата – анама үлкен алғыс білдіремін, менің ең бірінші қолдаушыларым. Осыған орай Арсылан Сүйіншалиев бапкеріме алғысым шексіз. Менің осындай жетістікке жетуіме үлкен үлесін қосты. Үнемі жаттығуда менің техникама өте қатты көңіл бөліп, орын алуыма үлкен жұмыс атқарды. Сонымен қатар осы спортқа келуіме себепші болған Сейдов Құралбек бапкерімеде алғысымды білдіремін. Спорттың ең басты тәртіптерін сақтап, жаттығуды үздіксіз жасау үшін тәрбилеген бапкерлерімнің үлестері көп. Алда талай асулар мен белестер бар, солардың жеңіс тұғырына көтерілуге талпынған табандылығымды серік етіп жетемін бұйырса, - деді болашағына үлкен сенім артақан чемпион Шалқар Орынбасарұлы.

Жеңістің дәмін тату үшін үздіксіз жаттығу мен талмас табандылықты қажет ететіндігін жақсы түсінетін чемпионымыз Шалқар қазіргі уақытта оқуына да, жаттығуларына да уақытылы үлгеріп жүр. Технологиялық процесстерді автоматтандыру және басқару мамандығы бойынша білім алып жүрген Шалқар Ақтау қаласындағы Ш. Есенов атындағы колледжының 3 курс студенті. Мақсаттарын айқын, болашағын жарқын етуге талпынған чемпионымызға толағай табыстармен, жетістіктерге толы жеңістер тілейміз!