Биылғы спартакиада шымылдығын "Бұрғылау" және "ҚазМұнайГаз-Бұрғылау" командалары ашты. Волейбол спорты бойынша басталған жарыс қызықты өтіп жатыр.

Көптен күткен Спартакиаданың ашылу салтанаты көрген жанның көңілін көтеретіндей әдемі болды. Еншілес компаниялардың командалары бейне бір Олимпиада ойындарына қатысып жатқандай әсер берді. Қызыл-жасылды киінген қыз-жігіттердің қатар-қатар сап түзеп, әнұранды орындағаны қандай жарасымды! Сол жарасымды одан әрі арттыра түскен Холдинг Президентінің құттықтау сөзі де жарысқа, жеңіске ұмтылған әріптестерімізді одан сайын қанаттандыра түсті.
Барлықтарыңызға тамаша нәтижелер мен жеңіс тілейміз, құрметті әріптестер! Тек қана алға!

Бүгінгі жарыстар арқан тарту сайысымен аяқталды. Бұл сайыста "Бұрғылау" командасына ешкім тең келмеді.

Спартакиаданың алғашқы күні "КасКорМашЗавод" пен  "Мұнайкөлік" командасы жеңіс әкелді. Ақтаулық және Атыраулық флагманның ойыншылары бұл жолы шахмат бойынша бірінші орынға көтерілді.

Спартакиаданың алғашқы күні.

Жыл сайынғы дәстүрімізге айналған холдингішілік спартакиада жарыстарындағы басты спорт түрлерінің бірі - жүк көтеру. Біздіңше айтқанда, қошқар көтеру. Ұлттық спорт түрі саналатын бұл бәсекенің де өзіндік тартымдылығы бар. Ең бастысы, ол - біздің Балуан Шолақ және Қажымұқан тәрізді батыр бабаларымыздан қалған дәстүр. Міне, сол дәстүрді лайықты жалғастырған Ахмадиев Орал тәрізді әріптестеріміз бүгін көпшіліктің құрметіне бөленді. Жүк көтеру байқауының нәтижесі бойынша  ҚазМұнайГаз Бурение 1-орынды, МұнайФилдСервис 2-орынды, МұнайКөлік 3-орынды иеленді.

Спартакиаданың екінші күні қол күрестіру бәсекесімен басталды. Бірінен - бірі басым түсу үшін барын салған білекті жігіттер тартысы өте қызықты өтті. Ақыры ақтық нәтиже де анықталды. КТМС командасынан Байсмаков Достан жеңіске жетіп, бірінші орынды иеленді.

Еншілес компаниялар тобындағы ұжымаралық бірлік пен ынтымақты паш еткен спартакиадамыз да аяқталды. Екі күнге созылған ойындар барысы қорытындыланды. "KazPetroDrilling" АҚ Президенті Гайдар Нұртасұлы жарысқа қатысушыларды құттықтай келе, жеңімпаз командалар мен жекелеген номинациялар бойынша үздік өнер көрсеткен спортшыларға арнайы дипломдар және сыйлықтар табыстады.
Жалпыкомандалық есеп бойынша бірінші орынға Бұрғылау командасы, екінші орынға Каскор-Машзавод командасы, ал үшінші орынға ЖигерМунайСервис командасы лайық деп танылды.

Спартакиада жарыстарындағы кезекті спорт түрлерінің бірі - үстел теннисі аяқталды. Жарыс нәтижесі мынадай болды: Бұрғылау командасы 1-орын, ҚазМұнайгаз-Бурение командасы 2-орын, Каскор-Машзавод командасы 3-орын.

Спорт түрлерінің арасында футболдың орны бөлек. Себебі ол - үлкен-кішінің бәрі жақсы көретін жалпыхалықтық спорт.
Жылдағы үрдіске сай ұйымдастырылған футбол додасы биыл да барынша қызықты болып өтті. Команда болып доп ойнауға машықтанған әріптестеріміз ұжымдық бірлік пен тамаша техниканың үлгісін көрсетті. Кеше басталған жарыс бүгін сәтті аяқталып, ойын нәтижелері шығарылды. Жалпыкомандалық есеп бойынша Бұрғылау командасы 1-орынды, Каскор-Машзавод командасы 2-орынды және ЖигерМұнайСервис командасы 3-орынды иеленді.

Холдингішілік спартакиаданың аяқталуына орай Grand asia мейрамханасында салтанатты бас қосу шарасы ұйымдастырылды. Кеш барысында Холдинг және еншілес компаниялар басшылары сөз алып, құттықтау лебіздерін жеткізді. Бақ пен бап қатар шапқан спорт жарыстарында үздік шыққан жеңімпаздар марапатталды.
Командалық рух пен ұжымаралық ынтымақтың үлгісіне айналған спартакиада дәстүрі келесі жылы да жалғасын табады деп сенеміз. Өйткені ол көпшіліктің көңілінде жарқын ізін қалдырды.

Волейболдан жартылай финалға өткен командалар бар күштерін салды. Бұған дейін талай рет күш сынасып, өзара кездесулер өткізген командалар бұл жолы да шапшаңдық пен шеберліктерін көрсетті. Ақыры тартысты өткен ойын нәтижесі бойынша Бұрғылау командасы 1-орынға,  КазТехМұнайСервис командасы 2-орынға, МұнайКөлік командасы 3-орынға шықты.

Биылғы спартакиаданың бір ерекшелігі - брейн-ринг интеллектуалдық ойыны болды. Мысалға, "Екінші дүниежүзілік соғыста ерен ерліктің үлгісін көрсеткен қазақтың қаhарман қызы Мәншүк Мәметованың шын есімі қалай?" - деген сұрақтың өзі ойынға қатысушыларды ойландырып тастады. Жұрттың бәрі бір сәтке бәрін ұмытып, өткен тарихымызды ой елегінен өткізді. Қара күш пен шапшаңдақ емес, білімділік пен ой ұшқырлығы сынға түсетін осындай тамаша ойын барысында KazPetroDrilling мекемесі 1-орын алды , 2-орынды, ҚазМұнайГаз-Бурение, 3-орынды ТрубРемЦентр және МұнайКөлік иеленді

Спартакиаданың екінші күні.