تلفوني ضرب كان غسان اول ما رديت قال لي قولي آمين.. قلت ليهو آمين لكن على شنو.. قال لي ان شاء الله السنه الجايه عيدي معاك في بيتنا تكوي لي جلابيتي بي يدك وتنوري دنيتي بي بسمتك💙.. قلت ليهو آمين يارب.. قال لي كل عام وانتي بخير.. قلت ليهو وانت بخير يا رب .. قال لي العيد كيف في مصر.. قلت ليهو ما زي عيدنا في السودان.. قال لي دي ما فيها نقاش، ما طلعتي؟.. قلت ليهو لالا ما اظن اطلع.. قال لي ليه ياخ اطلعي شوفي الشوارع والناس رمضان دا كلو ما طلعتي .. قلت ليهو ما عارفه بشوف غايتو.. قال لي باقي ليكم كم عشان ترجعو؟.. قلت ليهو شهر وشويه.. قال لي هي المدة دي كل ما ليها بتذيد ولا الحاصل شنو؟.. قلت ليهو انا زاتي حاسه كدا.. سمعت صوت الباب قلت ليهو ناس ابوي جو لي بعدين يلا.. قال لي ما تتأخري.. قلت ليهو طيب... طلعت لقيت متوكل داخل معاهم عاين لي من فوق لي تحت ، عيدت عليهم ودخلت المطبخ طوالي بقيت بسوي الفطور عملت ملاح روب وعصيده وكان في فول باقي امس سخنتو وعملت طعميه.. اثناء ما انا شغاله ابوي جا خاشي كان شايل تلفوني قال لي تلفونك دا ضرب.. غسلت يدي وشلتو لقيتها خالتي صفيه رجعت ليها قالت لي غايتو يا ناس مصر افتريتو ضحكت وقلت ليها بري والله لكن من قبيل شغاله اسوي في الفطور.. قالت لي يا حليلك والله... عيدت عليها وادتني ناس البيت كلهم اخرهم طلال قلت ليهو اول عيد بدونك.. قال لي واخر عيد ان شاء الله كل سنه وانتي طيبه يا اختي وربنا يحقق ليك كل البتتمنيه ويسعدك دائما قلت ليهو امين يارب جمعا ويحقق ليك امانيك واشوفك في أعلى المراتب.. قال لي اللهم امين ، اديني ناس ابوي اسلم عليهم وديت ليهم التلفون ودخلت تاني قعدت ابكي اشتقت لي طلال شديد وشوفتو هسي خلتني اشتاق ليهو اكتر.. لمن سمعت صوت زول جا خاشي مسحت دموعي سريع افتكرتو ابوي لمن قبلت لقيتو محجوب قال لي طالعه سمحه شديد بالعبايه الاخترتها ليك بنفسي.. قلت ليهو الجابك شنو اطلع برا.. قال لي جيت اعيد عليك واتمنى ليك عيد سمح معاي السنه الجايه ونحن عرسان.. قلت ليهو اموت ولا اعرس واحد زيك اطلع سريع قبل اكورك لي ابوي.. ضحك وقال لي ماشي ماشي.. ختا التلفون في المصطبه وطلع... كنت مثبته في الحيطه وبرجف بالخوف بعد مسافه حتى هديت....

يوم عملية طارق صحينا كلنا بدري العمليه كانت الساعه ١٠ مشينا المستشفى من ٧ عملو ليهو الإجراءات ودخلوهو كنت حاسه اني قاعده في نار اقوم شويه واقعد شويه تاني اقوم امشي واجي في الصاله.. بعد مده دامت اكتر من ٣ ساعات الدكتور جا طالع قال لينا بلهجة مصرية " الحمدلله العمليه نجحت، هنخليه معانا في المستشفى فترة الاسبوع دا علشان التمارين الفيزيائية وبعدها ان شاء الله هيتحسن ويقدر يمشي طبيعي" ... رددنا كلنا عبارات الشكر والحمد بعد داك محجوب سألو حيصحى متين؟.. الدكتور قال ليهو "خلال اقل من ساعه، الممرضين هيكونوا متابعين معاه واول ما يفوق هيكلموكم".... كلنا كنا فرحانين واكترنا ابوي، طلعو هو ومحجوب جابو حلاوة وزعوها في المستشفى وابوي اتصل لي عمي عبدالله كلمو بعديها بدقائق خالتي صفيه اتصلت قالت لينا حمدلله على السلامه وكدا وقفلت قالت بترجع لينا بعدين عشان هسي في المستشفى... المهم بعد دخلنا واطمنا عليهو ابوي قال لي انتي ارجعي انا بجي المساء قلت ليهو خليني قاعده شويه قال لي لالا ماف داعي لي قعادك ارجعي البيت .. محجوب قال ليهو ممكن اوصلها يا عمي؟ ميسم ما بتعرف الشوارع ممكن تضيع.. قلت ليهو عارفه المواصلات البركبها.. ابوي قال ليهو خلاص وصلها.... ما قدرت اقول حاجه طلعنا وركبنا المواصلات كان بحاول يتكلم معاي وانا سافهاهو.. قال لي اول ما نرجع من هنا بخطبك... عاينت ليهو بي خلعه قلت ليهو انا ما دايراك.. قال لي انا نفسي افهم انتي بتكرهيني للدرجه دي لشنو؟ عملت ليك شنو انا غلطت فيك؟ بالعكس هدا واقف معاكم وخليت اي شي وراي وجيت معاكم مصر.. قلت ليهو جيت ولا ما جيت ما حتفرق بي حاجه وجودك اخير عدمو.. قال لي دي جزاتي؟؟ ما مشكلة مقبوله منك، لكن انتي عارفه الجابني شنو؟.. سكت ما رديت قال لي والله ما عشان طارق انا جيت عشان انتي... حمرت ليهو وهو يتبسم كأنو ما حاصل شي قلت ليهو بحدة عكس الخوف الجواي: محجوب انا من زمان ساكته ليك وما فتحت خشمي لكن قسما بالله كلمه واحده تاني ولا اي تصرف ما يعجبني منك انا حاكلم ابوي وهو حيعرف يتصرف معاك كيف... قال لي طيب ما تنفعلي انا ما خايف من ابوك لأنو بريدني زي طارق وما حيصدق كلامك لكن حاسكت عشانك انتي عشان ما بحب ازعلك ولا اضايقك... عاينت ليهو باشمئزاز كل يوم بطني بتطم منو اكتر من اليوم القبلو...لمن نزلنا خليتو بحاسب السواق وجريت قدامو دخلت الشقه وقفلتها علي اتكلت على الباب وانا نفسي قايم جسمي كان برجف اكتر من كل المرات الفاتت والعرق بدا ينزل من وشي محجوب بقى كابوس بالنسبه لي وبعد كلامو دا حسيت اني عاجزه، عاجزه اعمل اي شي وحاعجز اني اوقفو ..

فتحت الشنطه بقيت بفرفر بي جواها ونص الحاجات وقعت في الارض حتى التلفون قعدت في الواطه وشلتو ويدي لسه بترجف اتصلت لي غسان اول ما رد قلت ليهو غسان، غسان انا ما كويسه انا محتاجه ليك ... قال لي ميسم مالك في شنو الحاصل شنو.. قلت ليهو جسمي كلو برجف ما عارفه اعمل شنو يدي يدي زاتا بترجف ما قادره امسك التلفون.. قال لي انتي وين رجعتي البيت في زول معاك؟... قلت ليهو رجعت براي.. قال لي شوفي سرير ارقدي.. رقدت في واحد من سراير الصاله ولقيتو فتح لي رقيه قال لي غمضي عيونك وما تفكري في شي... فعلا غمضت عيوني وتاني ما حسيت بي شي....

__ ___

*"تلجأ الى من تحب اوقات فرحك، وتلجأ الى من يحبك اوقات ضعفك.. واعلم انك محظوظ اذا كانا نفس الشخص"*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#كفة~مائلة《19》*
*#بقلمي~لينه~جمال*
*ہہہہـہہہہہـہہـہہـہہہہہـہہہـہہہہہـہہـہہہــــــــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
فتحت عيوني بي صوت ابوي وهو بصحي فيني قال لي يا بت ميسم نايمه من متين انتي.. قمت مخلوعه قلت ليهو ابوي انت جيت متين، الساعه كم؟.. قال لي العشا قعد يأذن.. قلت ليهو انا نمت دا كلو؟ ... قال لي انتي شكلك من جيتي نايمه عبايتك ما قلعتيها.. قلت ليهو اي .. قال لي ومجدعه شنطتك وحاجاتك جمب الباب ليه؟... قلت ليهو ااا الشنطه وقعت مني وكنت تعبانه شديد من امس ما نمت فرقدت طوالي.. قال لي قومي طلعي لي غيارات راجعين تاني انا ومحجوب.. قلت ليهو وانا حـابيت براي؟.. قال لي اخوك راقد في المستشفى اخليهو وانوم بي جاي ؟... قلت ليهو خلاص خليني امشي معاكم انا بخاف براي يا ابوي.. قال لي تخافي من شنو مافي شي بجيك اقفلي الباب عليك بس الشارع دا متحرك لحدي الصباح الناس حايمين فيهو.. سكت وانا بعاين ليهو قال لي سوي لينا كمان حاجه ناكلها من فطور الصباح ماف حاجه دخلت خشمنا تاني.... مشيت عملت ليهو العشا وهو اتصل لي محجوب جو اكلو وختيت ليهم منو في العمود بعد داك طلعو.. شلت تلفوني واتصلت لي غسان قال لي ميسم انتي كويسه؟ .. قلت ليهو الحمدلله تمام.. قال لي الحاصل عليك شنو؟.. قلت ليهو مافي شي خطير بس عشان رجعت براي وكنت خايفه.. قال لي في حاجه معينه مخوفاك؟.. قلت ليهو لالا.. قال لي ميسم انتي داسه مني حاجه ما تخليني اركب جني وأقوم اجيك هسي... قلت ليهو انا حصل كذبت عليك؟ مش كنت بتقول لي اكتر حاجه بريدها فيك انك ما بتكذبي... قال لي انا حاسي في حاجه حاصله وانتي ما دايرة توريني .. قلت ليهو البخليني ادس منك شنو.. سكت شويه بعدين قال لي حمدلله على سلامة اخوك.. قلت ليهو الله يسلمك.. قال لي شفتيه ولا منعوكم؟.. قلت ليهو لالا شفتو كويس الحمدلله.. قال لي الحمدلله، ابوك لسه ما جا؟.. قلت ليهو جا لكن رجع تاني بايت هناك.. قال لي كيف الكلام دا وانتي بايته براك؟.. قلت ليهو اي.. قال لي محجوب مش بايت معاهو؟.. قلت ليهو اي.. قال لي ما كان في داعي ابوك زاتو يبيت.. قلت ليهو ابوي لسه خايف عليهو.. قال لي الحيجيهو شنو مادام طلع من العمليه كويس، مادام محجوب معاهو ما كان يخليك براك.. قلت ليهو خلاص ما تخوفني اكتر مما انا خايفه.. قال لي هسي خايفه؟.. قلت ليهو لا لكن بعد تقفل حاخاف.. قال لي القال ليك حاقفل منو؟ .. قلت ليهو حتتكلم معاي للصباح يعني.. قال لي ما حاخليك براك.... فعلاً فضلنا نتكلم لحدي ما الصبح اذن عندهم قال لي بصلي وبرجع ليك قلت ليهو انا نعست ، انت زاتك نوم بعد ترجع.. قال لي انا ما عندي طريقة نوم بعد دا، حاطلع بدري ماشي المصنع بعدين بمشي الوكاله.. قلت ليهو حتشتغل كيف وانت الليل كلو مساهر.. قال لي عادي ما اول مرة.. قلت ليهو امممم كنت بتساهر مع منو قبلي؟... قال لي مع الشغل .. قلت ليهو شكلك ما عايز توريني طيب يلا.. قال لي لمن تصحي اتصلي لي.. قلت ليهو طيب... بعد قفلت استنيت الصبح لمن اذن بعدين صليت ورقدت نمت....
الاسبوع عدا بين الجري بين المستشفى والبيت.. ابوي كان بجي يستحمى ويشيل الاكل ويرجع تاني وانا بساهر مع غسان في المكالمه لحدي الصباح، مشيت يومين لي طارق وكان اتحسن شديد بقى بحرك يدينو لكن المشي لسه بواجه فيهو صعوبة.. الدكتوره المتابعه معاهو العلاج الفيزيائي قالت لينا لحدي شهر كدا حيمشي طبيعي.... يوم كانو مطلعنو جهزت ليهم الفطور من بدري وبقيت منتظراهم..

جو داخلين وهم ساندنو لحدي ما وصل السرير نفسو كان قايم والعرق نازل من وشو.. ابوي قال ليهو شويه شويه بتتحسن ما تشيل هم كونو قدرت تقيف على رجلينك دي اهم حاجه الباقي هين ان شاء الله... طارق عاين للكرسي الختاهو محجوب جمب سريرو قال ليهو زح الشي دا من جمبي ما صدقت خلصت منو.. محجوب قال ليهو خليهو معاك لحدي ما تتم علاجك.. طارق قال ليهو لالالااا ما دايرو.. ابوي قال لي محجوب شيلو خلاص... قلت ليهو حمدلله على سلامتك مره تانيه يا اخوي .. قال بطرف خشمو وبدون ما يعاين لي الله يسلمك...ابوي قال لي الفطور جاهز؟.. قلت ليهو اي اختو ليكم؟.. قال لي اي... جهزتو ليهم ودخلت الغرفه وقلبي واجعني ما عارفه طارق دا ليه بتعامل معاي بالطريقه دي افتكرتو بعد العمليه دي يمكن يتغير شويه لكن غير اتمادى ذيادة ما حصل شي نفسي اعرف ليه بكرهني كدا طارق دا عمرو كلو ما حصل اتعامل معاي زي اي اخ واختو ولا حصل اتونس معاي ولا اتكلم معاي برواق كلامو كلو نهير وشكل بس ما عارفه انا غلطت في شنو عشان القى منو القسوه دي كلها بالعكس انا بعمل جهدي عشان احنن قلبو علينا انا وطلال لكن كلو بدون فايده، اتنهدت ومسحت دمعتي النزلت... اتصلت لي خالتي صفيه كان قالت لي لمن يرجعو اتصلي لي.... هي وخنساء اتصالحو اول يوم في العيد بعد خالتي صفيه اقتنعت بمرتضى وقال حيتقدم ليها في الايام الجايه دي.. ونحن بنتكلم قالت لي اها حتمشي للدكتور متين؟ قلت ليها ما عارفه والله قالت لي اكلم ابوك؟.. قلت ليها حتقولي ليهو شنو؟.. قالت لي بقول ليهو عندها مشكله بتاعت بنات هو براهو بفهم... قلت ليها طيب كلميه.. قالت لي جبت ليك عنوان المستشفى الشغال فيها الدكتور ما بعيد من حتتكم.. قلت ليها كويس طيب..... اتونست معاها مسافه بعدين قفلت وطلعت عملت الشاي لي ناس طارق .. ابوي كان الفرح باين عليهو من كلامو وضحكو الكتير في الونسه دعيت انو دائماً اشوفو كدا واتمنيت يجي يوم واكون جزء من الفرحه الشايفاها فيهو دي..

بعد ما قضو اليوم كلو في شقتهم كلم ابوهو انو حيبيت الليله مع محجوب.. دخل شقة صحبو واستند على راس السرير الفي الصاله
محجوب: والله نورت شقتي عديل يا صحبي
طارق: محجوب كدي اديني تلفوني وخش جو يا اسندني خليني اخش انا
محجوب سندو لحدي ما وصل السرير اداهو التلفون وغمز ليهو : الليله ليلتك يا صحبي
طارق: اتخارج من هنا واقفل الباب معاك
محجوب ضحك وقال: ما داير اقفل ليك النور؟
طارق: يلا من هنا يا تافه

رجع في اخر رقم اتصل فيهو وما جاهو رد حاول اكتر من ١٠ مرات لكن بدون فايده.. فتح اخر رساله جاتو منها والشافها بعد فاق من العمليه
" ما اتخيلت انك بالوقاحه والسفاله دي، ما تتصل لي تاني وما عايزه اسمع صوتك ولا اشوفك"
اتصدم وهو بقرا الرساله، سأل محجوب اذا اتصلت ليهو وهو في العمليه ورد ليهو ب" اتصلت قبل شويه وسألتني منك قلت ليها كويس لكن لسه تحت تأثير التخدير" التوقيت الاتصلت فيهو كان بعد الرساله.. قال لي نفسو "ممكن تكون رسلتها الشيطانه ديك" لكن من وقتها بحاول يتصل ليها ما بترد او بتفصل في وشو لمن رسل ليها" لو ما دايره اتكلم معاك تاني ضربتي وسألتي مني ليه؟" جاو ردها " عشان انا ما زيك عديمة قلب ومشاعر"
جدع التلفون بزهج ومسح وشو وهو متحير من تغيرها المفاجئ..
تاني يوم صحا من النوم وفي بالو فكرة واحده.. رسل ليها " غيم اتكلمت معاك في حاجه؟"
" بتسأل بدون خجل كمان؟.. في حين انو نحن مرتبطين مشيت تحنك مع وحده تانيه والتانيه دي تطلع منو؟؟ اقرب صحبه لي.. يخس عليك يخس بالجد لكن غيم بردت بطني بالردود الرسلتها ليك"
ضحك لمن توقعو طلع صح، فتش تسجيلات المكالمات الكان محتفظ بيها للاحتياط ورسلها ليها..
___ _

احلام:بت يا مروة ماشه وين
اتوجهت على الباب وهي بتنزل عبايتها عشان تستر باقي جسمها وتصلح الطرحه
امال جات طالعه من المطبخ: مالك بتكوركي؟
احلام: مروة جات طالعه من اوضتها فجأة لبست عبايتها وطلعت بدون ما تقول اي شي
امال: ما بتكون مشت الشغل
احلام: شغل شنو يا امي قلت ليك لابسه عبايه..وكانت ماشه سريع جاريه عديل
امال: كدي دقي ليها
احلام بعد حاولت في تلفونها: بري ما بترد
امال: كدي اضربي لي غيم يمكن مشت ليها

حياة: يا بت ما تطقطقي اللبان دا كدا وحات الله غسان كان جا يقطع ليك لسانك دا
طلعت اللبانه وجدعتها في السله: الزول في البيت دا لبان ما قادر ياكلو
حياة: غدير دي ما ماشه الليله ولا شنو
غيم: طلعت قبيل
حياة: متين ما شفتها
صباح الخير
قالو الاتنين: صباح النور
جا قعد معاهم وبقى شغال بالتلفون
حياة: اليومين ديل شايفاك ماسك التلفون ٢٤ ساعه مالك قال
غيم: امي الشغل الزمن دا كلو بقى بالتلفون يعني الزول لمن يكون ماسك التلفون ما شرط يكون بخلط
حياة: قادر الله في قدرتو
غسان: القهوة جاهزه ولا اقوم؟
حياة: جاهزه، قومي يا بت كبيها لينا
غيم قامت وهي بتنقنق بصوت واطي
غسان : قلتي شنو؟
غيم: ما قلت شي

عملت ليهم القهوة ومشت على غرفتها.. شغلت موسيقى وفتحت تطبيق التمارين النزلتو قبل كم يوم، غيرت البجامه اللابساها بملابس رياضة وفرشت سجاده صغيرة وبدت تتمرن... اتفاجأت لمن الباب اتفتح
قامت من الارض ونفسها قايم قالت وهي بتشيل البشكير من السرير وبتمسح العرق من جبتها وتزح خصلات شعرها المتسلله من الضفيرة : مروة؟!

حياة: مالها جايه من الصباح كدا ياربي؟
غسان: ما عارف، قال ماشي الاسبوع الجاي يعني؟
حياة: اي
غسان: ابوي عارف؟
حياة: عارف اي كلمو امس
غسان: والله ياخ ربنا يتم ليهو على خير
حياة: اتصل لي خالك كلمو مرتضى ما حيضرب لي اي زول عارفو انت
غسان: واعمامي كلمتوهم؟
حياة: ابوك ماشي ليهم الليله قال بكلمهم
غسان: تمام، انا طالع دايرين حاجه ؟
حياة: جيب معاك اسود وبطاطس وجزر
قام وبقى بهبش جيب البنطلون والقميص
غسان: اخخخ الجزلان
طلع لغرفتو بخطوات سريعه وقف لمن سمع اصوات عاليه جايه من غرفة غيم قرب ووقف جمب الباب كان شابك يدينو لي ورا ومنزل راسو وماديهو على بفتحه الباب بدون ما يعاين للحاصل جوا
كانت بتتكلم وصوتها مخنوق بسبب البكا
" ليه يا غيم ليه تعملي فيني كدا؟!! سويت ليك شنو انا ؟ ياخ انتي اقرب صحبه لي انا كنت بحكي ليك اي شي حاصل واي مشكله تحصل بيني وبينو بجي بكلمك عشان تنصحيني.. اتاريك كنتي بتحرشيني عشان اخليهو والجو يفضى ليك.. كنتي عارفه، عارفه انا بحبو قدر شنو وضحيت قدر شنو عشان احافظ على العلاقه دي.. انا من كترة ما واثقه فيك كنت بسوقك معاي لمن الاقيهو وبخليك تقعدي تتونسي معانا عادي.. ههههه دقيقه دقيقه انتي كنتي بتتمكيجي وتتشيكي قدر داك عشان تعجبيهو صح؟ يا الله يا الله من غبائي ههههههه وقسم بالله انا اغبى انسان في الكون دا، اي شي كان واضح قدامي وما جايبه خبر.. خسارة والله خسارة الصحبه والثقه الكنت مدياك ليها انتي ما بتستاهلي زول يصاحبك ياداب عرفت ليه صحباتك بتاعين الجامعه كلهم كانو بخلوك، كنتي بتجي تقولي لي ما عرفت اصاحب لكن الحقيقه هم الما عرفو يصحبو، هم وانا"
غيم: مروة ما تغشي نفسك، هو ما كان بحبك ولا حتى حباني انا.. انا معترفه اني غرت منك وحاولت بكل الطرق اخليهو يعاين لي لكن على الاقل كنت عارفه انو مستحيل انسان زيو يحب بالجد.. الزيو ديل بقضو بينا زمن وفي النهايه بعرسو بنات اعمامهم يا خالاتهم.. انتي بالجد كدا كنتي مصدقه انو طارق حيعرسك؟ بعد ما رسلتي ليهو صورك بالبجامه ووريتيهو مواعيد البريود بتاعتك.. هههههه مروة انتي مسكينه شديد والله ومسكنتك دي ياها الضيعتو منك.. انتي مفروض تشكريني ما تجي تعملي لي فيها مظلومه.. لو ما انا ما كنتي خليتيهو مش انا الجيت قلت ليك الزول دا كضاب وبتاع بنات ووريتك محادثاتنا القديمه؟ لو ما قلت ليك كدا كنتي لي هسي مرتبطه بيهو والله اعلم المره دي يمكن كان خلاك تنومي معاهو بدل ما ترسلي ليهو صور..(ضحكت باستهزاء وربعت يدينها) هئه دا طبعاً بعد ما يتأكد انو مواعيد البريود لسع
قبلو بخلعة ناحية الباب لمن سمعو صوتو وهو بترزع بالحيطه ويرجع تاني، غسان مسكو قبل يتقفل ودخل.. رجعت لي ورا لمن شافت وش اخوها المخيف وعيونو المولعه شرار وهي بتقول : غ غسان دقيقه دقيقه دقيقه انت فاهم غلط خليني اشرح بيك
_

عدو كم يوم من طارق طلعوهو والليله عندو جلسة علاج.. صحيت ودخلت الواتس حسيت بوخزة في قلبي لمن لقيت غسان قرا رسايلي وما رد برضو مالو ياربي، اخر مرة اتكلمنا فيها كان نفس يوم طارق طلع بالليل تاني يوم لمن اتصلت ليهو ما رد وحتى رسايلي الرسلتها ليهو ما استلمها الا المساء وما رد عليها.. ياربي يكون بقى ما بحبني وزهج مني؟ لالالا ما اظن، غسان ما من النوع دا انا بعرفو كويس مستحيل يفكر بالطريقه دي.. طيب مالو ياخ.. اتنهدت تنهيدة طويله وقمت ..بعد شربت الشاي مع ناس ابوي لبست عشان امشي المستشفى، خالتي صفيه اتصلت لي امس وقالت لي كلمت ابوك، فعلاً من بالليل اداني القروش وقال لي امشي الصباح بدري... بعد جهزت طلعت لقيت محجوب قاعد معاهم طارق قال لي سوي القهوة وامشي.. محجوب قال ماشه وين براك؟.. ماف زول رد عليهو قال خلاص بسويها انا امشي مشوارك.... طلعت وقلت في نفسي دا الكان ناقصني من الصباح، ركبت تاكسي زي ما قال لي ابوي عشان ما اتوه بالمواصلات وريتو المستشفى الماشاها واتحركنا..
لمن وصلت سألت البت الفي الاستقبال من اسم الدكتور ورتني القسم الشغال فيهو كان في الطابق التاني طلعت لقيت الناس كتار مع انو كان الوقت بدري سجلت وقعدت منتظرة.... بعد ساعه حتى دخلت ليهو كان راجل كبير وظاهر من شكلو الشطاره والخبره قال لي اتفضلي يا مدام.. قعدت وشرحت ليهو الحاصل معاي.. بعد سألني كم سؤال شال ورقه كتب فيها بعدين مداها لي قال لي " في معمل في الطابق الاول اعملي فيه الفحص دا وهاتي النتيجه وتعاليلي مره تانيه"...

عملت زي ما طلب ورجعت تاني قعدت في الصف حتى دخلت شال الورقه عاين فيها مسافه وهو بمشي يدو في حنكو بعدين قال لي " زي ما اتوقعت، قصور في الغده الدرقيه واضطرابات في الهرمونات..انا هـاكتب لك الادويه ديّت وبعد تخلصيها تجي تقابليني تاني تمام يا هانم؟" قلت ليهو طيب..
شلت الروشته ودخلت الصيدلية الجمب المستشفى اخدتهم ورجعت البيت، الوقت داك كان قريب العصر ابوي قال لي اتأخرتي ليه قلت ليهو الناس كتار والصف كان طويل وعملت فحوصات... قال لي ادوك علاجات ؟.. قلت ليهو بخجل: اي وحامشي المقابله تاني بعد ١٠ يوم كدا.. قال لي ان شاء الله....
في ال١٠ يوم دي كلها غسان ما رد علي ولا رجع لي كنت مقلقه بالجد وكل يوم بالليل ببكي جاني ١٠٠ احتمال في راسي واي واحد اكعب من التاني، يوم اتصلت لي خنساء حكيت ليها قالت لي بحاول اسأل مرتضى بي فوق فوق .. قلت ليها انتي كلمتيهو اني بعرف غسان وكدا؟.. قالت لي لالا اكلمو واسألو طوالي ؟ .. قلت ليها لالا ما تكلميه انا برضو ما وريت غسان.... رجعت لي يوم بالمساء قالت لي سألتو الجاي يوم الجمعه مع الرجال منو قال لي ابوهو واعمامو اتنين وخالو وغسان برضو جاي... قلت ليها يعني كويس ما حاصل ليهو شي .. قالت لي شكلو كدا لو كانت حاصله ليهو حاجه مرتضى كان كلمني لأنو طوالي بسألو من ناس بيتهم وبقول لي كويسين ما عندهم عوجه، لكن يمكن مشغول ختي ليهو عذر برضو.. قلت ليها ماف شغل بخليهو اكتر من اسبوعين ما يرد على اتصالاتي ولا يرجع لي لكن البهمني انو كويس كفايه كدا انا فهمت الحاصل شنو... حاولت تبرر ليهو وتقول لي اصبري ما تحكمي عليهو قبل يتكلم معاك وووو....بعد قفلت منها عديت الليل كلو بكا مادام كويس وما عندو عوجه معناها الفي بالي صح غسان خلاص بقى ما بحبني وشكلو ما لاقي طريقه يوريني فقرر انو ينسحب بدون يوضح لي حاجه.... تاني يوم كان مفروض امشي المقابله بعد خلصت العلاجات..
قعدت برا منتظرة وسرحانه لسه بفكر في غسان.. وانا قعده قصادي كان في مرا وراجل شكلهم سودانيين وعرسان جداد.. كانو بتونسو والولد كل شويه يهمس ليها بحاجه وهي تضحك وتضربو.. عجبوني شديد ولوهله اتخيلت انا وغسان مكانهم.. بعد شويه قامو طلعو، تاني رجعت سرحت... قطع سرحتي صوت البت الجمبي بتقول لي بلهجة مصريه: يا مدام انا بكلمك.. قلت ليها ايوه قلتي حاجه؟ قالت لي اسم حضرتك ميسم؟.. قلت ليها باستغراب: ايوه.. قالت لي بندهو على اسمك مش سامعه انتي ؟؟.. قلت ليها دوري جا؟ .. قمت وقلت ليها كنت سرحانه ما سمعت شكراً ليك.... لمن دخلت لقيت في مرا قاعده قالت لي مدام ميسم اتفضلي .. قلت ليها دكتور عَمْر وين؟.. قالت لي دكتور عمر جاتلو سفره مفاجئه وانا هاشتغل مكانو لغاية اما يرجع، انا مش شاطره زيو بس متخافيش اشطر منو كمان... ضحكت وضحكت وراها قالت لي هو كلمني بالجدول بتاعو ودرست حالتكو كلكو اصل النهاردة مواعيدو كلها مقابلات مفيش مرضى جديدين.. اتفضلي معايا... قامت من كرسيها وقمت وراها زحت الستاره وقالت لي اتفضلي عاينت ليها باستغراب كنت عايزه اسألها حتعمل شنو لكن اتذكرت انها قالت لي درست حالتي وما ظريفه اقعد اسألها كدا حتتحسس.. رقدت وشفتها بتعبي في حقنة كبيرة خفت وبلعت ريقي .. اول ما قبلت علي غمضت عيوني... شهقت ورفعت راسي لمن طعنتني.. ابتسمت وقالت لي مبروك خلصنا قمت وقلت ليها خلصنا شنو؟.. طلعت وقعدت في كرسيها، قمت صلحت عبايتي وقعدت مكاني كتبت في ورقه ومدتها لي قالت لي الروشته.. قلت ليها كدا خلاص ما عندي مقابله تاني؟.. قالت لي مقابله ليه تاني ما خلاص .. قلت ليها طيب شكراً ليك..
طلعت وشلت الادويه من الصيدليه بعدين رجعت البيت..
_ __

الله الشاورما دي رهييييبه رهيبه عديل
اكل اخر قضمه من السندوتش وقال: شكلك بديتي تتوحمي قبل تحملي
ضحكت والاكل مليان في خشمها : شكلو كدا
باسل: اكلي يلا عشان دورنا بكون قرب
ميسم: خلصت
باسل: كولا ولا بيبسي؟
ميسم: بتسأل على اساس ما عارف الجواب ؟
باسل: ما عارف قلت يمكن مع الوحم دا اختياراتك تتغير
ميسم: لالا كولا حتفضل المفضله للابد
شال قارورة كولا ووحده تانيه بيبسي ورجعو المستشفى كان في مرا كرشتها كبيرة ومعاها وحده على ما يبدو امها
باسل: شكلو دورنا جا وفات
ميسم: امشي اسأل البت البتسجل دي
مشا وجا قال ليها فات لكن حندخل بعد الجوا يطلعو... بعد طلعو الراجل والمرا الكانو جوا دخلو الاتنين
باسل: السلام عليكم
الدكتورة: وعليكم السلام اتفضلو
قعدو في الكرسين القصاد بعض
الدكتورة: اتفضلي يا مدام، كملتي الادويه بتاعتك؟
ميسم عاينت لي باسل ورجعت عاينت للدكتورة: ادوية شنو؟
الدكتورة: اااا ثانيه واحده هو انتي اسمك مين

ميسم: ميسم عبدالرحيم
الدكتورة: لحظة من فضلكم دقايق وهرجعلكو
الدكتورة بعد طلعت باسل هزا راسو وهو بعاين لي ميسم.. ميسم رفعت اكتافها نظام ما عارفه
باسل: هو مش كان دكتور المره الفاتت؟
ميسم: قبيل البت الكنت بتونس معاها قالت لي الدكتور سافر ومسكت مكانو دكتورة
باسل: دي شكلها جديده ما عارفه حاجه
ميسم: ما اظن يمسكو بدلو اي دكتور تاني لو ما شاطره ما كان جابوها وخاطرو بسمعة المستشفى
رجعت تاني وقفت وهي بتقول: ااا انا بتأسف جدا بس العينه الاخدناها منك يا استاذ باسل ضاعت ومحتاجين ناخد عينه تانيه
باسل قام وقال ليها: ضاعت كيف يعني؟
الدكتورة بتوتر: اااا انا عارفه ان دا اهمال كبير بس القزازة اللي كانت فيها العينه وقعت من الواد بتاع المعمل، نحن هنتصرف معاه وهنمشي من المعمل بس رجاءً يعني حالياً خلينا ناخد عينه جديده ونعمل الحقن فوراً
باسل: دا كلام فاضي مستشفى كبيره زي دي تغلط غلطه زي دي كيف
ميسم قامت ومسكتو من كتفو: باسل، عادي بتحصل غلطات زي دي الدكتورة قالت لي حيحاسبوه هي ما عندها دخل بالحصل ارح المعمل هسي
الدكتورة هزت راسها بالايجاب مؤيدة لكلام ميسم: ايوه بالظبط
باسل اتنهد وطلع
الدكتورة: هو هيعمل ايه؟
ميسم: ماشي المعمل ارح
مشو الاتنين وراهو والدكتورة اتبادلت النظرات مع بتاعت الاستقبال..

___

*"نمتنى ونحلم ونخطط، ثم يفاجئنا القدر بواقع يهدم كل ما بنيناه.. هل سلكنا الطريق الخاطئ منذ البدايه؟ ام اننا ندفع ثمن اخطأنا القديمه الآن."*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#كفة~مائلة《20》*
*#بقلمي~لينه~جمال*
*ہہہہـہہہہہـہہـہہـہہہہہـہہہـہہہہہـہہـہہہــــــــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
كانت راقده وسرحانه في نقطه معينه في الحيطه القصادها بتتذكر تفاصيل اسوأ يوم مر عليها في حياتها

_

قبلو بخلعة ناحية الباب لمن سمعو صوتو وهو بترزع بالحيطه ويرجع تاني، غسان مسكو قبل يتقفل ودخل.. رجعت لي ورا لمن شافت وش اخوها المخيف وعيونو المولعه شرار وهي بتقول: غ غسان دقيقه دقيقه دقيقه انت فاهم غلط خليني اشرح ليك ان....
قبل تتم جملتها وقعت في السرير بقوة من اثر الكف الجاها منو، جراها من ضفيرتها وبقى بكفت فيها.. مروة حاولت تفكو لكن ما افلحت
كانت بتكورك بصوت مخنوق تحت ضربات اخوها الما دايره تقيف: غسان عليك الله فكني اميييي امي الحقيني
غسان: قفلي يا حيوانه قفلي خشمك دا قبل ما اقطعو ليك تفووو عليك يا عديمة التربيه
جر شعرها ورفعت راسها بالم
غسان: دا منو ال**** الكنتو بتتكلمو عنو دا.. (شد قبضتو وسألها مره تانيه) بسألك انا اتكلمي
مروة: طارق اسمو طارق دا الكان بجيك عشان تشغلو
غسان: طارق
مروة: طارق عثمان
غسان: يا بت ال***
ورجع يضربها تاني
حياة جات خاشه الغرفه وهي بتكورك: في شنو مالكم
لمن شافتو واقع فيها ضرب جرت وبقت تجرو من قميصو : داير تقتلها؟ داير تقتل اختك قوم من البت قوم منها ما عافيه ليك لو ما فكيتها ما عافيه ليك دنيا واخره لا ولدي لا بعرفك
رزعها في الارض واشر بسبابتو، قال ونفسو قايم وعروق جبهتو بارزة: حسابك معاي ما انتهى وحيات ديني وايماني كان ما خليتك تندمي على اليوم الاتولدتي فيهو ما ابقى غسان عبدالرحيم
قبل على امو: دي نتيجة تربيتكم ودلعكم، استحملو البجيكم مني تاني
لزاها برجلو وطلع بخطوات سريعه...

حياة ومروة قوموها من الارض وقعدوها في السرير، وشها كان محمر والدم نازل من شفايفها وانفها
حياة: لا حول ولا قوة الا بالله الحاصل شنو عملتي شنو خليتي اخوك يجن زي دا، مروه قولي لي انتي الحصول شنو
مروة بصوت مرتجف: دا ما وقتو يا خالتو حياة انا حامشي اشوفي لي قطعه ولا اي حاجه انظف ليها وشها دا
طلعت وحياة رجعت تسألها تاني، كانت ساكته ومنزله راسها بس دموعها جاريه ما راضيه تقيف..

طلعت من الحمام وهي بتعرج.. حياة عاينت ليها ورجعت عاينت لي مروة
حياة: يعني ما دايرين تكلموني؟.. خلاص سوقيها معاك لحدي ما غسان يهدا خايفاه يرجع بعدين يضربها تاني
مروة: بسوقها اي
قامت شالت شنطة ظهر دخلت كم غيار فيها وحياة ساعدت غيم تلبس العبايه بعدها طلعو..
__

لمن حست بيد بتلمسها في راسها غمضت عيونها وفتحتها تاني
مروة: لسه الحمه ما نزلت، غيم قومي عليك الله خلينا نوديك للدكتور...
اتنهدت لمن ما جاها رد منها : طيب قومي اشربي العصير دا قبل ما يسخن
قالت بصوت تعبان من اثر الالتهاب: مروة عليك الله خليني في حالي
مروة: ما بخليك وانتي بالحاله دي.. عايزه اتكلم معاك شويه قومي
غيم: ما قادرة
مروة: طيب حارقد معاك
زحت البطانيه قعدت واتكلت بظهرها في راس السرير.. مدت راسها عاينت لوشها الشاحب ورجعت تاني اتكلت بي راسها
مروة: تتذكري ايام الجامعه لمن كنا بنرقد كدا ونساهر للساعه ١٢ نحكي لبعض قصص زمان ايام الثانوي.. (ضحكت وواصلت) انتي كنتي من يومك مفتحه حنكتي مع اكتر من ١٠ اولاد لحدي ما طلعتي من الثانوي.. ولمن انا احكي ليك كنتي بتضحكي فيني وتقولي لي كنتي بريئه شديد ولي هسي بريئه... (اخدت نفس طويل وزفرتو) و براءتي دي دايما بدفع تمنها غالي...

(قبلت عليها وهي لسه في نفس الوضع) عارفه يا غيم كنت دائماً بتمنى اكون زيك مفتحه وواثقه من نفسي ومستعده اعمل اي حاجه عشان نفسي وما يهمني رأي زول فيني يعني امشي بمزاجي بس.. كنت بتكيف ليك شديد
غيم: بس انا ما مفتحه ولا واثقه من نفسي والحاجات البعملها عارفه انو عواقبها حتكون وخيمه لكن مع ذلك بتمادى فيها.. دي انتي شايفاها تفتيحه وثقه في النفس ؟
مروة: ايوه والله.. يعني قصدي "كنت" شايفاها كدا
غيم: انتي كيف قادره تعملي معاي دا كلو رغم العملتو فيك؟ انا خنتك وكسرتك وخليتك تنفصلي من اكتر انسان بتحبيه، ولو في زول مفروض يقيف جمب التاني في الوقت دا ف هو انا
مروة: برضو حتفضلي صحبتي الوحيده... شوفي يا غيم انا ما بنكر اني من وقت عرفت الحقيقه ولحدي اللحظه دي زعلانه ومتضايقه منك شديد لكن انا لأني صحبتك عارفاك، عارفه جواك شنو.. انتي نظيفه من جوا بس عندك اعتقادات خاتاها في بالك ومقتنعه بيها وهي غلط.. زي مثلاً كل حاجه تشوفيها وتعجبك لازم تكون حقتك سواء بملكها غيرك ولا لا.. بتحاولي بكل الطرق تاخديها عشان تثبتي لي نفسك انو ماف زول بقدر عليك... والاعتقادات دي بتقدري تغيريها لو عايزه
غيم: انتي بتجملي الكلام ليه؟ دي ما اسمها معتقدات دا حسد وحقد وانانيه
مروة: انتي عايزه تتغيري ولا لا... السكوت علامة الرضا حنبدا نتغير سوا واول شي بالانتظام في الصلاااااه، سامعه؟
غيم: غسان عمرو كلو ما حيسامحني انا خسرت اخوي يا مروة
مروة: ما تقولي كدا.. غسان بعصب في وقتو لكن بعدين بحن وبرجع براهو ما عارفاهو انتي؟
غيم: وليه ما رجع لحدي يوم الليله؟
مروة: الحصل ما هين بالنسبه ليهو، خليه ياخد فترة زعلو ويرجع... منظري بقى بايخ شديد قدامو تاني عيوني ما بقدر ارفعها ليهو
غيم: هه انتي ولا انا
مروة: يا بت هو سمع كلامنا كلو بالكلام الفلتي بيهو... لكن ما مشكله المهم هسي انو يسامحك
مسحت الدمعه النزلت من عيونها وقبلت بالجهه التانيه، ختت راسها فوق رجول مروة وقالت: انتي ما انسان زينا ، انتي ملاك..
_& _

مسحت المطبخ وفتحت المروحه عشان ينشف.. كشحت المويه وغسلت القطعه وعلقتها في البلكونه.. ابوي وطارق كانو نايمين ونور الصاله مطفي مشيت طفيت نور المطبخ ودخلت الغرفه.. قعدت في السرير وكنت حاسه بتعب شديد من جيت من المستشفى شغاله ما ارتحت، شلت تلفوني من الشاحن عشان اتصل لي خنساء، لي يومين ما اتكلمت مع طلال كل ما اتصل يا بقولو ما رجع من المدرسه يا نايم يا مع رامي.. فتحت الشبكه ولقيت مكالمه فائته في الواتس رجعت لنفس الرقم وكنت مقلقه.. اول ما الخط فتح قال لي المرحومه.. قلت ليهو اهلين استاذ والي كيفك.. قال لي وين انتي يا بت.. قلت ليهو والله تقول شنو يا أستاذ الحمدلله بس.. قال لي اخوك اخبارو شنو.. قلت ليهو كويس الحمدلله ماشي في تحسن انت عرفت كيف؟.. قال لي يوم بالصدفه بتكلم مع غسان ولمن سألتو منك وراني.. قلت ليهو متين.. قال لي ايام خليتي الشغل... قلت ليهو ايواا انت كيف اخبارك.. قال لي والله الحمدلله بخير وعافيه ما عندي عوجه نازل السودان قريب كمان.. قلت ليهو كويس والله.. قال لي احتمال ارجع نهائي المره دي.. قلت ليهو والله؟.. قال لي اي، خلاص بعد دا الواحد يتلم مع اولادو، مش كان قلت ليك شغال في الوكاله بتاعتي .. قلت ليهو اي خلصتها؟.. قال لي اي وبدو شغل ليهم كم يوم.. قلت ليهو ما شاء الله والله معناها خلاص تاني ماف حاجه بترجعك السعوديه.. قال لي اي، يلا ما اطول عليك تصبحي على خير ووصلي سلامي للاهل.. قلت ليهو يصل ان شاء الله..... بعد قفلت منو جاني احباط كنت مفتكراه حيجيب لي سيرة غسان لكن ما قال حاجه بخصوصو.. اتصلت لي خنساء واتكلمت مع طلال لكن ما طولت لأنو كان بقرا.. بعد قفلت التلفون لسه في يدي ضرب تاني افتكرتها خنساء رجعت لي، حسيت برعشه لمن شفت اسمو "غسان❤️" متصل لي بعد اكتر من اسبوعين عشان شنو ؟؟... ما رديت رقدت وختيت التلفون جمبي، ضرب تاني اترددت كتير بين قلبي البقول لي ردي واسمعي اسبابو وبين عقلي البقول لي انتي عارفه انو كان كويس تاني البخليهو يختفي كدا شنو؟.... وكالعاده انتصر قلبي رديت وختيت التلفون في اضاني بدون ما اتكلم، اول ما سمعت صوتو بقول ميسم.. دموعي جات جاريه، غطيت خشمي وزحيت التلفون من اضاني عشان ما يسمع شهقاتي... رجعتو تاني وقلت نعم.. قال لي كيفك.. قلت ليهو كويسه... سكتنا مسافه بعدين قال لي حتسمعيني؟.. قلت ليهو لو ما عايزه اسمعك ما كان رديت... سمعتو بياخد نفس طويل بعدها قال لي انا ما قادر استوعب لحدي الان الحاصل وما عارفك حتستوعبي ولا لا، قبل فترة قبضت اختي وصحبتهل بتكلمو وو........ حكا لي الحصل كلو بعد خلص قال لي انا لحدي اللحظه دي ما رجعت بيتنا تاني المره دي لو شفتها ما عارف حاعمل فيها شنو، ولمن رجعت للسجلات بتاعت المصنع وشفت اسم طارق مطابق لاسمك واتذكرت الفترة الكان مفروض ينزل فيها نفسها الحصلت ليهو فيها الحادث اتأكدت انو اخوك...

قلت ليهو وانا ذنبي شنو؟ ليه بتعاقبني على ذنب عملو اخوي... قال لي ميسم انتي قادره تستوعبي كلامي؟ بقول ليك طارق لعب بي اختي.. قلت ليهو انا ما مستغربه من الحكيتو لي ولا بستبعدو لأني عارفه اخوي وحركاتو.. قال لي وانا طلعت ما بعرف اختي... قلت ليهو دا ياهو السبب يعني.. قال لي انا لمن ازعل بزعل الحوليني عشان كدا اخترت اني ابقى بعيد منك الفترة دي على الاقل لحدي ما اهدا شويه.. ما رديت عليهو قال لي قولي حاجه.. قلت ليهو اديني فترة اعيد فيها ترتيب افكاري.. قال لي ما فاهم!.. قلت ليهو وانت كمان فكر ، يمكن نحن اتسرعنا او يمكن مشكلة اخوي دي حتبقى لينا عائق في... قاطعني وقال لي انا ما بفكر بالطريقة دي.. قلت ليهو لو ما بتفكر بالطريقة دي ما كنت سفهتني المده دي كلها، غسان انا ما عايزه اوريك الكان حاصل لي الفترة الفاتت دي لكن خليك عارف انك شككتني في نفسي وخليتني افكر في حاجات كعبه كنت خايفه يكون حصل ليك شي وانا ما قادرة اصل ليك... قال لي آسف.. قلت ليهو ما عايزاك تتأسف مني كل العايزاه نبعد شويه.. قال لي نبعد؟!.. قلت ليهو ايوه نبعد، زي ما قدرت تبعد الفتره الفاتت دي كلها حتقدر تبعد الفترة الجايه كمان... قال لي ميسم ما تعملي كدا.. قلت ليهو تصبح على خير .... قفلت قبل اسمع ردو، قلبي كان واجعني شديد وزي كل الليالي الفاتت عديت الليل كلو بكا والمره دي كنت موجوعه اكتر.. انا شكلو اتكتب لي اكون وحيده وتعيسه عمري كلو الفرح ما بشبهني ولا انا بستحقو، كل ما اقول خلاص فُرجت والدنيا بدت تضحك لي بلقى نفسي دفعت تمن كل لحظه حلوه عشتها، خلاص آمنت بالحقيقه دي وتاني مهما حصل لي ما حاتحمس لي شي ولا ابذل كل مجهودي عشان احافظ على حاجه ليها اثر فرحه ولو بسيط في حياتي.......
تاني يوم كانت اخر جلسه لي طارق والمره دي كان بمشي مع عرجات بسيطه، ابوي سأل الدكتورة اذا ممكن نرجع بعد دا قالت ليهو ايوه عادي ببتقدروا ترجعوا... في نفس اليوم محجوب حجز وجا قال لينا حنسافر بداية الاسبوع الجاي.. بديت اغسل واستف حاجاتنا وكنت بحاول بقدر الامكان اشغل نفسي وما افضى لي تفكير ولا ذكريات، بشتغل وبدخل وامرق لحدي ما الليل يجي بلقى نفسي هلكانه ونمت طوالي... لمن ركبت الطيارة اتذكرت المره الفاتت وقت جايين كنت مشتاقه ليهو قبل اسافر حتى، ما بنكر اني هسي كمان مشتاقه ليهو بس المتأكده منو انو مشاعري ما نفسها.. قبلت على الكراسي القصادنا وشفت طارق ومحجوب بتونسوا ويضحكوا مع بعض، حسيت اللحظه دي اني عايزه اقوم واخنقهم الاتنين، اول مره احس بالكره دا تجاه زول والزول دا يكون منو؟ اخوي!! اذيتو لي ما وقفت عند حدود بيتنا وبقى حتى في حياتي الشخصيه ملاحقني سألت نفسي تاني انا ارتكبت ياتو ذنب في الدنيا عشان ربنا يعاقبني باخو زي طارق؟.. اتنهدت واتكلت براسي على الكرسي قبلت على الشباك وغمضت عيوني....
وصلنا البيت ٨ مساء عمو عبدالله وناس بيتهم كلهم كانو قاعدين سلمو علينا وبكو زي الفارقنا بعض سنيين.. الغريبه انو ولا دمعه مني ما نزلت، شكلي بقيت مجرده من المشاعر.. خالتي صفيه وعمي عبدالله مشو جابو العشا الرجال قعدو براهم ونحن برانا، خنساء واخواتها كانو بسألوني من مصر والحتات المشينا ليها وووو.. لحدي ما خالتي صفيه شاكلتهم وقالت ليهم خلو الاسئلة دي لي بكرا لمن ميسم ترتاح.... بعد اتعشينا مشو طوالي، كنت عايزه انوم جاني طلال قال لي انتي كويسه؟ .. قلت ليهو مصدعه بس .. قال لي اجيب ليك بندول؟... ابتسمت وقلت ليهو مافي داعي لو نمت بروح.. لي طيب ارقدي اقرا ليك شويه... رقدت وهو جا قعد جمبي ختا يدو فوق راسي وبقى بقرا لي لحدي ما نمت..... تاني يوم صحيت متأخر كنت لسه مصدعه وجاتني لفة راس لقيت طلال طلع المدرسة وابوي وطارق بشربو في جبنه قلت ليهم صباح الخير.. ابوي قال لي صباح النور دا كلو تعب؟.. قلت ليهو ما قايله نفسي بنوم دا كلو، شربتو الشاي انتو؟.. ابوي قال لي اي شربنا وعملنا قهوتنا.. قلت ليهو كويس.... بعد صليت دخلت المطبخ واول شي شميت ريحة اللبن وبطني طمت حسيت اني حارجع وطلعت برا بسرعه وقفت طرف الحيطه في الحوش وقعدت في الارض.. ابوي جا قال لي مالك يا بت؟.. قمت وغسلت وشي من الابريق قلت ليهو بطني قلبت شكلي اكلت كتير امس.. قال لي اشربي ليك نعناع .. قلت ليهو كويس... قطعت من النعناع بتاع طلال ولمن دخلت المطبخ تاني جاتني ريحة اللبن ما كنت قادره استحملها طلعت تاني قلت بعد انظف بعملو.. البيت كان أساساً نظيف فما تعبت نفضت بس وشديت الملايات.. خالتي صفيه جات صبحت علينا وقالت لي كيف مع تعب السفر قلت ليها تعب شديد صداع ولفة راس وطمام، لمن مشينا مصر ما تعبت زي دا.. قالت لي ما اخدتي حاجه؟.. قلت ليها امس طلال قال لي بحيب ليك بندول قلت ليهو لو نمت ببقى كويسه لكن صحيت بيهو والطمام دا من امس كان بسيط لكن الليله مبالغه.. قالت لي اسوي ليك نعناع؟.. قلت ليها اي عليك الله انا قطعتو قبيل بتلقيهو فوق الفرن... عملتو وجات قعدت معاي قالت لي اها اخبار البريود شنو...

قلت ليها من اخدت العلاجات ما جاتني مواعيدها بعد ٥ يوم.. قالت لي كويس طيب، مش قلت ليك الدكتور دا شاطر؟ .. قلت ليها صحي والله......
المساء غسان اتصل لي، ما رديت رسل لي " ميسم رجاءً اديني فرصه، انا عارف نفسي غلطت ومستعد اعمل اي شي عشان تسامحيني بس ما تنهي البينا.. عرفت من مرتضى انكم رجعتو لو دايراني بكرا اجي البيت بجيكم".. مع اني فرحت وقلبي حن لمن قريتها لكن ما رديت برضو قلت حاخليهو كم يوم بعدين اتصل واوريه اني سامحتو دا لو قدرت اصبر لأني اشتقت ليهو وبقيت ما قادرة استحمل غيابو اكتر من كدا... عدا اسبوع وحالتي كل يوم ماشه اكعب الصداع خف لكن لفة الراس والطمام ذادو ذياده وجاني فوق ليهم فتور ما طبيعي لو قمت من السرير ساي بحس نفسي تعبانه كأني كنت شغاله النهار كلو... ابوي جا المساء من الشغل لقاني راقده قال لي مالك لسه تعبانه؟.. قلت ليهو الحمدلله.. قال لي قومي قومي نفحص ليك.. قلت ليهو ما قادرة يا ابوي .. قال لي بنادي ولد عيسى دا يودينا بي ركشتو.. قلت ليهو لحدي الصباح لو ما بقيت كويسه نمشي....
تاني يوم جا لقاني بنفس الحاله قال لي قومي البسي.. طلال كان ماشي معانا لكن حميتو قلت ليهو امشي مدرستك ساي، قال لي عندنا حصتين مراجعه بس قلت ليهو برضو امشي احضرهم.... طلعنا انا وابوي.. طارق اليوم داك كان ما شغال قلت في نفسي هسي لو كان مشى معاي بدل ابوي مالو بدل ابوي يخلي شغلو..... مشينا المركز فصحنا وقعدنا مستنين النتيجه لمن اخدناها دخلنا للدكتور وقعدنا.. كان ماسك طرف النظاره وبعاين لورقة النتيجه بعد مسافه رفع راسو وقال لابوي بنتك؟.. ابوي قال ليهو ايوه.. قال ليهو مبروك يا عم عثمان حتبقى جد قريب... انا وابوي عاينا لي بعض باستغراب ابوي قال ليهو قلت شنو يا دكتور؟.... قال ليهو بتك حامل في الاسبوع التاني... ابوي قام بدون ما يقول اي شي قمت وانا حاسه راسي بقى تقيل والدنيا كلها لافه بي اترنحت و ثبتت في الكرسي.. تاني ما حسيت بي نفسي الا وانا راقده في سرير في نفس المركز شفت بطشاش واحده فوقي بتفك لي في الدرب، ساعدتني عشان اقعد وقالت لي طفلك ما متغذي كويس ما تهملي نفسك يا بتي انتي لسه في الشهور الأولى... كنت حاسه اني بحلم لا حاسه اني في كابوس، كابوس مرعب شديد.. ابوي كان واقف سأل الدكتورة نمشي؟ قالت ليهو ايوه بتقدروا تمشو...... كنت في عالم تاني ما عارفه طلعنا متين وركبنا شنو ووصلنا كيف فجأة لقيت نفسي جوا بيتنا.. دخلت العريشة وشفت طارق راقد بحضر في الاخبار وطلال جمبو بطلع في كتب من الشنطه قال لي رجعت قبلكم ، اها قالو ليك شنو... قعدت في السرير ونزلت راسي بقيت بدعك يديني وجسمي كلو كان برجف.. سمعت طارق بقول في شنو يا ابوي؟.. عاينت بطرف عيوني لقيتو خطف منو الورقه وقال دا شنو؟.. ابوي قال بي حيل مهدود: حامل، بتي حامل..... فجأة طارق جا مسكني من ذراعي وقومني من السرير لزاني في الواطه وبقى بشلت فيني وبكورك : حامل ؟ حامل من منو يا وسخه يا قليلة الادب قومي يا سفيهه قومي... قلت ليهو ما عملت حاجه انا يا طارق ابوي انا ما سويت شي والله العظيم ما سويت شي..
مشى شال عكاز وبقى بضربني وبقول لي قولي قولي ولد منو قولي قولي... زحا مني ونفسو قايم
قمت من الارض وكل عضمه في جسمي بتوجعني رفعت راسي لقيتهم كلهم بعاينو لي.. ابوي، طارق، طلال ..خالتو صفيه جات خاشه وتوبها نصو فيها ونصو في الارض بقت تسأل الحاصل شنو في شنو؟؟؟؟.. قلت ليهم وانا ببكي وبشهق: والله ما عملت شي وقسم بالله ما عملت حاجه لي ما دايرين تصدقوني.. طارق كان جاي علي بالعكاز الشايلو ورافعو فوق ،ختيت يدي في راسي وغمضت عيوني.. حسيت بي يد بتجرني وتضمني فتحت عيوني لقيتها خالتو صفيه قالت لي طارق: جنيت؟؟ دا شنو العاملو في اختك دا.. كان نفسو قايم وعيونو مولعه شرار، عاينت لابوي لقيتو قاعد في الكرسي وخاتي يدو فوق راسو قلت ليهو ابوي والله انا ما سويت شي.. طارق قال لي وهو بكورك بأعلى حس: والفي بطنك دا جا من وين ممكن افهم؟ بتستغبينا انتي ولا فهمك شنو؟؟ عورة نحن ولا متخلفين ولا ما بنفهم؟؟؟ ميسم لا اله الا الله حتقولي ود الحر**** دا من منو ولا اعرف بطريقتي... قلت ليها خالتو صفية وقسم بالله انا ما عارفه دا حصل كيف وريهم يا خالتي وريهم انو انا ما بعمل حاجه توطي راسهم .. خالتو صفيه كانت بتعاين لي كأنها ما مصدقه، اذا حتى انا ما قادرة استوعب الحاصل هي حتصدقني كيف؟!!! عاينت لي طلال لقيتو منزل راسو ومتكل على العصاية بتاعتو مشيت مسكتو من يدو وقلت ليهو طلال انا ممكن اعمل حاجه زي دي؟ اختك بتعمل عمله زي دي؟؟؟؟ ما رد علي وكان لسه منزل راسو.. رجعت عاينت ليهم وقلت احلف ليكم بشنو؟؟ احلف بشنو اني ما غلطت مع زول ولا عارفه الفي بطني دا جا كيف.. وقعت في الارض وانا ببكي وحاسه صوتي حيروح: ورحمة امي ما عملت شي واقسم بالله العظيم ما عملت حاجه..

*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#كفة~مائلة《21》*
*#بقلمي~لينه~جمال*
*ہہہہـہہہہہـہہـہہـہہہہہـہہہـہہہہہـہہـہہہــــــــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
وقعت في الارض وانا ببكي وحاسه صوتي حيروح: ورحمة امي ما عملت شي واقسم بالله العظيم ما عملت حاجه..
طارق دخل المطبخ وجا طالع وهو شايل سكينه ورافعها فوق: الليله بقتلكم الاتنين بقتلك انتي وود الحر*ام الفي بطنك يا مطلوقه... خالتي صفيه وقفت قدامو وفتحت يدينها قالت ليهو اوعى اوعى تقرب منها، عثمان قوم امسك ولدك دا قبل يعمل للبت دي حاجه... طارق لزاها لمن وقعت في السرير.. فجأة لقيت طلال واقع قدامي قعد على ركبو وضماني وهو بقول: لو داير تقتلها اقتلنا الاتنين.... بقى بقرا بصوت واطي ايات من سورة ياسين كنت سامعاهو انا بس وحاسه بجسمو البرجف وهو ماسكني.. طارق مسكو ولزاهو وقع على ظهرو في الارض صرخت وانا بنادي باسمو: طلال طلال انت كويس؟..... زحفت وانا ماشه عليهو.. ابوي فجأة كورك: طاارق ..... كلنا سكتنا وقبلنا عليهو.. ساعدت طلال عشان يقيف وبقيت واقفه جمبو وماسكاهو.. خالتي صفيه جات حاوطتنا بي يدها بقينا واقفين كلنا وبنعاين لي ابوي .. قام من الكرسي وقال اطلعو كلكم من هنا.. طارق قال ليهو ابوي خليها لي انا بأدبها.. ابوي قال ليهو بي حدة: قلت ليكم اطلعو.. خالتي صفيه قالت ليهو حنطلع لكن براحه عليها يا عثمان.. ساقت طلال وطلعو وطارق كان لسه واقف ابوي لمن عاين ليهو جدع السكينه وحمر لي بعد داك طلع... عاينت ليهو والدموع ماليه وشي قلت ليهو ابوي احلف ليك بشنو؟ والله العظيم انا ما عارفه دا حصل كيف، ابوي انت ما عارفني؟ ما عارف بتك، انا ممكن اعمل حاجه زي دي؟.. قال لي انا غلطت في شنو عشان توطي راسي كدا، من امك اتوفت انا كنت شايل الهم لأنك كنتي صغيره وفي عمر حساس كنت خايف يجي يوم زي دا وحاولت بكل الطرق احافظ عليك لحدي ما تعرسي وتمشي بيتك، ما كنت بخلي زول غريب يخش بيتنا ولا بخليك تطلعي حته براك حتى جوا الحله منعتك تمشي بيت غير بيت عمك، لمن نزلتي الشغل كنت خايف لكن قلت بتك يا عثمان بقت كبيرة ومسؤولة وعاقلة بعد العمر دا ما بتغلط وتجيب ليك السمعه لكن ثقتي طلعت ما في محلها.. قلت ليهو ابوي ان.... قاطعني وقال لي هسي بدون نقاش كتير دايرك توريني غلطتي مع منو.. قلت ليهو والله ما غلطت يا ابوي اثبت ليك كيف بس انت قول لي.. قال لي والطفل دا جا من وين.. قلت ليهو بحيل مهدود: ما عارفه ياخ واقسم بالله ما عارفه، دقيقه يمكن الود داك عمل فيني شي.. قال لي منو؟.. قلت ليهو محجوب مافي زول غيرو اي دا هو... قال لي بي نهرة: دا كلام شنو محجوب ما بعمل حاجه زي دي وحتى لو عمل انتي ما حسيتي بي شي ولا كان مغمى عليك؟.. قلت ليهو يعني انت بتثق في مححوب وما بتثق في بتك يا ابوي؟ الولد دا اخبث انسان على وجه الارض ليه ما قادرين تشوفو وشو الحقيقي... اداني كف ورفع سبابتو قال لي اوعك تتهمي ود الناس بالباطل، انتي الغلطتي الغلطه دي وشكلك ما حتقولي مع منو لكن انا حاعرف بي طريقتي... طلع وانا قعدت بتهالك على السرير ما فاهمه دا شنو الحاصل لي دا ولا لاقيه ليهو تفسير غطيت وشي بي يديني وبقيت ببكي بدون صوت.. سمعت صوت خالتي صفيه بتقول لي ميسم... جات قعدت جمبي وبقت تمسح على كتفي وتهديني قالت لي روقي يا بتي روقي كلو بتحل ان شاء الله..

قلت ليها شنو البتحل يا خالتي صفيه وريني ليه انا بحصل لي كدا اشمعنى انا يعني، كل ما تحصل لي مشكلة اقول اصبري يا ميسم اصبري حيجي يوم وربنا يعوضك صبر السنين الفاتت كلها لكن شكلو لحدي ما اموت ما حيجي اليوم دا.. بقيت بضرب رجليني وابكي بحرقة: يارب تعجل بي امري و اموت الليله قبل بكرة يااارب انا ما قادره خلاص الفيني كملت يا رب موتني وريحني من العيشه دي..... خالتي صفيه بقت تبكي معاي وتمسح على ظهري قالت لي يا بتي ما تقولي لي كدا العني الشيطان واستغفري دي كلها ابتلاءات من ربنا عشان يمتحنا، ربنا بريدك يا ميسم عشان كدا ببتليك كتير ما تضيعي الاجر بالسخط يا بتي استغفري والعني الشيطان استغفري يا بتي.... طلال جا قعد جمبي بدون ما يقول حاجه عاينت ليهو وشفت نظره انكسار في وشو قلت ليهو انت برضو ما مصدقني؟ .. قال لي نتكلم بعد تهدي.... خالتي صفيه قعدت معاي لحدي العصر بعد داك ساقتني معاها بيتهم.... ما عارفه قعدت معاهم كم يوم كنت بفضل اليوم كلو راقده ما بقوم الا وقت الصلاه والحمام.. حتى الاكل والادويه خنساء وخالتي صفيه كانو بدوني ليها بالعافيه عايشه حياة جسد بدون روح كنت بتمنى يجي يوم واعرف المعجزة الحصلت لي دي شنو كل يوم بنوم على امل اصحى والقى نفسي كنت في كابوس للحظه دي ما مستوعبه ولا قادره افهم دا شنو الانا فيهو دا.. خنساء كل يوم بتقعد تتونس معاي وتحكي لي بدون ما تلقى مني استجابه، ما سألتني عن الحصل ولا جابت لي سيرتو.... طلال كان بجيني كل يوم يسأل ناس خالتي صفيه من حالتي ولمن يجي يتكلم معاي ما كنت برد ليهو بس دموعي بتجي جاريه ما قادرة اصدق انو حتى طلال اخوي واقرب زول لي في الدنيا دي ما مصدقني.. لكن سكاتي دا ما كان زعل منو لأني لو كنت مكانو وشفت الحصل دا مع اختي ما كنت صدقتها.... يوم وانا راقده خنساء جابت لي التلفون قالت لي هاك دايرنك، بالي طوالي مشا لي غسان قمت بلهفة وشلتو منها، بعد ادتني ليهو طلعت طوالي.. قلت غسان؟... قال لي غسان منو كمان... سمعت صوت اكتر زول بكرهو في حياتي قال لي قولي لينا مبروك.. قلت ليهو داير شنو.. قال لي داير ابارك لينا مقدما، ماشي اخطبك من ابوك الليله... قلت ليهو ما تعذب نفسك ما حيوافقو... كنت عايزه اقفل لكن سمعتو بقول: عشان حامل؟.... قلبي بقى بضرب سريع رجعت ختيت التلفون في اضاني، قال لي: انا عارف طارق كلمني وهو الطلب مني اجي اتقدم... دموعي جات جاريه قلت ليهو وانا ببكي: انتو الاتنين كلاب ووسخين انا ما دايراك ما دايراك انت ليه ما داير تفهم بقتل روحي وما بعرسك ياخ انت ليه ما داير تفهم.... سمعت صوت الخط بقفل ختيت التلفون وقعدت ابكي خنساء جات جاريه قالت لي ميسم مالك؟ دا منو الاتصل دا قال ليك شنو... قلت ليها خنساء انا انتهيت انا حياتي خلاص اتدمرت💔💔..

____

السلام عليكم عمي عثمان كيفك..
عثمان: اهلا اتفضل
محجوب دخل وحسا بالجو المكهرب: الحاصل شنو
طارق: مافي شي
محجوب: عمي انا كنت جاي اتكلم معاك في موضوع
طارق: محجوب، خلي الموضوع دا هسي
عثمان: في شنو؟
محجوب: اخليه ليه؟
طارق: قلت ليك خليه يعني خليه
محجوب رجع عاين لي عثمان بدون ما يرد على طارق: انا جاي اطلب يد بتك ميسم على سنة الله ورسوله
عثمان عاين لي طارق ورجع عاين لي محجوب: مالك يا عمي؟ لو ما داير تدين ليها وريني عادي في النهايه الحاجه دي قسمه ونصيب انا صراحه كنت داير افاتحك في الموضوع دا من بدري لكن جات سفرة مصر وعملية طارق وقلت دا ما وقتو لمن نرجع ان شاء الله بكلمك
عثمان: لا يا ابني دا كلام شنو نحن حنلقى زيك وين لي بتنا
محجوب: يعني دي اعتبرها موافقه؟
طارق: ايوه
عثمان عاين لي ولدو بخلعه
محجوب: تمام انا في اقرب وقت بجيب اهلي وبجيكم
عثمان: محجوب استنى
بعد قام رجع قعد تاني: اتفضل يا عمي
عثمان: ممكن تديني وقت افكر فيهو؟
محجوب: جدآ ما عندي مشكلة، بس لو شايل هم الحمل ف انا عارفو ميسم حكت لي اي شي وكيف الولد الكان ساكن في العماره غشاها واغت*صبها..
طارق: دقيقه دقيقه دا منو دا
محجوب: كان ساكن في الطابق الفوقنا، تتذكر ايام كنت راقد في المستشفى وانا وعمي عثمان كنا بنبيت معاك؟ هو شكلو عرف انو في بت قاعده براها في الشقه دي وعمل نفسو داير يوصل حاجات نحن موصنو عليها.. اداها اكياس وقال ليها داير مويه، هي تاكت الباب ودخلت لحدي ما تجيبها ليهو اتفاجأت بيهو خشا وقفل الباب وكان معاهو نفرين و.... الباقي ماف داعي احكيهو
عثمان ختا يدينو فوق راسو: لا حول ولا قوة الا بالله العلي العظيم حسبي الله ونعم الوكيل
محجوب:ميسم ما عندها ذنب في الحصل دا يا عمي وهي ما حكت ليكم عشان خجلانه
طارق وابوهو اتبادلو النظرات بخجل

محجوب: يلا استأذنكم حاستنى ردك يا عمي وبتمنى تفكر في الموضوع دا كويس، ميسم مافي زول حيقبل بيها تاني ولا حيصدقوا انو ولدها دا جا نتيجة اغت*صاب وممكن تقعد عمرها كلو عانس عشان كدا انا ما داير ءاجل قصة العرس دي اكتر من كدا ، انا بتحمل مسؤولية الولد دا ومستعد اربيهو زي ولدي واحد
بعد طلع طارق قام على حيلو وقال: بقتلها الليله بقتلها.... عثمان وقف قدامو وقال ليهو استنى المره دي فكر بي عقلك وخلي الهمجيه بتاعتك دي... طارق عاين ليهو بنظرات ما مفهومه: يعني حتوافق؟
عثمان: انت شايف في حل احسن من كدا؟

بعد طلع رسم ابتسامه خبيثه على وشو بقى ماشي على البيت وهو بتذكر المكالمه الجاتو امس
Flash back..
كان في الجبنه مع اصحابو، طلع التلفون من جيب البنطلون لمن سمع صوت نغمتو، اول ما شاف الاسم اتأفف وصمتو ودخلو راجع.. لمن زهج من تكرار المكالمه البتجيه ورا بعض قام من جمبهم ورد
_ يا ولد انت وين بدق ليك دا كلو ما بترد
محجوب: كنت في ندوه يا عمي
_ ندوة شنو؟
محجوب: بعد صلينا المغرب الشيخ عمل لينا محاضرة
_ ايوااا ،كدي اسمعني هسي في واحد ضرب لي قال داير رقم الناس الكانو مؤجرين شقتي الفي مصر الفترة الفاتت دي واديتو رقمك لكن ما عرفتو داير شنو
محجوب: دا منو هو
_ ياخ انا البعرفني شنو حتى اسمو ما قالو لي لكن مصري عرفتو من لهجتو
محجوب زح التلفون من اضانو لمن سمع صوت مكالمه دخلت ليهو: كدي اقفل يا عمي في رقم مفتاحو مصري ضارب لي
_ لمن تنتهي دق لي وريني قال ليك شنو
بعد قفل محجوب رد طوالي
_ السلام عليكم
محجوب: وعليكم السلام
_ حضرتك عثمان الشيخ؟
محجوب: ايوه
_ يا استاذ عثمان معاك عَمْر محمود دكتور النساء والتوليد اللي كانت متابعه مع بنت حضرتك
كشر حواجبو باستغراب وقال: ايوه اتفضل يا دكتور في حاجه؟
_ انا دكتور حالف يمين و ما بقدرش اخبي عليك حاجه زي دي علشان كدا اول ما عرفت فوراً اتصلت بيك... تعبت جدا علشان اقدر اوصل ليكو المهم يا استاذ بنتك امّا جات للمقابله انا كنت مسافر وماسكه بدالي دكتورة شاطرة جداً وموهوبه والغلط اللي حصل كان من بنتك مش منها
محجوب: غلط شنو
_ ااا هي بنتك كويسه ما فيهاش حاجه؟
محجوب: ما فاهمك
_ بنتك ميسم اخدت حقنة تلقيح صناعي بالغلط كان مفروض تاخدها بنت تانيه اسمها ميسم بردو ف لما جا دور البنت التانيه ميسم دخلت بدالها واخدت الحقنه ديت، صدقني انا مش عارف اقولك ايه بس دا مش غلطنا هي اللي فهمت او سمعت غلط ودخلت في دور مش دورها.. انا بتمنى انك تفهمني وما تكبرش الموضوع وتوصلو للقضايا العليا لأنو انا مش هخسر وحتى لو خسرت مش هيكون اد بنتك اللي لسه صغيره والدنيا قدامها.. على حسب ما عرفت انكو رجعتو السودان، انا بنصحك تروح لدكتور وتكشف عليها ولو حصل حمل بتقدر ترجع مصر تاني ونعالج الموضوع دا انا ما عنديش مشكله خالص هاعملكو كل اللي عايزنو وببلاش
محجوب: دا كلام شنو يا دكتور وانا من عرفت بتي حامل كل يوم اضرب فيها واسألها دا ولد منو تؤ تؤ تؤ خليتني اندم هسي
_ انا اسف جدا معاك حق
محجوب: بنقدر نعالج الموضوع بيناتنا عادي ما حاكبرو واوصلو المحاكم
_ نحلو ازاي، هـتيجوا مصر؟
محجوب: لالا جيتنا لي مصر بتكلفنا قروش كتيرة، ونحن ناس على قدر حالنا
_ ايوه وبعدين
محجوب: يعني لو دفعت حاجه بسيطه كدا الموضوع بنتهي
_ انت بتقول ايه
محجوب: شوف يا دكتُر الموضوع دا لو وصل للمحاكم بتي ما بتضرر بحاجه بالعكس الناس دي كلها حتعرف انها هي المظلومه اما انت ف سمعتك حتبقى في الواطه ف شنو احسن نسويها بيناتنا من سكات
_ تصدق انت مش اب انا الغلطان اللي بقيت ابن اصل واتصلت عشان اعرفك الحقيقه
محجوب: شكراً
_ عايز كام
محجوب: اول شي وريني الولد الفي بطنها دا ولد منو؟
_ لو وريتك اسمو هتعرفوا يعني؟
محجوب: لا بس يمكن افتش عنوو واكلمو بالحاصل.. انت كلمتو
_ لا ما قدرتش اوصلو لغاية دلوقتي بس هو سوداني اسمو باسل مش عارف اسمو بالكامل بس مراتو اسمها ميسم عبدالرحيم
محجوب: ايواا عرفتهم عرفتهم ياخ معقول ما قادر اصدق والله، خلاص انت ما تتعب نفسك انا بكلمهم بطريقتي
_ بِجد؟
محجوب: ايوه ايوه خلي الموضوع علي.. هسي خلينا في المهم

بعد قفل اتذكر الايام الفاتت لمن كان بمشي وبلاحظ للتوتر الحاصل في البيت ولي اختفاء ميسم المفاجئ الغير طبيعي سأل نفسو " ياربي عملو ليها شنو وودوها وين؟" ابتسم بخبث " المهم انها لصالحك يا محجوب"
_____

باقي اليوم دا عديتو كلو بكى.. انا متأكده لو محجوب مشى لي ابوي حيوافق بدون ما يتردد ثانيه، هو من غير الحمل كان حيوافق وهسي ماف مجال للشك.. لكن محجوب البخليهو يعرس وحده حامل من غيرو شنو ؟ معقوله طارق يكون زن عليهو؟.. لكن برضو ما منطقي، لو ابوي وافق ما عارفه حيحصل لي شنو انا خايفه شديد من الموضوع دا وحاسه راسي حيتفجر من كتر التفكير..

المساء سمعت صوت ابوي في الصاله بسلم، قلبي قبضني، قعدت في نص السرير وبقيت بعاين للباب مستنياهو يخش في اي لحظه.. فعلاً ما عدا وقت كتير وجا داخل ما قال شي غير " لمي حاجاتك وارح البيت" قلت ليهو في حاجه يا ابوي؟.. عاين لي بدون ما يرد بعد داك طلع... النظرة الشفتها فيهو ما قدرت افهمها، لميت ملابسي وقبل اطلع معاهو خالتي صفيه قالت لي ما تنسي ادويتك انا بضرب لي ابوك بجي واسأل اخدتيها ولا لا..... مشينا البيت طارق وطلال كانو في الحوش ابوي قال لي اقعدي.. قعدت جمب طلال وهو قعد في السرير التاني جمب طارق كنت منزلة راسي وماسكه دموعي بالعافيه بعد مسافه قال لي الجمعه الجايه حنعقد ليك على محجوب... رفعت راسي بخلعه، مع اني كنت متوقعه دا يحصل من وقت محجوب اتصل لي لكن لمن سمعت كلام ابوي حسيت برعشه بتسري فيني قلت ليهو شنو؟ حتعرسوني ليهو... طارق قال لي ايوه عندك مانع؟... قلت ليهم انا ما دايراهو لكن... طارق قال لي بي نهرة: كمان بتقولي رايك؟؟ ما دايراهو لشنو، بدل ما تحمدي ربك زول جا يسترك تقولي ما دايرة؟؟ ... ابوي قال لي انا ما كلمتك عشان اخد رايك وريتك عشان تكوني عارفه بس... قعدت جمبو وقلت ليهو ابوي حرام عليك البتعملو فيني دا انا ما بقدر اعيش مع الانسان دا ما بقدر والله يا ابوي.. طارق مسكني من ذراعي وجراني لحدي الغرفه قال لي الاوضه دي ما تطلعي منها لحدي يوم الجمعه يجي، اكلك وشرابك زاتو بصلك هنا قسما بالله تعتبي برا اكسر ليك رجلينك ديل فاهمه ولا لا.... طلع وقفل الباب وراهو قعدت في الارض وضميت رجولي علي ختيت راسي بي فوقهم وبقيت ببكي بدون صوت.. طلال جا اتكلم معاي كتير لكن ما كنت سامعاهو بقول في شنو .. بعد طلع بمسافه رفعت راسي ومسحت دموعي " ما حاقبل بالحاصل دا لو تنطبق السماء مع الارض" قمت قفلت الباب علي ومشيت على الدواليب فتحت واحد واحد وبقيت بفتش براحه لحدي ما لقيت التلفون الصغير كان في دولاب طارق تحت ملابسو.. غيرت بي بجامه فيها جيوب ودخلت فيها التلفون والقروش الكانت في دولابي كلها... رقدت في السرير وكنت كل شويه بعاين للتلفون للحدي ما الساعه ١٢ وشويه جات، فتحت الباب براحه واتأكدت من هدوء الجو بعدين طلعت طارق وطلال كانو نايمين في العريشة وابوي برا ، رجعت لبست عبايه وطرحه وطلعت تاني.. وقفت طرف باب العريشة وبقيت بعاين لي طلال قلبي كان بتقطع لأني حاخليه وامشي لكن انا تعبت خلاص وبقى ما فيني ذرة تحمل.....
فتحت الباب بحذر شديد وطلعت، جريت جري لحدي ما وصلت الزلط، ما كنت عارفه اقبل على وين، فتحت السسته بتاعت العبايه و طلعت التلفون، كتبت رقمو واتصلت ليهو جاني ردو بصوت نعسان: الو.... شفايفي ارتجفو وغمضت عيوني اول ما سمعت صوتو قلت ليهو بصوت متقطع: غسان انت وين... نبرة صوتو اتغيرت قال لي ميسم!... قلت ليهو انا ما عارفه امشي وين... سمعت كركبه جمبو قال لي انتي وين؟... قلت ليهو جمب شارع بيتنا.. قال لي اوصفي لي مكانك كويس........ وصفت ليهو ووقفت تحت شجره كل ما اسمع صوت الحشرات ولا اكياس متحركه بتخلع واقبل حواليني ... بعد مسافه لمحت عربيه من بعيد وفي نفس الوقت تلفوني ضرب رديت قال لي وين انتي؟.. قلت ليهو شفتك جاياك .... مشيت لحدي ما وصلت وركبت قلت ليهو اتحرك من هنا سريع ... طوالي اتحرك مشينا مسافه وما اتكلم معاي نهائي لحدي ما وقفنا، كنت حاسه المكان ضيق وعايزه اشم هوا فتحت الباب ونزلت مشيت ورا العربيه واتكلت فيها ، رفعت راسي وغمضت عيوني.. كانت في نسمات هوا بارده اتمنيت الزمن يقيف في اللحظه دي.. بعيد عن المكان البحس نفسي فيهو بدون كيان وما عندي اي معنى .. حسيت بيهو وقف جمبي لكن ما قدرت انزل راسي وافتح عيوني.. كنت خايفه، خايفه اواجهو و خايفه ما اقدر امسك نفسي واحكي ليهو اي شي... لمن ما سمعت صوتو نزلت راسي وقبلت عليهو كان بعاين لي، قريت الف سؤال في عيونو.. قال لي في شنو يا ميسم؟ انا من اتصلتي لي مقلق الخلاك تطلعي من بيتكم زي الوقت دا شنو؟ وليه تلفونك مقفول الفترة الفاتت دي كلها؟... ما قدرت امسك دموعي انهرت للمرة الالف لكن المره دي قدامو غطيت وشي وبكيت بحرقه.. ضماني عليهو وما اتكلم مسكت في قميصو وبكيت ذيادة وكنت بتقطع من جوا، حاكلمو كيف؟ لو كلمتو معناها خسرتو للابد، وانا ما عايزه اخسرو ما عايزه اخسر غسان ولا عندي قدرة اتحمل الحاجه دي... ما عارفه عدا كم من الوقت ونحن بالوضع دا، اتفكيت منو ورفعت راسي عاينت ليهو كنا لسه قريبين من بعض واتمنيت ما ابعد منو نهائي قلت ليهو بصوت متقطع وانا لسه ببكي وبشهق وشفايفي بترتجف: غسان، هئه غسان انا حامل .. كشر حواجبو باستغراب كأنو ما مصدقني قلت ليهو وانا منهارة: انا ما عارفه دا حصل كيف ما عارفه والله العظيم وكلهم ما مصدقني ماف زول داير يصدق كلامي وبتهموني اني غلطت غسان انا بغلط غلطه زي دي؟ انت بتعرفني مش؟ بتعرف ميسم حبيبتك كويس مش؟؟..

انت برضو ما مصدقني انت زيهم كلكم طلعتو ما بتعرفوني كلكم زي بعض ليه ليه ماف واحد فيكم حاسي بي؟؟ انا بموت كل يوم الف مره من جوا حاسه في نار جواي ما حتنطفي كان ماف زول صدقني انا بستاهل دا كلو يا غسان؟ انا بستاهل مش؟؟..... حاوط وشي بي يدينو وهو بسكت فيني: هششش هشش... ختا يدو في صدرو وقال لي انا مصدقك يا ميسم... عاينت ليهو بعدم تصديق قال لي انا بعرفك يا ميسم وواثق فيك انتي ما بتعمليها... ضحكت في نص دموعي قلت ليهو مصدقني مش؟؟ انت كنت عارفه متأكدة انو انت ما حتظن فيني كعب زيهم... مسكني من يديني وقال لي اهدي طيب تعالي ... ساقني وركبني العربية.. افتكرتو حيركب لكن ما جا عدا وقت طويل حتى ركب.. وشو كان متغير وبخوف قال لي عملو ليك شنو.. قلت ليهو طارق ضربني وما خلا حته فيني سليمه وابوي زاتو ما مصدقني حتى خالتو صفيه وخنساء وطلال طلال يا غسان ما مصدقني قادر تتخيل انت.. شفت نظرة في عيونو لو ما خاب ظني كانت نظرة شفقه.... قال لي ميسم اسمعيني مهما كان الحصل طلعتك من البيت غلط وما حتحل المشكله.. قلت ليهو حي.... قال لي اسمعيني اسمعي كلامي انا حارجعك هسي ولو عايزه تحكي لي احكي لحدي ما اوصلك وانا حاسمعك وحافهمك... قلت ليهو حيعقدوا لي على محجوب يا غسان.. قال لي شنو؟ دا هو الحيوان داك العمل فيك كدا صح؟... قلت ليهو عمل شنو؟ غسان انت هسي مس قلت مصدقني؟... ضرب الدريكسون بقوة ومسح وشو قال لي ميسم انتي بتدافعي ليهو ليه؟ انا نفسي افهم عامل ليك شنو ولا مخوفك بشنو الزول دا انا كان مشيت قتلتو هسي خاتي؟؟؟ .. قلت ليهو ما عامل لي شي انا ما دايرة ارجع يا غسان لو رجعت الجمعه الجايه حيعقدوا لي... قال لي ما حيحصل.. قلت ليهو هم اتكلمو وقرروا والموضوع انتهى ... قال لي انتي ما بتثقي فيني؟.. قلت ليهو ما كدا يا غسان لكن... قال لي يبقى تسمعي كلامي وترجعي هسي... قلت ليهو لو رجعت دي حتكون اخر مره تشوفني فيها.. قال لي ميسم افه.... قلت ليهو غسان قرر هسي دا ، لو اتخليت عني وخليتني ارجع البيت تاني وشي ما حتشوفوا.... قال لي انتي هسي ما في وعيك لكن صدقيني العقد دا ما حيحصل.... قلت ليهو تمام ردك وصلني.. فتحت الباب عشان انزل لقيتو قفلو سريع وامنو قلت ليهو افتح لي خليني انزل... ما رد علي ودور تاني لمن قربنا نصل قال لي اتصلي لي خنساء خليها تفتح ليك بابهم.... استغربت عرف متين انو خنساء بت عمي لكن ما سألتو اتصلت ليها ردت لي مخلوعه قلت ليها افتحي لي الباب واستنيني لحدي ما اجي.. قفلت قبل اسمع ردها.. لمن وصلنا نزلت ومشيت طوالي ما قبلت وراي لكن كنت عارفه انو واقف... دخلت وخنساء استلمتني اسئلة وتحقيقات لكن ما قدرت ارد بي حرف واحد دخلت الغرفه وقلت ليها خنساء ما قادرة اتكلم خليني انوم بس ..رقدت وغمضت عيوني واتمنيت ما افتحهم تاني للابد

_____

*" لن يهمك الجميع، ما عداه الذي سيحطمك مثلهم"*
*•••••••••••••••••••••••••••••••••••••••••••••••••••••••••••*
*★★يتبــــــــــــــــــــــــــــــــــــــــــــع★★*
*♡بــــــــــــــيــــــــــــــــــــجــــــــــــــة♡*

*#كفة~مائلة《22》*
*#بقلمي~لينه~جمال*
*ہہہہـہہہہہـہہـہہـہہہہہـہہہـہہہہہـہہـہہہــــــــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
تاني يوم سمعت صوت طارق بي برا بكورك وخنساء بتقول ليهو انا جيت وجبتها معاي عشان ما اكلت ولا اخدت ادويتها.. جاني خاشي معصب قال لي قومي قدامي.... مشت معاي خنساء نظفت وبعد ناس ابوي طلعو جات قالت لي ميسم انتي كنتي وين امس نص الليل؟.. قلت ليها وانا سرحانه في نقطه معينه: مشيت شفتو.. قالت لي منو غسان؟؟ الساعه ١ يا ميسم.. قلت ليها حيعقدوا لينا بعد بكرا يا خنساء.. قالت لي باسى: ابوي كلمنا امس.. مطيت شفايفي ورفعت كتفي قلت ليها حتى غسان خلاني مع اني وريتو اني حاكون لي غيرو برضو اتخلى عني.. شهقت وقالت لي انتي كلمتيه؟.. قلت ليها ايوه.. قالت لي وهو عارف دا ولدو وخلاك ومشى..... ما اتصدمت من كلامها، قلت ليها ببرود: دا ما ولد غسان.. نطتت عيونها وقالت لي شنو؟ ك كيف يعني ما ولد غسان طيب ولد منو.. قلت ليها لو عارفه كنت حاسكت وحاكون بالحاله دي؟... جات قعدت جمبي وقالت لي ميسم انتي بتدسي مني انا؟؟ انا خنساء صحبتك واختك واقرب زول ليك، انتي فاكرة اني ممكن اكلم زول يعني؟؟.. قلت ليها لو ما عايزه تصدقي على كيفك لكن الولد الفي بطني دا ما ولد غسان انا غسان شفتو اخر مره قبل نسافر، وانا هسي حامل في الاول ياداب... قالت لي ميسم انا ما فتحت معاك الموضوع دا لأني افتكرتك.. يعني انتي وغسان.. افتكرت انو ولد غسان وانتي بتقولي ما عارفه عشان خايفه لكن كيف ما عارفه ولد منو؟... انتهدت بضيق ما عايزه ابدا تاني في محاولاتي المستميته في إقناعهم.. قالت لي طيب ما حاضغط عليك......طلال بعد جا حتى خنساء رجعت بيتهم، خت الاكل وجا قعد جمبي قال لي قومي اكلي معاي.. قلت ليهو اكلت قبيل مع خنساء... قعد ياكل ويحكي عن المدرسه وامتحانات الفتره الاولى القربت.. بعد دخل الصينيه جا قال لي قومي معاي.. قلت ليهو وين.. قال لي قومي بس... قمت ومشيت وراهو لحدي ما وصلنا للماسورة الفي الحوش اتوضى وقال لي اتوضي.. اتوضيت وهو كان دخل لمن دخلت العريشة لقيتو فرش مصلايتين قريبين لبعض وختا كرسيهو جمب مصلايتو قال لي تعالي نصلي ركعتين، دقيقه جاي ما تسبقيني... دخل الغرفه وجا وهو شايل مصحفين ختاهم في التربيزة وقال لي ما تخلصي الركعتين ديل كان ما قلتي لي ربنا كل الفي قلبك... صليت وفي كل سجده كنت بنزل كل الوجع الفي قلبي وانا بحكي الحصل لي وبدعي ربنا يكشف ليهم الحقيقه دي قريب ويكشفها لي اول
" يارب انت الوحيد القادر تحس بالوجع الجواي يارب تجبر كسري وتريح قلبي يارب تكشف الحقيقه قريب لأني خلاص تعبت.. يارب زول واحد وااااحد بس يقيف جمبي ويطمني زول واحد يقول لي انا مصدقك وحاعرف ليك الطفل دا من منو، يارب ليه الحوليني كلهم ما قادرين يفهموني، طلعو كلهم ما بعرفوني كلهم ما بثقو فيني لا طلال لا خنساء لا خالتي صفيه ولا حتى غسان💔.. غسان الوثقت فيهو وافتكرتو بحبني خذلني.. انا ما لي غيرك يا ربي قويني"
بعد سلمت لقيت طلال رافع يدينو وبدعي بعد خلص شال مصحفو واداني التاني قال لي اقري سورة البقره فعلاً بديت اقراها ومع كل ايه كنت بحس قلبي ارتاح شويه، ما قمت لحدي ما خلصتها قفلت المصحف واتنهدت تنهيدة طويله قبلت على طلال لقيتو لسه بقرا....

العصر كان بأذن في مصلايتي دي زاتا صليت العصر وقمت، طلال قام وراي وقال لي ميسم انتي قبل تكوني اختي كنتي امي صدقيني انا بريدك وما اظن في زول بريدك اكتر مني، انا من وقت حصل الحصل دا ما عارف اعمل شنو واتصرف كيف لكن داير اقول ليك حاجه واحده كل ما تحسي نفسك ضعفتي اول شي الجأي لي ربنا ماف غيرو حيحفف عليك ويقويك.. اشر على المصلايه وقال لي دا المكان الوحيد الحتحسي نفسك فيهو انك قويه وعندك سند وحيطه تتكلي عليها.. عارفه انا هسي الساندني شنو؟ العكاز دا؟ ابدا ربنا هو الساندني.. بعد دخلت المركز وعلاقتي بربنا بقت قويه اتغيرت فيني حاجات كتيره اهمها اني بقيت ما بضعف او احس بالعجز لمن زول يعايرني بالابتلاني بيهو ربنا... وانتي حيحصل ليك نفس الشي لمن تلجأي ليهو وترمي همك كلو ليهو وانتي متأكدة انو ما حيخذلك.. ختا يدو فوق يديني الكنت شابكاهم وخاتاهم فوق رجولي وقال لي وانا دائماً معاك يا اختي تعالي اشكي لي انا برضو حتى لو ما قدرت اهون عليك حاسمعك... لاول مره من فتره احس اني مرتاحه كدا ووقتها اقتنعت انو احساس الاطمئنان دا نعمة مفروض الواحد يحمد ربنا عليها صباح ومساء.. مسحت دموعي وابتسمت وهزيت راسي... قال لي اشتقت للوش المبتسم دا والله ماف شي في الدنيا دي بستاهل تزعلي للدرجه دي عشانو..
العصر خالتي صفيه جات وهي شايله كيس طلح قالت لي جايه من الزريبة وغشيتك قبل اخش بيتنا، ارحكي معاي البيت.. قلت ليها لشنو.. قالت لي يا بتي انتي عقدك الجمعه الجايه وابوك حيعمل المناسبه في الاسبوعين ديل دايرة الناس تشوفك بحالتك دي وتشك؟.. قلت ليها انا ما حاعمل اي شي.. اتنهدت وقالت لي انتي قايلاني فرحانه وبعمل كدا؟ طارق وابوك هم القالو لي اجهزك لو جو لقوني ما سويت شي حيشاكلوني انا .. قلت ليها انا بتحمل المسؤوليه.. قالت لي ميسم الله يرضى عليك ما تخليني اتكلم كتير انا والله تعبت من تصرفاتك دي.. العبرة خنقتني لمن قالت كدا لكن كان معاها حق لمتين حتستحملني؟ قمت لبست التوب وطلعت معاها
__ ____

الخميس.. مع اذان المغرب

ميسم: اوف غسان دا اتأخر كدا ليه
باسل عاين لساعة يدو ورجع عاين للشارع: هداك
رفع يدو وهو شايفو جاي عليهم... سلمو وركبو، كانو بتكلموا الطريق كلو وهو برد بالايماءات بس
ميسم: انت مالك يا ود الليله؟
باسل قبل ورا عليها وقال: اخوك شكلو مزعلنو
ميسم: جاده معاك انا
غسان: مافي حاجه

آمال: يا بت احلام دي ريحة شنو، انتي طفيتي البتوجاز؟
احلام: اي يا امي طفيتو اسألي جوز اللوز ديك من قبيل بكركبو في المطبخ
مروة طلعت راسها من المطبخ وكوركت لي امها: كلو تمام يا امي ما تخافي
امال: بتسوطن في شنو جوا اوعى تجوطو لي الدنيا وتخلو لي الدنيا مقلوبه
غيم: ما تخافي يا خالتو امال كان ما بقينا ليك المطبخ دا يلمع ما بنطلع
امال: انتو؟ انا ما بعرفكم يعني كدي الليله بس القى لي معلقه وسخانه

غيم: كدي ضوقي السلطه دي دايرة ملح؟
مروة بعد اكلت من الملعقه الكانت في يد غيم: لا ظابطه لكن كأنك كترتي التوم شويه؟
غيم: واي كذابه عملتهم ٦ تومات زي ما مكتوب في الوصفه
فكت مروة ضحكه وقالت: ابشري ليك نص عجورة وذيدي الروب
غيم: اضحكي سمح بكرا ابقى اكبر طباخه فيك يا دنيا واذكرك
مروة: شكلو بكرا دا ما حيجي الا في احلامك
لوت خشمها وشالت العجورة، وهي بتبشر قالت ليها: غسان حيجيبهم
_ ايوه ذكرتيني اقفل نفسي في الغرفه قبل يجو
-- اقفليني معاك
_ تعالي نجرب
-- نجرب شنو
_ نعتذر
-- حيحرجنا
_ مالو، نكون عملنا العلينا بس
-- قدام امك وباسل والباقين؟
_ لا طبعاً ماف زول عارف ولا حيعرف، لمن يكون طالع نلحقو في الشارع
-- دا شنو الفهم دا
_ اها حنعتذر كيف؟
-- ما عارفه، نتصل ليهو بعد يرجع
_ ممكن
-- عايني انا انتهيت، ماشه استحمى وانوم
_ ارح انا زاتي خلصت
--والحيمسح المطبخ دا منو
_ تعالي غسلي العده دي خلاص
-- افففففف اتحليت من امي جيتيني انتي

ميسم دخلت قدامهم وهم كانو بنزلو الشنط، مع انو كارهه البيت دا بسبب المشاكل لكن كانت مشتاقه ليهو.. امال اول ما شافتها قامت وسلمت عليها
امال: اهلين يا ميسم حمدلله على السلامه بركه الجيتو طيبين
ميسم: الله يسلمك يا خالتي
استلمت ولدها بالاحضان : حيااا يا ولدي والله اشتقت ليك شوق الف حمدالله على سلامتكم
باسل: الله يسلمك يمه
فكتو وسلمت على غسان بعدها قعدو كلهم في الصاله .. بدو يحكو عن سفرتهم ومصر وجمالها
امال: انا مصر دي مشيتها مع ابوكم الله يرحمو زمن كنت عروس والزمن داك كان مصر دي ماف زول بقدر يمشيها زي فرنسا وامريكا هسي
ميسم:قلنا ليك ارح معانا لكن ابيتي
امال: بري ما بقدر تاني على السفر هو بلدنا القريبه دي ما بتذكر اخر مره مشيتها متين

احلام قامت تجهز العشا وغسان قام
باسل قام وراهو: وين يا زول
امال: ماشي وين ها
غسان: استأذن يا جماعه عندي شغل
امال: شغل شنو بعد دا اقعد اتعشى معانا وامشي
غسان: لالا يديكم العافيه
باسل: صلي ع النبي واقعد
غسان: عليه الصلاة والسلام، عندي شغل كتير والله ما بستحمل تأخير واصلا متغدي متأخر يلا بالعافيه عليكم
باسل طلع معاهو، وقفو جمب العربيه لمن سألو: الحاصل شنو يا غسان
غسان: مافي شي كلو تمام
باسل: كيف مافي شي (ختا يدو في كتفو ) احكي لي اخوك
غسان: لو في حاجه تتحكي كنت حكيت ليك، يلا تصبح على خير

ركب عربيتو ودور بعد مشا مسافه ركن طرف الشارع وختا راسو فوق الدريكسون من ليلة اول امس وهو ما فاهم شي وعقلو ما قادر يستوعب العرفو.. بس كان متأكد من شي واحد "مافي غيرو سبب الحاصل دا" ... طلع تلفونو وعمل مكالمه
_ الو السلام عليكم
-- وعليكم السلام
_ خنساء كيف حالك
-- تمام الحمدلله، ما عرفتك
_ انا غسان اخو مرتضى
-- اهاا اهلين يا غسان
_ معليش اخدت رقمك من مرتضى بدون اذن
-- لالا العفو مافي مشكلة
_ ميسم كيف
اتنهدت وقالت: ما كويسه والله
_ حتبقى كويسه، داير اسألك من حاجه
-- اتفضل
_ بتعرفي محجوب صاحب طارق؟
-- ااا اي بعرفو لكن ما معرفه شخصيه بس بشوفو لمن يجي لكن ما احتكيت بيهو
_ ساكن جمبكم هو؟
-- في الشارع الورانا
_ ممكن توصفي لي بيتو بالظبط؟
-- خير ان شاء الله
_ لو سمحتي يا خنساء
-- طيب....

بعد قفل رجع دور تاني كان سايق سريع وما بفكر غير في حاجه واحده...عمل مكالمه واول ما جاهو رد
_ عرفتو ؟
-- ايوه
_ وين
-- قاعد في قهوة في الزلط
_ عارف حتعمل شنو صح ؟
-- ايوه اصلا ماشي على المخزن
_ تمام
______

دخلت الغرفه وهي بتعاين لاركانها
ميسم: يااه اشتقت ليها شديد
طلع من الحمام وهو بنشف شعرو: ما كانت شهرين
قالت وهي بتقعد في السرير وبتتحسسو بي يدها: حاساها سنتين
بعد استحمت جات رقدت وكان غالبها النوم، دائماً بجيها ارق لمن تتعب شديد شالت تلفونها واتذكرت انها مدخلة الشريحه المصريه الاصلا كانت قافله ليها مده طويله.. جابت شرايحها القديمه من الدولاب ودخلتهم، اتنهدت بارتياح لمن لقت في رصيد ينشط ليها الخدمه... ركبت السماعه وبقت تقلب في التيكتوك لحدي ما جاتها رساله في الواتس.. استغربت لأنو كان مفتاح مصري لكن لمن دخلت المحادثه وشافت البروفايل عرفتو
" مساء الخير مدام ميسم"
" مساء النور"
" انا دكتور عمر عرفتيني"
" ايوه عرفتك يا دكتور"
" ازيك عامله ايه"
" الحمدلله تمام والله"
" اتصلت بيكي كذا مره بس رقمك بيجيني مغلق"
" ايوه انا شريحتي قفلت فجأة، بس انت جبت رقمي دا من وين"
" انتي كنتي مسجله الرقم دا في بيان الرقم الاحتياطي لما جيتي العياده"
" ايوه ايوه اتذكرت"
"انا عايز اتكلم مع حضرتك في موضوع مهم جداً، انتي فاضيه؟"
" ايوه اتفضل"

ختت التلفون وقامت من السرير ، دخلت الحمام بخطوات سريعه، قفلت الباب واتكلت عليهو وغطت خشمها بي يدها عيونو كانت متسعه من اثر الصدمه قعدت في الارض وهي بتحاول تمنع صوت بكاها يطلع لبرا.. غطت اذنيها وهزت راسها كأنها ما مستوعبه الاتقال ليها قبل شويه
" باسل ما لازم يعرف، ما حاكلمو لا ما حاكلمو مستحيل"
__ ____

محجوب: يلا يا شباب بالاذن
_ شنو يا عريس ما بدري
محجوب: تاني سهراتكم دي زاتا ما جاييها الله يعرس ليكم انتو زاتكم ويلمكم
__ شوف الود الباطل دا
محجوب: ههههه ابطل منك مافي يا ود سميره

قام وهو بضحك، اول ما قطع الزلط اتفاجأ بالزول الجا وقف قدامو ملامحو ما كانت واضحه بسبب الضلام، لمن شاف وشو بنور العربات ابتسم بخبث
محجوب: اهلا اهلا
عاين ليهو من فوق لي تحت
محجوب: نورت شارعنا، جاي تبارك لينا ولا شنو
غسان: لا جاي اوصيك
ضرب راس محجوب براسو مما خلاهو يرجع كم خطوه لورا ويمسك راسو
محجوب: دا شنو العملتو دا انت مجنون
اتقدم عليهو عشان يرد ليهو الضربه، غسان مسكو ولوا ذراعو.. قال وهو بشدها: عامل فيها راجل مش؟
محجوب: اي راجل وارجل منك
غسان: اثبت لي
محجوب: جدا
غسان فكاهو ومشى، محجوب كان ماشي وراهو وبعاين ليهو بحقد من ورا
محجوب: دا شنو؟
غسان وهو بفتح باب العربيه: حنتضارب هنا؟
عاين ليهو بنظرات ما مريحه
غسان: لو خايف تعال سوق انت
محجوب: هئه اخاف من منو منك انت؟
فتح الباب الجمب السواق وركب .. غسان ركب وأمن الابواب.. شاف زول بالمرايا وقبل يقبل ورا اتفاجأ باليد الاتلفت حولين رقبتو وباليد التانيه اتخت منديل في وشو بقى بصارع لحدي ما غلبو يقاوم غمض عيونو وهو بقول: داير تعمل لي شنو يا*** ما بخليك ما بخليك

بعد وصلو المخزن الملحق بالمصنع وربطوه في كرسي غسان جرا كرسي تاني وقلبو.. قعد واتكل في راسو، بقى بعاين ليهو وبقاون رغبتو في انو يقوم حالاً ويقطع احشاءو..