كل سنة طيبين ينعاد عليكم وامانيكم محققة ♥️

كل عام وانتم بالف خير وربنا يحقق الاماني

وربنا يصلح حال البلاد ان شاءالله

ونرجع لي وطنا سالمين وتامين ان شاءالله ❤️❤️

عجبت منك و مني
يا منية المتمني
أدنيتني منك حتى
ظننت أنك أني ♥️

ولست ديانةً أرتدُّ عنها
ولا وطناً أغادره وأمضي
ولكن أنت روحي لو تناءت
تهاوت بي سمائي فوق أرضي♥️

نكمل؟

صباحكم عيد سَعيد ، و أمنياتٌ مُحققة ، و لمّة عائلية لا تتفَرق أبدآ ... صباح على صوت تكبيرات صلاة العيد ، و بهجة و فرح تملأ دنياكم ... افرحوا بتمام النعمة ، و كبّروا الله على ماهداكم ، و كونوا لفضله من الشّاكرين..💛
كل عاااااااام وانتم بخييييير✨🤍

منور القناة♥️

باقي نورك ❤️❤️

" بكَى في أوَل الأمِّر ثُم أعتَّاد،
الإنسان يعتَّاد كُل شِيء"🩶

أحبك
‏بغض النظر
‏عن المسافة الفاصلة بيني وبينك
‏وعن الأزهار التي ماتت في صدري
‏وأنا أنتظرُك
‏أُحبك
‏رُغمًا عن عثراتي
‏والحِدّة التي تعلو ملامحي
‏والقَسوة التي في قلبي
‏أُحبك
‏رُغمًا عن حيرتي معك
‏وعن أشياءَ كثيرة
‏تُثير فيني غيرتي
‏أُحبك
‏رُغمًا عن هذا القَلْب المعطُوب.♥️

- ‏بكيت بكاء التائه الذي لا يعرف الى أين يذهب وكل الأماكن لا تألفه حتى جدران غرفته ملّت من سماع شكواه وحزنه.🩶

"تعلَّق بالله ثمّ بنفسِك ، فلا نفسك تَخون ولا اللَّه يرحل"♥️

هوِّن على نفسك.. فوالله.. إذا أراد الله؛
ما منع مانعٌ، ولا حجب حاجبٌ.

إذا أراد الله؛
جاءتك الأماني خفيفةً، وصارت لك المستحيلات حقيقةً.

﴿إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ﴾

يا عنايه الله المشددة التفي حول وطني بسم الله على بلادي حتى يطمئن فؤادها 🇸🇩💛.!

*#كفة~مائلة《18》*
*#بقلمي~لينه~جمال*
*ہہہہـہہہہہـہہـہہـہہہہہـہہہـہہہہہـہہـہہہــــــــ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
طارق كان بكورك لي من الصاله طلعت من المطبخ قال لي تلفونك دا صحاني من النوم ساعه بضرب امشي صمتيهو يا ردي.. لمن مشيت الغرفه لقيتها خالتي صفيه داقه لي مكالمة واتس رسلت ليها " برجع ليك بعدين يا خالتي هسي بجهز في الافطار، انتو شكلكم فطرتو بدري" ... رجعت المطبخ وجهزت صينية ناس ابوي وصينيتي الصغيرة، طلعت العصير من التلاجه وكسرت فيهو التلج.. ابوي جا من برا شايل كيس العيش قال لي الفطور دا لسه ؟؟ قلت ليهو جاهز هدا شيلو.. قال لي محجوب قال هو اخف حيجينا... قلت ليهو كويس.. ختيت ليهم الصينيه في الصاله وشلت صينيتي دخلت الغرفة، سمعت صوت محجوب بسلم بي برا.. وجودو في نفس المكان معاي بقى بخنقني وبحسسني بالخوف في نفس الوقت، لكن ما عندي حل غير استحملو....... من جينا مصر لينا اسبوع والليله اول يوم في رمضان، بعد يومين من جيتنا ابوي ومحجوب مشو للدكتور مع طارق ادوهو ادويه يستخدمها لمدة شهر زي ما قال عمي عبدالله وبعد داك حيعملو ليهو العمليه يعني تقريباً حتكون نهاية رمضان.. بعد داك مشو المقابله مرتين.. انا من جيت ما طلعت من الشقه النزلنا فيها بعاين للشارع من الشباك بس.. كنا في الطابق الأرضي عشان العمارة ما فيها اصانصير وحركة طارق حتكون صعبه.. الحي النازلين فيهو كانت حركتو كتيرة والشفع طوالي بلعبوا كل ما ازهج بقعد هناك بعاين ليهم، من قبل رمضان بكم يوم زينو الشوارع منظرها كان سمح شديد تحس انو رمضان دخل خلاص قبل يجي... الاذان لمن اذن شلت لي لقمة وشربت مويه بس اصلا ما كنت صايمه.. بعد داك طوالي اتصلت لي خالتي صفيه لكن ما ردت رسلت ليها رسالة لقيتها ما خاشه قمت اتصلت لي خنساء قالت لي ناس كايرو.. قلت ليها ناس السودان.. قالت لي خبرك شنو ورمضان كيف عندكم.. قلت ليها لو ما الزينه الفي الشوارع دي ما كنت حاحس بطعمو.. قالت لي يا حليلك فقدناك والله السنه دي قبيل وقت الافطار امي دي تبكي ساي تقول يا حليلها ميسم بتي... قلت ليها انا زاتي فاقداكم والله غايتو ما عارفه حاقدر اقعد باقي الشهرين ديل كيف.. قالت لي الله يصبرنا بس، اها فاطرة براك يعني ؟ ناس عمي مشو للفقر داك ولا شنو.. قلت ليها لالا هو الجا.. قالت لي اجي الجابو شنو.. قلت ليها قال لي شكلو عشان طارق ما يمشي ويجي كل يوم قال احسن يجي هو... قالت لي مشششششم مخير الله.. قلت ليها وينها خالتي صفيه اسلم عليها قالت لي مشو التراويح هي وطلال.. قلت ليها ايواا اها ومرتضى امس اتكلم مع امك؟.. قالت لي بري امي نامت بدري للعشا الا صحيناها لكن قال لي اول ما تجي من التراويح بتصل ليك اتكلم معاها.. قلت ليها يعني في النهايه هو الحيكلمها.. قالت لي ما قدرت يا ميسم والله قدر ما احاول افتح معاها الموضوع بلقى نفسي ما قادره وبنسحب .. قلت ليها ما مشكله هو كان حيكون احسن لو كلمتيها انتي لكن لو وريتيها انك كنتي خجلانه حتفهمك... قالت لي ان شاء الله ياخ والله خايفه خوف عندي احساس امي ما حترضى بي علاقتنا دي... قلت ليها ما تفكري كدا ان شاء الله حتتفهمك خالتو صفيه ما عندها التعقد الشديد دا... قالت لي ان شاء الله غايتو..... بنتونس كدا ابوي ناداني قلت ليها ناس ابوي شكلهم دايرين القهوة يلا لي بعدين.. قالت لي طيب يلا سلمي عليهم....

لبست التوب وطلعت عملت ليهم القهوة شلت المعلقه وعايزه اخت ليهم السكر لقيت محجوب فجأة ختا يدو فوق يدي وقال لي بكبها انا، سحبت يدي سريع رفعت راسي لقيت ابوي وطارق مندمجين في الونسه ما لاحظو لي حركتو، بقى بعاين لي ومبتسم صلحت توبي ومشيت الغرفه بخطوات سريعه وقفلتها علي قلبي كان بضرب شديد بقيت بخاف منو لدرجه ما طبيعيه حاولت اهدي نفسي وقريت كم اية من سورة ياسين... اتخلعت لمن سمعت صوت رنة تلفوني شلتو لقيتو غسان رديت قلت ليهو غسان كيفك.. قال لي رمضان مبارك عليك ميسم.. قلت ليهو وعليك يارب كيفك.. قال لي خليك مني انتي كيف مع اول يوم ما تكوني تعبتي.. قلت ليهو لالا الحمدلله.. قال لي في شنو صوتك ما طبيعي؟.. قلت ليهو مافي حاجه اها انت كيف تعبت الليله؟.. قال لي لالا الحمدلله، فطرتي براك؟.. قلت ليهو اي.. قال لي ناس ابوك جو ولا لسه؟.. قلت ليهو قاعدين.. قال لي مش قلتي بمشو لي محجوب قلت ليهو لالا هو جا... قال لي الجابو شنو.. قلت ليهو ما عارفه شكلو ابوي قال ليهو تعال انت....
كنت بحس بتأنيب الضمير وبكره نفسي كل ما اكذب عليهو لكن ما عايزه اخليهو يقلق وهو اصلا ما مطمن للوضع دا عارفه دا ما مبرر لكذبي لكن اخف علي من اشيلو الهم..
قال لي هسي قاعد ولا مشا؟.. قلت ليهو شكلو مشا ما سامعه صوتو.. قال لي ما تطلعي كان ما اتأكدتي انو مشا سامعه؟... قلت ليهو طيب، مالك ما مشيت التراويح ولا ما قعد تمشي؟.. قال لي مشيت وهسي راجع في الطريق اول ما طلعت اتصلت ليك.. قلت ليهو ايواا هنا العشاء اذن قبل شويه.. قال لي اي انتو متأخرين بساعه او اقل شويه.. قلت ليهو اي... سكتنا شويه بعدها اتنهد وقال لي اشتقت ليك يا ميسم.. قلت ليهو بالاكتر.. قال لي مالك بتقوليها زي المجبوره.. قلت ليهو انا؟؟ لالا والله اشتقت ليك بالجد... لمن انتبهت اني انفعلت قلت ليهو خلاص كان ما عايز تصدق.. ضحك وقال لي مصدقك يا قلب.. قلت ليهو ما تقول لي الكلمه دي.. قال لي يا قلب ويا قلب ويا قلب.... قالها بطريقه مضحكه زي الطفل ضحكت ضحك قلت ليهو انا جاده معاك ... قال لي ليه ما اقولها.. قلت ليهو كدا بس.. قال لي طيب فهمتك.. ياخ انت ود **** ولا شنو مادام عامل فيها راجل ما تقيف يا كلب... قلت ليهو مالك بسم الله.. قال بالله عان الحيوان دا رشاني بالمويه كيف.. قلت ليهو دا منو هو.. قال لي الشفع الشايلين اكياس المويه ديل واحد فيهم جدع فيني كيس وجرا... قلت ليهو ما تنبذهم كدا تاني.. قال لي مفروض اضحك ليهو يعني؟... قلت ليهو ما تضحك وما تنبذ، بالمناسبه انا لاحظت ليك كم مره النبذ دا طرف لسانك كل ما تنفعل بتنبذ بالزات لمن تكون سايق، حاول تضبط نفسك شويه دا غير انو الدنيا رمضان... قال لي تمام بحاول.. قلت ليهو مشيتني.. قال لي ما مشيتك، انا اصلا عصبي لكن حاحاول، لو ما صلحنا اغلاط بعض يبقى علاقتنا فايدتها شنو؟ ولا ما كدا... قلت ليهو صح💙

__ _____

امي ياااا امي
صفيه: نعم نعم انا هنا
دخلت المطبخ لقت امها بتحمر بطاطس للعشا مسكت منها الكمشة والصحن وقالت ليها انا بتمها
صفيه: سمح انا حاودي العصير دا لي اسراء وطلال شايفاهم بقروا سوا
خنساء: وديهو تعالي
كبت من عصير العرديب وودتو ليهم تاني جات راجعه لي خنساء
صفيه: اها قلتي لي تعالي
قالت وهي بتنقي حبات البطاطس الاتحمرت وتطلعهم من الطوه: ااا اممم امي في هناي في زول داير يتكلم معاك
صفيه: زول؟ منو دا
خنساء: زول بس يا امي لمن يتصل بديك التلفون
صفيه: اجي! خلاص سمح لمن يضرب جيبيهو لي انا ماشه احضر البرنامج الاعادة بتكون بدت..
صفيه طلعت وخنساء خلصت من البطاطس وهي بتلم في الحاجات تلفونها ضرب.. طلعت من المطبخ بسرعه وقفت جمب الباب ونادت امها.. صفيه جات شالت التلفون ودخلت المطبخ تاني
صفيه: الو
مرتضى: السلام عليكم
قالت وهي بتعاين لخنساء بتساؤول: وعليكم السلام اهلين
مرتضى: كيفك يا خالة ان شاء الله طيبه
صفيه: الحمدلله تمام انت كيف
مرتضى: في نعمه نحمدو ونشكرو.. معاك مرتضى
صفيه: مرتضى منو
مرتضى: صراحه يا خالتي انا وبتك خنساء لينا فترة من اتعرفنا على بعض، وعجبتني اخلاقها وادبها وطرحت عليها فكرة انو اتقدم ليها لكن رفضت وقالت الا انتي تعرفي اول قلت ليها تمام حاولي كلمي امك في اقرب فرصه انا جاهز وما عندي شي.. فبقيت كل ما اسألها تقول مستحيه شويه من حكاية انو تفتح معاك موضوع زي دا في النهايه انتي امها وحاجه زي دي فيها حساسيه شويه.. المهم انا اتصلت عشان اوريك طبيعة علاقتنا لو عايزة تسأليني اي سؤال اتفضلي
صفيه: ااا والله فاجأتني يعني ما عندي سؤال محدد
مرتضى: بعتذر ليك لكن كان لابد من انك تعرفي وما لقينا طريقه تانيه غير دي

صفيه: ما مشكله يا ابني يديك العافيه كونك بقيت صريح واتكلمت معاي في الموضوع دا معناها انت جادي
خنساء عيونها دمعت اول ما سمعت كلام امها كانت بتعضي اظفر سبابتها بتوتر وبتحاول بقدر الامكان تسمع كلام مرتضى
صفيه: تمام الله يسلمك...
زحت التلفون من اضانها وعاينت للشاشه اول ما ظهر ليها انو قفل مدت لي خنساء التلفون وبقت تعاين ليها.. خنساء شالتو وبلعت ريقها وهي بتعاين لنظرات امها بخوف وقلق
صفيه: تعالي معاي
طلعت وراها واتوجهو لغرفتها هي واسراء.. صفيه بعد قفلت الباب قعدت في السرير جمب خنساء وقالت ليها احكي لي من البدايه اتعرفتو كيف والزول دا من وين وعمرو كم وشغال ولا بقرا، انا كان ممكن اسألو من التفاصيل دي هسي لكن عايزه اعرف منك انتي
خنساء بللت شفايفها الكانت بترتجف بالتوتر وبدت تحكي: عرفتو من الفيس علقت على منشور وجذبو تعليقي قام رسل لي وقال عايز نتعرف ومن الوقت داك بقينا بنتكلم
صفيه: يعني الكلام دا ما طول
خنساء: ما طول شديد
صفيه وهي بتهز راسها: امممم، وبقرا ولا شغال ؟
خنساء: شغال استاذ في الجامعه
صفيه: كويس، اتخرج قريب؟
خنساء رفعت اكتافها: يعني ما قريب شديد
صفيه: طيب عمرو كم يعني
خنساء: ٣٨
صفيه قامت على حيلها من اثر الصدمه وختت يدها في صدرها: سجمي!!! دايرة تعرسي واحد اكبر منك بي ٢٠ سنه؟
خنساء قامت والدموع اتجمعو في عيونها لمن شافت ردة فعل امها في اكتر نقطه خايفه منها: مالو يا امي بتفرق في شنو كان ٢٠ ولا ٣٠ ولا ٤٠ في النهايه نحن متفاهمين ودايرين بعض
صفيه: متفاهمين في شنو؟ عرفتيه متين لمن تقولي متفاهمين؟ (رفعت سبابتها) خنساء هوي الراجل دا اوعى القاك بتتكلمي معاهو تاني فاهمه؟
دموعها جات نازلة وقالت: امي انتي ليه بتحكمي بالعمر؟ انتي ما عرفتيهو كويس لو عرفتيه صدقيني حتريديهو والله مرتضى زول طيب وما فيهو اي كلمه
صفيه: خنساء لا اله الا الله قلت ليك لا يعني لا لو لقيت التلفون دا في اضانك بشيلو منك وبكلم ابوك هو بعرف يتصرف معاك
خنساء قامت وبقت تتكلم بانفعال: كلميهوو كلميهو خلي يعرف لكن انا برضو بكلمو بعمايل بتك اسراء.. ليه لمن عرفتيها مرتبطه بي سامر ولد خالو عطيه ما سألتيها ولا شاكلتيها ولا حتى منعتيها تتكلم معاهو؟ ليه دائماً بتحسسيني اني انا الصغيره المخها لسه صغير وما بتعرف تاخد قرارتها براها واسراء هي الكبيره الواعيه الما دايره زول يرشدها.. ليه انا اترددت في اني احكي ليك في حين انو اسراء ما رف ليها جفن لمن قبضتيها وهي بتتكلم مع سامر.. اوريك ليه يا امي؟.. عشان دائماً انتي واقفه في صفها سواء تصرفاتها صح ولا غلط خليتيها تعمل الفي راسها وما تخاف من زول خليتي شخصيتها تكون قويه وانا البقيت ضعيفة وما عندي شخصيه وبشهادة اهلنا وجيرانا كلهم... كلهم بقولوا انا البكر العوير واسراء بت امها الممشيانا بمزاجها، كنتي بتضحكي لمن تسمعي الكلام دا ولا بتكلفي نفسك تدافعي لي قدامهم من وانا صغيره واسراء بتضربني قدام الشفع وانتي ما بتسأليها والقدرنا كلهم بضحكو فيني.. محيتي شخصيتي وخليتيني اكره اختي المن لحمي ودمي.. كلو بي سببك انتي.. بي سبب حبك ليها اكتر مني ومن ميساء مع انو انا بتك الكبيره والبساعدك والبسمع كلامك دائماً وهي المدلعه الراقده ٢٤ ساعه وشايله التلفون وما بترفع ولا قشه في البيت دا... ليه يا امي ليه بتعملي فيني كدا؟؟ (مسحت دموعها وواصلت بصوت واطي) انا هسي ما دايره منك اي شي غير تخليني مع مرتضى وتخليهو يجي البيت ويعرسني..
صفيه كانت ساكته بتعاين لبتها بصدمه وهي بتطلع الكاتمه جواها من هي صغيرة طلعت بدون ما تنطق بحرف مسكت في الحيطه لمن حست نفسها حتقع، غمضت عيونها وختت يدها في صدرها وهي بتقول " يارب"
__ _

باسل بااااسل قوم كفاية نوم الباص حيفوتنا
زحا الغطا من وشو وهو بسأل: الساعه كم؟
ميسم: ١ صباحاً
باسل: عليك الله المصرين ديل زاتهم ما نصاح، سفر شنو ليهم انصاص الليالي
ميسم: الدنيا رمضان حبيبي لو ما متذكر وهنا بقضو شغلهم كلو بالليل قوم قوم يلا لحدي ما اجهز لينا حاجه نتعشى بيها
قام وهو مغلوب على امرو اخد دش دافي وطلع لقى السفرة جاهزه اتعشو وطلعو على المحطة ومنها ركبو الباص المتوجه من اسوان للقاهرة وتحديداً المهندسين.. رقدت على كتفو ولفت يدينها حول يدو الشمال وهي بتقول: ما تتحرك كتير عليك الله
باسل: يا زوله انا زاتي نعسان وداير انوم
ميسم: انت نايم من بعد العِشاء نوم شنو ليك تاني افتح ليك فيلم احضرو لحدي ما نصل
باسل: اخخخ ذكرتيني السماعه نسيتها في الكومدينه
ميسم: سماعتي في الشنطه شيلها
بقى يحفر في شنطة اليد الفوقها لحدي ما لقى سماعة الايربودز ركبها وعمل زي ما اقترحت عليهو..
صحاها وقت السحور وادها قارورة المويه شربت منها ورجعت رقدت تاني
__ ___

رمضان عدا سريع وكان باقي عليهو يومين عملية طارق اتحددت سادس يوم في العيد وخوفو كان ظاهر في انفعالو الذايد ابوي قال لي الدكتور قال دي حاجه متوقعه ما يخافو منها وما عندها علاقه بالحبوب البياخدها كلو من توتر العمليه.... بعد الافطار كالعاده اتصلت لي خالتي صفيه مكالمة فيديو اتكلمت معاها ومع طلال وقلت ليهو اديني خنساء.. ودا التلفون وسمعتو بقول ليها خلاص اتصلي ليها بعدين، وهي بتقول ليهو لالا جيبو... لمن شالت التلفون شفت وشها محمر وعيونها وارمه قلت ليها كنتي بتبكي مش؟.. قالت لي ميسم كيفك.. قلت ليها انا تمام ، انتي يا خنساء لسه متشاكله مع امك؟.. سكتت قلت ليها عيب منك والله، خالتي صفيه امس بتتكلم معاي لي نص الليل وعيونها ديل ثانيه ما وقفو من الدموع خنساء والله امك بتريدك شديد وما عندها اغلى منكم في الدنيا دي ما صح منك الكلام دا، الدنيا رمضان وداخلين على عيد الخصام ما كويس والمتخاصمه معاها دي امك يا خنساء مستوعبه انتي؟ شهر كامل لا بتتكلمي معاها لا بتقعدوا في صينية واحده دا كلام دا؟... قالت لي ميسم عليك الله ما تتكلمي معاي في نفس الموضوع تاني انا بقفل والله... قلت ليها بتتجاهلي لأنو الكلام ما عاجبك مع انو صح، الله يرضى عليك يا خنساء لو عندي عندك ذرة غلاوه صالحي امك واقعدوا اتفاهمو مع بعض برواق في القصه دي، لا مرتضى ولا غيرو بستاهلو تكونوا عشانهم في الحاله دي... قعدت تبكي تاني قالت لي انا يا ميسم غلطت في شنو وريني بس، حكيت ليها كل حاجه بصراحه وما كذبت يعني عشان طلع اكبر مني بكم سنه تقول لي ما بتنفعوا مع بعض؟ خلاص العمر بقى مقياس للراجل؟.. ولا دايراني اعرس لي شافع لسه في الجامعه... قلت ليها الكلام دا قوليه ليها هي ما لي انا، انا متأكده انكم حتصلو لنقطه تتفقو فيها لو اتناقشتو براحه وبدون ما تختي في بالك انها ظالماك... قالت لي انا ما بتكلم معاها تاني... اتنهدت وغلبني اقول ليها شنو خنساء راسها حجر واتجاهها واحد قلت ليها طيب يلا لي بعدين ماشه اسوي القهوة.. قالت لي طيب
طلعت كالعاده تحت نظرات متوكل.. ما عارفه هل انا الوحيده البلاحظ للنظرات دي ولا ابوي وطارق ملاحظين برضو لكن شايفين الموضوع عادي ولا انا براي البتهيأ لي... بعد صليت التراويح في البيت اتصلت لي خالتي صفيه واتكلمت معاها في موضوعهم هي وخنساء مسااافه في النهايه قالت لي خلاص انا بتكلم معاها والله ما هاين علي اشوفها بالحاله دي... قلت ليها طيب يا خالتي لكن عليك الله حاولي تفهميها .. قالت لي سمح ان شاء الله، انتي اخبارك شنو الحاجات الشلتيها من هنا ما تكون انتهت. قلت ليها والله مشتنا ما شاء الله هسي الويكه باقي فيها شويه كدا والدكوة برضو لكن الكركدي خلص امس.. قالت لي الحمدلله كنت شايله هم تتحيرو في رمضان دا.. قلت ليها لالا ما اتحيرنا الحمدلله... قالت لي وشغلة العيد كيف .. قلت ليها والله الحمدلله ما تعبانه لأني فاطرة اليومين ديل.. قالت لي اجي انتي مش بداية رمضان كنتي فاطرة.. قلت ليها اي تاني جاتني.. قالت لي هي لسه ما منتظمه؟؟.. قلت ليها لسه والله.. قالت لي دكاترة مصر ديل قالو شاطرين كان تشوفي ليك دكتور نساء وتوليد تمشي ليهو.. قلت ليها بري ذيادة مصاريف ساي خلي ابوي يقدر يكفي حق العملية وعلاجات طارق.. قالت لي دا كلام شنو يا بتي عمك برسل ليك القروش والله ما تتهاوني مع الموضوع دا يقوم يعمل ليك مشكلة لي قدام لا قدر الله.. قلت ليها عمي زاتو ما مقصر الله يديه العافيه، لمن نرجع ان شاء الله بمشي للدكتور.. قالت لي انتي مادام هناك امشي ساي عايني انتي مش كنتي مديناني قروش قبل تسافروا بي فترة كدا انا برسلهم ليك وذيدي فوقهم ... قلت ليها لالا والله ما بشيلهم يا خالتي.. قالت لي يا بت انتي ما نصيحه؟ انا قروشي دي لو ما دخلتها في علاج بتي فايدتها شنو؟ والله تابي ازعل منك وعمري ما بتكلم معاك.. قلت ليها الله لا جاب الزعل... قالت لي خلاص اسمعي الكلام وخلي قوة الراس.. قلت ليها لكن اقول لي ناس ابوي شنو انا بخجل.. قالت لي خلي الموضوع دا علي بس لمن تكوني ماشه وريني .. قلت ليها الا بعد عملية طارق.. قالت لي ما مشكلة للوقت داك بسأل ليك هويدا مرت ولد عمي كانت زمان متابعه مع دكتور نساء وتوليد شاطر تتذكريها دي الكان قلت ليك متزوجه ١٠ سنين ما جابت ولد لمن مشت عملت عندو الحقن حملت طوالي.. قلت ليها اي اتذكرتها طيب ان شاء الله..
نفس اليوم دا ابوي جاب لي حاجات للخبيز قال لي اعملي على قدرنا وطلعي لي مححوب حقو.. خبزت تلاته كيلو بسكويت وكيلو واحد ناعم وقسمت منهم لي محجوب ابوي وداهو ليهو..... يوم العيد صحيت بدري نظفت البيت وبخرتو وفرشت الملايات بعد داك كويت لي ناس ابوي ملابسهم ومحجوب زاتو كان ابوي بمشي يشيل من الملابس يجيبها لي اغسليها واكويها مع حقتهم.. بعد شربنا الشاي وطلعو الصلاه مشيت استحميت ولبست عباية استقبال جابها لي ابوي من سوق قريب مننا.. لونها منقاوي ومطرزة بالابيض، سرحت شعري ولميتو كعكة لي ورا ولبست طرحة العباية...