စောင့်မျှော်သူမရှိတဲ့အိမ်ပြန်ချိန်ဆိုတာ
နောက်ကျတယ်လို့ မရှိပါဘူး ။

▪️ဂန္ဓမာ

အကယ်၍များ
အကယ်၍များပေါ့လေ
ငါ မင်းကိုမသိတော့ရင်‌
ငါကံကောင်းတာပေါ့ ။

-သွယ်မြိတ်

ချောက်ကမ်းပါးစွန်းက လူကို
တွန်းအားတွေမပေးကြပါနဲ့
ပြေးစရာမြေ မရှိတော့တဲ့အခါ
ကိုယ့်ဖိနပ်ဟာ ကိုယ့်ခံတပ်ပါပဲ။ ။

▪️လှသန်း

ယနေ့နေသာပါတယ်
ကျနော်လဲနေတတ်လို့ပါ
အပူတွေကင်းဖို့အတာရေအေးကို
ရွှဲရွှဲစိုအောင်လောင်းခံရပြီးမှ
မနက်စာကောင်းကောင်းစားဖြစ်တယ်။

ရောဂါအခံလေးရှိတာကြောင့်
လူကြားထဲချောင်းမဆိုးမိအောင်
သတိကလေးချပ်လို့ပေါ့
အသက်ကိုခိုးရှုရင်း
လူအုပ်ကြားထဲတိုးရင်းပေါ့။

ကာလသားတွေပျော်ကြပါးကြ
ဘီယာဘူးကောက်တဲ့သူတွေအတွက်
ဘူဖေးကျွေးနေတယ်ထင်ရလို့
‌ဖိနပ်အောက်ကဘူးခွံတွေကို
လမ်းဘေးကပ်ခဲ့ရသေးတယ်။

ကျွန်တော်တို့မြန်မာနိုင်ငံကြီးပေါ့ဗျာ
လူသားဆန်ခြင်းရဲ့နောက်ကွယ်က
စည်းကမ်းပျက်ဆိုတဲ့အရိပ်မည်းပေါ့
မြကျွန်းသာကဘဲဥတွေကိုလည်း
သနားစိတ်တော့ဝင်မိသားပဲ။

ဒါနမြောက်မုန့်လုံးရေပေါ်ကို
ရုပ်လုံးပေါ်အောင်စားသောက်ပြီး
အကြမ်းတစ်ခွက်ကိုအရမ်းမက်လို့
နေမစောင်းခင်အဝင်ကောင်းယုံလောက်
မစို့မပို့မော့ခဲ့ရသေးတယ်။

နောင်တစ်နှစ်ခွဲဆိုတဲ့ကာလမှာ
အသိတစ်ယောက်ကိုဇာပနတစ်ခု
ကြိုတင်ဖိတ်ကြားလိုက်ရလို့
ဝမ်းနည်းမှုတို့ရှိလိမ့်မယ်မထင်ပါနဲ့
ကျနော်အရိုးပါ ဒါကိုသူသိပါတယ်။

-နယ်သာပို

မထိရက် မကိုင်ရက်သည်မှာ
မချစ်၍ မဟုတ်
မြတ်နိုးလွန်း၍သာ ဖြစ်သည် ။

*တက္ကသိုလ်ဘုန်းနိုင်

နိဗ္ဗာန်အထိမရောက်ချင်ဘူး မမ
ကျွန်တော့်ကို သံသရာအထိခေါ်ပါ ။

-ခန့်သွယ်
ရောမန္တိက-၁

သေသွားလို့နောက်ဘဝကူးရင်
အရင်ဘဝကအချစ်မခံရတာတွေ
အရွေးချယ်မခံရတာတွေကပြန်ပါမှာလား
ပြီးဝောာ့
သူနဲ့ရောပြန်တွေ့မှာလား။

- မြစမ်းကြည်

နေပြင်းတော့ ပူတာပေါ့
နွေက‌တော့နွေပါပဲ

မိုးရွာတော့ စိုစွတ်တာပေါ့
မိုးကတော့မိုးပါပဲ

နှင်းကျတော့ အေးတာပေါ့
ဆောင်းကတော့ဆောင်းပါပဲ

ရင်တွင်းဒဏ်ရာတွေလည်း
ရခဲ့တော့
နှလုံးသားလေးနာကျင်ရတာပေါ့
မင်းကတော့မင်းပါပဲ။

-လင်းသစ်

လူတွေဟာ

အချိန်ပြည့်ကောင်းနေစရာ မလိုပါဘူး။

ကောင်းချင်ယောင်မဆောင်ဖို့ပဲ လိုတာပါ။

မင်းကတော့ အကြောင်းပြချက်မရှိဘဲ
ထွက်သွားခဲ့ပေမဲ့
ကိုယ်ကတော့ အကြောင်းပြချက်ပေါင်းစုံနဲ့
အခုထိစောင့်နေဆဲ ။

- ခန့်သွယ်
-ဆောင်းအိမ်မက်-၃

ဆင်ဖြူတွေကလိင်ဆက်ဆံတဲ့နေရာမှာ
အရမ်းအသုံးဝင်ပုံပဲ
ပုံအောပြီးပေးလိုက်ရင်
ဟန်ဆောင်နိုင်စွမ်းရှိကျတဲ့
စွမ်းအားရှင်တချို့။

စွဲလမ်းစရာမကောင်းပင်မဲ့
မပျော်ရင် အဲ့လိုစွမ်းအားရှင်တွေနဲ့ အတူဖျှော်လို့ရတယ်

ကိုယ်မမျှော်ရင်တောင်
သူတို့ကမျှော်နေတာမျိုး
အခုခေတ်ဆင်ဖြူရှင်ဘုရင်တွေကိုအားကျမိပါရဲ့။

- မြစမ်းကြည်

သူမ ငြင်းပုံ‌လေးကသိပ်လှတယ်နော်
" သူစိမ်းကနေ မိတ်ဆွေ
မိတ်ဆွေကနေ သူငယ်ချင်း
သူငယ်ချင်းကနေ ချစ်သူ
ချစ်သူကနေ ရန်သူမဖြစ်ချင်လို့ပါ အကို " တဲ့။

#Gru

ကျောခိုင်းရမယ့် ရပ်ဝန်းတွေဆို
နောက်ပြန်လှည့်မကြည့်မိစေနဲ့
နာကျင်ရတယ်ဆိုတာ
မပြတ်သား​မှုက စတာပဲ။

_ငြိမ်းဇော်

မင်းကတော့ အကြောင်းပြချက်မရှိဘဲ
ထွက်သွားခဲ့ပေမဲ့
ကိုယ်ကတော့ အကြောင်းပြချက်ပေါင်းစုံနဲ့
အခုထိစောင့်နေဆဲ ။

- ခန့်သွယ်
-ဆောင်းအိမ်မက်-၃

ငါ့တရားကိုငါမထိန်းနိုင်တဲ့အထိ
ဘီလူးရုပ်ကိုကျော်ပေါ်တင်လို့
မင်းဆီငါခရီးနှင်ခဲ့တယ်။

ငါ့ကိုငါကိုးကွယ်မရတော့တဲ့အထိ
ငါ့အသက်ကိုရုတ်ချည်းနှုတ်လို့
မင်းကိုအသက်ဆက်စေခဲ့တယ်။

ငါမျက်ရည်ကိုပင်လယ်လုပ်လို့
လှော်တက်တစ်ခုကိုယူပြီး
မဟာဇနကလုပ်ခဲ့တယ်။

ယောက်ျားလေးတွေမျက်ရည်
ပြိုဆင်းလာရတဲ့အခါ ဘယ်သူမှ
သနားပါတယ်လို့မဆိုကြဘူး။

-နယ်သာပို

နေရထိုင်ရကျပ်တည်းလာလေ
ချစ်မြတ်နိုးရသူတွေကို
မပွန်းမပဲ့စေချင်လေပါပဲ။

- မြကျေး

ပိုးဖလံတွေမှာ နောက်ဘဝရှိရင်လည်း
ဒီမီးကိုပဲ ထပ်တိုးကြဦးမှာ ။

▪️ဂန္ဓမာ