#KALTUBE

Live stream ሁለተኛው ክፍል

መልስና ማብራሪያዎች

3.8K viewsedited 19:55

ቤቱ ሳይፈርስ

#ህይወትን ከሚያስውቡልን ነገሮች መካከል በህይወታችን ውስጥ ያገኘናቸው ሰዎች ናቸው። የህይወት ነገር እጅግ ይገርማል በአንተ መንገድ የሚመጡ ሰዎች ብዙ ይሆናሉ ግን ሁሉም ላንተ አይደሉም። አንተ ምንም ያህል ብትወዳቸውም፣ ብትፈልጋቸውም ሁሉም ላንተ አይደሉም። ነገር ግን ከነዛ ውስጥ አንድ ሁለቱ ልትተካቸው የማትችላቸው አምላክ ላንተ የሰጠህ ይሆናሉ ሚገርምህ ላንተ የተሰጠህ ሰው ካንተ ወይም ያንተ የሆነውን ሳይሆን አንተን ነው ሚፈልግህ ማንነትህን አንተነትህን። እነዚህ ሰዎች እጅህ ላይ ስላሉ ቀሎህ ይሆናል ወይም በእጅህ ወርቅ ይዘህ ሌላ እንደሚገኝ ታስብ ይሆና ል እውነታው ግን ሌላ ሊኖር ይችላል ነገር ግን በእጅህ ያለውን በፍጹም አይተካውም። ስለዚህ ሌላውን ትተህ ልብህ ማረጋገጫ የሰጠህን፣ በህይወትህ ያሉት ላይ ብቻ ሌላ እንደምታገኝ ወይም እንደሚገጥምህ ሳይሆን በአሁኑ ሰአት አንተ ጋር ያሉትን አጥብቀህ ያዛቸው እነዛን ሰዎች ካጣሀቸው በፍጹም አትተካቸውም።

#ስህተት በእርግጥ ብዙ ስህተት እና ግጭት ይፈጠራል በመሀከላችሁ ግን ክፍተት እንዲፈጥር አትፍቀዱለት። ይልቅ በተቻለህ መጠን በቶሎ፣ በፍጥነት "ሳይቃጠል በቅጠል" እንደሚባል እንደዛው ነገሮች ሊስተካከሉ የማይችሉበት ደረጃ ላይ ሳይደርስ አስተካክሉት በዳዮ ማንም ሊሆን ይችላል መልሰህ የማታገኘውን ሰው እንዲሁ አትለየው በስሜት ውሳኔን አትወስኑ የእናንተ አብሮነት አይተካምና የህይወት ዘመን ጸጸትን ከማምጣት ዛሬ መፍትሄ ፈልጉ።

#እውነት ቢያምም እውነትን ማወቅ ይሻላል እና ሁሉንም ነገር ጠረጴዛ ላይ አስቀምጣችሁ አውሩበት የገነባችሁትን ቤት ለምን በስሜት ታፈርሱታላችሁ አውሩበት በግልጽ ተነጋገሩ። ሊፈታ የሚቻለውን ነገር ደብቃችሁ ሚስጥር አድርጋችሁ ለምን ዘመናችሁን ታዝናላችሁ ምንም ያህል ጥፋት ቢፈጥር ጥፋቱ ቢደጋገም እንኳ የመጨረሻ እድል ሰጥታችሁ ተነጋገሩበት።

#የተደበቀ ምንም ነገር አይኑራችሁ ያልተገለጠ ስሜት ታምቆ ይፈነዳል እና ከአሁኑ የሚጎዳችሁ ያልተመቻችሁን ነገር ተነጋገሩ እውነት ቤት ሳይፈርስ በቶሎ መድረስ ከባድ ከሆነ ኪሳራ ይታደጋል።

#ቁምነገር መዝናናት ብቻ ሳይሆን ሳትደባበቁ እውነትን በፍቅር ተነጋገሩ
የማይመለስ፣ የማይተካ ህብረታችሁን ተጠንቀቁለት።

#ውድ የሆነውን ህብረታችሁን እንዲሁ አታፍርሱት።

መልካም ቀን || ሳሙኤል ከበደ

💐💐💐💐
@KALTUBE
@KALTUBE
@KALTUBE

5.2K viewsedited 05:12