#TANLOV

🇺🇿 “Vatan taraqqiyotiga mening hissam” shiori ostidagi ilmiy-ommabop maqolalar tanlovida qatnashib, 8 000 000 so‘m pul mukofotiga ega bo‘ling!

📌 Tanlovda quyidagi yo‘nalishlarda ishtirok etishingiz mumkin:

👉 1-yo‘nalish: Yuksak ma’naviyatli avlod -Uchinchi Renessans bunyodkorlari;

👉 2-yo‘nalish: Millatlararo totuvlik va diniy bag‘rikenglik o‘zbek xalqining yuksak qadriyatidir;

👉 3-yo‘nalish: Yangi O‘zbekiston ma’rifatli jamiyatini yaratishda yoshlarning o‘rni;

👉 4-yo‘nalish: Yoshlar hayotida virtuallashuv sabablari va omillari.

🏆 Tanlov g‘oliblari Oliy va o‘rta maxsus ta’lim vazirligi tomonidan har bir yo'nalish bo'yicha 1-, 2-, 3-darajali diplom va sertifikatlar hamda quyidagicha pul mukofotlari bilan taqdirlanadi:

1-o‘rin: - 8 000 000 so‘m;

2-o‘rin: - 5 000 000 so‘m;

3-o‘rin: - 3 000 000 so‘m.

📥 Tanlov uchun maqolangizni @manaviyat_edu_tanlov manziliga yuboring!

👉 Tanlov nizomi 📄

🔗 Telegram | Instagram | Facebook | YouTube

“Yangi iste’dodlar — 2022” Respublika ko‘rik-tanlovi
#TANLOV

O‘znekiston Respublikasi Qurilish vazirligi
Toshkent arxitektura-qurilish instituti

O‘zbekiston Respublikasi Qurilish vazirligi, Innovatsion rivojlanish vazirligi, Oliy va o‘rta maxsus ta’lim vazirligi, “O‘zsanoatqurilishmateriallari” uyushmasi, O‘zbekiston Badiiy akademiyasi, Yoshlar ishlari agentligi va boshqa hamkor vazirlik hamda idoralar bilan hamkorlikda “Yangi iste’dodIar-2022” Respublika ko‘rik-tanlovi bo‘lib o‘tadi.

Ko‘rik tanlov qurilish sohasidagi loyiha va ishlanmalarni hamda innovatsion qurilish texnologiyalarini amaliyotda qo‘llashga qaratilgan ustuvor vazifalarni izchil amalga oshirishga qaratilgan bo‘lib, tanlovning asosiy maqsadi qilib iqtidorli yosh talabalarni aniqlash, ularni qo‘llab-quvvatlash, yuksak bilimli, mustaqil fikrlaydigan, o‘zi tanlagan ta’lim yo‘nalishi va mutaxassisligi bo‘yicha mukammal bilim, ko‘nikmaga ega bo‘lgan zamonaviy arxitektura loyihalarini, muhandislik ishlanmalarini hamda qurilish innovatsion texnologiyalarni yaratishga qodir, raqobatbardosh kadrlarni tayyorlashga qaratilgan.

Ko‘rik-tanlov oliy ta’lim muassasalarining bakalavr hamda magistr talabalari o‘rtasida bo‘lib o‘tadi.

Tanlovda quyidagi yo‘nalish bo‘yicha ijodiy ishlar qabul qilinadi:

- Eng yaxshi rangtasvir va amaliy san’at asari (rangtasvir, grafika, haykaltaroshlik va o‘ymakorlik);
- Eng yaxshi arxitekturaviy innovatsion loyiha va maket;
- Eng yaxshi me’moriy ta’mirlash, qayta tiklash loyihasi va kompozitsiya;
- Eng yaxshi landshaft va interyer dizayni;
- Eng yaxshi innovatsion muhandislik-kommunikatsiya loyihalari va ishlanmalari;
- Eng yaxshi innovatsion qurilish materiallari va texnologiyalari;
- Eng yaxshi innovatsion biznes loyiha;
- Eng yaxshi zilzilabardosh binolar va konstruksiyalar;
- Eng yaxshi innovatsion energosamarador loyihalar va ishlanmalar;

Ko‘rik-tanIovda ishtirok etish tartibi:

Ko‘rik tanlov ishtirokchisi o‘z ishtirokini ma’lum qilish maqsadida ushbu Nizomning 3.3-bandida keltirilgan tartib asosida ro‘yxatdan o‘tgan bo‘lishi shart.

Nominatsiyalar bo‘yicha ishtirokchilar (mualliflarning uslubi va yo‘nalishini aniqlash maqsadida) tegishli o‘quv yilida bajarilgan hamda boshqa ko‘rik- tanlovda ishtirok etmagan uchtagacha loyiha, ishlanma va ijodiy ishlari bilan qatnashishi mumkin. Ekspert guruhi ijodiy ishlarni saralashni o‘z zimmasiga oladi.

Ko‘rsatilgan muddatdan kechikib taqdim etilgan va belgilangan tartibda rasmiylashtirilmagan loyihalar, ishlanmalar va ijodiy ishlar ko‘rik-tanlovga qo‘yilmaydi.

Loyiha va ishlanmalarni namoyish etishning oxirgi muddati axborot xatida belgilanadi

G‘oliblarni taqdirlash marosimi Toshkent arxitektura-qurilish instituti binosida tashkil etiladi. Taqdirlash marosimida tashkiliy guruh a’zolari, hamkor vazirlik va idoralarning xodimlari hamda homiy korxona va tashkilotlarning vakillari ishtirok etib, I,II,III darajali diplom, moddiy rag‘banlantirish shuningdek, qimmatbaho sovg‘alar bilan taqdirlanadilar.

Ko‘rik-tanlov 2022-yil 27-may kuni Toshkent arxitektura-qurilish institutida o‘tkaziladi.


Ko‘rik-tanlov jarayoni va natijalari to‘g‘risidagi ma’lumotlar Qurilish vazirligining www.mc.uz va Toshkent arxitektura-qurilish institutining www.taqi.uz rasmiy veb saytlarida yoritib boriladi.


Ko‘rik-tanIovda ishtirok etish tartibi, ijodiy ishlarga qo‘yiladigan talablar bilan tanlov Nizomida to‘liq tanishishingiz mumkin.


SamDAQI Axborot xizmati
@samdaqi_uz