🌹Бугун , Чоршанба
  30- Сентябр          2026 йил
  18- Робиус соний, 1448 йил

🌹Ассалому алайкум ва роҳматуллоҳи ва барокатуҳ.
🌹Аллоҳ  насиб қилган бу янги кун хайрли, барокатли, файзли бўлиб, ўйламаган жойингиздан Роббим беҳисоб ризқи ила ризқлантирсин.
🌹Илоҳим бу кунимиз савобларга тўла,гуноҳлардан холи кунлардан бири бўлсин.

🌹🌹Мўмин кишини биринчи иши бомдод намозини ўқиш билан бошланади. 🌹🌹
🌹🌹Сиз бомдодни ўқидингизми?

#кун_ояти

يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَىٰ مَا أَصَابَكَ ۖ إِنَّ ذَٰلِكَ مِنْ عَزْمِ الْأُمُورِ.

«Эй ўғилчам, намозни тўкис адо қил, яхшиликка буюриб, ёмонликдан қайтар ва ўзингга етган мусийбатга сабр қил. Албатта, булар азм этилажак ишлардандир».
(Луқмон сураси, 17-оят).

Тафсир: Аллоҳга иймон келтириб, охиратдан умидвор ҳар бир одам адо этиши лозим бўлган ишлар шулардир: «Эй ўғилчам, намозни тўкис адо қил». Намозсиз қаерга ҳам бориб бўларди "Намозсиз нима ҳам қилиб бўларди" Шунинг учун ҳам зарурий амаллар орасидан биринчи бўлиб намоз тилга олинмоқда. Пайғамбаримиз соллаллоҳу алайҳи васалламнинг ҳадиси шарифларида: «Намоз диннинг устунидир», дейилган. Ҳа, устунсиз иморат бўлмайди. Намоз инсоннинг тили билан айтиб, дили билан тасдиқлаган иймонининг аломатларидан биридир. Намозни тўкис адо этган одам бошқаларни амри маъруф, наҳйи мункар қилиш ҳаққига эришади.

https://t.me/joinchat/SDTWAQbfSO-nt-QZ

БОМДОДНИ ҚЎЛДАН БОЙ БЕРМА!

Абу Ҳурайра розияллоҳу анҳудан ривоят қилинишича, Муҳаммад соллаллоҳу алайҳи васаллам дедилар:
“Сизларнинг ҳузурингизга кечқурун бир жамоа ва кундузи бир жамоа фаришталар орқама-орқа келади. Улар бомдод ва аср намозларида жам бўладилар. Кечқурунги фаришталар Аллоҳ таоло ҳузурига кўтарилганда, Аллоҳ Ўзи билган ҳолда — «Бандаларимни қай ҳолда тарк этдинглар?» деб сўрайди. Улар: «Уларни тарк қилганимизда ҳам, олдиларига борганимизда ҳам намоз ўқиётган эдилар», дейдилар.”
(Саҳиҳ Бухорий ва саҳиҳ Муслим ривояти)

📚 Қисқа изоҳ:
Куннинг бошланиши ва тугаши — ҳисоб нуқтаси.
Фаришталар алмашадиган лаҳза — банданинг ҳолати ёзиб қўйиладиган вақт.

Қандай бахт, агар фаришталар:
“Эй Раббимиз, уни саждада топдик”, десалар.
Қандай хатар, агар:
“Уни ухлаб ётган ҳолда қолдирдик”, десалар…

Уйқу ширин.
Лекин Аллоҳнинг розилиги ундан ҳам ширинроқ.

Келинг, бомдодни қўлдан бой бермайлик.
Чунки ҳар бир бомдод намози — фаришталар томонидан биз учун бир гувоҳликдир.

Ким тунни ғафлатда ўтказса, бомдод унга оғир бўлади.
Ким бомдодни асраса, Аллоҳнинг аҳди ва ҳифзу ҳимоясида бўлади.
https://t.me/joinchat/SDTWAQbfSO-nt-QZ

ҒАЗАБ ВАҚТИДА АЙТИЛГАН ТАЛОҚ ТУШАДИМИ?
#талоқ

❓2209-САВОЛ: Эр ғазаб вақтида хотинига талоқ айтса, шу талоқ тушадими? Ижтимоий тармоқда ғазабланган одамнинг талоғи тушмайди деган маълумот тарқалмоқда. Бу қанчалик тўғри? Илтимос батафсил жавоб берсангиз.
 
💬 ЖАВОБ: Бисмиллаҳир Роҳманир Роҳим. Ғазабда айтилган талоқ тушади. Бунга доир ҳукмлар барча фиқҳий китобларимизда баён қилинган. “Ғазабдаги кишини талоғи тушмайди” деб мутлақ айтиш мазҳабимиз қоидалари ва аҳкомларига кўра, хато гапдир. Чунки мўътабар манбаларимизда ҳатто баъзи киноя лафзлари ғазабда айтилганда гарчи эр талоқни ният қилмаса ҳам талоқ тушиши айтилган. Жумладан, Аҳмад ибн Муҳаммад Розий ал-ҳанафий (598-ҳижрий йили вафот этган) “Мухтасарул Қудурий”нинг шарҳида шундай деганлар:
وإن لم يكونا في مذاكرة الطلاق وكانا في غضب أو خصومة وقع الطلاق بكلِّ لفظ لا يقصد به السبّ والشتيمة، ولا يقع بما يقصد به السبّ والشتيمة إلا أن ينويه
“Агар эр-хотин талоқ ҳақида сўз юритмаётган бўлиб, лекин ғазаб ёки жанжал устида турган бўлсалар, сўкиш ва ҳақорат мақсад қилинмайдиган ҳар қандай киноявий лафз билан (айтилган) талоқ тушади. Сўкиш ва ҳақорат мақсад қилинадиган лафзлар билан эса талоқ нияти бўлмагунича талоқ тушмайди” (Манба: “Хуласатуд-далаил ва танқиҳил-масаил шарҳ ал-Қудурий”).

Ушбу иқтибосдан кўриниб турибдики, ғазаб ҳолати талоқни бекор қилувчи ҳолат сифатида қаралмайди. Аксинча, эр-хотин талоқ ҳақида гаплашмаётган бўлса ҳам, ғазаб ёки жанжал пайтида айтилган киноя лафзлар муайян шартлар асосида талоққа йўйилиши мумкин. Шундай экан, талоқ маъносини очиқ англатувчи сариҳ лафз, яъни “талоқсан” деган сўз ғазаб ҳолатида айтилганда талоқ воқеъ бўлиши янада авлороқдир.

Ғазабланган кишининг талоғи тушмайди деган фатво аслида ҳанбалий мазҳабининг баъзи кейинги уламоларининг қарашлари бўлиб, бунга жумҳур (кўпчилик) уламолар қўшилмаган. Бу ҳақда Аллома Бадриддин Айний раҳимаҳуллоҳ шундай деганлар:
أما حكم الطَّلَاق فِي الْغَضَب فَإِنَّهُ يَقع، وَفِي رِوَايَة عَن الْحَنَابِلَة إِنَّه لَا يَقع
“Ғазаб ҳолатида айтилган талоқнинг ҳукмига келсак, у воқеъ бўлади. Ҳанбалийлардан ривоят қилинган бир қарашга кўра эса, ғазаб ҳолатида айтилган талоқ тушмайди” (“Умдатул-қорий шарҳу Саҳиҳил-Бухорий”).

Ҳанафий олимлардан Аллома Асъад Муҳаммадсаид Ас-соғуржий ҳам шундай деган:
طلاق الغضبان واقع وفي رواية عن الحنابلة إنه لا يقع
“Ғазабланган кишининг талоғи тушади. Ҳанбалийлардан ривоят қилинган бир қарашга кўра эса, ғазаб ҳолатидаги талоқ воқеъ бўлмайди” (Манба: “Ал-Фиқҳул ҳанафий ва адиллатуҳу” китоби, 2-жилд, 219-бет.).

Хулоса қилиб айтганда, ҳанафий мазҳабига кўра, ғазаб ҳолатида айтилган талоқ тушади. Талоқ масаласи нозик бўлгани боис, ҳар бир талоқ ҳолатини унинг аниқ шароитлари, айтилган лафз ва шахснинг ўша пайтдаги ҳолатини инобатга олган ҳолда, илм аҳли томонидан алоҳида ўрганиб, шунга мувофиқ ҳукм баён қилиниши керак. Валлоу аълам.

Ўзбекистон мусулмонлари идораси
Фатво маркази.

🌹Бугун , Пайшанба
  01- Октябръ          2026 йил
  19- Робиус соний, 1448 йил

🌹Ассалому алайкум ва роҳматуллоҳи ва барокатуҳ.
🌹Аллоҳ  насиб қилган бу янги кун хайрли, барокатли, файзли бўлиб, ўйламаган жойингиздан Роббим беҳисоб ризқи ила ризқлантирсин.
🌹Илоҳим бу кунимиз савобларга тўла,гуноҳлардан холи кунлардан бири бўлсин.

🌹🌹Мўмин кишини биринчи иши бомдод намозини ўқиш билан бошланади. 🌹🌹
🌹🌹Сиз бомдодни ўқидингизми?

#кун_ояти

يَا أَيُّهَا الَّذِينَ آمَنُوا إِنْ تَتَّقُوا اللَّهَ يَجْعَلْ لَكُمْ فُرْقَانًا وَيُكَفِّرْ عَنْكُمْ سَيِّئَاتِكُمْ وَيَغْفِرْ لَكُمْ ۗ وَاللَّهُ ذُو الْفَضْلِ الْعَظِيمِ.

«Эй, иймон келтирганлар, агар Аллоҳга тақво қилсангиз, сизга фурқон беради, сизнинг гуноҳларингизни ювиб мағфират қилади. Аллоҳ улуғ фазл эгасидир».
(Анфол сураси, 29-оят).

Тафсир: Яъни тақводор кишига Аллоҳ таоло ҳақдан ботилни, яхшидан ёмонни ажратадиган, фарқлайдиган ҳидоят ва нур бериб қўяди. «Фурқон» дегани ажратувчи – фарқловчи деганидир. Ана ўша ҳидоят ва нур ила тўғри йўлдан юриб борилади. Тақводорларнинг гуноҳлари ҳам ювилади, ҳам мағфират қилинади. Бу катта бахтдир. Аммо Аллоҳ таоло бу билан кифояланиб қолмайди. Тақводорларга яна бошқа мукофотлар беради. «Аллоҳ улуғ фазл эгасидир».

https://t.me/joinchat/SDTWAQbfSO-nt-QZ

Аллоҳ таоло «Мужодала» сурасининг 11-оятида устоз ва олимларнинг мақомини шундай баён этади:

«...Аллоҳ сизлардан имон келтирганларни ва илм берилганларни баланд даража (мақом)ларга кўтарур...».

Демак, устозлик ва муаллимлик касби Яратган томонидан баланд даражалар ва юксак шараф билан мукофотланган, икки дунё саодатига эриштирувчи касбдир.

Ҳадиси шарифларда муаллимлик фазилати

Пайғамбаримиз Муҳаммад Мустафо соллаллоҳу алайҳи васаллам ўзларининг юборилиш аҳамиятини баён этиб: «Албатта, мен муаллим (ўргатувчи) қилиб юборилдим» (Ибн Можа ривояти), деб марҳамат қилганлар. Бу билан Расулуллоҳ соллаллоҳу алайҳи васаллам ўзларининг энг бош вазифалари инсониятга ҳақиқатни, эзгуликни ва олийжаноб ахлоқни ўргатиш, яъни устозлик қилиш эканини таъкидлаганлар.

Бошқа бир муборак ҳадисда эса шундай дейилади: «Албатта, Аллоҳ таоло, Унинг фаришталари, осмону ер аҳли, ҳатто инидаги чумоли ва денгиздаги балиқлар ҳам одамларга эзгулик ва илм ўргатувчи муаллимнинг ҳақига дуо ва истиғфор айтадилар» (Имом Термизий ривояти).
https://t.me/joinchat/SDTWAQbfSO-nt-QZ

Устоз отангдан улуғ

🟢Имом Абу Ҳанифа раҳимаҳуллоҳ: “Устозим Ҳаммод вафот этгандан сўнг қачон намоз ўқисам, ҳар сафар албатта ота-онамга қўшиб, унга ҳам Аллоҳдан мағфират сўраганман. Устозим ҳовлиси томонга унга ҳурматан асло оёғимни чўзмадим. Менинг ва унинг ҳовлиси орасида еттита кўча бор эди”, дедилар. “Туруқот” асаридан.

🟢Имом Абу Юсуф раҳматуллоҳи алайҳ: «Имом Абу Ҳанифа мени ва оиламни йигирма йил давомида таъминлаб келди. Мен у зотга: “Сиздан кўра сахийроқ кишини кўрмаганман”, деганимда. Абу Ҳанифа: “Қандай қилиб? Сен устозим Ҳаммодни кўрганингда борми!" дер эди. Шайх Аҳмад Робиъ Азҳарий.

🟢Шайх, орифи биллоҳ Муҳаммад ибн Ялас Тилмисоний раҳимаҳуллоҳ шайхи ва устози Муҳаммад ибн Аҳмад Ҳаршовийдан дарс олиб юрган вақтлари устози маълум вақтга таълимни тўхтатиб, дарсга келмай туришини айтиб, узр айтади. Муҳаммад ибн Ялас ундан бу вақтга ғоиб бўлиши сабабини сўраганда, у 100 тилла дуру миқдорида қарзи борлигини, сафар асносида ўша пулни жамлаб келишини айтади. Шунда Муҳаммад ибн Ялас бориб ўзининг дўконини ўша миқдордаги нархга сотади-да, қарзни ёпиши учун у маблағни олиб бориб беради.

🟢Қози ва фақиҳ Абу Юсуф роҳимаҳуллоҳ намозини тугатиб: «Аллоҳим, ота-онам ва (устозим) Абу Ҳанифани мағфират қил», деб дуо қиларди.

🟢Ҳорун ар Рашиднинг ўғли Маъмуннинг ўсмирлик вақти эди. Устози (бир куни) уни ҳеч бир сабабсиз асо билан урди. Маъмун: "Нега мени урдингиз?" деб сўраганди, устоз: "Жим бўл!" деди. Ҳар гал Маъмун сўраса, устози: "Жим бўл!" деб жавоб бераверди.
Орадан йигирма йил ўтиб Маъмун халифалик мансабига ўтирганида, биринчи қилган иши устозини чақиртирди. Ундан сўради: “Ёшлигимда мени нима учун ургандингиз?”.
Шунда устози табассум қилиб: "Унутмаганмидингиз?" деди. Маъмун: "Аллоҳга қасамки, ҳеч қачон унутмаганман", деди.
Шунда устоз: "Мазлум инсон (кўрган зулмини) ҳеч қачон унутмаслигини сизга таълим бериш, билдириш учун урган эдим", деб жавоб берди.

🟢Шогирд устозга муҳтождир. Устозга эргашган киши шубҳасиз тўғри йўлни топади. Чунки диндаги йўл мураккабдир. Шайтон йўллари эса кўп ва аниқ кўриниб туради. Кимни тўғри йўлга йўллаб турадиган устози бўлмаса, шайтоннинг йўлига тушиб қолиши муқаррардир.
“Иҳёу улумид-дин” китобидан.

🟢Қалбинг хира тортиб, сустлашиб қолсанг, (маънавий устозим деб билган) севган инсонинг ҳузурига бориб, қалбингни поклашинг гўзал ҳолатдир.
Зеро, ҳар гал унинг олдига заиф ҳолда келиб, кучли руҳоният билан қайтасан. Шайх Ражаб Нақшбандий.

P.S. Аллоҳ таоло холис ва самимий уламоларимиз, устозларимизни саломат сақласин, вафот этганларини раҳматига олсин. Илм масъулиятини зиммаларига олиб, илм омонатини етказаётган улуғларимизни Ўзининг ҳифзи ҳимоясида асрасин!

https://t.me/joinchat/SDTWAQbfSO-nt-QZ

#Намоз вақтлари!

Азон ва Намоз вақтлари:
02-Октябрдан 09-Октябргача
Бомдод:  04 : 55  - 05 : 40+5
Пешин:    12 : 45  - 13 : 00
Аср:         16 : 05  - 16 : 15
Шом:       18 : 00  -05           
Хуфтон:   19 : 30  - 19 : 45

https://t.me/joinchat/SDTWAQbfSO-nt-QZ