دا ښار هسې په نوم د انسانانو دے لاليه !
ځنګل دے پکښې راج د شرمخانو دے لاليه !

تيارو ځپلي خلق دې زمونږ په خوا کښې کښېني
مونږ کړے انتظام د رڼاګانو دے لاليه !

مونږ تل د پردو خلقو خوشحالو ته خوشحالېږو
دا يو خصلت زمونږه د ډمانو دے لاليه !

مونږ چرته چې چراغ ليدلے ځان مو پرې سېزلے
زمونږه خو عادت د پتنګانو دے لاليه !

د دې سړي په مينه کښې خوبونه حرام شوي
د دې سړي آرام په دوايانو دے لاليه !

مونږ هسې زنده باد او مرده باد نعرې وهلې
وطن خو د وطن د بادارانو دے لاليه !

طوفان مو د وختونو په شا ځکه تمبولے
چې سر باندې مو سيورے د يارانو دے لاليه!

نه ښکاري او نه مخې له راځي چې سر په سر شو
يو جنګ دے راپه غاړه د پېريانو دے لاليه !

غزل کښې د اقبال که د خالونو ذکر نشته
مضمون خو پکښې ستا د اداګانو دے لاليه !

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

زړه مې وچــاوده له درده په درزا دی
ژونده ستړی یم او غــم دې را په شا دی

زمانه له مانـه دوه قـــدمـه وړاندې
مخلوق ټول بدل، بدل دی پـــــه هوا دی

یو سړی رابانــــــدې هــــره ورځ ګرانیږي
یو سړی راپــــورې هــر وختې بلا دی

زړه یې لپه کې راپورتـــه کـــه او وې ویل
دا د چــا دی، دا د چــا دی، دا د چــا دی

ما ویل غلې شه په خوله باندې لاس کېده
دا پــــــه لاره شیندل شوی زړه زما دی

درد به څنګــــــه دوا کیږي احسانمنده؟
درد مې بیا لـه نورو ورځـو نــــه سېوا دی
احسانمند
د تصویر جوړونکي نه هم نړۍ مننه، د مینې

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل
ګرځي په هوا د چم کوترې
مه وژنئ زما د چم کوترې

پرېږدئ چې ازاد وطن کې سا اخلي
پرېږدئ په نڅا د چم کوترې

ناستې د سپين غر په دنګو څوکو دي
ښکاري نيمه خوا د چم کوترې

چا ېې د ژوند ځالې ړنګې کړي دي
راغلې په ژړا د چم کوترې

مه وله ښکاري په غشو مه وله
ښکلې او زېبا د چم کوترې

آه بيا ېې په وينو لمبولي دي
بيا ويشتلي چا د چم کوترې

جنګ کې اې نصرته کړېدلې دي
ژاړي چې هرخوا د چم کوترې

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

هیڅ چا رانکړولو احساس په لاس کې
ځکه مې کلک ونیوه لاس په لاس کې

هغه غم راغی چې زغملی نشم
دا چې اوس ګرځوم ګلاس په لاس کې

ما د رقیب ګوتو کې ولیدلی
لکه پشان یې وی الماس په لاس کې

سترګي مې ټیټې کړي له شرمه ورته
زما تصویر یې پټ کړو پاس په لاس کې

(نجیبه) هغه وخت کې مخکې لاړي
چې کله رادې غلو احلاص په لاس کې

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

ښـه پام کــوئ ملګــرو پــه موندلـو کـې د یار
د ښکلـو عادت شــوی دی د مینــې نــه انکار

د یار یـوه خـبـره شـوه پـه ما د تـورې وار
دردونـه مـې رګـونـو کې خـوریږي لکـه( ۱)زار

چلیږي پــه دوکـه نــن سبا هــر د عـشق بازار
د ډیــرو د عـمـل ســره تــوپـیـر لـري ګـفـتـار

یوڅو ورځې خوږې درسره تیري کړي په شمار
بیا ژاړه پسـې ټـول عمر زړه خـوره پـه انتظار

کاتبــه ګـیلـه مــه کـوه چې یار مې شو اغیار
ساته به دې لستوڼي کې په خپله ځان ته مار
۱ زار ( زهر)
ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

مه پوښته چې څنګه په څو رنګه پاتې شوی دی؟
ژوند مې یو ویجاړ میدان له جنګه پاتې شوی دی

څاڅي مې له رنګه ناهیلي ته خو را وګوره
ته وا خړ څادر له کوم ملنګه پاتې شوی دی

مړه دې کړم له ډاره مړ شې داسې خو څوک نه کوي
شین ګلدوز دسمال دې کټ په لنګه پاتې شوی دی

وخت که کېنه کښ، که ریا کار که کرکېجن شوی
شکر ! زړه مې هر حال کې له زنګه پاتې شوی دی

ستا هغه جلان چې به یې لارې راوستې په شور
اوس د هغه مست وجود له شرنګه پاتې شوی دی
۸ وږی ۱۴۰۵
ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

نن خو ئې خبرې ------ څه خوږې وکړې
شوه راته مسکئ -- هم ئې ښېرې وکرې

څوک وائي چې سترگې نشي ویلی څه
ما سره د یار سترگو ------ کیسې وکړې

یار چې وعده وکړله ---- د شونډو سرو
جام او له ساغر نه مې ----- توبې وکړي

ځمکه او اسمان ------ يار او وفا داسې
زه څه ملامت ------ چې مې ګېلې کړي

ما ته د ژوند پای ټکی --- ښکاره شولو
بيا چې د سبا ------- اشنا وعدې وکړې

زه هم خدای وهلی --- ښه انجان یمه
چاته مې د زړه --- د درد کیسې وکړي

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

پۀ اطمینان او پۀ سکوُن اودۀ شوم
دا ځل بېخي لکه پښتُون اودۀ شوم

د ورځو شپو پۀ شمار خبر هم نۀ یم
پۀ ساړۀ زړۀ لکه بېلتُون اودۀ شوم

پرادو غمونو ته مې لتې ورکړې
سر مې راټیټ کړو پۀ زنګُون اودۀ شوم

د بې غمې پۀ خوند خو اوس پوهه شوم
پۀ وچه تړه لکه شپُون اودۀ شوم

سلامه خوب کښې بۀ سندرې وایم
کۀ چرته بیا لکه پرُون اودۀ شوم

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

چې جلا شو رانـــــــــــه یار په محبت کې
پسې ډیر شومـــــــــه بیمار په محبت کې

په زړګي مې د دنیـــــــــــــا اورونه بل وو
سوځیدمه پـــــــــــــه انګار په محبت کې

ناڅاپی سنګه ګونګی شـــــــــو خدایه یار
چی اوس نه کــــــوی اقرار په محبت کې

کلیواله چی له کلی ښـــــــــــــــار ته راغله
اوس یی ډیر شول خریـدار په محبت کې

دا چې ته نن د مرګي پــه بستر پروت یی
تاته چــــــــــــــــــا کړی ازار په محبت کی

زه جانان دی ټولــــه ورځ سترګو ته ګورم
بس همدا می شــــو روزګار په محبت کې

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

د درد لاسونه به مې غاړې نه چاپېر نه وي
ژوند خوبه تل داسې د تورو شپو په څېر نه وي

دا سر خوړلي عذابونه به تکرار وي په ما
تر څو چې هغه بې وفا له مانه هېر نه وي

په ماتو ماتو شونډو خاندم له ناکامه ګنې
تر ما به درد په درست جهان کې د چا ډېر نه وي

بیا به په ټول ښار کې د چا سترګي دروانه وړي
لکه د نن به دې هر کس حُسن ته ځېر نه وي

کریمه! ځکه چاته نه ښایم د زړه زخمونه!
د اسمان ستوري خو بې شماره وي د شمېر نه وي

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

تسلي راکړه، يم بدحاله، سړی څنګه وکړي ؟
زما د سختې انډيواله، سړی څنګه وکړي ؟

چې خودکُشي دې ناروا کړه، ښاا نو تۀ ووايه
چې له ځان تنګ شي ذولجلاله، سړی څنګه وکړي؟

چاته يې تش کړي؟ چاته وژاړي پۀ چيغو چيغو؟
چې زړګی ډک وي بې مثاله، سړی څنګه وکړي؟

زاا خو پۀ خوله بۀ د خندا تمثيل دونيا ته وکړو
خو چې دې زړۀ نۀ وي خوشاله، سړی څنګه وکړي؟

سندره پلې کړي؟ کۀ پۀ زوره زوره چيغې وکړي؟
د زړۀتنګون حد کې، وصاله، سړی څنګه وکړي؟

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

ای کبرجنه یــــــــــــاره چاته لاړی
څنګه له ځمکـــــی نه هواته لاړی

زه درته دري قـدمه مخکی راغلم
ته ولی دری قــــــــدمه شاته لاړی

زما ټول عمر په تیارو کې تیر شو
ته ولی وایې چـــــــې رڼاته لاړی

حالات به څنګــــه زما نه ورانیږی
رقیبه ته چی د یـــــار خواته لاړی

گلابه څومره بختــــــور ښکاریږی
د یار د تور وربـــــــل دنیا ته لاړی

جانانه ته د چــا په تمه ناست یی
چی د فکرونـــــــــــو کربلاته لاړی

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

زه مې د روح قاتل ته څنګه سلامي وکړمه
مرګه پیرزو دې یم چې داسې زندګي وکړمه؟

بیا به د خپل کلي په خړو ډاګو ونه ناڅم
ګومان مې نشي بیا دې شنه بنارسي وکړمه

له ړنګې ځالې سره زه هم خس شوم باد یوړمه
مرغۍ خو نه یمه چې هر کالې خواري وکړمه

زه به د زړه په وینو ستا د بڼ ګلان اوبه کړم
زه به د سترګو له رنګ تاته نقاشي وکړمه

محفل به ډک، ستا به پیښمانه سترګې ما لټوي
زه به مخ واړوم سلام به معمولي وکړمه

ولې دې ژوند راکړ، په ژوند دې حاکمیت رانکړ؟
زه به له خدای نه دا پوښتنه ضروري وکړمه

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل
هغې ته ووایه چــې یــو ځال دې ماښام پاتې شي
میخانه نه ده چې الفــــت په کې بــدنام پاتې شي

یـــو لیـــوني ته بــه څــوک څنګه قــصیدې ووایـي
سنـدرې وایـــو مګر مونږ ســـــره دې قام پاتې شي

زه بـــه د میـــنی ټــول رازونــه ورتــه وســپاړمـــه
سپوږمی دې هم زما په غیږه کې په بام پاتې شي

که څوک ازار کوي نـو حـق یې دی کولی یې شــي
د لـــیونو ســــره بـــه کـــوم ســــړی ارام پاتې شي

د خلکو مـــخ کې راته وایــي وروره ستړی مه شې
د پښتـــنې میـــنی اخیــر کـــې دا انجام پاتې شي

فدا په دې موضـــو مې سر له ســره نه خلاصیږي
پــه یارانـــه کــې هـــر ســــړی ولې ناکام پاتې شي

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

بیا کهٔ پسرلی راشي نو څهٔ فایده
موږ خپلې ځوانۍ پهٔ خزان وخوړې

#آرمان

غزل

تماشې پکې پیدا کړه، تماشه ورپکې وکړه
ژوند دې خپل دی او تۀ خپله تجربه ورپکې وکړه

چيغې هسې هم تمثيل شوې، پۀ بې درکه زمانه کې
زۀ پۀ خوند یم د درد روږدی، اضافه ورپکې وکړه

اې دژوند د سختې لارې، سخته ستړيه لارويه
میکده ده کۀ جومات دی، لږ دمه ورپکې وکړه

تياره پرېده، رڼا پرېده، مۀ سکون غواړه نۀ مينه
ژوند کنډر غوندې يو کور دی، ګذاره ورپکې وکړه

ځه شهابه هغه غرونه ، هسې هم د هيچا نۀ دي
سوې چيغې او پۀ يار پسې ناره ورپکې وکړه

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

ژوند سره به اړوې ځان رنګ په رنګ
وینې خو جانانه جهان رنګ په رنګ

هر چاته په هر رنګ کې ګویا دي څوک
بویه لامکان او مکان رنګ په رنګ

ستا د مینې رنګ مې پکې ونه موند
اړوم د مینې داستان رنګ په رنګ

تا سره به هر وخت کې ولاړ وي وخت
زده دې څيرول د ګرېوان رنګ په رنګ

لاس دې په خوله ایښی مجبورۍ ګنې
چیغې دې راځي د وجدان رنګ په رنګ

کوم د قربت رنګ دې ځان نه تاوو کړمه
ګرځي دې کوڅه کې سګان رنګ په رنګ

وینم شمائلې، رنګینۍ چې اوس
را دې شي د مینې ارمان رنګ په رنګ

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

#غزل
غم، وسواس، او اندیښنه به مې خراب کړي
ټوکې نه کوم له زړه به مې خراب کړي

ډک سیګرټ او په ماښام هندي سندرې
دوامداره که شي ښه به مې خراب کړي

ورته هره شپه لمن، لمن کیسې کړم
ګونګ تصویر پر دېواله به مې خراب کړي

تللیه خوبه سړی څه درسره وکړي
ستا په نیمو شپو راتله به مې خراب کړي

ستا غمونه نا بللي مېلمانه دي
نابللي مېلمانه له مې خراب کړي

آهو چشمې! ستا له سترګو صدقه شم
آهو چشمې! ستا کاته به مې خراب کړي

د شبنم په څېر د یار په غېږ کې پروت یم
خو د هجر لمر خاته به مې خراب کړي

زما د مخ څرمن غربت خرابه کړې
وخت به راشي تور ویښته به مې خراب کړي

په خیالي معشوقه شعر لیکل سمونه
دا خو ګرانه ده ماغزه به مې خراب کړي

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل

یار ته مې بــــــــــلا خبري وڪړلې
نن مې ورتــــــه بیا خبرې وڪړلې

ښار لــــــه نفرتونونه ډڪ شوی ؤ
ڪلي ڪــې مې دا خبرې وڪړلې

ما په ټولو خـــــــــاورې اړولي دي
ما پسې هر چـــــــا خبرې وڪړلې

ای ملنګه دې ڪـــوڅو ته مه راځه
نن راتــــــــــــه لیلا خبرې وڪړلې

اوس د یـــــــارۍ تمه راپیدا شوله
اوس یي پـــه خندا خبرې وڪړلې

لاړه د☆جانان☆ د غېږې پاسېده
نن یي د حیــــــــــا خبرې وڪړلې

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●

غزل
چې حق وایمه خود به ګنهګار یمه ، ټیک نه یم
آخر به د منصور غوندې په دار یمه ، ټیک نه یم

بې خونده، بې مزې او بې خمار یمه ، ټیک نه یم
نن سم ګوره، په خپلو اوږو بار یمه ، ټیک نه یم

ته صبر وکړه ، ځان دررسومه ان‌شاءالله
مزلي دي سفر کوم په لار یمه ، ټیک نه یم

ای ماه د دغې ښار ټولي کوڅې درپسې چاڼ کړي
اي زه خو لېونی د دغې ښار یمه ، ټیک نه یم

مړ هم یمه ، پړ هم یمه ، فتوي هم په ما لګې
قاتل یمه ، مقتول یمه ، غدار یمه ، ټیک نه یم

پوهېږم ، ښه پوهېږم ته زما نه شې کېدای
خو بیا هم چې زه ستا په انتظار یمه، ټیک نه یم

سندرو نه خوند اخلي ، سندرغاړي پورې خاندي
بس زه د دې پښتون وطن فنکار یمه ، ټیک نه یم

راځه راسره کېنه چې زړګی زما خوشحال شي
ظهیره ، زه په تا پسې بیمار یمه ، ټیک نه یم

ـــــــــــــــــــــــــــــــــــ....⚜

╔═════❥●○○○
 💎@Jan210❣⚜
╚═════────♡♡♡─✤●