Your book has only a page and half on it, I wrote 200 pages on it?!

من أشهر المغالطات المنطقية بالطب!
هو دا يشرح موضوع مكتوب عليه بالكتاب بس صفحه ونص بينما رسالة الدكتوراة مالته عبرت ال 200 صفحه عن هذا الموضوع!
يعني؟
يعني لو احد قاري بس هل صفحه ونص حيعتقد ان الموضوع كله معتمد ع هل صفحة ونص واي شي اخر ينذكر عن الموضوع يعتبر غلط وهذا نسمي

Argument from ignorance (Argumentum ad ignorantiam)

مغالطة الاحتكام إلى الجهل أو مغالطة الاحتجاج بالجهل.

ومعناها: اعتبار أن الشيء غير موجود أو غير صحيح لمجرد عدم وجود معرفة أو دليل لديك عليه.

ومثل ميكول د. ثائر
جهلك بالشيء لا يعني أنه غير موجود

من اشهر الأمثلة الي يذكرها Davidson
ان شخص عنده biliary stone بعد َ ما مسوي عمليه وشايل المرارة صارله سنين!
شلون؟
طبعا الي يعرف ان ال stones تتكون بس بالمراره ومن تنشال بعد ماكو حصو حيصير حيكول مستحيل هل شي، اكيد اكو خطا، هي المرارة شايليها

بس بالحقيقة عادي ممكن ال stones تتكون de novo بال bile duct
وهذا يسموه Primary Choledocholithiasis

#Heart_to_heart_talk

هاهيه صرنا نجتمع بالمقهى ونشرب ملك شيك 🤣

#LifeOutsideMedicine

وَأَنَا الحُرُّ الَّذِي مَا طَأْطَأَ هَامَةً
وَلَا رَضِيتُ لِثَوْبِ العِزِّ تَبْدِيلَا

#Poetry
#LifeOutsideMedicine

لا تلجم جروحي التوهه ملجومة

#Poetry
#LifeOutsideMedicine

كثير من الشباب والجيل الجديد يستنكرون الشعر الشعبي، أو أصلا ما يفهمون شنو هو، وليش موجود شعر شعبي إذا عدنا الشعر الفصيح؟

حتى نجاوب على هذا السؤال، راح نطرح الموضوع على عدة محاور بالتعليقات، ونحاول نفهم شنو هو الشعر الشعبي، ليش ظهر، وشنو الفرق بينه وبين الشعر الفصيح.


#Poetry
#LifeOutsideMedicine
#Heart_to_heart_talk

الطبيب جعفر 😶

#LifeInMedicine

المتنبي يكول
َما كُنتُ لَولا أَنتَ إِلّا مُهاجِراً
لَهُ كُلَّ يَومٍ بَلدَةٌ وَصِحابُ

بس اني اكول:
وَها أَنا اليَومَ لِفُقداكَ مُهاجِرًا
فَما ليَ عَن بُعدِكَ مِن صِحابِ

#Mutanabbi
#Poetry
#LifeOutsideMedicine

قريبا ان شاء الله
حتكون المنصة مفتوحه لاي شخص يحب يستخدمها ويرفق كورساته عليها

جار العمل لجعل النظام متاح للجميع

New milestone!

#DoctorCooks

شباب المرحلة الثانية الي بادين
Head and neck:
هاي عدنا series
ويه طب العميد
حشارك وياكم الي نصورة بيها من sessions

Skull | 1

محاضرات ال osteology
متوقع تخلص ب 3 سشنات

هذا هو كروب التشريح العراقي لطلبة العلوم الطبية المهتمين بعلم التشريح، سواء كانوا في المرحلة الجامعية أو من طلبة الدراسات العليا.
https://t.me/+3nT30VH4ktUyMTYy

الكروب مخصص لنقاش التشريح والأنسجة والأجنة حصراً

الكروب يحتوي على:
▪️اسئلة عملية.
▪️اسئلة نظرية.
▪️طلاب من كليات وخلفيات علمية مختلفة.
▪️شروحات فيديوية مصورة وملاحظات صورية ونصية.
▪️الكروب منظم ودراسي وعلمي فقط.

اكثر من ٥٠٠ عضو من مختلف الجامعات العراقية
يفيد طلاب المراحل الاولية وطلاب الدراسات العليا واي واحد يحب يطور بهل مواد

Late coffee is better than no coffee ☕️

#LifeOutsideMedicine

احد طلبة كلية الطب جامعة ابن سينا في امتحانات السريرية لمادة الباطنية لهذا اليوم في مستشفى اليرموك
وزير الصحة والتعليم وكالة وادارة مستشفى اليرموك والكادر كلها حاضره على حظه😆.
نتمنى التوفيق والنجاح لجميع الطلبة.

من زمان أريد أحچي بهالموضوع.

لأن أتذكر من امتحنت بطانية بالمرحلة السادسة، بامتحان الـ Long Case بنهاية الروتيشن، جان الممرضين وأهل التحليلات والمقيم الدوري والـattending وغيرهم مسوين حلقة دايرة ما دايري، وأنا أمتحن وأقدم الـhistory للممتحنين.

أدري شنو عندي خالي 😅، بس بصراحة كان موقف مزعج وغير مريح، وخصوصا بامتحان يحتاج من الطالب تركيز وهدوء حتى يقدر يبين مستواه الحقيقي.

ومن هنا، أطالب بحق جميع الزملاء والأطباء والطلبة أن تكون أجواء الامتحان أكثر هدوءا وتنظيما، وأن يقتصر وجود الموجودين أثناء الامتحان على الطالب والممتحنين ومن تقتضي الضرورة الأكاديمية وجوده.

الامتحان بحد ذاته ضغط كافي، فما يحتاج نضيف عليه جمهور كامل يتابع كل كلمة وحركة من الطالب.

#Medical_Education
#Heart_to_heart_talk

Skull osteology | 2 | محاضرة مباشرة | طب العميد

https://youtu.be/B7XuMGcFL5M

🤤 Easy, healthy and delicious

#DoctorCooks

من الأمور الي تتعلمها من تعيش بعيد عن أهلك، إنك تبدي تقدر الأكلات البسيطة وتحبها، وبنفس الوقت تبدي تكره أكل البره

ماعون تمن ومرك انت مسوي، حتى لو أبسط أكلة، يصير عندك أغلى من أفخم مطعم


#DoctorCooks

بخصوص ازعج شي بالطبخ مو الطبخ نفسه
وانما جلييي الصحووون
خصوصا اذا ما تحب تاكل ببلاستك
بس انطيها يومين وحتصير عندك حفنه مواعين متراكمة 😃

#DoctorCooks