Korrupsiyaga qarshi kurashish agentligi Ichki ishlar vazirligi bilan hamkorlikda davlat xizmatchilari uchun jazoni ijro etish muassasalariga profilaktik tashriflarni davom ettirmoqda.

Loyihaning asosiy maqsadi davlat xizmatchilarida korrupsiyaviy huquqbuzarliklarning muqarrar huquqiy va ijtimoiy oqibatlari haqida aniq tasavvur shakllantirish, xizmat vakolatlarini halollik va qonun ustuvorligi tamoyillari asosida amalga oshirish masʼuliyatini yanada kuchaytirish hamda korrupsiyaga nisbatan murosasiz munosabatni qaror toptirishdan iborat.

Rejaga muvofiq, profilaktik tashriflarga davlat boshqaruvi organlari rahbarlari va masʼul xodimlari bosqichma-bosqich jalb etilmoqda.

Bu galgi tashrif Olmaliq shahridagi 14-son jazoni ijro etish koloniyasiga Maktabgacha va maktab taʼlimi, Oliy taʼlim, fan va innovatsiyalar hamda Kambag‘allikni qisqartirish va bandlik vazirliklari rahbarlari va masʼul xodimlari ishtirokida amalga oshirildi.

Tashrif davomida ishtirokchilar jazoni ijro etish muassasasidagi sharoitlar, saqlash kameralari hamda muassasa infratuzilmasi bilan tanishtirildi.

Mahkumlar bilan o‘tkazilgan ochiq muloqotlar davlat xizmatchilari uchun korrupsiyaning oqibatlari faqat jinoiy javobgarlik bilan cheklanmasligi, balki insonning butun hayoti, oilasi, qadr-qimmati va farzandlari kelajagiga salbiy taʼsir ko‘rsatuvchi, ko‘pincha qaytarib bo‘lmas yo‘qotishlarga sabab bo‘lishini anglatuvchi hayotiy saboq bo‘ldi.

Korrupsiyaning oqibatlarini bartaraf etishdan ko‘ra uning oldini olish ustuvor vazifa ekanligidan kelib chiqib, Agentlik bunday profilaktik tashriflarni muntazam davom ettiradi.

———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Yoshlar kuni munosabati bilan yosh mahkumlar uchun ma'naviy-ma'rifiy tadbir tashkil etildi

30-iyun – Yoshlar kuni munosabati bilan Axborot-kutubxona markazi hamda 38-manzil koloniya hamkorligida  Yosh ishtirokchilar oʻrtasida oʻzaro doʻstlik, bilim va mantiqiy fikrlashni targʻib qiluvchi “Zakovat” intellektual oʻyini oʻtkazildi.
​
Oʻyin davomida har bir jamoa berilgan murakkab va qiziqarli savollarga tezkor javob topishga harakat qilib, oʻzlarining intellektual salohiyatlarini namoyon etishdi.

​Ushbu tadbirdan koʻzlangan asosiy maqsad — yoshlar qalbida kitobga, ilmga boʻlgan muhabbatni uygʻotish hamda ularning hayotga boʻlgan intilishlarini yanada kuchaytirishdir. Qizgʻin kechgan bahslar yakunida gʻoliblar esdalik sovgʻalari bilan taqdirlandilar.

IIVJIED

Beshinchi mintaqaviy hudud mintaqaviy muvofiqlashtirish markazi va 4,11-son jazoni ijro etish koloniyalari hamda Navoiy viloyati Savdo-sanoat palatasida  tadbirkorlar subyektlari kengashining xodimlari oʻrtasida seminar mashgʻuloti oʻtkazildi.

Unda muassasalarda ishlab chiqarilayotgan mahsulotlar namoyishi hamda koloniya ishlab chiqarish korxonasi bilan qoʻshma hamkorlik va xizmat koʻrsatish shartnomalari asosida faoliyat yuritish tartibi muhokama qilindi.

Mashgʻulot davomida tadbirkorlar oʻzlarini qiziqtirgan savollariga koloniya ma'sul xodimlari tomonidan javob oldilar.

Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yigʻilishi boʻlib oʻtdi.
—
Под председательством Президента Шавката Мирзиёева состоялось видеоселекторное совещание по вопросам социально-экономического развития города Ташкента, в том числе Сергелийского района, а также создания безопасной среды в махаллях.

#Mirziyoyev #videoselektor #Sergeli #mahalla

Prezident.uz|Facebook|Instagram|YouTube|X