تطبيق هاي نت | HiNet

تطبيق سعودي🇸🇦🤍 مختص بالشرائح الالكترونية للسفر✈️

hinet.sa


الأسعار الباقة تبدأ ا من 4 ريال فقط😱

باقات لامحدود ✅

ضمان الذهبي 🌟

خدمة العملاء فريق سعودي 🇸🇦 متواجد ٢٤ساعة⏰ طوال الأسبوع ✅

جودة عالية بالتغطية ✅ على سبيل المثال تركيا 🇹🇷 جميع الشبكات وأفضلها تورك سيل🌟

مساء الخير الحمدلله انتهت رحلتنا لإسطنبول لأول مرا كانت تجربه جميله حقيقي كان عندنا توقعات وتصورات عنها واشياء سمعنا ما شفناها بالحقيقه أبدا
الشعب مافيهم شي إلا اني لاحظت عليهم انفتاح اكثر من الأوروبيين على كون عدد المسلمين كثير فيها والمساجد

الطيران كان الخطوط السعودية ممتازين بدون شك

مطار إسطنبول بالوصول كان يضيع وزحمه لكن المغادره كانت سلسه

لاونج IGA جممممميل صراحه ومن اجمل اللاونجات الي دخلتها
بطاقه نيو سكاي اصدرتها قبل الرحله بأسبوع ( الرقميه بس ) فعلت تطبيق الدراجون باسس وزبطت بدون استخدمها أبدا ما صرفت منها ريال 😄

بالنسبه للسكن جربت اسكن في طريقتين مختلفه
الاولى سكن بعيد ( راديسون بلو وادي إسطنبول ) وأتعامل مع سواق يومي

والثانيه اسكن في منطقه حيه ( الوفت باي ماريوت كراكوي )
وأعتمد ع المشي والمواصلات العامة

بالنسبه لي وكوننا عيله ناسبتنا الطريقه الاولى جدا وهي السكن في منطقه راقيه وسكنيه
مخدومه اهم شي بسوبر ماركت محلات مطاعم تحتها
ويوميا ناخذ سواق ونرتب لنا جدول بالتكلفه كان اوفر لنا من السكن في كراكوي وبدون مواصلات

جربت المواصلات العامه زحمة جدا البلد تبارك الله عدد سكان ماشفته ولا بدوله قبل

إذا طلعت الشمس تصير حااااره جدا لكن بالأجواء الغيوم والبرد تجنن لكن مشكلتها كمان تيار الهواء
القوي

زرت اغلب المناطق السياحيه مابين الأوروبي والآسيوي اجمل منطقه كانت حول ساحل بيبيك وحديقه اميرجان


بالنسبه ليورصه وسبانجا
اخذت سائق خاص رحله لبورصه جبل الثلج
ماطلعنا بالتلفريك لان كان صيانه طلعنا بالسياره على طول ع الثلج كان فيه رسوم دخول الجبل والله ما افتكر كم بس تعتبر مو قليله
أخذنا دبابات وتلفريك مفتوح وكانت تجربه جمييييله

بورصه مريتها مرور لكن ندمت اني ما سكنت فيها جميله جميله جدا وفيها شراحه وراحة غير طبيعيه

سبانجا أخذنا فيها ليلتين في منتجع وورد ايليت إقامة هاف بورد
شامل فطور وعشاء وسناك بالعصر
جميل المنتجع للاستجمام خدمة 5 star
عندهم مرافق مسابح نوادي وسفاري ما حسينا اننا طفشنا أبدا


بخصوص الكلام انها غاليه
الي يسافر الدول الاوربيه ويقارن بينها وبين إسطنبول بيشوف الفرق كبيير بينهم طبعا الأرخص إسطنبول وبجودة اعلى 👍🏽
بالنسبه للفنادق والمطاعم والمواصلات كلها ارخص بكثييير
وخصوصا للعوائل ٤-٦ أشخاص فرق التكلفه كامله بينهم كبيير
الشي الوحيد الي حسيته اغلى هو الشوبينق بشكل عام دخلت اكثر من اوتلت وأكثر من مول شعبي وغير شعبي لاحظت الاسعار مرتفعه سواء البراندات العالميه او التركيه التركيه أسعارهم قريب مننا بس
عكس الدول الاوربيه لما تروح اوتلت تشتري فعلا بفارق سعر كبير

ع العموم البلد جميل ومظلوم جدا بالكلام الي طالع عنه
بلد متطوره ومقومات السياحه فيها عااااااليه وتخدم جميع الطبقات
الي بيوفر ويسافر اقتصادي حيلاقي خيارات وممتازه كمان
والي مقتدر وبيستمتع بخدمه ودلع بيلاقي هالشي وبرضو بسعر معقول ✅

بخصوص الغش اي صراحه حسيت ان لو الشخص مو منتبه بيغشون ويزيدون السعر عشان كذا راجعو معاهم الفاتوره والسعر لكن بطريقه لطيفه لان شوي عفشين

محل أوباما 🥲🥲😍😍😍 يا خساره اني جيته بعد ما قشيت واشتريت من أماكن ثانيه
سعر وجودة وتعامل صراحه شي ممتاااااز الله يباركلهم برزقهم يارب

فيه حاجات اوفرريتد صراحه مثل حافظ مصطفى ومطعم هوكا ف نصيحه لاحد ياخذ مرا بالهبات أنا استفدت اكثر شي هنا من تجارب الأعضاء بالمطاعم والمحلات

البلد مليانه اكل مشاءالله الواحد يختار ايش ياكل وايش يجرب ووين يروح والغالبيه لذيذ

لكن مستويات النظافه تفرق احيانا مطعم نظيف يطبخ قدامك لابسين قلفز واحيانا مطاعم والله ندخلها ونخرج منها من قلة النظافه

عن نفسي لو جيتها مرا ثانيه
حختار سكن من المناطق الي مافيها زحمة سياح كثير
مثل وادي إسطنبول
السكن بيكون ارخص + خدمة اعلى ومساحة أوسع
والفارق حخليه بالسواق

لان السكن في كراكوي جميل والفندق خدمة وكل شي متوفر بس ما ناسبني أبدا ك عائله

مع ان المنطقه مناسبه للي يبغا يمشي
رحت تقسيم مشي
وشارع الاستقلال مشي
برج غلاطه مشي
غلاطه بورت مشي
السلطان احمد مشي
سيركجي مشي

والعياره توصل لكل مكان حرفيا
من محطه كراكوي توصل للآسيوي كاديكوي واسكودار
ومن محطه امينونو الي جنب سيركجي ( برضو مشي من كراكوي )
توصل لبشكتاش اورتاكوي وغيرهم كثير محطات
ومممتعه جدا

وشكر لجميع أعضاء القروب كثير ساعدوتنا في ترتيب وتنسيق الرحله الله يكتب اجركم جميع 🤍

السلام عليكم ورحمة الله وبركاته واسعد الله أيامكم بكل خير يارب ✋🌹

اليوم التقرير كيفية التوجه من ميناء امينون الي أورتاكوي Ortakoy عن طريق العباره

رحله سهله وممتعه على البسفور وايضا تتوجه الي أورتاكوي  لان أورتاكوي لا يوصل لها الترام اخر محطه من امينون وهي كاباتاش وهناك عندك

طريقين

تاكسي

او حافله  22 او 25E او 40T

وسوف تجد على الباص لوحه مكتوبه ارتاكوي.

العبارة 👇👇

تذهب إلى مينا امينون ومن ثم اخر محطه بجانب الجسر ومقابل المسجد الكبير وعند إشارة ميناء امينون تجد مبنى وهي محطتنا بعد محطة أسكودار كداكاوي  تجد مكتوب في اللوحات الإرشاديه ارتاكوي والساعه والوقت.

تصعد فيها وتذهب بك الي أورتاكوي
وهناك محطة توقف بشكتاش لا تنزل فيها الا اذا ترغب بتوحه  الي بشكتاش ممكن ✋✋

رحله ممتعه كسبت واجه إلى المنطقه ورحله في البسفور وفي وقت واحد واقل سعر

وهذه مقتطفات من رحلتنا اليوم
الخميس ١٤ مايو👇👇👇


اعداد التقرير الهوى غربي ابو احمد 🌹✋