📝ЯКШАНБАДА ШЕЪРИЙ САҲИФА 📜

***
Ўша — мени ҳеч ким соғинмаган шом,
Авто бекатида ҳайрона турдим.
Бошимни кўтариб боқдим бир замон,
Қаршимда бир йигит, бир қизни кўрдим.
Йигитнинг палтоси... Йўқ, ёдимда йўқ...
Аниқ, кўм-кўк эди қизнинг палтоси.
Белларини қучган белбоғи ҳам кўк,
Ҳатто, кўм-кўк эди тўртта тугмаси...
Йигитнинг кўзлари... Эслай олмайман...
Ошкор жаранглатиб пинҳон ўйини,
Қизнинг кўзларида ёқарди гулхан
Эркалик ва ишқнинг маъсум қуюни…
Йигитнинг юзида билмайман, нима...
Аммо қизнинг юзи қаршимда аён:
Уни кўмган эди гулгун шафаққа
Муҳаббат — энг мовий покиза осмон...
Қор бўлса ёғарди, қизнинг бошидан
Кумуш тангаларни аямай сочиб,
Шамол титар эди — кўзи, қошига,
Манглайига тушган бир тутам сочин.
Йигит... Йигит билан қанча ишим бор?!
Аммо қиз йигитни шундай суярди—
Ки, гоҳ термуларди ҳазин, беозор,
Гоҳо қўлларини ушлаб қўярди.
Тошкентдай шаҳарда, балки дунёда
Ягона — ҳаммадан гўзал эди қиз.
Чиқмаса ҳам телба орзум рўёбга,
Бўзлаб қаршисига чўкким келди тиз!
Йигит...Аммо, нега сени ўйлайман,
Ҳозир ҳам ҳавасдан музлайди этим...
Мен қорли бекатда вайрон турган шом
Сен мендан — ҳаммадан бахтиёр эдинг.

УСМОН АЗИМ

НУР

Хаёлларим ҳилолнинг
шуъласига чалкашди,
Бу кўҳна дун ичинда
кўнглим ҳамон саркашдир.
Сукут ичра кимлигим
очиб қўйди жимлигим,
Кўзларимни алдаб, сўнг
сўзларимни алқашди.

Аслида мен дунёнинг
ҳайратига харидор,
Ичимга жин қамалган
ёнида бир пари бор.
Ғафлатдаман гўёки
Хаёлларим ва ёки
Пари ухлатмас, ажаб,
Жин уйғотмас, дариғо.

Сочини йиғиб ҳилол
Хаёлотга чўмгай. Сиз
наҳот, бўшлиқ ичинда
нурсизликка кўнгайсиз?
Чўкиб кетар кўзларнинг
Гавҳарига қаро тун,
Мен зулматни зиё деб
шеър айтишим ўнғайсиз.

Жимдирман-у ичимда
асов тулпор пишқирар.
Тушимга сайраб турган
парвоздаги қуш кирар.
Сархушлигим тарқалиб
уйғонсам, ағёр қолиб
Кўз очиб кўрганларим
кўнглимни тафтиш қилар.

Қўл узатсам гулларга,
очмас менга пинжини,
Забоним булбулларга
қиёс эди, инчунун.
Отам илк ва сўнгги дам
уйғонмаган субҳидам
Чинқириб бу дунёнинг
бузиб қўйдим тинчини.

Энди билдим: шоирлар
ўз кўнглига ўзи ёв,
Босмаган одим — армон,
босиб қўйган изи ёв.
Кўкка боқсам негадир
юзимга нур тегадир,
Падаримнинг бу ҳилол
очмаган бир кўзи-ёв?!

Шундан бери талатўп
чалиб келар оёқдан,
Хотирам жонланади
қувват сўриб маёқдан.
Ёритгайдир шамчироқ
ўтмишимнинг тасмасин:
Кунларим гўзал бироқ,
ўсмирлигим қаёқда?

Ҳа, эсладим: кўзимга
Бир шавқи комрон берди.
Бир кун ўша ҳайратим
майга чўкиб жон берди.
Дунёни маст кузатдим.
Тиланчи қўл узатди.
У тағин берди ҳайрат
Мен гадога нон бердим.

Ризқим кетти гадодан
оғзим юмуқ жилмайдим,
Унда нега хатолар
ёнимдан ҳеч жилмайдир?
Дунёга тик боқиб ман
битта сирдан воқифман.
Кўзидан нур қочган, лек
дунё ўзи билмайдир.

Бу борлиқнинг хилқати
бунча чигал, мураккаб.
Худо, сендан бир қатим
нур тиларман юракка.
Бу тун аро нурга ўч
икки кафтим бир ҳовуч
Кўксимга ин қурган қуш
токи сайраб тураркан:
Худо, сендан бир қатим
нур тиларман юракка!
Худо, сендан бир қатим
нур тиларман юракка!

Ислом Али

https://t.me/IslomAli_shoir

ILINJ

"Tutga yetgan odamlar tirik"
Islom Ali

Gulkosadan simirib shabnam
Sano aytib tanglay hoʻllaymiz.
Qadrdonim, mana ko‘hna tam
Tutga yetdik endi oʻlmaymiz!

Yashab qoling koʻnggilni hushlab
Bu qish nima boʻlar bilmaymiz.
Suyunchisin bering ey qushlar,
Tutga yetdik endi oʻlmaymiz.

Chumoliyu ahli hashorat
Yuring birga oʻynab kulgaymiz.
Tangri bergan oliy bir ne'mat,
Tutga yetdik endi oʻlmaymiz

Odam ahli sayyoramizda
Keling boshqa urush qilmaymiz
Oʻldirmasak bir-birimizni
Tutga yetdik endi oʻlmaymiz!

Ravshan HAQMUROD

"ПИЁДА" — киноқисса;
Муаллиф: Эркин Аъзам;
Сценарий муаллифи: Юсуф Розиқов;
Бош режиссёр: Рашид Маликов.

https://t.me/IslomAli_shoir

Aziz yurtdoshlar, qadrli san’at ixlosmandlari!
Sizlarni, shu yilning 17-18-may kunlari Qo‘shrabot tumanida ilk bor o‘tkaziladigan respublika baxshichilik tanlovi hamda “Ergash Jumanbulbul o‘g‘li ijodi va Qo‘rg‘on dostonchilik maktabi adabiy merosining Yangi O‘zbekiston ma’naviy-madaniy taraqqiyotidagi o‘rni” mavzusidagi xalqaro konferensiyaga taklif etamiz!
Tadbirlarda yurtimiz baxshilari va folklorshunos, san’atshunos olimlar bilan birga Turkiya, Ozarboyjon, Qozog‘iston, Tojikiston va boshqa davlatlardan taniqli baxshi va oqinlar, san’at va madaniyat namoyondalari, ilm-fan vakillari ishtirok etadi.
Tanlov va konferensiya doirasida Samarqand hunarmandchiligi namunalari ko‘rgazmasi, ot sporti musoboqasi, galakonsert va mushoiralar o‘tkaziladi. Festivalda O‘zbekiston xalq artistlari va baxshilar, taniqli san’atkorlar, shoir va yozuvchilar qatnashadi. Sizlarni 17-18-may kunlari Qo‘shrabotda kutib qolamiz!

https://t.me/SamTvr

Yangi kitob

QADIRLIDA – TO‘RT KUN

Qadirli shahrida o‘tkazilgan Xalqaro madaniyat va sanʼat festivali safariga bag‘ishlab samimiy his-hayajon bilan bitilgan ushbu kitob siz aziz o‘quvchini ham qiziqarli safar taassurotlariga hamroh etsa, ajabmas.
Kitobni ozar tilidan o‘zbek tiliga shoira, tarjimon Dilorom Abdurahmon qizi o‘girdi.

Masʼul muharrir: Islom Boboqulov
Nashriyot: “Samo nashr”

O‘zbekiston Yozuvchilar uyushmasi Axborot xizmati

Ажойиб ижро ва видеолавҳа учун синглимиз Маҳлиё Хуррамовага ташаккур билдираман!

https://t.me/IslomAli_shoir

NIYAT
Mansur JUMAYEV she’ri

@Mansur_Jumayev