***
Тўрт томоним чегара гарчи,
Тўсиқларни бузиб боряпман.
Севгинг уммон, оқимга қарши,
Қайергадир сузиб боряпман.

Савдо топдим ҳузур ахтариб,
Кўздан висол шиддати ариб,
Ўзим юпун, ўзимдан ғариб,
Минг чоралар тузиб боряпман.

Мени телба этган ўй нима,
Кирганими исминг қўйнима.
Сочларингни чирмаб бўйнима,
Ҳар толангни узиб боряпман.

Бирида ёш, биттасида қон.
Икки кўзим икки сиёҳдон.
Кўзимга чўп ботириб жонон,
Суратингни чизиб боряпман.

Гоҳида гул, гоҳи дил босиб,
Манглайимга гуноҳлар ёзиб,
Ҳар оҳингни елкамга осиб,
Тумор каби тизиб боряпман.

Товонимни чўққа ишқалаб,
Ёниб тутар бўлдим ишққа лаб,
Юрагингга ўтдан ишқ қалаб,
Ҳовурида қизиб боряпман.

Энди аччиқ ёшман севгилим,
Кипригингдан бошланар йўлим,
Лабларингга етмоқлик ўлим,
Кўзларингдан сизиб боряпман.

Ислом АЛИ

👉https://t.me/IslomAli_shoir

***
To‘rt tomonim chegara garchi,
To‘siqlarni buzib boryapman.
Sevging ummon, oqimga qarshi,
Qayergadir suzib boryapman.

Savdo topdim huzur axtarib,
Ko‘zdan visol shiddati arib,
O‘zim yupun, o‘zimdan g‘arib,
Ming choralar tuzib boryapman.

Meni telba etgan o‘y nima,
Kirganimi isming qo‘ynima.
Sochlaringni chirmab bo‘ynima,
Har tolangni uzib boryapman.

Birida yosh, bittasida qon.
Ikki ko‘zim ikki siyohdon.
Ko‘zimga cho‘p botirib jonon,
Suratingni chizib boryapman.

Gohida gul, gohi dil bosib,
Manglayimga gunohlar yozib,
Har ohingni yelkamga osib,
Tumor kabi tizib boryapman.

Tovonimni cho‘qqa ishqalab,
Yonib tutar bo‘ldim ishqqa lab,
Yuragingga o‘tdan ishq qalab,
Hovurida qizib boryapman.

Endi achchiq yoshman sevgilim,
Kiprigingdan boshlanar yo‘lim,
Lablaringga yetmoqlik o‘lim,
Ko‘zlaringdan sizib boryapman.

Islom ALI

👉https://t.me/IslomAli_shoir

Бугун шоира қизим Феруза Хайруллаеванинг туғилган куни. Чин юракдан қутлайман, умринг узоқ, ҳаёт ва ижод йўлинг порлоқ бўлсин, Феруза!

Бугун мен бир вақтлар энг кўп тасирига берилган, ўзбекнинг бетакрор шоири - Абдували Қутбиддин туғилган кун!

* * * 

Чарх, ўткир қилиб қўй болтангни, 
Чуғурчуқ, йигиргин сим, арқон, 
Юзини ўгирди
Ахир ёр — 
Чиқсанг — чиқ, 
Кетсанг — кет, энди, жон. 

Хазонинг тўпла, кўм мени, боғ, 
Терингни кафан эт, эй илон, 
Юзини ўгирди
Ахир ёр — 
Чиқсанг — чиқ, 
Кетсанг — кет, энди, жон. 

Дарё, сен мурувват қил бир бор, 
Йўлингга қўшиб ол лахта қон. 
Юзини ўгирди
Ахир ёр — 
Чиқсанг — чиқ, 
Кетсанг — кет, энди, жон. 

Кеча, ўғирликка чиққил, кел, 
Бошимни синдиргин, уз, армон.
Юзини ўгирди
Ахир ёр — 
Чиқсанг — чиқ, 
Кетсанг — кет, энди, жон. 

Лахча сеп, тонггинам, тўяйин. 
Юракда қолмасин пушаймон. 
Юзини ўгирди
Ахир ёр — 
Чиқсанг — чиқ, 
Кетсанг — кет, энди, жон.

Бугун шоир ва драматург Шаҳбоз Файзуллаев туғилган кун.

ДЕРАЗА ОРТИДА

Дераза ортида ЖИМЖИТЛИК!
Сукунатда яшайди дераза ортидагилар...
Мункайиб, харсиллаб қолган боғ,
Саратонда туллаётган қари ит,
Юзлари ажинга тўлган чироқ
Жим!
Дераза ортида жим яшайди
Ўзи, хотини, болалари...
Дераза ортида
Қасамёд қилишар... Жим!
Ҳайқиришга ҳайиқиб туради Ҳайқириқ,
Изғийди кўзларига мил тортилган Исён.
Дераза ортидагиларнинг тушларин бузмас
ер остидаги отларнинг дупури,
Тоғкелбат сояларни илғамас
дераза ортидагиларнинг кўзлари.
Улар жимжитликка сажда қилиб яшайди
дераза ортида.
Фақат...
Қўрқинч,
Мудҳиш автода
Манглайига тўппонча тираб турган дераза!

2023

https://t.me/shakhboz_fayzullayev

***
Сен кетиб борарсан, шамол сочингнинг,
Рангига бўяйди туннинг бағрини.
Ортингдан ичиккан гўдакдай зор-зор,
Мадорсиз туйғулар чопар оғриниб.

Сен кетиб борарсан, беғам, беташвиш.
Мен сенга термулиб беҳуш қайтаман.
Кўнглимда бир куртак тағин урар ниш.
Эртак озор билан тугар қайтадан.

Сен кетиб борарсан, ўртамиздаги
Ўтмиш ярасини силар — таланган.
Пинҳона тикилган ўт нигоҳингдан
Юзимга туташиб кетар аланга.

Кейин мен кетарман, гоҳи ўйларим,
Гоҳи оёқларим сархуш чалкашиб.
Мен сендан узоқлаб кетганим сари,
Мен сенга шунчалар бўларман яқин.

Сен кетиб борарсан ўйчан ва сокин.
Мен кетиб борарман сипқорганча май.
Ёнимга жилмайиб чиққан аёлни
Сенинг исминг билан чақирдим билмай.

Ўртамиз шу тундай узун чўзилган.
Нурайди бир оний висолнинг кўшки.
Сен кетиб борарсан, икки кўзингда
Денгиздай чайқалиб боради ишқим.

Сен кетиб борарсан...

Ислом Али

https://t.me/IslomAli_shoir

"Abadiyat oralab" "Bor"ni qidirib yurganlar diqqatiga:

3 mlnga 120 ta kitob sotilyotgan ekan. Istasangiz hammasini, istasangiz donalab sotib olsangiz boʻladi. Bu yerda batafsil aytilgan:

https://www.facebook.com/share/p/w89WB3Bho8wkexth/?mibextid=xfxF2i

Самарқандлик шоир ва шоираларнинг ижодий саҳифаларига марҳамат:
👇👇👇👇👇👇👇👇👇👇

Ўзбекистон Халқ шоири Хуршид Даврон саҳифаси: @xurshiddavronkutubxonasi

Абдували Қутбиддин (марҳум) саҳифаси: @abduvali_qutbiddin

"Зулфия мукофоти" совриндори Гулжамол Асқарова саҳифаси: @Guljamol_Asqarova

Шоир Талант Бек саҳифаси:  @Talant_Tolerant

"Шухрат" медали соҳиби Бек Али саҳифаси: @bek_ali_ijodi

Ситорабону Шомуродова саҳифаси: @sitorabonu_audiolar

Ислом Али саҳифаси: @IslomAli_shoir

Феруза Хайруллаева саҳифаси: @FeruzaXayrullayeva

Рашид Хўжамов саҳифаси: @R_Xojamov

Қуддус Асад саҳифаси: @Quddus_Asad_sahifasi

Санжар Исомий саҳифаси: @sanjar_toshbekov

Маҳлиё Хуррамова саҳифаси: @Mahliyo_Xurramovaa

Бону Ғаниева саҳифаси: @bonu_jonn

Гулноза Юсупова саҳифаси: @yusupova_gulnoza_ijodi

Умаржон Химматов саҳифаси: @i_q_r_o

Муштарийбегим Исмоилова саҳифаси: @IsmoilovaMushtariy

Iste’dodli qizlar uchun ta’lim granti

She’r yoki hikoya yozadigan talaba qizlarning ijodiy ishlarini ko’rib, ularning moddiy imkoniyatlarini hisobga olgan holda, boshlanishiga 2 ta qizni tanlab olib, ularning 1 yillik shartnoma to’lovini to’lab bermoqchiman.

1-iyuldan 1-ivgustgacha @Mehrnozbot manziliga arizangizni yuborishingiz mumkin.

Tanlab olingan 2 ta talaba qizdan tashqari boshqa iqtidorli
opa-singillarimiz bilan ijodiy hamkorlik qilish, shu sohada rivojlanishlari uchun ko’mak berishni ham xolis niyat qilyapmiz.

Postni imkon qadar ijodiy kanallarda ulashing, iste’dodli qizlarni topishimiz uchun bu muhim.

@mehrnoz_abbos

Dunyoni bir inson o'laroq ko'rish. Insoniy istaklarning naqadar dahshat kasb etishi qisqa metrajli multfilmda.

Ha, biz, afsuski, shundaymiz

kanalga ulanish: ↙️↙️↙️
@MUNOSABAT1

#Шеърият_кечасида

Эслаймиз — "Дилмунчоқ"нинг навбатдаги йиғилиши бўляпти. Ҳамма йиғилган— борлар, бор, йўқлар, йўқ! Суҳбат,мушоира авжига чиққан. Бирдан ҳамкасб меҳмонлар кириб келишди. Борлар эслайди— Каттақўрғонликлар экан—Фазилат опа(дарғаку улар), Мурод Муҳаммад Султон... хуллас давра жонланди. Меҳмонлар ўқишди, бизлар ўқидик. Навбат ИСЛОМ АЛИга тегди. Давра жимиди, давра қотди, давра эриди, давра оқди... Сиз юқарида тинглаган ҳолат, кўрган ҳолат... Бошқа нарса қўшолмайман, ўзингиз гувоҳсиз! Айтмоқчи бўлганим; меҳмонларни кузатишга Мирзоҳид билан бирга чиқдик. Меҳмонлар ҳали шеърнинг мастлигида. Фазилат опа(она) машинага мингунича 3-4 бора такрорлади:
Менинг тилим бол талаб,
мен тилимни болталаб...
     Ўшандан буён мен ҳам бу сатрларни кўп такрорлайман. Эсдан чиқмас гап, унутилмас сатр...
     Сарловҳани,, Шоҳ сатр"дедик, нега? Мақсадга энди етдик: — Шоҳ асарлар бўлади, буни ҳамма билади. Шоҳ сатрлар бўлади, буни ҳам ҳамма билади, лекин қўшимчамиз шуки, ўша сатрлар бизда ҳам учраяпти,(биз деганим- ҳамма) айниқса Ислом Алида. Ана шоҳ сатр- юқорида. Эшитдингиз—унутолмайсиз! Мен аввалги бир сўзимда
унинг тағин бир гапини эслагандим:
— Менга менимни кўрсатинг?! —ана шоҳ сатр! Яна мисол қилайми:
—Чўққилар менинг ярим қисмимга ўхшасайди?!.. Исломжонда улар кўп! Фақат ўқиш керак, тинглаш керак, уқш керак.
   Яна бир гап, унда яна бир жиҳат, битта қирра бор, уқдингизми, йўқми? Ислом шеърни ширали ўқийди, жарангдор ўқийди, маъноли ўқийди. Бу ҳам бир талант. Қувонайлик биродарлар, бир ҳақиқий шоир билар бирга яшаяпмиз! У ёнимизда, даврамизда! Уни қадрлайлик, авайлайлик! Ўқийлик, ўрганайлик, шеърларини ёд олайлик!
   Қодир АЛЛОҲ доим омадини берсин,иқболини берсин!

✍ БОЙМУРОД АЛИ