Standardlarning to'liq ingliz tilidagi shakli

Sukuk oddiy obligatsiyadan nimasi bilan farq qiladi?

"Sukuk — Islomiy obligatsiya."

Bu ta'rifni ko'p uchratamiz. Qulay ta'rif, lekin to'liq emas. Chunki Sukuk va obligatsiya bir xil maqsadga xizmat qilsa-da, ularning huquqiy asoslari, daromad modeli va investorning o'rni keskin farqlanadi.

Keling, buni oddiy misolda ko'ramiz.

Sizda 100 million so'm bor.
Uni kompaniyaga qarz berdingiz. Bir yil o'tgach kompaniya asosiy summani ham, oldindan kelishilgan 15 foizlik daromadni ham qaytaradi.

Investor uchun natija oldindan ma'lum. Kompaniya foyda ko'rdimi yoki yo'qmi, bu daromad miqdorini o'zgartirmaydi.

Obligatsiya aynan shu tamoyil asosida ishlaydi.

Endi boshqa vaziyat.
Xuddi shu mablag' evaziga ofis binosi xarid qilindi va ijaraga berildi.

Investorning daromadi ijara tushumidan shakllanadi. Demak, pul emas, aktiv daromad keltiryapti.

Sukukning markazida ham aynan shu yondashuv turadi.

Bu farq investorning maqomida ham ko'rinadi.
Obligatsiya egasi — kreditor.

Sukuk egasi esa muayyan aktiv yoki loyiha bilan bog'liq manfaat egasi hisoblanadi.

Natijada moliyalashtirish real iqtisodiy faoliyat bilan bog'lanadi.

Sukukning turli tuzilmalari mavjud. Biroq ularni birlashtirib turadigan bitta umumiy qoida bor:

Daromad real iqtisodiy faoliyat natijasida yuzaga kelishi kerak.

Gap moliyani aktiv, ishlab chiqarish, xizmat va haqiqiy qiymat yaratish bilan bog'lashda.

Nega Islom moliyasida risk taqsimlanadi?

Islom moliyasining asosiy tamoyillaridan biri shuki:

Kim foyda olsa, riskni ham o'z zimmasiga olishi kerak.

Masalan, foizli qarzda kreditor daromadini oldindan kafolatlaydi. Biznes zarar ko'rsa ham, qarzdor foizni to'lashi kerak. Ya'ni, risk asosan bir tomonda qoladi.

Islom moliyasida esa sheriklik (musharaka) yoki investitsiya asosidagi bitimlarda foyda ham, risk ham tomonlar o'rtasida taqsimlanadi.

Agar loyiha muvaffaqiyatli bo'lsa — foyda bo'linadi, zarar bo'lsa — u ham kelishilgan qoidalar asosida taqsimlanadi.

Shuning uchun Islom moliyasi kafolatlangan daromadni emas, adolatli risk taqsimotini qo'llab-quvvatlaydi.

@IslamicFinancce

#yangilik

Openbank va First Abu Dhabi Bank o'rtasidagi korrespondent hisoblar nimani anglatadi?

O'zbekistonning Openbank'i BAAdagi First Abu Dhabi Bank bilan korrespondent hisoblar ochdi.

Xo'sh, bu nimani anglatadi?

Korrespondent hisob — bu ikki bankning xalqaro to'lovlar, valyuta hisob-kitoblari va savdo operatsiyalarini tezroq hamda ishonchliroq amalga oshirishiga xizmat qiladigan banklararo hamkorlikdir.

Agar ushbu hamkorlik Islom moliyasi mahsulotlarini ham qamrab olsa, bu O'zbekistonda:

— islom moliyasi infratuzilmasining rivojlanishi;
— xalqaro shariatga mos moliyaviy operatsiyalarning kengayishi;
— xorijiy investorlar bilan hamkorlikning mustahkamlanishiga xizmat qilishi mumkin.

Albatta, korrespondent hisobning o'zi bankning to'liq Islom bankiga aylanganini anglatmaydi. Biroq bu xalqaro moliyaviy integratsiya va Islom moliyasi ekotizimi rivoji yo'lidagi muhim qadamlardan biri sifatida baholanishi mumkin.

@IslamicFinancce

🌍 Sukuk bozori 2026-yilda $280 milliardga yetishi mumkin

S&P Global Ratings 2026-yilda global Sukuk emissiyasi 270–280 milliard AQSH dollarini tashkil etishi haqidagi prognozini o'zgartirmadi.

Bu prognoz shuni anglatadiki, global investorlarning shariatga mos moliyaviy instrumentlarga bo'lgan qiziqishi yuqoriligicha qolmoqda.

Sukuk bozori o'sishini qo'llab-quvvatlayotgan asosiy omillar:

• Fors ko'rfazi mamlakatlarida infratuzilma loyihalari;
• Islom banklarining likvidlikka bo'lgan ehtiyoji;
• Davlat va korporativ emitentlarning Sukuk orqali mablag' jalb qilishni davom ettirayotgani.

Bugungi kunda Sukuk bozori endi faqat musulmon davlatlarining moliyaviy vositasi emas, balki global kapital bozorining muhim segmentlaridan biriga aylanmoqda.

https://t.me/IslamicFinancce

Openbank AJ Turkiyaning Aktif Bank bilan turk lirasi (TRY) valyutasida korrespondent hisob ochganini mamnuniyat bilan ma'lum qiladi.

Mazkur hamkorlik Openbank'ning xalqaro to'lov infratuzilmasini yanada rivojlantirib, O'zbekiston va Turkiya o'rtasidagi moliyaviy operatsiyalarni tezkor, xavfsiz va samarali amalga oshirish imkoniyatini yaratadi.

Shuningdek, ushbu korrespondentlik aloqasi xalqaro hisob-kitoblar ko'lamini kengaytirish hamda ikki davlat o'rtasidagi savdo-iqtisodiy aloqalarni qo'llab-quvvatlashga xizmat qiladi.

O'zbekistondagi birinchi to'liq raqamli va shariat tamoyillariga muvofiq faoliyat yurituvchi bank sifatida Openbank xalqaro korrespondent banklar tarmog'ini izchil kengaytirish hamda mijozlari va hamkorlariga zamonaviy, ishonchli va yuqori sifatli moliyaviy xizmatlarni taqdim etishni ustuvor yo'nalish sifatida belgilagan.

@IslamicFinancce

Standardlar rus tilda

Islom Moliyasidan mutaxassislik boʻyicha xalqaro sertifikatlar quyidagilar:

CPSS – AAOIFI Shariat standartlarini bilishingizni tasdiqlovchi sertifikat.

CPAAGE – Islom moliyasida audit, boshqaruv va etikani qamrab oladi.

CPFAS – AAOIFI moliyaviy hisobot standartlari bo'yicha sertifikat.

CIPA – Islom moliyasi buxgalterlari uchun xalqaro professional kvalifikatsiya.

CSAA – Shariat maslahatchisi va Shariat auditori uchun sertifikat.

CSE – Islom moliyasida yuqori darajadagi Shariat eksperti sertifikati.

@IslamicFinancce