ملخص سريع عن شقق بنك التعمير والاسكان الجديدة بكمبوند صبا 👏👏

https://www.facebook.com/share/v/1HT74RQ97t/?mibextid=wwXIfr

🚨عاجل مد فترة التقديم
لو لسه مقدمّتش في مبادرة "سكن لكل المصريين 7" لمتوسطي الدخل، الفرصة لسه قدامك!
آخر موعد للتقديم: 18 يونيو 2025 ✅

احبابي المنتظرين
كل تفاصيل مشروع صبا
طريقة التقديم
الشروط ،الاوراق ، الاسعار ، رأي الشخصي ف الطرح
كل دا بعد دقائق علي اليوتيوب …🔥 مين مستني !

معاك 150 ألف؟ يبقي الحق الطرح الجديد ! شقق تشطيب كامل واستلام فوري من بنك التعمير … بدون شروط
✅التفاصيل كاملة يا احباب 👇
https://youtu.be/gVXed5yp5lQ

هي الفائدة متناقصه ولا ثابته ؟
اهو دا اهم سؤال بيتم تداوله في الوقت الحاله خصوصاً ان ✅مشروع سكن لكل المصريين ٧ لفئة متوسطي الدخل بيشهد جدل كبير جداً بين الناس
هنعمل ايه ؟ نقدم ! طب نستني !
وطبعاً اختلف الخبراء منهم فريق قال ان الفائدة ثابته وانا واحد منهم
والفريق الثاني قال ان الفايئدة متناقصه !
ياتري مين صح وهنا انا جاي اكلمكم بوجهه نظري التي تحتمل الخطأ والصواب ، وهدفي الوحيد هو استبيان الحقيقه علشان الناس تستعد لما هو قادم ، فركز ف المعلومات من فضلك
اولاً ف التعليق الاول تحت 👇 هتلاقي نص الكراسه القديمة اللي نزلت في ٢٠٢١ لنفس شقق الاسكان المتوسط الحاليه ، المهم ان الشقق دي وقتها كانت بنظام ٣٪؜ متناقصه 👀
طب وانت يا د. عمر جايب الكراسه القديمة ليه ؟
ببساطه يا صديقي المتابع ، انا مش مجرد واحد بيطلع يقول كلمتين ! انا لازم اذاكر وادرس واحفظ كل حاجه حصلت طب ليه ! علشان ببساطه اللي ميذاكرش القديم مش هيتوقع الجديد وكمان تزيد معلوماتك وهتفيد الناس اكثر
✅ نرجع تاني للموضوع لو ركزت ف الصورة اللي تحت هتلاقي في بند الفائدة معلملك عليها 👇 في الكراسه القديمة ومكتوب بالنص 🔥 بفائدة ٣٪؜ سنوياً ( متناقصة ) ولا يتم تغيرها طوال فترة السداد — ركززززز اوي هنا ليه يا تري كتب متناقصه ! لييييه ؟
الاول خليني اقولك ان التعليق التاني تحت هتلاقي صوره تانيه 👇 دي كراسة الشروط بتاعتنا الجديدة - كاتب ايه ✅ شال كلمة متناقصه وساب جملة ( لا يتم تغيرها طوال فترة السداد ) يعني لو هي متناقصه كحال الكراسه القديمة مش كان المفروض يكتب ويذكرها نصاً زي ممكتوب هنا !؟
ودا اللي حبيت اذكره هنا علشان تكون الاجابه علي السؤال الصعب واللي هو ( هل الفائدة ثابته ولا متناقصه ؟ ) 🧐
🔰الاجابه هي ثابته ودا اللي كمان أكده الاستاذه مي عبد الحميد ان الفائدة ثابته ، يجماعه الكلمه دي في لغه البنوك ملهاش الا معني واحد فقط للاسف مفيش حاجه اسمها ثابته بس مش قوي 😂
✅ واخيراً انا حزين ع الفائدة لاني كنت اتمني انها تكون متناقصه ومازلت مقتنع ان هناك خطأٍ ما ! او هكذا اتمني وبالفعل انا عملت اكسل شييت بالفائدة المتناقصه وجهزته ولاكن لما راجعت المصادر والفديوهات تاكدت انها ثابته
🔰وهقولكم وعد مني لو طلع اي تصريح ان كلامي ووجه نظري خاطئة والله لاول مره ساكون اسعد الناس ، لاول مره هفرح اني غلط ومش عايز اكسب ، واخيراً الاكسل جاهز وانا مستني من يثبت الخطأ وسعتها هعملكم حلقة محترمه 👏ولو حتي هتكون ف اخر ايام الطرح ومش عايز مشاهدات
تحياتي ليكم ❤️

فاكرين شقق التخصيص المباشر !
🔰اصل عاملكم مفاجاة 🔥بجهزلكم وحدات في كمبوند في التجمع السادس حاجه خرافيه
✅اقل من سعرها الطبيعي بحوالي ٣٠ الي ٤٠٪؜ 😁
- استثمار ممتاز وليك حصه ف الارض ومطور كبير وجنبك مطورين كبار جداً
- حجات مش هتلاقيها غير هنا ❤️
بعد العيد بقا ننزلكم التفاصيل ان شاء الله 👏 انتظرونا يا احباب

معلومه بس للناس اللي بتقدم علي موقع سكن لكل المصريين ٧
فيه بعض الناس اتلغبطت وبتدخل موقع خطأ
وهو دا الموقع الصح 👇
https://shmff-reg.shmff.gov.eg
طيب بالنسبه للي بيقول فيه مشاكل ف الموقع سواء كود او تهنيج
انتظرو بليل بيكون شغال كويس والضغط اقل
- خليها قاعده موقع وحش —- جرب وقت تاني بسيطه

✅تنويه من احد الافاضل المتابعين 👆 سكن لكل المصريين ٥
❇️للناس اللي بتسحب جدية حجزهم من سكن لكل المصريين 5 لانهم خارج الاولويه .. لما بتروح البريد خد معاك فيزا علشان احياناً مش بيكون فيه كاش ف البريد
وراجع الوصل بتاع السحب وتاكد من بياناته كويس جدا

🔰سكن لكل المصريين 5
رقم الاولوية اللي ظهرلك ع الموقع مش رقم نهائي
ومش بيدل علي اي حاجه غير رقمك ف الاعلان دا واللي مش بالضروري يكون رقمك في الاعلان التكميلي 🙏 فيه اسباب كثيره تغير رقمك وأولويتك

سكن لكل المصريين 5 | هتعمل اي ! ونصيحه مهمه شوف الفديو من هنا

رقم الاولويه ماذا نعرف عنه
- شوف يا سيدي لو انت مقدم في اعلان سكن لكل المصريين 5 اكيد ظهرلك رقم الاولويه ع الموقع لما كنت بتستعلم عن النتيجه بتاعتك صح كدا !
- وسامعك ياللي بتقول ان رقم ٧٠ الف 😂 ومش فاهم حاجه وبتقول انا ممكن اسيب الاعلان واخد ال ٧٠ الف دول عادي والله الغني 😁
- رقم الاولويه يا صديقي ببساطه دا بيدل علي رقمك ف الطبور اللي انت واقف فيه ! لان زي مقولت قبل كدا انت قدمت ففيه ناس قبل منك وناس بعد منك
- السؤال هنا هل رقم الاولويه دا مهم ؟
- الصراحه لا وهفهمك ليه
✅ لما انت رقم ٧٠ الف مثلاً هل دا رقم نهائي ؟ لا خالص
- تعال اضربلك مثال للتبسيط وعايز كل المتقدمين يركزو معايا سواء للي داخل الاولويه او خارجها لان الموضوع حساس
🔰 ليه رقمك مش نهائي ! لان اولاً عدد الشقق مش نهائي يعني اي ؟ لو ركزت في كل لقاءات الاستاذه مي عبد الحميد وف الكراسه احياناً بيذكر ان عدد الشقق غير نهائي وممكن يزيد وممكن يقل
- ودا بدوره هينقلنا للمرحله التانيه هل عدد الناس المتقدمين سواء خارج الاولويه او داخل الاولويه دا عدد نهائي ؟ برده لا 😁
-وهنا هنقسم الناس نوعين :
- الاول ناس داخل الاولويه هنقول عددهم ١٠٠٠ واحد كمثال كام واحد فيهم هياخد شقه ! كام واحد فيهم هيسحب فلوسه لظروف قهريه ؟ كام واحد لا قدر الله ممكن يتوفي ! كام واحد ممكن يلاقي صعوبه ف الاجراءات ويزهق او يهمل ؟
- القصد ان الرقم متغير جداً جداً وهتلاقي ان الصندوق نفسه بياخد اكثر ناس من عدد الشقق بشكل نسبي علشان الحالات اللي ذكرتها دي
✅ طيب نتكلم عن من هم خارج الاولويه نفس الكلام بل اقوي في حالات زي السحب بتكون كبيره جداً ناس بتزهق ناس بتمل ناس بتتعصب وهكذا ودا اللي بيخلي الرقم دا غير نهائي بل يكاد يكون رقم هزلي ملهوش لازمه
- تخيل ان المتقدمين كانو ٥٨٠ الف اصبحو ٤٠٠ الف وكسور فين الفرق دا كله ! هيكون ناس سحبت لظروف مختلفه سواء باختياره او لانه عنده مشاكل ف التقديم
- الخلاصه يا عزيزي رقم الاولويه رقم مش ضروري يكون بيعبر عن حالتك بشكل نهائي
- ونصيحه اخيره لمن هم خارج الاولويه انت يا صديقي ركبت القطر متفكرش تنزل الا للشديد القوي لانك لو نزلت وسحبت فلوسك بشكل نهائي ومقدمتش ف التكميلي نظراً انك متضايق وصرفت نظر عن الاسكان الاجتماعي طابورك هيطول وانتظارك هيزيد
اسحب فلوسك وقدم ف شهر ٧ ف التكميلي وربنا يوفقكم
تحياتي لكم جميعاً وكل عام وانتم بالف خير❤️

قال رسول الله ﷺ:
“ما من أيامٍ العمل الصالح فيها أحبُّ إلى الله من هذه الأيام”
قالوا: يا رسول الله، ولا الجهاد في سبيل الله؟
قال: “ولا الجهاد في سبيل الله إلا رجل خرج بنفسه وماله فلم يرجع من ذلك بشيء”

جعل الله بيوتكم عامرة بالإيمان، قلوبكم مطمئنة،
ورزقكم الله دارًا في الدنيا من اختياركم، وفي الآخرة في جنات النعيم بإذن الله.

كل عام وأنتم بخير
عيد أضحى سعيد عليكم وعلى أحبابكم