Устоздан - толиби илмларга...


Талаб устоздан, шижоат сендан!

Қаттиққўллик устоздан, тартиб сендан!

Йўналиш устоздан, интилиш сендан!

Ўргатувчи 100% илмли бўлса ҳам, у илмни сенинг қўлингга тутиб қўёлмайди. Машаққат чекасан, йиғлайсан, бу йўлда ўзингни баъзан устозингни ёмон кўрасан.

Қатъиятли бўлмас экансан, дунё олимлари тўпланиб сенга илм берса ҳам сен илмдан заррача баҳраманд бўлолмайсан!

Машаққатлар ўткинчилиги ва албатта буларнинг натижаси гўзал, бардавом бўлишини унутма!

Қатъиятли бўл. Режа билан қадам бос. Аллоҳдан жидду-жаҳд билан дуо қилиб сўра. Сабрли бўл.

Эришмагунча шу йўлда судралсанг ҳам, тиззаларинг шилинса ҳам ортга қайтма!

Асло қайтма...

https://t.me/Ishqim_Sen

Ассалому алейкум ва рохматуллохи ва барокатуху.

Бугун соғинган яқинларингизни йўқлар бўлсангиз, уларга хуш кайфият, яхшиликлар улашинг, хатто ёмонлик қилганга ҳам мурувват кўрсатинг. Ҳаётдан завқланиб, бахра олиб яшанг, токи, сиздан фақат яхшилик ва яхши хотира қолсин....

Жуманинг хайри ва барокати сизга бýлсин,
Қадрли инсоним...

https://t.me/Ishqim_Sen

-МУҲАББАТ… Асли нима? - Бир кунда беш маҳал севганинг ҳузурига ошиқиб, У билан роҳатланиб суҳбатлашишингдир. Фитратимиз асли Аллоҳнинг МУҲАББАТидан яралгандир. РОББИМизнинг бизга бўлган МУҲАББАТи бизникиданда устундир. Роббим , мени гўзал Аллоҳим !суйган бандаларингни Ўзинг билан роҳатланиб суҳбатлашишларини ва Ўзингни чексиз МУҲАББАТинг ила ризқланишларини насиб айлагин…

https://t.me/Ishqim_Sen

Дунё сизнинг қаршингизда ҳайбатли ва бепоён бўлсада , Аллоҳ қудрати қаршисида зарра ҳам эмас.
Денгиз суви доимо фармон остидир : ё Раббий сув ҳам сеники ,олов ҳам.
Сен истасанг олов сувга айланади, истамасанг , сув ҳам олов бўлади.

Ассалому алейкум ва рохматуллохи ва барокатуху.

Барчамизга яна бир тонг нашидасидан баҳраманд бўлиш насиб этибди Алҳамдулиллаҳ!

Аллоҳ ушбу тонгда барчамизни муродимизни ҳосил, мушкулларимизни осон қилсин, қилган яхши ниятларимизни ижобат айлаб, хайру барокатларини зиёдаси билан туҳфа этсин..

https://t.me/Ishqim_Sen

Ажиб ҳикмат

Бир ғамгин киши, донишманднинг ҳузурига келиб:
– Айтингчи, мени қийнаётган бу ғам–ташвишлардан қутилишнинг бирор чораси борми? – дея, дардини достон қилди.
– Аввал сен менинг икки саволимга жавоб бер, – деди. Киши донишмандга қараб:
– Марҳамат сўранг! – деди.
– Сен дунёга келган вақтингда сани қийнаётган шу муаммолар бор эдими? – деб сўради.
– Йўқ,
– Дунёдан кетар вақтингда шу ғам ташвишларни ўзинг билан бирга олиб кетасанми? – деди донишманд. У яна:
– Йўқ, – деди.

– Сен билан келмаган, сен билан кетмайдиган, нарса учун нечун ғам чекасан?! Сен дунё ишларида сабрли бўл! Назарингни ерга эмас, самога қарат! Шунда муродинг ҳосил бўлади.
Табассум қил! Ризқинг ўлчаб қўйилган. Тақдиринг белгиланган. Дунё ишлари ғам чекишга арзимайди.

https://t.me/Ishqim_Sen

Роббимиз "Шарҳ" сурасида "Қийинчилик билан бирга енгиллик бор" дейди.
Сўнг яна бир бор огоҳлантирадики: "Албатта, қийинчилик билан бирга енгиллик бор". Ҳар туннинг ортидан тонг, ҳар қишнинг ортидан баҳор келади.
Уруғ сиқилади ки, ёрилиб гулласин. Роббим шундай умид берадики, ундан келадиган ҳар дардни севаман.
Биламанки, Ундан келадиган ҳар бир дардда даъво яширинган.

Хайрли тун, ҳузурли, ибодатларининг ажри буюк тун бўлсин..

https://t.me/Ishqim_Sen

#Ҳақиқий_саодат

Ҳақиқий бахт-саодатни инсон  Аллоҳга итоат, Унга таслимият ва муҳаббат билангина топади, чунки Аллоҳ бандасини Ўзига муҳтож қилиб яратган. Бу муҳтожлигимизни фақатгина Аллоҳнинг Ўзи тўлдириши мумкин бўлган бўшлиқ билан қиёслаш мумкин. Инсон ўзича бу бўшлиқни нималардур билан тўлдирмоқчи бўлади. Масалан моддий бойлик, шон-шуҳрат, обрў-мартаба билан тўлдирмоқчи бўлади, лекин барибир унга нимадур етишмаётганини ҳис қилади ва у нарса нималигини тополмай гуноҳ йўлларига киради. Аллоҳнинг муҳаббати йўқлиги учун у бўшлиқни шайтон васвасаси билан тўлдиради. Айрим мол-мулки кўп инсонлар ўша етишмаётган  нарсани тополмай алкогольга, гиёҳвандликка, қиморга берилиб кетади ва охири жонига суиқасд қилиб, ҳаётига нуқта қўяди. Ҳаётда бундай мисоллар жуда кўп, инсоннинг ҳамма нарсаси бор, лекин бахти йўқ, ҳузури йўқ. Ўша ҳаётидаги, Аллоҳга бўлган  муҳаббатгина тўлдириши мумкин бўлган бўшлиқни нима билан тўлдиришни билишолмай ўзларига зулм қилишади. Аллоҳ муҳаббатидан бошқа ҳеч бир нарса ҳаётимизда бахт-саодат ва ҳузур беролмайди, ўша бўшлиқни тўлдиролмайди. Банда Аллоҳни танимагани учун, севмагани учун ҳақиқий бахт-саодатни тополмайди.  Аллоҳ севгисини қозонган инсон, ҳамма нарсани қўлга киритади, Аллоҳ севгисини йўқотган инсон эса ҳамма нарсасини бой беради. Дунёмиз ҳам, охиратимиз ҳам Унинг қўлида. Аллоҳ бандасини севса Ўзига дўст тутади. Ўзига дўст бўлганларни эса, душманимиз бўлган нафс ёмонлиги ва шайтон васвасасидан асрайди. Инсон қалбини Аллоҳ севгиси билан тўлдирсагина қалби ҳузур ва саодат топади.

«Улар иймон келтирган ва Аллоҳнинг зикри ила қалблари ором топганлардир. Огоҳ бўлингким, Аллоҳнинг зикри ила қалблар ором 
топур!»  (Раъд сураси, 28- оят).

https://t.me/Ishqim_Sen

#Дуо

Абу Дардо розияллоҳу анҳудан ривоят қилинади:

«Набий соллаллоҳу алайҳи васаллам:
«Довуднинг дуосида «Аллоҳим! Мен Сендан муҳаббатингни, Сенга муҳаббат қилганнинг муҳаббатини ва Сенинг муҳаббатингга етказадиган амални сўрайман.
Аллоҳим! Сенинг муҳаббатингни менга ўзимдан ҳам, аҳлимдан ҳам, совуқ сувдан ҳам маҳбуброқ қилгин» бор эди», дедилар.

Расулуллоҳ соллаллоҳу алайҳи васаллам қачон Довудни эслаб гапирсалар:
«У башарнинг энг ибодатлиси эди», дер эдилар».

Термизий ривоят қилган.

https://t.me/Ishqim_Sen

🕋Жума тонги учун дуо🕊
🤲 Аллоҳим, мен Сендан фойдасиз илмдан, хушуъсиз қалбдан, тўймас нафсдан, мустажоб бўлмайдиган дуодан паноҳ сўрайман, Амийн!
Яқинларимиз билан Ўзингга хос банда, Расулингга чин уммат бўлишимизда Ўзинг Ёрдамчимиз бўл Я Роббимиз, Амиийн.
Соллаллоҳу аълайка Я Росули Мужтабо🌸🌿🌸

https://t.me/Ishqim_Sen

#Дуо

1) Tовус ибн Кайсон жума куни аср намозини ўқигач, қиблага юзланиб, то кун ботгунига қадар ҳеч ким билан гаплашмас эди.
(“Tариху восит”)

2) Фазл ибн Фазола жума куни аср намозини ўқигач, масжиднинг бир чеккасига бориб ўтирар ва то қуёш ботгунича дуо қилишдан тўхтамас эди.
(“Aхбарул қудот”)

3) Саид ибн Жубайр аср намозини ўқигач, то қуёш ботгунига қадар ҳеч ким билан гаплашмас, яни дуо билан машғул бўлар эди.
(“Зодул маод”, 1/382)

4) Салт ибн Бистомнинг кўзи ожиз бўлиб, кўрмай қолганида биродарлари жума куни аср намозидан кейин ўтириб унинг ҳаққига дуо қилишди. Қуёш ботишидан олдин у бир аксиргач, кўзи яна кўра бошлади.

(“Tариху димашқ”)

Эй Роббим!
Мен сенинг муҳтож бир қулингман.
У ҳолда сени севишлигимда бирор ғариблик, ҳайратланарлик нарса йўқ.
Аслида сен, ҳеч бир нарсага муҳтож бўлмаган, улуғлар улуғи Маликул Муқтадир бўла туриб, мени севаётганингга ҳайратланмоқдаман!

Шайх Боязид

https://t.me/Ishqim_Sen

Доктор Марк онкология соҳасида таниқли мутахассис эди.

Бир куни у бошқа шаҳардаги жуда муҳим конференцияга кетаётганди, у ерда унга тиббий тадқиқотлар соҳасида мукофот топширилиши керак эди. У жуда ҳаяжонланарди чунки бу анжуманда унинг кўп йиллик меҳнати баҳоланиши керак эди. Бироқ самолёт ҳавога кўтарилганидан икки соат ўтгач, техник носозлик туфайли яқин атрофдаги аэропортга фавқулодда қўнди.
Шифокор ўз вақтида етиб бормаслигидан қўрқиб, автомобилни ижарага олиб, конференция бўладиган шаҳарга жўнаб кетди. Бироқ, у кетганидан кўп ўтмай, об-ҳаво ёмонлашди ва кучли бўрон бошланди. Кучли ёмғир туфайли у нотўғри бурилиш олди.

Икки соатлик натижасиз ҳайдашдан кейин у адашганини англади. Доктор оч ва жуда чарчаганини ҳис қилди, шунинг учун у қоладиган жой излашга қарор қилди. Орадан бироз вақт ўтиб, ниҳоят, кичкина, эскирган уйга дуч келди. У умидсизликка тушиб, машинадан тушди ва эшикни тақиллатди. Эшикни бир аёл очди. У тушунтирди ва унинг телефонидан фойдаланишни сўради. Aёл унга телефони йўқлигини айтди, лекин у кириб, об-ҳаво яхшиланмагунча кутиши мумкинлиги билдирди. Оч, ҳўл ва чарчаган табиб унинг меҳрибон таклифини қабул қилиб, ичкарига кирди. Хоним унга овқат, иссиқ чой бериб, ибодатига қўшилишга таклиф қилди. Aммо доктор Марк жилмайиб, фақат меҳнатга ишонишини айтди ва рад этди. Стол ёнида ўтириб чой ичиб ўтирган табиб бешик ёнида ибодат ўқиётган аёлни шамнинг хира нурида кузатди.

Шифокор аёлнинг ёрдамга муҳтожлигини тушунди, шунинг учун у ибодатни тугатгандан сўнг, у Худодан нимани хоҳлаётганини ва У ҳақиқатан ҳам унинг ибодатларини эшитади деб ўйлашини сўради.

Кейин у бешикдаги кичкина бола ҳақида сўради. Хоним маъюс жилмайиб қўйди ва бу бола ўз ўғли эканлигини, у саратоннинг кам учрайдиган турига чалинганини, уни даволай оладиган Марк деган битта шифокор борлигини, аммо даволанишга пули йўқлигини айтди. Бундан ташқари, шифокор бошқа шаҳарда яшайди. Унинг қўшимча қилишича, Худо ҳали ҳам унинг ибодатига жавоб бермаган, лекин у унга ёрдам беришини ва ҳеч нарса унинг ишончини бузмаслигини билдирди.

Ҳайратда қолган ва индамай қолган доктор Марк шунчаки йиғлаб юборди. У пичирлади: "Худо буюкдир!" - ва бугун у билан содир бўлган ҳамма нарсани эслади: самолётда носозлик, ёмғир бўрони, унинг йўлини йўқотди. Буларнинг барчаси Раббий нафақат аёлнинг ибодатига жавоб берибгина қолмай, балки шифокорга ибодатдан бошқа ҳеч нарсаси бўлмаган камбағал бахтсиз одамларга ёрдам бериш имкониятини берди, у ўз қалбида катта инқилоб қилди.

Aгар бирор нарса сиз режалаштирганингиздек бўлмаса, ташвишланманг. Ўзингиз режалаштирган нарсага эришиш учун қўлингиздан келганини қилинг ва УНИНГ сизга кейинги йўлни кўрсатиш имкониятини бериб, ИЛОҲИЙ инъомига сезгир бўлинг.

https://t.me/Ishqim_Sen

🕊Бахтли бўлиш учун:
қўлларингизни - иш билан,
қалбингизни - муҳаббат билан, онгингизни - мақсад билан, хотирангизни - фойдали билимлар билан,
келажакни - умид билан тўлдиринг!🕊

🌙 Ассалому алайкум ва роҳматуллоҳи ва барокатуҳ!

Бугун улуғ шаъбон ойининг биринчи куни муборак бўлсин!

Инсон табиатан доим хайрлисига толибдир. Кулсак ҳам, йиғласак ҳам хайрлиси... Яшасак ҳам, ҳатто кетар чоғда ҳам хайрлиси бўлсин деймиз.

Майли, истаганларимиз бўлмасин, Аллоҳ таоло биздан рози бўлсин! Ана ўша ҳаққимиздаги энг хайрлисидир...

Кунингиз солиҳ амалларга, Аллоҳнинг раҳматию мағфиратига тўлсин.

https://t.me/Ishqim_Sen

🔭Фалакий ҳисоб-китобларга кўра, ҳижрий 1445 йил
Шаъбон ойининг 1-куни  2024 йил 11-февраль якшанба кунига тўғри келмоқда.

🌙 Пайғамбаримиз соллаллоҳу алайҳи васаллам қачон янги чиққан ойни кўрсалар шундай дуо қилардилар:
"اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ"
🤲 Ўқилиши: "Аллоҳумма аҳиллаҳу алайна бил-юмни вал-иймани, вас-салаамати вал-Ислами, Роббий ва Роббукаллоҳ”.

Маъноси: "Аллоҳим! Уни бизга хайр-барака, иймон, саломатлик ва Ислом ила чиқаргин. Роббим ва Роббинг Аллоҳдир!".

🌙 Шаъбон ойи нафсни рамазон ойини муносиб кутиб олишга тайёрлаш ойидир.

☪️ Расулуллоҳ соллаллоҳу алайҳи васаллам: "Бу бир ойки, одамлар ундан ғофил қолурлар. У Ражаб билан Рамазоннинг орасида. Бу бир ойки, унда амаллар Роббул аъламийнга кўтарилади...", дедилар (Имом Насоий ривояти).

https://t.me/Ishqim_Sen

📌 Шаъбон ойининг рўзаси ҳақида

☪️ Шайх Муҳаммад Содиқ Муҳаммад Юсуф раҳимаҳуллоҳ

https://t.me/Ishqim_Sen

Нега Бомдод намози нега айнан қуёш чиқишидан олдин ўқилади?

Қуёш чиқишидан олдин ер сиртидан баландликда жойлашган озонли атмосфера (озоносфера) қатлами ерга тушади. Ундан тарқаладиган ҳаво инсон саломатлигига жуда фойдали бўлиб, инсонга ҳузур-ҳаловат беради.

Пайғамбаримиз соллаллоҳу алайҳи васаллам ҳам бомдод намозидан кейин шу вақтда ташқарига чиқар ёхуд ҳужраларининг деразаларини очиб бу ҳаводан нафас олар эдилар.

Ибодат қилётганимизда ҳам саломатлигимизни ўйлаган Роббимизга ҳамдлар бўлсин!

https://t.me/Ishqim_Sen

Бароат кечаси

Дарҳақиқат, шаъбон ойининг ўн бешинчи кечасининг
фазилати тўғрисида, шунингдек, бу кечани намоз ёки муайян
ибодатлар билан ўтказиш хусусида бир қанча ҳадислар келган. 
Мазкур кечани намоз ёки муайян ибодатлар билан ўтказиш
хусусида келган ҳадисларнинг биронтаси саҳиҳ бўлмай, балки
уларнинг барчаси тўқима ва ботил ҳадислардир.

Ҳадис соҳасида мутахассис бўлган уламоларга махфий
эмаски, шаъбон ойининг ўн бешинчи кечасида алоҳида намоз
ўқиш тўғрисида на бирон саҳиҳ, на ҳасан ва на заифлиги енгилроқ
бўлган бирон заиф ҳадис келган. Аксинча, бу борада келган
ҳадисларнинг барчаси Расулуллоҳ саллаллоҳу алайҳи ва саллам
номидан тўқилган ҳадислардир.

https://t.me/Ishqim_Sen

Ғафлатда қолманг!

БАРОАТ КЕЧАСИ ҚАНДАЙ КЕЧА?

Шаъбон ойида рўза тутиш учун энг афзал дамлар яқинлашмоқда!
БАРОАТ кечасини ҳам ғафлатда ўтказиб юборманг!  Нимаики сўрайдиган нарсангиз бўлса, айнан шу кеча Аллоҳ таолодан сўранг. Чунки бу кеча Аллоҳ таоло: "Сўрайдиган борми?  Сўраганини бераман", дейдиган улуғ кечадир.

Бароат кечаси қачонга тўғри келади?

✅Бароат кечаси шаъбон ойининг 14-кунидан 15-кунининг  ўтар кечасига, мелодий йил ҳисоби бўйича эса 24 февральдан 25 февральга ўтар кечасига тўғри келади.

https://t.me/Ishqim_Sen

#Одоб

Юсуф ибн Ҳусайин шундай деди:

«Одоб орқали илм ўрганилади, илм туфайли қилган амалинг тўғри бўлади, амал туфайли ҳикматни қўлга киритасан, ҳикмат туфайли зуҳдни тушуниб, уни қилишга муваффақ қилинасан, зуҳд туфайли дунёни тарк этасан, дунёни тарк этсанг охиратга бўлган рағбатинг ошади, охиратга рағбатинг ошса Аллоҳ азза ва жалланинг розилигига эришасан».

📚 «Мухтасару тарихи Димашқ» 28: 76.

https://t.me/Ishqim_Sen