#Дуо

Абу Дардо розияллоҳу анҳудан ривоят қилинади:

«Набий соллаллоҳу алайҳи васаллам:
«Довуднинг дуосида «Аллоҳим! Мен Сендан муҳаббатингни, Сенга муҳаббат қилганнинг муҳаббатини ва Сенинг муҳаббатингга етказадиган амални сўрайман.
Аллоҳим! Сенинг муҳаббатингни менга ўзимдан ҳам, аҳлимдан ҳам, совуқ сувдан ҳам маҳбуброқ қилгин» бор эди», дедилар.

Расулуллоҳ соллаллоҳу алайҳи васаллам қачон Довудни эслаб гапирсалар:
«У башарнинг энг ибодатлиси эди», дер эдилар».

Термизий ривоят қилган.

https://t.me/Ishqim_Sen

#Дуо

1) Tовус ибн Кайсон жума куни аср намозини ўқигач, қиблага юзланиб, то кун ботгунига қадар ҳеч ким билан гаплашмас эди.
(“Tариху восит”)

2) Фазл ибн Фазола жума куни аср намозини ўқигач, масжиднинг бир чеккасига бориб ўтирар ва то қуёш ботгунича дуо қилишдан тўхтамас эди.
(“Aхбарул қудот”)

3) Саид ибн Жубайр аср намозини ўқигач, то қуёш ботгунига қадар ҳеч ким билан гаплашмас, яни дуо билан машғул бўлар эди.
(“Зодул маод”, 1/382)

4) Салт ибн Бистомнинг кўзи ожиз бўлиб, кўрмай қолганида биродарлари жума куни аср намозидан кейин ўтириб унинг ҳаққига дуо қилишди. Қуёш ботишидан олдин у бир аксиргач, кўзи яна кўра бошлади.

(“Tариху димашқ”)

Эй Роббим!
Мен сенинг муҳтож бир қулингман.
У ҳолда сени севишлигимда бирор ғариблик, ҳайратланарлик нарса йўқ.
Аслида сен, ҳеч бир нарсага муҳтож бўлмаган, улуғлар улуғи Маликул Муқтадир бўла туриб, мени севаётганингга ҳайратланмоқдаман!

Шайх Боязид

https://t.me/Ishqim_Sen

Ассалому алайкум ва рохматуллохи ва барокатуху

#Дуо
Аллоҳим! Сендан гўзал рўза ва гўзал хотима сўрайман. Бизларни Рамазон ойида ютқизиб, зиён кўрувчилардан қилиб қўйма!
Аллоҳим! Рамазонда раҳмат, мағфиратга эришганлардан, дўзахдан озод бўлганлардан қилгин!

🕊 Умрдан бир йил,
Умрдан бир Рамазон ўтмоқда.

🌹 Яна бир тонга,
Яна бир кунига етиштирган Роббимга шукрлар бўлсин! Сахарлик учун ширин уйқусидан кечган ва Рамазон рузасини тулик тутган мусулмонларни мехрибон Роббим жаннатнинг "Раййон" дарвозасидан ошикиб киришларини насиб килсин!

💚 Эл юртимиз, Cевганларимиз,
Жон жигарларимиз омон, Дуоларимиз ижобат бўлсин!

🤲 Янаги моҳи Рамазонга ҳам бағри бутунликда, соғ омонликда етишлик барчамизга насиб айласин!

https://t.me/Ishqim_Sen

#Ҳадис #Дуо
#Тавсия
#Ҳожат_дуоси

Қарздорлар, дардманлар, БЎЙДОҚлар ва ҳар қандай бошқа дарди-ю эҳтиёжи борлар учун:
Ҳаётда исботини ўзимда кўп бора ўтказганим, бошқа бир неча инсонлар ҳаётида ҳам тезда ижобатини кўрганим, энг муҳими саҳиҳ ҳадисларда кўрганим қуйидаги дуо ва ибодатни тавсия қилмоқчиман.

عن عثمانَ بنِ حُنَيفٍ، أنَّ رجُلًا ضَريرَ البصرِ أَتى النَّبيَّ صلّى اللهُ عليه وسلَّمَ، فقال: ادْعُ اللهَ أنْ يُعافيَني، قال: إنْ شِئتَ دعَوْتُ لك، وإنْ شِئتَ أَخَّرْتُ ذاك؛ فهو خَيرٌ. فقال: ادْعُهُ. فأمَرَه أنْ يَتوضَّأَ فيُحسِنَ وُضوءَه، ويُصلِّيَ رَكعتَينِ، ويَدْعوَ بهذا الدعاءِ: اللَّهمَّ إنِّي أَسألُك وأَتَوجَّهُ إليك بنَبيِّك محمَّدٍ نَبيِّ الرحمةِ، يا محمَّدُ، إنِّي تَوجَّهْتُ بك إلى ربِّي في حاجَتي هذه فتُقْضى لي، اللَّهمَّ شَفِّعْهُ فيَّ.

Усмон ибн Ҳанифдан ривоят қилинади:
"Набий соллаллоҳу алайҳи васалламнинг ҳузурларига кўзи ожиз бир киши келди ва "Дуо қилинг, кўзим очилсин" деди. 
Шунда Расулуллоҳ соллаллоҳу алайҳи васаллам:
"Хоҳласанг дуо қиламан, хоҳласанг сабр қил, шуниси яхши" дедилар.
У: "Дуо қилинг" деди. 
Расулуллоҳ соллаллоҳу алайҳи васаллам дедилар:
"(Ундай бўлса) таҳорат оласан. 
ТAҲОРAТНИ МУКAММAЛ ҚИЛAСAН.
Кейин икки ракаат нафл ўқийсан ва ушбу дуони қиласан.

اللهُمَّ إِنِّي أَسْأَلُكَ، وَأَتَوَجَّهُ إِلَيْكَ بِنَبِيِّكَ مُحَمَّدٍ صلى الله عليه وسلم نَبِيِّ الرَّحْمَةِ، يَا مُحَمَّدُ، إِنِّي تَوَجَّهْتُ بِكَ إِلَى رَبِّي فِي حَاجَتِي هَذِهِ، فَتُقْضَى لِي، اللهُمَّ شَفِّعْهُ فِيَّ "

Aллооҳумма инний асʼалука ва атаважжаҳу илайка бинабиййика Муҳаммадин соллаллоҳу алайҳи ва саллам набиййир роҳмати.
Яа Муҳаммаду инний таважжаҳту бика илаа Роббий фий ҳаажатий ҳаазиҳи фатуқзоо лий.
Aллооҳумма шаффиъҳу фийя.

Маъноси:
“Aллоҳим, мен раҳмат пайғамбаринг бўлмиш Муҳаммад соллаллоҳу алайҳи ва салламни ўртага қўйиб Сендан сўрайман ва Сенга юзланаман.
Эй Муҳаммад соллаллоҳу алайҳи ва саллам, мен сизни ўртага қўйиб ушбу ҳожатим раво бўлсин дея Роббимга юзландим.
Aллоҳим, у зотни ўртага тушганликларини қабул қилгин!"

Ҳалиги одам ушбу дуони қилиб келгач кўрган одам уни олдин кўр бўлган эмас дейдиган даражада кўзлари очилган эди". 

Имом Термизий, Aҳмад, Ҳоким, Насоий ва Байҳақий роҳимаҳумуллоҳлар ривояти

https://t.me/Ishqim_Sen

#Дуо

Аллоҳим, барчамизни кейинги йилги Рамазонга ота-онамиз, оила аъзоларимиз, дўсту биродарларимиз билан биргаликда соғлик саломатликда, тинчлик ва офиятда етқазгин! Рўзаларимизни, таровиҳларимизни, закотларимизни, Қуръон ҳатмларимизни, дуоларимизни қабул қилгин!
Рамазондан Ўзинг рози бўладиган ҳолда, гуноҳлардан покланиб, салим қалб ила чиқишимзни насиб этгин!
Дунёдаги барча мазлум мусулмон биродарларимиз кейинги йил Рамазонни тинчлик ва офиятда кутиб олишларини насиб қилгин!

https://t.me/Ishqim_Sen

• Бу дунёга маълум бир вақтни ниҳоясига етказиш учун, бизга берилган вазифани бажариш, Аллоҳга бандалик қилиш учун юборилганмиз.
• Бизга берилган ва биз масъул бўлган нарсаларгагина эгалик қилишимиз мумкин.
• Керагидан ортиғини исташ кераклисини йўқотиш демак.
• Дунёдан қанча олсак, дунё ҳам биздан шунчасини олади.
• Бу дунёга эгалик қилиш учун эмас, бу дунёга шоҳид бўлиш учун юборилдик.
• «Бизники» деганларимиз бизники эмас, ҳатто ўзимиз ҳам ўзимизники эмасмиз.
• Биргина қалбимиз бор бу дунёга сиғмаган, у ҳам ўзимизники эмас.
• Эҳ, бу қалб, вужудга сиғмаган қалб, дунёга сиғмаган қалб.
• Шундай қалбки, ҳатто ўзига тор, абадий бўлган (Зотга) мақом бўладиган даражада тор.
• Бу қалбга нима эксангиз, дунёда ҳам шуни ўрасиз.
• Бу шундай қалбки, Аллоҳ таолонинг севгисидан бошқа нарсага торлик қилади.
• Дунё савдоси қалбни вайрон қилади.
• Хароб кўнгилга эса Султон (Аллоҳ таоло) меҳмон бўлиб келмайди.
#Дуо
Аллоҳим, кимки мени Сендан чалғитса,
уни мендан чалғитиб,
Ўзингга машғул қилиб қўй!

@Ishqim_Sen

#Жума_фазилати

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам жума кунини зикр қила туриб: «Унда шундай бир вақт борки, мусулмон банда намоз ўқиб турган ҳолида унга мувофиқ келиб, Аллоҳ таолодан бирон нарса сўраса, унга ўшани албатта беради», дедилар ва унинг оз муддат эканини билдириб, қўллари билан ишора қилдилар».

Бухорий ва Муслим ривоят қилишган.

#дуо
Эй Роббим!
Бу фақир қулингни, Ўзингга яна ҳам кўпроқ муҳтож айла.
То фақатгина Ўзингга юзланайин.

Эй Роббим!
Бу фақир қулингни, ўзгалардан тамоман беҳожат айла.
Токи Сендан ўзгага юзланмайин.

Эй Роббим!
Қалбимга муҳаббатингни, Сенга муҳаббат қўйганларнинг муҳаббатини ва Сенга олиб борадиган амалларнинг муҳаббатини жойлагин.
Токи Сендан ўзга нарсанинг муҳаббати қолмасин!
Сенинг лутф-эҳсонинг ва фазлингга жудаям муҳтож ва мунтазирман!

Жума кунининг фазилатларидан мусулмон ахлига инъому эхсон айла.

https://t.me/Ishqim_Sen

#Дуо

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам шундай деб дуо қилардилар: «Аллоҳумма, аслиҳ лий дийний, аллазий ҳува ъисмату амрий. Ва аслиҳ лий дунйаайаа, аллатии фииҳаа маъааший. Ва аслиҳ лий аахиротий, аллатии фииҳаа маъаадий. Важъалил ҳайаата зиядатан лий фии кулли хойр. Важъалил мавта роҳатан лий мин кулли шарр».

Имом Муслим ривоят қилган.

* Маъноси: «Аллоҳим! Борлиғимнинг негизи бўлган динимни ислоҳ қилгин. Тирикчилигим бўлган дунёимни ислоҳ қилгин. Қайтар жойим бўлган охиратимни ислоҳ қилгин. Ҳаётни мен учун барча яхшиликларнинг зиёда бўлишига сабаб қилгин, ўлимни эса мен учун барча ёмонликлардан халос қилувчи роҳат қилгин».

https://t.me/Ishqim_Sen

#Дуо

Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам шундай дер эдилар: «Аллоҳумма аслиҳ лий динияллазий ҳува ъисмату амри ва аслиҳ лий дунйаяллатий фийҳаа маъаший ва аслиҳ лий ахиротияллати фийҳаа маъадий, важъалил ҳаята зиядаталлий мин кулли хойрин, важаълил мавта роҳаталлий мин кулли шаррин».

Имом Муслим ривоят қилган.

Дуонинг маъноси: Аллоҳим, (дунё ва охират) ишимни муҳофаза қилувчи динимни ислоҳ қил. Тирикчилигим асоси бўлган дунёимни ислоҳ қил. Қайтажак бўлган охиратимни ислоҳ қил. Ҳаётимни ҳар бир яхшилик учун зиёда қилиб бер. Ўлимимни ҳар бир ёмонликдан роҳат қил.

@Ishqim_Sen

#Дуо

Алҳамдулиллаҳ, вассолату вассаламу ъала росулиллаҳ!
Аллоҳим бугунги кунимизни барчамиз учун хайрли ва барокатли қилгин. Жамики мўмин мусулмонларга дуоларини ижобат этгин. Ота-оналаримизни соғ-саломат қилгин. Беморларимизга кетидан ҳеч қандай дард қолдирмайдиган шифо-и комил ато этгин. Фарзандларимизни кўзларимиз қувончи қилгин. Фарзандсизларга солиҳ зурриёдлар ато этгин. Қарздорларга нажот бергин. Ғамгинларни ғуссаларини аритгин. Маҳзунларни шод этгин. Камбағалларини Ўз фазлинг билан бойитгин. Бойларига инсоф бергин. Мусофирларини муқим қилгин. Очларини тўйдир. Ташналарини қондир. Барча барчамизга яхшиликларингни баракаси билан мўл-кўл қилиб бергин! Илоҳо Амин! Амиинь! Амиинь!🤲

Ассалому алейкум ва рохматуллохи ва барокатуху

@Ishqim_Sen

#дуо
Бугун Аллоҳ Ўзининг кўп пайғамбарларига нажот берган, бандаларини ёрлақаган кундир.
Я Роббимиз Мусо қавмига нажот берганинг каби бизларга ҳам нажот бер🤲
Нуҳ қавмини ёрлақаганингдек бизларни ҳам Ер ва осмон балоларидан асра🤲
Иброҳим алайҳиссаломни Намруд оловидан асраганингдек бизларни дўзах оташларидан сақла🤲
Юнус алайҳиссаломни қоронғуликдан чиқарганингдек, бизларни гуноҳларимиз ортидан келадиган қийинчиликлардан паноҳингда асра🤲
Юсуф алайҳиссаломни қудуқ тубидан чиқарганингдек бизларни ҳам ғам ва қайғуларимизни кетказиб енгилликлар ато эт🤲
Айюб алайҳиссаломга шифо берганингдек барча беморларимизга шифо бер, Эй Меҳрибонларнинг Меҳрибони, Суяниладиганларнинг ишончлиси Энг Яхши Вакил🤲🤲🤲

@Ishqim_Sen

🥀🥀🥀 🤲

Эй Аллоҳим, мен Сендан Сенинг муҳаббатингни ва Сени яхши кўрганларнинг муҳаббатини
ҳамда Сенинг муҳаббатингга етказадиган амални сўрайман. Аллоҳим, менга Ўзингнинг
муҳаббатингни нафсимдан, аҳлимдан ва муздек сувдан ҳам суюмлироқ қилгин (Имом Термизий ривояти).

#дуо_ибодатдир

@Ishqim_Sen

Ассалому алайкум ва раҳматуллоҳи ва барoкaтуҳу
#дуо
Аллоҳим,кунимизни ғамлардан холи қил,илм билан бизни беҳожат эт.
ҳилм билан безат,тақво билан мукаррам,
офият ила гўзал қил!
Бизни нима учун яратган бўлсанг, ўша билан машғул қил!
Биз учун яратиб қўйганларинг билан овора қилиб қўйма!
Модомики Сенга тавба қиларканмиз, азобингга гирифтор этма!
Аллоҳим! Сендан саломатлик, ризқ, сабр, хотиржамлик, куч-қувват, ҳидоят, тақво, ибодат, илм, давлат, нажот, мадад, ёрдам сўрайман.

Ўзинг йўл кўрсат, қўлимдан тут, ёрлақагин, мағфират қил. Раҳматингдан умидворман, раҳм қилгин, тавбаларимни қабул эт!

Аллоҳим, ҳасадчиларнинг ҳасадидан, фақирликдан, қарз остида қолишдан, шайтон васвасасидан, Сенга гуноҳкор бўлишдан Ўзингдан паноҳ сўрайман!

Аминь ё Роббал ъаламийн!

Қўлингиздан келган нарсани ўзгартиринг.
Ўзгартириш қўлингиздан келмайдиганлари учун сабр қилинг.
Ҳаётингизда учта меҳмон ваъдалашмай ҳам келаверади.

Ризқ;
Муҳаббат;
Бахт...

Илоҳим шу уч меҳмон уйингизни ҳеч қачон тарк этмасин!

@Ishqim_Sen

#Ҳожат_намози
#Дуо

Расулуллоҳ саллаллоҳу алайҳи васаллам дедилар: “Кимнинг Аллоҳ таолодан тилайдиган ёки Одам болаларининг биридан сўрайдиган ҳожати бўлса, чиройли тарзда таҳорат қилсин, сўнгра икки ракъат намоз ўқисин, сўнгра Аллоҳ таолога ҳамду сано ва Пайғамбар алайҳиссаломга салавот айтсин. Ундан кейин ушбу дуони ўқисин:
Ҳалим ва Карамли бўлган зот Аллоҳдан ўзга илоҳ йўқ. Буюк Арш Роббиси бўлмиш Аллоҳ барча нуқсонлардан покдир. Оламларнинг роббиси бўлган Аллоҳга ҳамдлар бўлсин. Эй, Аллоҳ! Сендан раҳматингни вожиб қиладиган нарсаларни, мағфиратингга қатъий эриштирадиган нарсаларни, ҳар бир савобли нарсадан насибани ва ҳар қандай гуноҳдан омонликни сўрайман. Менинг бирорта ҳам гуноҳимни қолдирмай мағфират қил, бирорта ташвишимни қолдирмай кушойиш бер, Сен рози бўладиган ҳеч бир ҳожатимни қолдирмай ато эт, эй Раҳмлиларнинг раҳмлиси!

@Ishqim_Sen