وفي الاخير حبيت نقولكم بلي قع هذا التعب باش يجي نهار وتكون عندي لافتة كيما هذي فيها اسمي❤️باذنه تعالى
اقراو برك اقراو وماتخمموش بزاف في المستقبل
اقرا ونت تبكي اقرا ونت تضحك اقرا ونت مقلق اقرا ونت مجروح من كاش حاجة ميهمش
المهم تقرا 💕كل شي يفوت غير هذوك الاوقات لي تضيعهم ونت مقريتش فيهم
للولاد هذوك الاوقات لي خرجتو فيهم برا مع صحابكم غير تقصرو و تحكو على الناس وتضيعو الوقت ولا الوقت لي كنتو ديروه غير لليماتش و قايمز
للبنات هذوك الاوقات لي خرجتو فيهم مع صحاباتكم خرجات وتصوير وقع وعراس وافراح و قع
منيش نقولكم متريحوش بصح بصراحة تامة تقدرو بزاف حوايج تتخلاو عليهم في هذو الشهرين علاجال مستقبلكم كامل❤️
نت اذا كنت ترقد 13ساعة في المهار يعني متقدرش تولي ترقد غير 7سوايع مثلا علاجال حلمك؟
اذا كان عندك 3 ماتش في السمانة متقدرش تتخلى على زوج وتخلي واحد برك على جال حلمك ومستقبلك؟
اذا عندك عرس اختي الكريمة🙂متقدريش تتخلاي عليه على جال مستقبلك؟✨
بالمختصر:متحرموش رواحكم من الحوايج لي تحبوهم علاجال الباك بصح تقدرو تنحو شويا علاجال مستقبلكم

خربشات ليلية

مينداك كامل نحسو بفترة فراغ، معلباليش واش حاب و معلباليش واش لازم ندير و لا وين راني و و
او بالأحرى علبالي بصح مش قادر، علبالي لازم نقرا بصح مش نافحتلي مورالمو و مش قادر نفسيا اني نكون انتاجي
هاد الفترة و لا هاد الانطفاء لي هو حاجة طبيعية عند الجميع، خصك تعيشها شرط انو ماتطولش فيها و تولي نمط حياة
تعبت ؟ ارتاح
مش تضغط على نفسك و تجبر نفسك انك تدير حاجة مش حابها و مش قادر عليها
اوكي انا ديما نقولكم لازم تسعى في كل الاحوال، ايه مزال نقولها. بصح كاين حالات وين لالا، صحتك قبل أهدافك

هدي تعلمتها عام لي فات وين في آخر السنة كنت نفوت امتحانين فالاسبوع، الأحد و الأربعاء
يعني المادة عندي في يدي يومين او ثلاثة نقراها كامل و نحفظها و نفهمها و نروح نمتحن فيها
هبال ملخر
وليت روبو، نقرا 🔄 نخدم . رقاد توحشتو
كي كملت امتحانات و رجعت للدار عشا العيد الكبير ليساغن لي عندي تقول باندا، بشرتي في حالة بالحبوب و آثارها بسبب ستراس و نظام الاكل المقود لي نتبعو كي نتضغط نولي ناكل برك، وزني زاد، وجهي شحب

اهيه مبعد واش ربحت ؟ طلعت العام مثلي مثل غيري و أدركت انو مكانتش تستاهل هاد تضحيات كامل

اول هدف حطيتو هاد العام هو ان اولويتي صحتي الجسدية و النفسية سورثو، لي اهملتها جداااا في سنوات مضت
درك نقرا براحتي، حتى لو مش محضرة عادي متوكلة على ربي سبحانو و علبالي رايح يوفقني. نسعى مش مانسعاش بصح بكل أريحية. مانقلق روحي مانضغط روحي

اقراو بالراحة، متديروش ضغط لأنفسكم. ااا مزال ماكملتش، ااا مانوصلش، ااا خايف يجي صعيب، ااا درس هدا صعيب، ااا معرف واش
حط خطة واضحة و تبعها، مايهمش اذا راك روطار مهم راك تسعى
مايهمش اذا ماقريتش مليح في بداية السنة مهم درك تقرا مليح
ماتديرش ستراس لروحك بلا والو

نشفا كي كنت حرة كامل ناس كملت برنامج و انا نقرا براحتي فيه (كنت بديت مراجعة نهائية قبل ما نكمل برنامج، يعني نوعا ما اني متقدمة و لكن بطريقتي)
و ستنيت استاذتي لي اعتمدت عليهم طول العام حتى دارو الوحدات الأخيرة، نشفى الأستاذة كتفي كانت آخر وحدة تدير التركيب الضوئي حتى دارتو في افريل وقيل و لا قريب يخلص افريل و هكك ستنيتها و عزمت غير عليها
خاطر في راسي دايرة خطة اني نبقى نراجع حتى تديرو هي و نقراه عليها لانو اخترتها نعتمد عليها طول العام، ماهمنيش فالناس لي سبقتني و ما قارنت روحي بحتى واحد، مشيت بواش انا مقتنعة بيه


مهم هدرة شوية مخلطة و شوية عشوائية. إن شاء الله فهمتو المفيد منها 😂

هدا كلامي و انا طالبة بكالوريا حرة في هاد الوقت، افريل 2023 🥹
كانت عندي قناة و نقراو مع بعض و قاع، نشارك واش انا راني ندير دون أن ابخل عليهم بشيء، ملخصاتي و برامجي لي نتبعها كامل نحطها ❤️

كامل حسينا بالخوف، بصح كاين فينا لي تجاهلو و كمل و كاين لي تغلب عليه و فشل

🌸To-Do List : Day 19
🌍 جغرافيا :
▫️حفظ درس : المبادلات و التنقلات حول العالم (الجزء2)
▫️حفظ 5 مصطلحات
🧬علوم:
▫️حل 3 تمارين استرجاع معارف حول الانزيمات (كتابة النصوص العلمية شيء مهم جدااااااا)
▫️مراجعة ملخص الانزيمات و عمل مخطط شامل للوحدة
📉رياضيات :
▫️حل دالة اسية و دالة لوغاريتمية
▫️حل 2 تمارين متتاليات

في يدكم منا للعصر اذا كملتوهم نزيدكم شوية مهام باه نتقدمو 💪🏻🔥

متابعة للصفحة ليصلكم كل جديد، قوائم المهام منذ بداية التحدي، الملخصات جميعا، كل شيء منظم و مرتب على صفحاتي 💕

https://www.facebook.com/share/1CtyohH975/

https://www.instagram.com/dr_smileena?igsh=ZGVyNnVwMXAweHps

صوتولها هنا من فضلكم باه تربح مقالات🥹

كنت عند الطبيب و نسمع فانتقادات الشعب 🤣
طبيب لي يطول مع المرييييض مش مليح و يزيد عليها و و
طبيب لي مايطولش مع المريييض مش مليح و يليكيدي برك و مايحشمش و و و
يخلص 200 الف بزااف عليه على جال شوفة تاع عشر دقايق
وحدة تحكي مع لوخرا على حفافة و صبغت شعرها ب800 الف و لا معرف و كي وصلت للطبيب جاتها غالية 🙂

تبانلي نبطلو الخدمة 🙂 ولاو يداوو في بعضاهم هنا، تشخيص و خطة علاج و بالأدلة و الشواهد
وحدة تعلم فلوخرا فالحجامة هكدا بالهدرة و تقولها دير و دير و حط كأس و شعل جورنال و و

كي نقولو شعب جاهل و غير مثقف متقدرش تناقشو يقولو علينا متكبرين😃

انا مزالي نقرا و بطلت مانناقشش 🙂، اتهرد خويا نوريلك الصح وين اقتنع و لا اخبط راسك

تسهرو معايا ؟ درك نجي من 18 إلى اجل غير محدد. عندي كونطرول غدوة 😃💪🏻

كاين هنا من الجماعة لي راهي تتبع فالبرنامج و قوائم المهام لي راني نحط يوميا ؟
كملتو قائمة لي حطيت صباح؟ اذا كملتوها نزيدكم قائمة نسهرو بيها باه نافونصيو مليح

و اذا مكاش اصلا لي يتبع هنا منزيدش نكسر راسي نحط 😃

هيا ادخلو نقراو مع بعض 💪🏻🔥

جماعة لقيت وحد تمرين شاامل في الكهرباء ننصحكم بيه فيه كلش تقدرو تحلوه غير هوا للمراجعة

جمعت اهم حيل اللغة الانجليزية ان شاء الله يفيدكم

عندكم زوج فيديوهات تع منصوري هايلين فييهم الحيل يااجدك تجاوب بلا متفهم دارهم في ليلة الرعد شوفهم باش ضعيف بزاف يقدر يحلق فوق 10 وصح وش درلهم كامل طاحلهم في باك 2025 شغل انا زعما نعرف انجلي وكذا علمني صوالح منعرفهم وشفتو ذوك القواعد يلي دارهم اكتبوهم كامل راهم ملخصين
https://www.youtube.com/live/X-nj6G84VvI?si=6YwIftzuB45fZzCR1h

https://www.youtube.com/live/OVuz5ZM5ofI?si=5WbO6jZyDfRIAApz1h


وهنا عندكم ذا الفيديو شااامل للخباشين باش يكملو كامل القواعد 3سوايع
https://youtu.be/PH3dyDCPVKU?si=SVchLItSAWpKSgoX 3h

منهجية كتابة الفقرات واسرارها
https://youtube.com/playlist?list=PLgmqcOObHGRzdDHbosljM-bYPL6oxcaMG&si=7vpIETwzAjHsx_gZ 1h

وحدة الاخلاق في العمل
فيه المصطلحات الافكار والقواعد تع فصل الاول الاهم تقدرو تتفرجو غير الملخص تع الوحدة 1h https://youtu.be/OblL4diyZxI?si=V9zW3zsi7D8WOfmm
وحدة السلامة اولا 1h
https://youtu.be/XYB4p4H3N1c?si=O_D1tezO3qKlqQpZ


وحدة Astronomy 30min
https://youtube.com/playlist?list=PLgmqcOObHGRwQkLWWxEkaA8i1fpiu4UnV&si=N8EwuMntYIyYTGlO

جميع الفقرات يلي تحتاجوهم ادو الافكار وتعلمو كيفاه تربطو بينهم

https://youtube.com/playlist?list=PLVDGXW4hA4PkJurYC-5VjzVsCc3TAiObY&si=Nd-ziqtWIZyxvMvZ


وزيد تروحو للباك بلا مراكم حالين مواضيع ومدربين كأنكم مدرتو والو بلايليست تع جيار مليحة تستفادو وشوفو كيفاه يحل
https://youtube.com/playlist?list=PLD3-it5-ZXDTkAEo_OvV0i3xA02TMSFzb&si=Aczucqx3gAkalE6C

تقدرو تروحو غير بزوج وحدات بصح متعرفو تقدرو ذيك الوحدة يلي متمكنين منها متفهموش سوجي لذا احسن متريسكوش كيما العام يلي فات سوجي 1جاهم صعييب