غبت شوية بزاف
هيا خلولي أسئلتكم هنا و مشاكلكم
نجاوب و اساعد على حلها 🫶🏻

احكيلنا عل اجتماعيات ☹️☹️

اجتماعيات بصراحة محفظتهاش و جبت فيها 11
بصح عام لول ماحفظتش و جبت 15
الفرق اني على الاقل كنت نقرا و نفهم و مينداك نحكم الكتاب نحفظ
حتى لو مش حفظ حرفي بصح علبالي واش فيها
انا ساعدني بورنان، كتاب تاعو منظم و في شكل نقاط جاتني سهلة نشفا عليها
الشخصيات كنت نحفظ تعاريف مشتركة و كل شخصية نزيدلها واش يميزها
تواريخ كيف كيف نربطهم ببعض و نخلق علاقة بيناتهم
المنهجية هي الصح، كان عندنا استاذ يدير دورات مراجعة كنت ديما نحضر عندو. شوفوه فاليوتيوب : الأستاذ بوالجاج خالد
منهجية تاعو روعة و يخليك تجاوب حتى و انت مش حافظ صح صح، تعرف وين ام يروحو النقاط و تعرف واش لازم تحط و كيفاه تقدر تبلعط الأستاذ و تدي نقطة

معنديش تجربة تستحق الذكر بصح هاد نصائح كي طبقتهم جبت 15 فيها و انا مش حافظة صح صح (عام ثاني حتى قريتها عشر ايام قبل امتحان تسما اهملتها كليا و جبت 11 بقدرة قادر😂😂)

انجليزية عافاك 😔

دارنا كون مانجيبش مليح يحاوزوني 🤌🏻💔

نوضي تخبشي باه ماتتحاوزيش 🔥
كل ساعة و نص راحة ربع ساعة

علبالكم شحال فالشهر اليوم و لا نفكركم ؟ 18 افريل
بقا اقل من شهرين للباك
واش راك دير درك ؟ تتفرج و لا راقد و لا خرجت تدور برا ؟
مراهش وقت الراحة، هدا وقت لي تزير روحك فيه. متقوليش منقدرش و لا صايي راني روطار
لي يبدا اليوم خير من لي يبدا سمانة جاية
و لي بدا نهار جيتكم قتلكم تحدي من الصفر خير من لي بقا يتكاسل و يشوف فيها صعيبة. حرفيا لي بداو معاي و قاعدين يبعتولي تقدمهم ابهروني، قريب يكملو كلش، كان خاصهم برك خطة يمشو عليها

نوضو حبسو التكاسل تاعكم هدا
نهار حطيت بلي كنا نديرو تحديات 15 ساعة غاشي كامل تحمس ليهم و يستنا وقتاه نبداهم
كي جيت نقرا لقيت و لا واحد عندو عزيمة يتحداني و يقرا معاي، بطلت محطيتهمش

درك اني رجعت نحط خاطر علبالي كاين ناس حابة تقرا و خصها رفيق طريق برك و انا عن نفسي خصني نقرا و نحب أجواء الدراسة مع بعض

لي يقرا معايا يا مراحب ❤️
لي مايقراش و مبعد يجي يشكي يخبي شكاويه لنفسه، من سبتمبر و حنا نقولو اقراو او تندمو. مزالكم فرصة ماتضيعوهاش.
ما على الرسول الا البلاغ 🫶🏻

راح نعاودها ابتداء من غدوة بإذن الله، لعشية نحطلكم برنامج تاع غدوة
اليوم تاني نقراو بصح صاي فات الوقت باه نديرو عدد ساعات فوق 10 و 12 ساعة

+ جواب للناس لي تخمم اذا توصل او لا
لكان تبدا عندك احتمالين يا توصل يا لا
لكان متبداش عندك احتمال واحد، ماتوصلش

+ السعي علينا و التوفيق من ربي سبحانو، كيما قادر تقرا كلش من اوث لجوان و تكمل و تراجع و و بصح ربي مايكتبلكش تدي
قادر تاني تبدا روطار و تدير لي عليك و ربي يسهلك و يكتبلك تدي

خذوا بالاسباب و خليكم من التفكير فالنتيجة


هيا نوضو تقراو، راح ثريسيثي تاع الهم و خرجلي المييت و طاحت باطري ، غير يرجع نعاود ندخل معاكم فيه 🫶🏻

هدا وش حبيت نهدر
تحبوا نبداو في هدا التحدي ؟

برنامج مراجعة اللغة العربية (للشعب العلمية) - 7 أيام:

اليوم الأول: الشعر التعليمي وتقنيات النص
• الشعر التعليمي: خصائصه وأهم رواده.
• تقنية التلخيص: كيفاش تلخص نص بأسلوبك الخاص.
• الحقل الدلالي / الإيحاء: معرفة دلالات الكلمات.
• الاتساق والانسجام: الروابط المنطقية واللغوية في النص.
اليوم الثاني: أدب المهجر وقواعد الإعراب (1):

• شعر المهجر: الرابطة القلمية وخصائصها.
• تقنية النثر: تحويل الأبيات الشعرية إلى فقرة نثرية.
• الأنماط والقيم: تحديد نمط النص والقيم الموجودة فيه.
• إعراب الخبر وأنواعه: (مفرد، جملة، شبه جملة).
• إعراب الفعل المتعدي إلى أكثر من مفعول.
اليوم الثالث: الالتزام والقضايا السياسية:

• ظاهرة الالتزام: تعريفها وخصائصها.
• القضايا: الثورة الجزائرية + القضية الفلسطينية.
• النزعات والعواطف: تحديد نوع النزعة (وطنية، قومية...) والعاطفة المسيطرة.
• قواعد: البدل وعطف البيان.
اليوم الرابع: النثر العلمي وقواعد (إذ، إذا...):

• النثر العلمي / المتأدب: الفرق بينهما وخصائص كل واحد.
• هدف الكاتب وشخصية الأديب: كيفاش تستخرجهم من النص.
• الذاتية والموضوعية: هل الكاتب محايد أم لا؟
• قواعد: إعراب (إذ - إذا - حينئذ).
اليوم الخامس: المقال والتوابع
• المقال: أنواعه، مراحل تطوره، وخصائصه:

• الأفكار: استخراج الفكرة العامة والأفكار الأساسية.
• العلاقة بين الفقرات: كيفاش تربط بين فكرة وفكرة.
• قواعد: الحال والتمييز + إعراب (لو - لولا - لوما).
اليوم السادس: البلاغة والجمل:

• إعراب الجمل: الجمل التي لها محل من الإعراب والتي لا محل لها.
• الصور البيانية: التشبيه، الاستعارة، الكناية، والمجاز.
• الوحدة: (وحدة البيت، الوحدة العضوية، الوحدة الموضوعية).
اليوم السابع: الأساليب والمراجعة النهائية:

• الأساليب: الخبري والإنشائي وغرضهما البلاغي.
• المحسنات البديعية: السجع، الطباق، الجناس... إلخ.
• مراجعة خفيفة: إلقاء نظرة شاملة على كامل البرنامج.
هذا برنامج هايل لي راهو متاخر عن مراجعة اللغة عربية و تريدو تلقاو عندي ملخصات و مواضيع و فيديوهات تعاونكم


https://t.me/studywithkhoulouda

توضيح:أنا هاد تحدي خدمت بيه شخصيا عام لي فات و حبيت نحطوا بسك راني ندير تحديات فمواد ادبية معلاباليش إذا داروهولكم من قبل ولا شكون داروا و زيد كاين لي ميعرفوش تحدي حطيتو باش تعم الفائدة+ نيتي مراهيش تقليد أصلا

خاوتي لي راهم يسقسيوني ولا يبعتوا ف شات قناة منقدرش نرد عليكم ابعتولي ف بريفي 🥲

#رسميا
سحب استدعاءات البكالوريا:
المتوسط ابتداء من 19 أفريل
البكالوريا ابتداء من 07 ماي